ئه‌ڤرۆ نيوز:

ئەگەرێن مرۆڤی پال ددەن بۆ ب کارئینانا دەرمانێن بێھوشکەر:
• نەزانینا مەترسیێن ب کارئینانا وان.
• بێھێزیا پەیوەندیێن جڤاکی و پەروەردەکرنا جڤاکی یا نەساخلەم.
• ژێکڤەقەتیانا خێزانێ.
• ھەژاری و نەزانینا خواندنێ و فێرکرنێ.
• دوورکەتنا دایبابان ژ زارۆیان و نەبوونا چاڤدێری و زێرەڤانیێ ل سەر وان.
• بەتالی و ھەبوونا ڤالاتیێ دژیانێ دا.
نیشانێن کەسێ ئیدمان ھەی:
• گوھۆرینا ئێکسەر د شێوازێ ژیانێ دا وەکو دوورکەتنێ ژ کاری و ڤەبرین ژ خواندنێ.
• ھاتنەخواران ئاستێ خواندنێ و کێمبوونا بەرھەمێ کاری.
• دەرکەتن ژ مال بۆ دەمێن درێژ و ب شەڤ درەنگ قەستا مال دکەت.
• تێکچوونا گێولی و نەگرنگیدان ب کەسایەتیا خوە.
• تورەبوون ژ رەفتارێن بچووک.
• ھەموو رەفتارێن وی ب شێوەیەکێ نھێنی دھێنە کرن.
• حەز ژ بەرپرسیاتیێ ناکەت و داخوازا گەلەک پارەیان دکەت.
• حەزدکەت پتریا دەمی دھزران دابیت و یێ ب تنێ بیت.
• کێمبوونا سەنگێ وی ژ ئەنجامێ نەمانا حەزا خوارنێ.

ئه‌ڤرۆ نيوز:

رۆژناما دەیلی میل یا بریتان ژ زار دەڤێ ھندەک تایبەتمەندان ئاماژە دایە ھندەک خوارنان کو کریارا پیراتیا مرۆڤی ب لەز دئێخن، کو ئەو خورانن یێن تژی روون و شەکر کو ھەودانان د لەشی دا زێدە دکەن و باندۆری ل پیستی دکەن.
شارەزا دبێژن کو ئاستێ شەکرێ یێ بلند جۆرێ کولاجینی یێ د ناڤ لەشی دا دگوھۆریت و پتر پش دکەت، ھەروەسا زیانێ ل پرۆتینی دکەت کو دبیتە ئەگەر زوو قورمچین دیار بیت.
ڤەخوارنێن کافیین وەکو قەھوێ، دبیتە ئەگەر خوویێن کانزایی و ئاڤا لەش پێدڤی ژ دەست بدەت، کو باندۆرێ ل گەنجاتیا پیستی دکەت. ئەو شوربێن ب لەز دھێنە حازر کرن و زەرزەواتێ بەستیگرتی رێژەکا بلندا سودیۆمی تێدا ھەیە کو زیانێ ل شانان دکەت وەکو تایبەتمەند دبێژن.
بۆ بەرھنگاریا نیشانێن ب ناڤسال ڤەچوونێ شارەزا شیرەتان دکەن کو فێقی و زەرزەواتی گەلەک بخۆن کو ئەو ناھێلن شانێن لەشی پووژ ببن چونکو ڤیتامین و کەرستە د ناڤ دا ھەنە گەنجاتیێ دپارێزن.
ژ لایێ خوەڤە “ئۆمێگا ٣” ئەوا د ناڤ ماسیا سەلەمون و تونە دا ھەی، دلی دپارێزیت و شیر ھەستیان دپارێزیت.
شارەزا دبێژن خورانێن کێم شەکر وەکو چەرەزان کو روونێن ساخلەم تێدا ھەنە مەترسیا تووشبوونا ب فشارا خوینێ و بلندبوونا کولیسترۆلی کێم دکەت، زێدەباری بەرھنگاریا نیشانێن پیراتیێ.