ئه‌ڤرۆ نیوز:
سكرتێرێ مه‌كته‌با سیاسى یا پارتى دیموكراتى كوردستان راگه‌هاند” ئه‌و ل گه‌ل ئێكه‌تیێ د كومبوونا ئه‌ڤرۆ دا سه‌باره‌ت پرسێن نوكه یێن كوردستانێ رێكنه‌كه‌فتن”.
فازل میرانى ب مالپه‌رێ فه‌رمى یێ حزبا خوه راگه‌هاندیه: د كومبوونا ئه‌ڤرۆ دا ل گه‌ل ئێكه‌تیێ سه‌باره‌ت پرسێن نوكه یێن هه‌رێمێ ئه‌م نه‌گه‌هشتینه رێككه‌فتنێ، به‌لێ ده‌م یێ ل هه‌مبه‌ر مه هه‌ى و حه‌فتیا بهێت دێ هه‌لویستێ خوه راگه‌هینن.
ئه‌ڤرۆ نیۆز، سالار دۆسكى :
سه‌رۆكێ لژنا سوته‌مه‌نیێ و پیشه‌سازى ل جڤاتا پارێزگه‌ها دهۆكێ كبۆ ئه‌ڤرۆ نیۆز ئاشكراكر كو وى په‌یوه‌ندى ب كومپانیا توركى كریه ئه‌وا كو دێ رابیت ب ئینانا پانزینێ بۆ كوردستانێ، ل دووڤ گۆتنێن كومپانیا پانزین ئه‌ڤرۆ ئێڤارى پانزینا ئیماراتى گه‌هشتیه مێرسینێ و هاتیه پشكنینكرن.
عه‌بدوسه‌مه‌د تێــــــــــلى سه‌رۆكێ لژنا سوته‌مه‌نیێ و پیشه‌سازیێ ل جڤاتا پارێزگه‌هێ زێده‌تر بۆ ئه‌ڤرۆ نیۆز گۆت ژى: نوونه‌رێ كومپانییێ ئاگه‌هداركرینه كو پانزین گه‌هشتیه مێرسینێ و هاتیه پشكنینكرن و سوبه رۆژا سیێ شه‌مى دێ ده‌ست ب باركرنێ هێته‌كرن ب تانكه‌ران و ژڤانه رۆژا چارشه‌مبى بگه‌هیته عومباران ل هه‌رێما كوردستانێ و پارێزگه‌ها دهۆكێ و قه‌یرانا پانزینێ نه‌مینت.
هێشتا گۆت: پانزینا دهێت بۆ هه‌موو پارێزگه‌هێن هه‌رێما كوردستانێ یه و ئه‌ڤه ل دووڤ گرێبه‌ستا وه‌زاره‌تا سامانێن سرۆشتى ل حوكمه‌تا هه‌رێما كوردستانێ ئه‌ڤ پانزینه هاتیه كرین.
ئه‌ڤرۆنیۆز، سالار دۆسكى
ژڤانه سوبه په‌رله‌مانێ كوردستانێ خواندنا ئێكێ بۆ چه‌ند پرۆژه قانوونان بكه‌ت كو گرێداینه ب راستڤه‌كرنا سه‌رۆكاتیا هه‌رێما كوردستانێ، پێشبینى به‌ر ب هندێ دچن كو كومبوون ب ئالوزى ده‌ست پێ بكه‌ت و ب هه‌مان شێوه ب دووماهى بهێت، ڤێ چه‌ندێ تورێن جڤاكیێن فێسبووكى بێ ده‌نگ نه‌كرینه.
زێره‌ڤان به‌روارى مامۆستایێ زانكۆیێ هه‌مبه‌ر كاودانێن نوكه‌یێن هه‌رێمێ، دپ ه‌یچێ خوه‌یێ تایبه‌تێ فێسبووكى دا گۆتیه، سیاسه‌تكرن ل هه‌ریما كوردستانى جهێ سه‌رسورمانێ یه كو مزایدى بوینه میكانیزما سه‌ره‌كى بۆ ئاراسته‌كرن و دروستكرنا بریارا سیاسى.
ئاماژه كریه وێ چه‌ندێ ژى كو خزمه‌تكرن ل وارێ ئابوورى و رزگاركرنا كومه‌لكه‌هى كوردى ژ مه‌ترسیین ئابوورى وئه‌منى گرنكترن ژ ناكوكیا حزبى ل سه‌ر پوستێن سیاسى، ئه‌زموونا كوردى د قوناغه‌كا هیستیری دا د بوریت ژ به‌ر نه به‌لانسا سیاسى و كاركرن ل ژێر كارتیكرنا ده‌ركى دا.
ئه‌ڤرو نیوز،بارزان مزوورى
پێشه‌نگ به‌درخان محه‌مه‌د سه‌لیم، به‌رپرسێ پشكا هاتنوچونا قه‌زا شێخان بو مالپه‌رێ ئه‌ڤرو نیوز ئاشكرا كر كو ئه‌ڤرو ده‌مژمێر 6 مه‌غره‌ب 22/6/2015 ل سه‌ر رێیا سه‌ره‌كى باعه‌درێ بو ناحیا ئه‌لقوش رویدانه‌ك دناڤبه‌را ترومبێله‌ك ژ جورێ BMW و ترومبێله‌ك نیسان بریمه‌ر تایبه‌ت رویدا و د ئه‌نجام دا سێ وه‌لاتى ب سه‌ختى برینداربون و بو نه‌خوشخانا شێخان یا گشتى هاتن ڤه‌گوهاستن، پاشان ژبه‌ر نه‌باشیا ره‌وشا ته‌ندروستیا وا ب ترومبێلا هه‌وار هاتنێ ڤه بو نه‌خوشخانا ته‌نگاڤیا دهوك هاتن ڤه‌گوهاستن.
ناڤبرى لدور ئه‌گه‌رێ رویدانێ دیار كر كو ئێك ژ وان شوفێرا نه‌پێگیرى ب رێنمایێن هاتن كربو له‌زانى بكارئینابو حه‌تا توشى لێكدانێ بوین.
ئه‌ڤرۆ نیۆز، قائید میرۆ
بڕیاره سبه په‌رله‌مانێ كوردستانێ كۆمبوونه‌كا گرنگ ئه‌نجام بده‌ت و تێدا دێ خواندنا ئێكێ بۆ چوار پڕۆژه قانوونان ئه‌نجامده‌ت و ل گوره‌ی زانیاریێن ئه‌ڤرۆ نیۆز دێ كۆمبوونه‌كا ئالۆزبیت.
شوان شێخ ئه‌حمه‌د، په‌رله‌مانتارێ پارتی بۆ ئه‌ڤرۆ نیۆز گۆت” كۆمبوون دێ ڤه‌خواندنا ئێكێ بۆ راستڤه‌كرنا پڕۆژه قانوونا سه‌رۆكایه‌تیا هه‌رێمێ كه‌ت یا هژماره ئێك سالا 2005ێ، به‌لێ چو رێكه‌فتن نه‌هاتینه‌كرن ل دۆر پڕۆژه قانوونێ.
ل گوره‌ی زانیاریێن ئه‌ڤرۆ نیۆز، كۆمبوونا سبه یا په‌رله‌مانی دێ كۆمبوونه‌كا ئالۆزبیت، ژبه‌ركو لایه‌نێن سیاسی هه‌ر ئێكێ بۆچوونه‌كا جۆدا ل دۆر پڕۆژه قانوونا سه‌رۆكایه‌تیا هه‌رێمێ هه‌یه و پێشبینی دهێته‌كرن ئالۆزی بكه‌ڤنه كۆمبوونێ.
شێخان، بارزان مزوورى:
ژێده‌ره‌ك ژ چه‌كدارێن رێكخراوا ئازاد ل ناڤ باژێرێ مووسل بو مالپه‌رێ ئه‌ڤرو نیوز ئاشكرا كر كو ئه‌ڤرو سپێدێ 22/6/2015 چه‌كدارێن تیرورستێن داعش 50 وه‌لاتى پتریا وان ژنن دناڤ مه‌له‌ڤانگه‌هه‌كێدا دناڤ باژێرێ مووسل خه‌ندقاندینه.
وى ژێده‌رى گوت ژى : ئه‌و كه‌سێن هاڤێتینه دناڤ مه‌له‌ڤانگه‌هێدا به‌رى نها هاتبونه ده‌سته‌سه‌ركرن ژبه‌ر كارێ سیخورى كرنێ.
ئه‌ڤرۆ نیوز:
یەکگرتووی ئیسلامی کوردستان داخوازا كومبوونا بله‌ز یا 5 ئالیێن سیاسیێن كوردستانێ دكه‌ت داكو بگه‌هنه سازانه‌كا نیشتمانى ل سه‌ر پرسا پوستێ سه‌رۆكایه‌تیا هه‌رێمێ.
ئه‌ڤرۆ یەکگرتووی ئیسلامی کوردستان د راگه‌هاندنه‌كێ دا ئاماژه ب وێ یه‌كێ دایه كو چاره‌كرنا پرسا ویلایه‌تا سه‌رۆكێ هه‌رێمێ دێ ب سازانا نیشتمانى و د چوارچوڤێ دستوورى دا هێته چاره‌كرن، به‌لێ پرسا دستوورێ هه‌رێما كوردستانێ ل ژڤانێ خوه ده‌ركه‌فتیه.
ئه‌ڤرۆ نيوز، ئه‌ياد به‌روارى:
بڕياره سوبه‌هى رۆژا سێشه‌مبى رێكه‌فتى 23ى خزيرانا 2015ێ دو وه‌زاره‌تێن دى ل حوكمه‌تا هه‌رێما كوردستانێ دێ مووچێ هه‌يڤا نيسانێ وه‌رگرن.
پشكا په‌يوه‌ندى و راگه‌هاندنێ ل وه‌زاره‌تا دارايى و ئابووريا حوكمه‌تا هه‌رێما كوردستانێ راگه‌هاند كو سوبه‌هى رۆژا سێشه‌مبى رێكه‌فتى 23ى خزيرانا 2015ێ مووچێ هه‌يڤا نيسانێ يێ هه‌ردو وه‌زاره‌تێن ئاڤه‌دانه‌كرن و بنه‌جهكرنێ و و ڤه‌گوهاستن و گه‌هاندنێ بهێته به‌لاڤكرن.
نيشاندان