ئەڤرو نیوز، زنار:
فوتو،قیس ویسی:
ژ یاریێن قوناغا شازدێ ژ کاسا عیراقێ نوکە یاریا یانا دھۆک ل گەل نەفت دھێتەکرن ل یاریگەھایانا دھۆک یا وەرزشی.
د نیڤائێکێ دا یانا دھۆک شیا ب رێکا یاریکەرێ خوە خالد مشری شیا گۆلا پێشکەفتنێ تومار بکەت و د نیڤا دویێ دا نەفت شیا گۆلا وەکھەڤیێ ب رێکا عەلی قاسم تومار بکەت و دقیقا ٧٥ ئاماد ئیسماعیل کۆلا دوی بو دھوک تومارکرھێشتا یاری ب ڤی ئەنجامی یا بەردەوامە.
ئه‌ڤرۆ نیوز:
رۆژنامه‌ڤان مراد هه‌سكانى، وێنه‌ك بۆ ئه‌ڤرۆ نیوز هنارتیه و دیاركریه كو ئێكه‌م دوكان ل شنگال هاته ڤه‌كرن.
داعش ل 8 ته‌باخا سالا 2014 شنگال كونترولكربوو، و پتر ژ ساله‌ك و سێ هه‌یڤان مانه تێدا، به‌لێ پێشمه‌رگێن قاره‌مان به‌رى چه‌ند رۆژان شنگال رزگاركر و داعش تووشى شكه‌ستنه‌كا ئێكجار مه‌زن كر و ب سه‌دان داعش كوشتن و یێن ماین هه‌مى بۆ مووسل ره‌ڤین.
ئه‌ڤرۆ نیوز:
ئه‌ڤرو شانده‌كێ ده‌زگایێ سپیرێز یێ چاپ و وه‌شانێ بسه‌روكایه‌تیا موئه‌یه‌د ته‌یب به‌رپرسێ ده‌زگه‌هى، سه‌ره‌دانا رێڤه‌به‌ریا چاكسازیا ئافره‌ت وسنێلان ل دهوكێ كر و چه‌ندین په‌رتوك ونامیلك وگوڤارێن تایبه‌ت ب زاروك وسنێلان ڤه پێشگێشى په‌رتوكخانا چاكسازیێ كرن وپاشى سه‌ره‌دانا هولێن گرتییان و به‌شێن رێڤه‌به‌ریێ كر و خویاكر كو د نهادا پروسێسا چاكسازیێ بره‌نگه‌كێ جوان ب رێڤه دچیت .
تێ زانین په‌رتوكخانه‌كا تایبه‌ت دناڤا چاكسازیێ دا هه‌یه و روژانه گرتى وراگرتیێن ئافره‌ت وسنێله ل دیڤ حه‌زێن خو دشێن په‌رتوكان هه‌لبژێرن ودخوینن.
ئەڤرۆ نیوز، قائید میرۆ:
بەرپرسەکێ بلندێ پارتی دیموکراتی کوردستان دیارکر سێ کادرێن پارتی ژ لایێ میلیشیاتێن شیعە ھاتینە رەڤاندن.
جەعفەر شێخ مستەفا، بەرپرسێ لقا خانەقین یا پارتی دیموکراتی کوردستان بۆ ئەڤرۆ نیوز راگەھاند: “بەری چەند رۆژان سێ کادرێن پارتی دیموکراتی کوردستانێ سەر ب لقێ بەغدا دخواست ڤەگەڕیێنە مالێن خوە، بەلێ ژ لایێ خالەکا پشکنینێ یا حەشد شەعبی ل دیالا ھاتینە دەستەسەرکرن و د بەرھەڤ نینن ئازاد بکەن”.
جەعفەر گۆتژی: “مە پەیوەندی ب حەشد شەعبی کریە، بەلێ د بەرھەڤ نینن ئەڤان سێ کادرێن مە ئازاد بکەن، د دەمەکی دا ئەف سێ کادرێن پارتی ب مەزھەب شیعەنە، لێ ژ بەر کو کادرێن پارتی نە ھاتینە گرتن و بزاڤێن مە بۆ ئازادکرنا کادرێن مە یا بەردەوامە”.
شێلادزێ، رۆژهات لوقمان :
درێوره‌سمه‌كێ دا ب ئاماده‌بۆنا فه‌ریق فارۆق به‌رپرسێ لقێ هه‌ژده یێ پارتی دیموكراتی كوردستان و لیوا خالد سالح ئامێدی به‌رپرسێ راگه‌هاندنا فه‌رماندا گشتی یا زێره‌ڤانی و هژماره‌كا زور یا به‌رپرسێن دام و ده‌زگه‌هێن میری و حزبی و ب ئاماده‌بونا هژماره‌كا زور یا خه‌لكێ ناحیا شێلادزێ و سیریێ ل ناحیا شێلادزێ په‌رده ل سه‌ر وێنێ تابلویا شه‌هیدێ قه‌هره‌مان كازم حسێن رێكانی هاته لادان.
لده‌ستپێكا رێوره‌سمێ دا په‌یڤا ده‌ستپێكێ ژلایێ فه‌ریق فاروق به‌رپرسێ لقێ 18 یێ پارتی و لیوا ئازاد حوێزی و بنه‌مالا شه‌هیدی ڤه هاته خاندن و به‌حسێ مێرخاسی و رولێ شه‌هید كازم حسێن رێكانی هاته كرن د هه‌مو شه‌ران دا.
شه‌هید كازم حسێن رێكانى ل سالا 1970 ل گوندێ بێزه‌ل ل ده‌ڤه‌را رێكان هاتیه سه‌ر دونیایێ و ل سالا 1986 دچیته دناڤ رێكخستنێن پارتی دیموكراتی كوردستان و پاشان ل سالا 1988 ل ده‌مێ ئه‌نفالا ره‌ش ب سه‌ر گه‌لێ كورد دا هاتی شه‌هید كازم رێكانی ئاواره‌ی وه‌لاتێ توركیا بویه,و ل بهارا 1991 پشكداری د ئازادكرنا كوردستانێ دا كریه, ل رێكه‌فتی 8/6/2014 ل میحوه‌رێ شه‌لالات دشه‌ره‌كێ دژوار دا ل چه‌په‌رێن به‌ره‌ڤانیكرنێ دژى داعشێن روی ره‌ش دا دهێـته برینداركرن وئێخسیر دبیت ل بن ده‌ستێ زولما تیرورستێن داعشتێ و ل رێكه‌فتی 30/9/2015 ب شێوه‌كێ هوبانه دهێـته شه‌هید كرن و 9 زاروكان لده‌ڤ خو دهێلیت.
ئەڤرۆنیۆز ،سالار دۆسکی::
پەیڤدارێ دەشتیا گەشتوگوزارێ ل حوکمەتا ھەرێما کوردستانێ دیارکر کر كو وەلاتێ کوێتێ بەرھەڤیا خوە دیارکریە کو چەند کارێن وه‌بەرھێنانێ ل ھەرێما کوردستانێ ئەنجام بدەت.
نادر روستی، پەیڤدارێ دەستەیا گەشتوگوزارێ ل حوکمەتا ھەرێما کوردستانێ بۆ ئەڤرۆ نیۆز گۆت: “سپێده‌هيا ئه‌ڤرۆ رۆژا سێشه‌مبى رێكه‌فتى 17ى چريا دويێ سەرۆکێ دەستەیا گەشتوگوزارێ ل حوکمەتا ھەرێما کوردستانێ پێشوازی ل قونسلێ گشتیێ وەلاتێ کوێتێ ل ھەرێما کوردستانێ کر و د کۆمبوونەکێ دا بەحسێ ھەڤکاری و پتر خورتکرنا پەیوەندیان ھاتەکرن”.
دا زانين ژى كو قونسلێ کوێت ژى بەحسێ ھەفکاری و گوھۆڕینا گەشتیاران د ناڤبەرا کوێت و ھەرێما کوردستانێ دا ھاتەکرن.
رۆستى دا زانين ژى كو قونسلێ گشتیێ کوێتێ سۆز دا کو پتر ھاریکار بن بۆ ئەنجامدانا پرۆژێن وه‌بەرھێنانێ و گەشتیاری ل کوردستانێ.
ئەڤرۆ نیوز، ھەژار مەعروف:
ماوێ چەند رۆژە یاریکەرێ یانا زاخۆ یێ تەپا پێ ئەمیر سەباح ژ باژێرێ بەغدا نە ڤەگەریا و بۆ کارگێریا یانا زاخۆ دیارکری یە ئەو ناڤەگەرێتە زاخۆ ژبەرکو ئەوی ئاریشە یێن خێزانی ھەنە و دەیکا وی توشی نەخوشیەکێ بووی یە ئەو دخوازیت جارەکا دی ب ڤەگەریتە باژێرێ بەغدا ل یانەکا بەغدا یاریێ بکەت.
ژێدەرەکێ نێزیک ژ یانا زاخۆ بۆ ئەڤرۆ نیوز دیارکر یاریکەری داخوازیا دەست بەردانا خوە ژ یانێ کری یە و دخوازیت ڤەگەریتە باژێرێ بەغدا ژبەر دەیکا خوە کو نوکە رەوشا وی نە یا باشە ل دویڤ گوتنا یاریکەرێ ئەوان ئەمیر سەباح و یانا ژی یا دیڤچوونا ڤی بابەتی کەت ل نێزیک دێ بریار ل سەر ھێتە دانێ
ئەڤرۆ نیوز، قائید میرۆ:
بەرپرسەکێ پارتی دیموکراتی کوردستان ئاشکرا کر، پشتی شکەستنا بێجی نوکە داعش ھێزەکا زۆر ئینایە قەزا حەوێجە یا سەر ب پارێزگەھا کەرکووکێ.
ئیسماعیل حەمەد، بەرپرسێ لیژنا ناوچا قەراج یا پارتی دیموکراتی کوردستان بۆ ئەڤرۆ نیوز گۆت: “پشتی شکەستنا چەکدارێن تیرۆرستێن داعش ل دەڤەرا بێجی، نوکە داعش ھێزێن خوە ڤەگوھاستینە بۆ دەڤەرێن سەرب قەزا حەوێجە یا سەر ب پارێزگەھا کەرکووکێ و ھێزەکا زۆرا داعش ل ڤێ دەڤەرێ ھاتیە کۆمکرن، بەلێ نیەتا وان ناھێتە زانین”.
ئیسماعیل گۆتژی: “پشتی ھاتنا ئەڤێ ھێزا زۆرا داعش بۆ حەوێجە، نوکە دەست بلڤینان کریە و د پیلانا ئێكێ دا ل شەڤا بۆری ھێرشی سەر ھێزێن پێشمەرگەی کربوو، بەلێ چو زیان نەبوون، لەوڕا پێشبینی دکەین پتر چالاکیێن خوە ڤەگوھێزێن بۆ سنورێ قەزا حەوێجە.
ئەڤرۆ نیوز، قائید میرۆ:
پشتی تێکچوونا پەیوەندیێن د ناڤبەرا کورد و میلیشیاتێن شیعی دا، پەرلەمانتارێن کورد ل بەغدا نەشێن بچنە دەرڤەی دەڤەرا کەسک.
خۆشەڤی خەلیل، پەرلەمانتارێ پارتی دیموکراتی کوردستان ل جڤاتا نوونه‌رێن عيراقێ بۆ ئەڤرۆ نیوز گۆت: “پشتی تێکچوونا رەوشا قەزا دوزخورماتوو ئەف گەفێن ژ لایێ ھندەک لایەنێن شیعی ل کوردان دھێنەکرن، نوکە پەرلەمانتارێن کورد ل بەغدا ژ ترسا ئەڤان میلیشیاتێن شیعی نەشێن بچنە دەرڤە، ئەڤە ژی وەکو خوەپاراستنێ ل ھەمبه‌ر هه‌ر ھێرشەکێ”.
خەلیل گۆتژی: “ھەتا نوکە چو گەفێن راستەوخۆ ل سەر پەرلەمانتار و نوونەرێن کورد ل بەغدا نەبووینە و حوکمەتێ و دەزگەھێن ئەمنی ژی چو ھوشداری نەداینە مە، بەلێ ئەم زانین حەساسیەتەک پەیدابوویە و ئەم خوە دپارێزین”.
نيشاندان