ئه‌ڤرۆ نیوز: ڤه‌ده‌ر ره‌شاڤایی:
رێكخستییا تیرۆرییا داعش ئاشكرا كر كو وان فرۆكا رووسی برێیا بۆمبه‌كێ كو ژ بۆتله‌كێ سۆدایێ چێكربوو ل سینایێ په‌قاندبوو و ئێخستبوو خار.
داعش د كۆڤارا خوه یا بناڤێ (دابق) ئه‌ڤ یه‌كه نیشان دایه، كو تێدا بۆتله‌كێ سۆدا (Schweppes Gold ) و ته‌قینه‌ره‌ك و سویچێ په‌قاندنێ دیار دكه‌ن.
داعش خویاكرییه ژی كو وان لبه‌ر بوو فرۆكه‌كا وه‌لاته‌كێ هه‌ڤپه‌یمانیێ ب په‌قینن لێ ژ نشكه‌كێ ڤه رووسیا ژی هێرشێن ئاسمانی لسه‌ر وان كرن له‌ورا وان رووسیا كره ئارمانج.
هێشتا چ ئالیه‌كێ رووسی ئه‌ڤ یه‌ك پشتراست نه‌كرییه.
ل 31 مه‌ها بۆری فرۆكا مێترۆجێت یا رووسی دا ل هنداڤ سینا ل مسرێ كه‌فته خار و 224 سه‌رنشینێن تێدا گیانێ خوه ژ ده‌ست دا، پشتی ڤه‌كۆلینان رووسیا ژی پشتراستكر كو وان شوونوارێن ته‌قه‌مه‌نێ ل ناڤ به‌رمایكێن فرۆكێ دیتینه.
نيشاندان