ئه‌ڤرۆ نيوز:
ژ ئه‌گه‌رێ داخستنا ده‌رگه‌هێن به‌نداڤا رومادى ژ لايێ داعش ڤه و شكاندنا رێيا پشكه‌كا ئاڤا رووبارێ فورات به‌ر ب ده‌رياچه‌يا حه‌بانيێ ڤه، ئاستێ ئاڤێ د وى رووبارى دا ب ته‌مامى هاتيه خوار ب تايبه‌ت ژى ل پارێزگه‌هێن باشوورێ عيراقێ.
به‌رپرسێ ناڤخۆيى ل پارێزگه‌هێن باشوورێ عيراقێ هوشداريا وێ چه‌ندێ دده‌ن كو ب ره‌نگه‌كێ گه‌له‌ك به‌رچاڤ رێژا وێ ئاڤا دگه‌هيت يا ل كێميێ دده‌ت و ئه‌ڤێ چه‌ندێ ژى ب مه‌ترسى ل سه‌ر ژيارا خوه دده‌نه زانين.
ئه‌ڤرۆ نيوز:
• یا ل سەر نەخوشێن شەکرێ ئەوێن حەبێن ئەنسولین ب کاردئینن پێدڤیە سەرەدانا نوشدارێ خۆ یێ تایبەتمەند بکەن و ب شێوەیەکَ بەردەوام زێرەڤانیا ئاستێ شەکرێ دناڤ خوینێ دا بکەن.
• کونترولکرنا رێژا شەکرێ دناڤ خوینێ دا نەبتنێ دێ ب رێکا رێکخستنا خوارنێ و دەرمانان بیت، بەلکو پالپشتیێ ل سەر چالاکیا رۆژانە یا مرۆڤی دکەت، لەورا باشترە نەخوشێ شەکرێ دھەیڤا رەمەزانێ دا یێ بەردەوام بیت ل سەر چالاکیا خۆ و پشتی نیڤرۆیان دشێت بێھنا خۆ ڤەدەت.
• یا پێدڤی یە ل سەر نەخوشێن شەکرێ دھەیڤا رەمەزانێ دا ھەر ل دووڤ ریجێما خۆ یا تایبەت کاربکەن و بلا ھندەک شەکر دگەل وان بیت داکو ل دەمێ ھەست ب کێمبوونا ئاستێ شەکرێ دکەن وەکو وەستیان، گێژبوون، سەرئێشان و خوھدان یان ھەستکرن ب ساربوونێ دکەن و دیتنا وان شێلی دبیت ل وی دەمی وێ شەکرێ ب کاربینن.
• دەربارەی نەخوشێن ئێشا دلی و شەکرێ و گولچیسکان باشترە ( سوسێ) نەڤەخوون ژبەرکو رێژەیەکا بلند یا خوێ و شەکرێ دناڤدا ھەیە.
• ئەو دەرمانێن دھێنە ب کارئینان داکو دەستئاڤا مرۆڤی بھێت، باشترە پشتی فتارێ بخوون و نابیت پشتی پاشیڤێ بھێنە خوارن داکو رۆژیگر ھەست ب تێھنی بوون و ھشکبوونێ نەکەت.
• ئەو نەخوشێن بەرکێن گولچیسکان ھەین، یا باشتر ئەوە دناڤبەرا فتارێ و پاشیڤێ دا گەلەک ئاڤێ ڤەخوون.
ئەڤرۆ نیوز:
د ڤێ جیھانێ دا و ل سەر دەمێ لەزاتیێ، وەستیان و دودلی پارچەکن ژ ژیانا پرانیا خەلکی پارچە نابن. سەرەرای کو وەستیان و کەرخین یێن بووینە نیشانێن بەربەلاڤ کو ھەمی مرۆڤ گازندان ژێ دکەن، ھەکە تە بەردەوام ھەست ب وەستیانێ کر بەس دێ ھزر د بێھنڤەدانێ دا کەی، دبیت تە ئاریشەکا ساخلەمی ھەبیت.
ل دووڤ گۆتنا نۆشداران گەلەک ئاریشێن ساخلەمیێن بنەرەتی یێن ھەین کو گرێدای ھەستکرنا بەردەوام ب وەستیانێ ڤە و یێن ژ ھەمیان بەربەلاڤتر:
کێمبوونا ئاسنێ یان ھەژاریا خوینێ تشتێن ئێکێ نە کو نۆشدار پشکنینێ بۆ دکەت. کێمبوونا ئاسنێ د ناڤ سیستەمێ خوارنێ دا دبیتە ئەگەرێ کەرخینێ. ھەژاریا خوینێ ژی نەخۆشیا ژ ھەمیان بەربەلاڤترە د ناڤ ژن و زەلامان دا وەکو ئێک و پتر یا ل نک کچێن گەنج و ژنان دا یا ھەی ژ بەر عادا ھەیڤانە زێدەباری خوارنەکا کێم کەرستێن ب مفا.
وەستیانا دۆمدرێژ (CFS): ئەڤە نەخۆشیەکا دی یا بەربەلاڤە کو وەدکەت مرۆڤ ھەست بکەت کو یێ بێ تێھن و شیانە. ھەمی دەمان نەخۆش ھەست ب وەستیانێ دکەن سەرەرای کو تێر دنڤیت ژی و تێر بێھنا خوە ڤەددەت، ھندەک ژ ئەگەرێن وێ ژی نەبوونا بەلانسێ ھورمۆنانە کو نەخۆشیەکا ڤایرۆسیە، نزمبوونا بەرھنگاریێ و نەئارامیێ. چارەکرن ژی ژ نەخۆشەکی بۆ یێ دی یا جودایە کو کۆمەکا مەزن یا دەرمان و ڤیتامیناتان بخوەڤە دگریت.
گوھۆرینا ئاستێ شەکرێ د ناڤ خوینێ دا: دبیت نەخۆشێن شەکرێ نیشانێن جودا ھەبن بەلێ ھەمی ھەست وەستیانێ و لاوازبوونێ دکەن. ژ نیشانێن دی ژی ئەوە کو گەلەک جاران قەستا دەستاڤێ دکەن و ھەست ب تێھنیبوونێ دکەن.
ھەستکرن ب خەمۆکیێ و دودلیێ: ئەڤە ژی ھەستکرنا ب وەستیانێ پەیدا دکەت، زێدەباری نیشانێن دی، یێ دودل نەبە و سەرەدانا شارەزایێن ساخلەمیا دەروونی بکە دا دەرمانێن پێدڤی وەرگری.
ئه‌ڤرۆ نيوز:
سه‌رۆك كۆمارێ وه‌لاتێ توركيا گه‌فێن وێ چه‌ندێ دكه‌ت كو ئه‌و ب چو ره‌نگان رازى نابن ده‌وله‌ته‌ك ل باشوورێ وه‌لاتێ وان، باكوورێ سوريا بهێته دامه‌زراندن و مه‌ره‌ما وى ژى پێ ده‌ڤه‌رێن بن ده‌ستێ كوردانن.
ره‌جه‌ب ته‌يب ئه‌ردوگان د چارچۆڤێ به‌رنامێ خوارنا فتارێ يێ هه‌يڤا سۆرا توركى دا گۆت: “ل باكوورێ سوريا، ئانكو باشوورێ مه، رێ ب دامه‌زراندنا چو ده‌وله‌تان ناده‌ين، من دڤێت ئه‌ڤ چه‌نده بهێته زانين و باجا وێ ژى چه‌ند بيت دێ د به‌رده‌وام بين ل سه‌ر به‌رسينگگرتنا وێ”.
ئه‌ڤه د ده‌مه‌كى دايه كو هه‌رسێ كانتۆنێن رۆژئاڤايێ كوردستانێ به‌ر ب ئێكگرتنێ نه و توركيا ترسا وێ چه‌ندێ دكه‌ت كو هێزێن په‌كه‌كێ ل بن سيبه‌را يه‌په‌گێ ده‌وله‌ته‌كێ ب دامه‌زرينن، به‌لێ ئه‌وان ژى ئه‌و چه‌نده پێشتر ره‌تكريه و ئاماژه ب وێ چه‌ندێ كريه كو دامه‌زراندنا ده‌وله‌تا كوردى نه ژ پره‌نسيپێن وانه.
ئەڤرۆ نیۆز، قائید میرۆ:
سەرۆکێ پەرلەمانێ کوردستانێ ئاشکرا کر كو بەرھەڤبوونا سەرکۆنسولێ ئیرانێ د کۆمبوونا پەرلەمانی دا ل سەر داخوازا ئێکەتی نیشتیمانی کوردستان بوویە.
دکتۆر یوسف مەحەمەد، سەرۆکێ پەرلەمانێ کوردستانێ د لاپەڕێ خوە یێ فەیسبووکی دا نڤیسینەک بەلافکریە و تێدا نڤیسیە: “پشکداریا سەرکۆنسولێ کۆمارا ئیسلامیا ئیرانێ د کۆمبوونا پەرلەمانی دا ئەز ژى دلگران کربووم، بەلێ ئەڤە ل سەر داخوازا ئێکەتیێ بوویە و ل سەر بزاڤا گۆڕان نەھژمێرێن.
سەعید مەسیفی، ئەندامێ فڕاکسیۆنا ئێکەتیێ ل پەرلەمانێ کوردستانێ بۆ ئەڤرۆ نیۆز گۆت: “ئەز ئاگەھدار نه‌بوويمه فڕاکسیۆنا مە داخوازا پشکداریا ئیرانێ کربیت، بەلێ مە پێخۆشە نوونەرێن ھەموو وەلاتان پشکداریا کۆمبوونێن پەرلەمانی بکەن”.
ئەڤرۆ نیۆز، چەندین جارا پەیوەندی ب بێگەرد تالەبانی سەرۆکا فڕاکسیۆنا ئێکەتی و دلێر ماوەتی جێگرێ وێ کر، به‌رسڤا په‌يوه‌نديێن مه نه‌هاته دان.
ئەڤرۆ نیوز، زنار تۆڤی:
روانگەها سورى بۆ مافێن مرۆڤی دیارکر کو پشتی بۆ ماوێ دو رۆژان چەکدارێن داعشێ شیاین بچنە د ناڤ کوبانێ دا و چەندین خەلکێن سڤیل کوشتین و تاوان ئەنجام داين، شەرڤان شيان ب دژواری بەرامبەر هێرشا داعش راوەستن و ئەڤرۆ ب تەمامی كاودان كونترۆل كرن و شيان دربه‌كێ مه‌زن ل داعش ب ده‌ن و داعش ژ كۆبانێ پاقژ بكه‌ن.
ئاماژه ب وێ چه‌ندێ ژى كريه كو شەرڤان شیاینە نەخۆشخانا مشتەنورێ ب سەر داعشان دا ب هەرڤینن و نەهێلن کەس ژ وان داعشان قورتالبن یێن کو د ناڤا وی ئاڤاهی دا و نوکە رەوشا کۆبانێ یا ئارامە.
ئەڤرۆ نیۆز، قائید میرۆ
بڕیاردەرێ لیژنا دارایی و ئابووریا جڤاتا نوونه‌رێن عێراقێ ئاشکراکر، بەھرا ھەرێما کوردستانێ ژ بودجەیا گشتیا عيراقێ بۆ ڤێ ھەیڤێ دێ زۆر کێمتربیت ژ ھەیڤا بۆری.
ئەحمەد حاجی رەشید، بڕیاردەرێ لیژنا دارایی و ئابووریا جڤاتا نوونه‌رێن عێراقێ بۆ ئەڤرۆ نیۆز گۆت: “مە وەکی نوونەرێن کوردان پشتەڤانیا حوکمەتا ھەرێما کوردستانێ کریە ئەگەر کڕیار ھەبن پترۆلێ بۆ خوە بفرۆشن و نوکە ل دەزگەھێن راگەھاندنێ ئەو زانیاری ھەنە پترۆلا ھەرێمێ ب رێیا سۆمۆ ھاتیە راگرتن”.
رەشید گوتژی: “هه‌كه ھەرێما کوردستانێ پترۆلا خوە راگربیت ب رێیا بەغدا، بلا ھەرێم چاڤەڕێی پارەیەکێ زۆر نەکەت ل بەغدا بۆ ڤێ ھەیڤێ و پێشبینی دکەم زۆر کێمتربیت ژ ھەیڤا بۆری”.
ئه‌ڤرۆ نيوز:
جه‌ميل بايك هه‌ڤسه‌رۆكێ كۆما جڤاكێن كوردستانێ KCK د دديداره‌كێ دا ل گه‌ل رۆژناما “الشرق الاوسط” رادگه‌هينيت كو ئه‌وان بۆ باكورێ كوردستانێ ده‌وله‌ت نه‌ڤێت چونكو ده‌وله‌ت دژى ئازاديێن تاكه‌كه‌سى يه، به‌لێ دژى وێ چه‌ندێ نينن هه‌رێما كوردستانێ ببيته ده‌وله‌ت و دێ به‌ره‌ڤانيێ ژێ كه‌ن.
جه‌ميل بايك دبێژيت: “ئه‌و ده‌مێ PKK هاتيه دامه‌زراندن سه‌رده‌مێ دروستبوونا ده‌وله‌تێ بوو، به‌لێ نوكه بۆ دامه‌زراندنا ده‌وله‌تێ خه‌باتێ ناكه‌ن، چونكو وه‌سا دبينين ده‌وله‌ت دژى ئازادى و ديموكراسيا تاكه كه‌سى يه، ئه‌م نوكه د پێناڤى سيسته‌مه‌كێ كۆنفدرالى دا خه‌باتێ دكه‌ين، ژ به‌ر كو ده‌وله‌ت كێشێن مه چاره ناكه‌ت.
دده‌ته زانين ژى كو ئه‌و دژى دروستبوونا ده‌وله‌تا كوردى ل باشوور نينن و دێ پشته‌ڤانيێ ژى لێ كه‌ن و د ئاماده‌نه هه‌ر ده‌ما مه‌ترسيه‌ك ژى ل سه‌ر هه‌بيت به‌ره‌ڤانيێ ژێ بكه‌ن و دبێژيت: “به‌لێ وه‌كو من گۆتى ل باكوورێ كوردستانێ مه دروستكرنا ده‌وله‌تێ نه‌ڤێت”.
نيشاندان