ئەڤرۆ نیۆز، قائید میرۆ:
پەرلەمانتارەکێ پارتی دیموکراتی کوردستان ئاشکراکر، پڕۆسا ئازادکرنا شنگالێ دێ کاریگەری ل سەر ھەڤپەیمانان ھەبیت بۆ پتر ھاریکاریا ھەرێما کوردستانێ.
شوان شێخ ئەحمەد، پەرلەمانتارێ پارتی دیموکراتی کوردستان ب ئەڤرۆ نیۆز راگەھاند” سەرکەفتنا ھێزا پێشمەرگەی ل شنگالێ دێ کاریگەری ھەبیت لسەر پتر پشتەڤانیا ھەڤپەیمانان بۆ ھێزێن پێشمەرگەی ھەتا شەڕێ تیرۆرستان بکەن، رزگارکرنا شنگالێ دەنگڤەدانەکا مەزن ھەبوو لھەموو جیھانێ.
شوانی گۆتژی” بەری نوکەژی سەرۆک بارزانی بزاڤێن زۆر کرینە بۆ ب پارێزگەھبوونا شنگالێ و پشتی ئازادکرنێ ژی دێ ھەموو بزاڤەک بۆ ئاڤاکرنا شنگالێ ھێتەکرن، چونکە بەری نوکەژی چو خزمەتگوزاری بۆ شنگالێ نەھاتینەکرن.

ئه‌ڤرۆ نیوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى  رێكه‌فتى 15ى چريا دويێ 2015  ئه‌سمانێ دهۆكێ دێ ساهى بيت پاشان بۆ هنده‌ك ئه‌ورێن كێم هێته‌ گوهۆڕين و  سپێدێ زوو دێ هنده‌ك تۆزا كێم ژى هێته‌ ديتن.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته‌ پێشبينيكرن ئه‌سمانێ دهۆكێ ساهى بيت پاشان بۆ هنده‌ك ئه‌ورێن كێم هێته‌ گوهۆڕين و  سپێدێ زوو دێ هنده‌ك تۆزا كێم ژى هێته‌ ديتن.

پشكا پێشبينيان دايه‌ زايه‌ زانين كو دێ ئاراستێ باى ژى دێ باشوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كم دا و ماوێ ديتنێ ژى 8 بۆ 10 كم بيت و پلێن گه‌رمێ ژى دێ د ناڤبه‌را 9 بۆ 19 پلان دا بيت.