ئه‌ڤرو نیوز،بارزان مزوورى
د. فارس بریفكانى، ئه‌ندامێ په‌رله‌مانى عێراقێ بو مالپه‌رێ ئه‌ڤرو نیوز دیار كر كو ئه‌ڤرو 17/11/2015 د خاندنێ دووێ دا ژ بودجه‌یا عێراقێ یا سالا 2016 گه‌له‌ك خالێن سه‌ره‌كى هاتن به‌حس كرن ئێك ژ خالێن سه‌ره‌كى ژ بودجه‌یا عێراقێ یا 2016 به‌شێ كوردستانێ ژ 17% كو چ گهورین تێدا نه‌هێته كرن كو هه‌رێم 300 هزار به‌رمیلێن نه‌فتێ ل كه‌ركوك و 250 هزار ژى ل كوردستانێ بهنێریت، بهایێ وان 45 هزار یێ هاتیه هژمارتن مه هه‌ولدان كو چ گهورین تێدا نه‌هێته كرن ،
ناڤبرى دیار كر كو هه‌ر دڤێ خاندنا دووێ دا به‌حسێ بودجه‌یا ده‌رمانێن بو هه‌رێما كوردستانێ دهێت كو وه‌كو سالێن 2014 و 2015 به‌رده‌وام بهێت و نه‌هێته كێمكرن چونكو ئه‌ڤ بودجه پێتڤى ب زێده‌كرنێ یه ،
ناڤبرى گوت : هه‌ر د دڤێ خاندنا دووێ دا هاته داخاز كرن كو بودجه‌یا ئاواره‌یێن عێراقێ ئه‌وێن نها ل كوردستانێ ئاكنجى چ گهورین و ده‌ستكارى تێدا نه‌بیت چونكو 2015 نیڤا بودجا هاتیه ته‌رخان كرن حكومه‌تا عێراقێ ژى برى و نه‌گه‌هشت .
ناڤبرى زێده‌تر گوت كو هه‌ر دڤێ خاندنێ دا هاته داخاز كرن كو بودجه‌كا تایبه‌ت بو ده‌ڤه‌رێن ده‌رڤه‌ى هه‌رێمێ ئه‌وێن ل ده‌ستێن داعش رزگاربوین وه‌كو شه‌نگال و زومار و گه‌له‌ك ده‌ڤه‌رێن دى بهێته ته‌رخانكرن داكو بشێن دوباره ئه‌ڤ ده‌ڤه‌ره بهێته ئاڤاكرن و بێهنا ژیانێ لێ بیت بودجه‌یه‌ك تایبه‌ت بهێته دابین كرن ،
ناڤبرى دوماهیێ گوت ل دوماهیا خاندنا دووێ دا به‌حسێ بودجه‌یا مووسل هاته كرن كو هنده‌ك كه‌س هه‌بون كو بودجه‌یا مووسل بو هنده‌ك پارێزگه‌هێن دى یێن عێراقێ فرێ كه‌ن و گوت: ئه‌م بوینه رێگر مه گوتێ چێنابیت به‌حسێ بودجه‌یا مووسل بێته كرن خه‌تێ سوره چونكو پشتى رزگاركرنا مووسل ئه‌ڤ پارێزگه‌هه پێدڤى ب میزانیه‌كا پتره چونكو مووسل پارێزگه‌هه‌ك مه‌زنه.
نيشاندان