ئەڤرۆ نیۆز، قائید میرۆ:
ئەڤرۆ ل قەزا خوورماتو شەڕ و پێکدادان کەفتە ناڤبەرا ھێزێن کوردی و میلیشیاتێن حەشدا شەعبی د ئەنجامدا پێنج کەس بووینە قوربانی.
مەحەمەد فائیق، پەیڤدارێ قایمقامیەتا قەزا خوورماتو ب ئەڤرۆ نیۆز راگەھاند” ئەڤرۆ دناڤا سەنتەرێ خوورماتوو شەڕ کەفتە ناڤبەرا ھێزێن پێشمەرگە و میلیشیاتێن شەحد شەعبی و د ئەنجامدا ھژمارەک سێ چەکدارێن حەشد شەعبی ژی ھاتینە کوشتن و چەکدارە کێ دیژی ب دیل ھاتیە گرتن و لبەر دەستێ ھێزێن پێشمەرگەیە، ھەروەسا کارمەندەکێ ئاسایشێ و وەلاتیەکێ فەرمانبەر کو ھەردوک کوردن ب گوللەیێن حەشد شەعبی ھاتینە شەھیدکرن.
فائیق گۆتژی” ئاریشە ل خالەکا پشکنینێ یا پێشمەرگەی چێبوو وی دەمێ حەشد شەعبی سفکاتی ب ھێزێن پێشمەرگەی کرو شەڕ کەفتە ناڤبەرا ھەردو لایان، نوکە رەوش وەکی خوە مایە و شەڕ کەفتیە ناڤا کولانێن قەزایێ و حەشد شەعبی ب قەناسێ تەقەی ل وەلاتیێن کورد و پێشمەرگەی دکەن.
نووترين نووچه
- نێچیرڤان بارزانی و ئەردۆگان دوپاتیێ ل پێشڤەبرنا پەیوەندیێن ئەنقەرە ل گەل بەغدا و هەولێرێ دكەن
- بابەتێ ئەنباركرنا ئاڤێ یێ گرنگە بۆ پشتڕاستبوونێ ژ ئاسایشا ئاڤێ
- پێدڤییە هەلبژارتن د سەقایەكێ ئارام و ب زەلالی بهێنە ئەنجامدان
- مەسرور بارزانی: نابیت سەرژمێرییا گشتی بۆ هیچ ئارمانجەكا سیاسی بهێتە بكارئینان
- دبیت هێرشا ئیسرائیلێ ل سەر ئیراقێ ببیتە ئەگەرێ ژناڤبرنا سیستەمێ سیاسی و ئابووری و لەشكری ل ئیراقێ و ژناڤچوونا حوكمەتا وێ
- دەنگی بدەنە پارتی و دەستێ پارتی ل ڤێ دەڤەرێ ب هێز بكەن
- دروستكرنا بەنداڤان پشكەكە ژ ستراتیژییەتا حوكمەتێ بۆ مفاوەرگرتنێ ژ ژێدەرێن ئاڤێ
- بۆ چاكسازیێ د كەرتێ ساخلەمیێ دا كارێ باش یێ هاتییە كرن
- پارتی بۆ خزمەتكرنا مللەتی یا هاتییە دامەزراندن
- ل 20 ڤێ مەهێ دێ بەرسڤا هەموو ئاخڤتن و بێرێزی و ئەزمان درێژییەكا بەرامبەر پارتی دەین
سهرهكى Twitter
سۆپاسالارێ پێشمه‌رگه‌ى به‌رسڤا چه‌ند ميديايێن په‌كه‌كێ و هه‌رێمێ دده‌ت
ئه‌ڤرۆ نيوز:
پشتى به‌لاڤبوونا چه‌ند نووچه‌يێن سه‌ر ميديايێن په‌كه‌كێ و به‌لاڤكرنا وان ژ لايێ چه‌ند ميديايێن هه‌رێما كوردستانێ ژى كو گه‌له‌ك ژ هێزێن سه‌ر ب په‌كه‌كێ، سۆپاسالارێ هێزێن پێشمه‌رگێ كوردستانێ به‌رسڤا وان دا.
فه‌ريق ليوا جه‌مال ئێمينكى، سۆپاسالارێ هێزێن پێشمه‌رگه‌ى ل وه‌زاره‌تا پێشمه‌رگه‌ى راگه‌هاند كو ژبلى هێزێن پێشمه‌رگه‌ى و فرۆكێن هه‌ڤپه‌يمانان چو هێزه‌كا دى پشكدارى د ئازادكرنا شنگال دا ناكه‌ن و هه‌تا نوكه پێشمه‌رگه‌ى پێشكه‌فتنێن به‌رچاڤ كرينه.
پێشتر كه‌نالێ CNN يێ ئه‌مريكى ژى راگه‌هاند كو پێشمه‌رگه ب تنێ وه‌كو هێزا سه‌ر ئه‌ردى يێ ب ڤێ هێرشا ئازادكرنا شنگال و ده‌روبه‌رێن وێ رابووى.
سپێده‌هيا ئه‌ڤرۆ رۆژا پێنجه‌مبى رێكه‌فتى 12ى چريا دويێ يا 2015ێ هێزێن پێشمه‌رگێ كوردستانێ ب سه‌رپه‌رشتيا ئێكسه‌ر يا سه‌رۆكێ هه‌رێما كوردستانێ مه‌سعود بارزانى ده‌ست ب پرۆسا ئازادكرنا شنگال كريه و هه‌تا نوكه پتريا ده‌ڤه‌رێن ستراتيژى يێن شنگال گرتينه.
هنده‌ك ژ ميديايێن سه‌ر ب په‌كه‌كێ و هنده‌كێن دى ژى يێن ناڤ هه‌رێما كوردستانێ ئاماژه ب وێ چه‌ندێ كريه كو هێزێن سه‌ر ب په‌كه‌كێ ژى وه‌كو يه‌په‌گه و يه‌په‌ژه و هنده‌ك دى ژى د ڤێ پرۆسێ دا د پشكدارن.
قايمقامێ نوو يێ قه‌زا شنگال ژى مه‌حما خه‌ليل گۆت: “قه‌بوول ناكه‌ين كه‌س به‌حسێ شنگال بكه‌ت”، شنگال يا ژ لايێ پێشمه‌رگه‌ى ب تنێ ڤه دهێته ئازادكرن و “دێ بزاڤێ كه‌ين شنگال بكه‌ينه پارێزگه‌ها پێنجێ يا هه‌رێما كوردستانێ”.
روودانه‌كا هاتن وچوونێ، قوربانی ل پشت خوه هێلان
ئه‌ڤرۆ نیۆز، قائید میرۆ
ژ ئه‌گه‌رێ روویدانه‌كا هاتن وچوونێ ل قه‌زا ئامێدیێ كه‌سه‌كی گیانێ خوه ژده‌ستدا و سێ كه‌س ژی برینداربوون.
رائیدێ مافپه‌روه‌ر ئازاد ته‌ها رێڤه‌به‌رێ راگه‌هاندنا هاتن وچوونا پارێزگه‌ها دهۆكێ ب ئه‌ڤرۆ نیۆز راگه‌هاند” ده‌مژمێر 10ی به‌ری نیڤرۆیا ئه‌ڤرۆ لسه‌ر رێیا قه‌دش ئامێدیێ ژ ئه‌گه‌رێ روویدانه‌كا هاتن و چوونێ دناڤبه‌را دو ترۆمبێلاندا د ئه‌نجامدا وه‌لاتیه‌كێ گیانێ خوه ژده‌ستدا و سێ كه‌س ژی برینداربوون.
ئازادی گۆتژی” بریندار هاتینه ڤه‌گوهاستن بۆ نه‌خۆشخانا گشتیا ئامێدیێ و ئه‌گه‌رێ روویدانێ ژی بۆ نه‌پێگیریا شوفێران ب رێنما و قانوونا هاتن وچوونێ ڤه‌دگه‌ڕیت.
قاسم شه‌شو: مه داعش دورپێچ كریه
ئه‌ڤرۆ نیوز:
قاسم شه‌شو فه‌رماندێ هێزێن پێشمه‌رگه‌ى ل به‌رۆكێن شه‌رى ل شنگالێ راگه‌هاند كو وان ژ هه‌ردو لایێن جادێ ڤه رێ ل تیرورستێن داعش یێن گرتین و یێن دورپێچ كرین و گوت”
ل میحوه‌رێ رۆژئاڤا شنگال، ئه‌م ل ده‌ڤه‌را سولاڤ یێن نێزیك بووى و گارگه‌ها چیمه‌نتو هاتیه ئازادكرن، له‌وما داعش نه‌شێن بره‌ڤن، دێ هه‌میان ژ ناڤ به‌ین”.
چو خۆلا ئیرانێ
ئەڤرۆ نیۆز:
یاریکەرێ یانا دالکورد یێ بەری نوکە و کورێ باژێرێ ھەولێرێ رێبین سۆلاقا ب شێوەکێ خواستن ژ یانا سیرنیسکا یا سویدی ھاتە ڤەگوھاستن بۆ یانا سیاە جامگان یا ئیرانی ئەوا دخۆلا پلا نایاب یا ئیرانی دا یاریێ کەت . کورێ باژێرێ ھەولێرێ ل سەر داخوازیا راھێنەرێ ئیرانی محەمەد رزا عەباسی ھەڤبەستا سیاە جامگان ئیمزاکر پشتی راھێنەرێ ناڤبری دیڤچوونا ئاستێ وی کری ل ماوێ بوری دا.
ھەژی گوتنێ یە رێبین سۆلاقا پشکداری د چەند یاریێن ھەلبژارتیێ عیراقێ دا ژی کری یە ل ماوێ بوری.
پێشمه‌رگه یێ د پێشره‌ویێ دا
ئومێد وه‌لاتى، شنگال
په‌یامنێرێ ئه‌ڤرۆ ل شنگال دیاركر پشتى كو ئه‌ڤرۆ ل ده‌مژمێر 7 سپێدێ ده‌ست ب ئوپه‌راسیونا ئازادكرنا شنگال هاتیه كرن، پێشمه‌رگه پێشره‌ویه‌كا باش كریه، ژ ئالیێ رۆژهه‌لاتى ڤه گوندێ فازیله ستاندى یه، هه‌روه‌سا گوندێ گابار هاتیه ستاندن، هه‌روه‌سا رێیه‌كا ستراتیژى كو دبێژنێ رێیا 47 ێشمه‌رگه گرتیه كو هاریكارى نه‌گه‌هنه داعش، هه‌روه‌سا ل ناڤ سه‌نته‌رێ شنگال ژى پێشمه‌رگه د پێشره‌ویێ دایه و تیمێن راكرنا مینان ژى ده‌ست ب كارێ خوه كرینه و ژبلى پێشڤه‌چوونێن پێشمه‌رگه‌ى، فرۆكێن هه‌ڤپه‌یمانان ب چرى بنگه‌هێن داعش ل شنگال بوردومان دكه‌ن و و سوپاس بۆ خودێ پێشمه‌رگه‌ى چ شه‌هید نه‌داینه.
په‌یامنێرێ ئه‌ڤرۆ دیاركر كو ئارمانجا پێشمه‌رگه‌ى ئه‌وه شنگال و گوندێن ده‌وروبه‌رێن وێ ئازاد بكه‌ن گوندێن ده‌وروبه‌رێن شنگال ژى دده‌ستێ پێشمه‌رگه‌ى دا بن و مه‌ترسى ل سه‌ر شنگال نه‌مینیت.
300 مامۆستا ل دھۆکێ ھاتنە لادان
ئەڤرۆ نيوز:
رێڤەبەرێ گشتیێ پەروەردێ ل پارێزگەھا دھۆکێ بۆ رۆژناما ئەڤرۆ دیار کر کو ھەتا نوکە پتر ژ 400 مامۆستایان مۆلەتا بێ مووچە وەرگرتینە و رۆژانە ئەڤ ھژمارە د زێدەبوونێ دایە.
عەبد یوسف ئاشکرا ژی کر کو ھەتا 300 مامۆستا ژی یێن ھاتینە لادان، چونکو مۆلەت وەنەگرتینە و پێشبینی دکەن ھژمارا ھەردویان ژ هزار مامۆستایان بوریت و گۆت:(پێشنیازا مە بۆ وەزارەتا پەروەردێ ئەوە مامۆستایێن مۆلەتا دو سال و زێدەتر وەرگرتین ھندەکێن دی بۆ مە ب شێوێ گرێبەست بۆ سالەکێ یان دو سالان ل جھێ وان ب دامەزرینیت، لێ ھەتا نوکە ئەنجوومەنێ وەزیران ل سەر ڤێ چەندێ رازی نەبوویە).
قاسم شەشۆ: جڤاتا ئێزدیان دروستکریا پەکەکێ یە و چو پەیوەندی ب شنگالێ ڤە نینە
ئەڤرۆ نيوز:
فەرماندەکێ پێشمەرگەی ل چیایێ شنگالێ راگەھاند، جڤاتا ئێزدیان چەند سەرۆک عەشیر و فەرماندێن یەکینێن بەرخوەدانا شنگالێ ب رێڤە دبەن و پەیوەندی یا ب پەکەکێ ڤە ھەی و ئەو سەرپەرشتیا وێ دکەن، ئەم وەکو کوردێن ئێزدی گوە ل چو کەس و لایەنکی ناگرین، تنێ فەرمانێن سەرۆک بارزانی بجە دئینین.
قاسم شەشۆ فەرماندێ پێشمەرگەی ل چیایێ شنگالێ بۆ مالپەرێ فەرمیێ پارتی دیموکراتی کوردستان گوت” ئەو ئاخڤتنێن جڤاتا ئێزدیان راگەھاندین کو شنگال مولکێ پارتی نینە، چو بھایێن خوە نینە، جڤاتا ئێزدیان ژلایێ ھژمارەکا سەرۆک عەشیر و فەرماندێن یەکینێن بەرخوەدانا شنگالێ دھێتە ب رێڤەبرن و پەیوەندی یا ب پەکەکێ ڤە ھەی و ئەو سەرپەرشتیا وێ دکەن، ئەم وەکو کوردێن ئێزدی گوە ل چو کەس و لایەنەکی ناگرین، ژبلی سەرۆک بارزانی کو ھەر فەرمانەکا دەربکەت ئەم د بەرھەڤین بجھبینین، چونکی ھەکە شنگال مالا سەرۆک بارزانی و پارتی نەبیت، پا کێ خوە ل شنگالێ و شنگالیان کریە خوەدان؟”.
قاسم شەشۆی گوت ژی” پەکەکە رێگرە ل ئازادکرنا شنگالێ، لەوما دێ چاوان ڕێ ب وی لایەنی دەین ل شنگالێ بمینیت کو رێگرە ل ئازادکرنا وی باژێری، ھەکە کارەساتەکا دی ژی ب سەر کوردێن ئێزدی دا بھێت، د بەرھەڤین، بەلێ ناھێلین پەکەکە ل شنگالێ بمینیت ، ئەرکێ پەکەکێ شنگال نینە، بەلکو باکوور و رۆژئاڤایێ کوردستانێ یە، بلا بچیت دەڤەرێن خوە ل سووریێ و تورکیا ئازاد بکەت، نەکو ببیتە کێشە بۆ پێشمەرگەی و شنگالیان”.
ژلایێ خوەڤە شێخ شامۆ ئەندامێ پەرلەمانێ کوردستانێ و نوونەرێ کوردێن ئێزدی د پەرلەمانی دا بەرسڤا بەرپرسێ جڤاتا ئێزدیێن پەکەکێ ل شنگالێ دا کو گوتبوو ( ئەرکێ ئازادکرنا شنگالێ د ستوویێ مەدایە)، د بەرسڤا وی دا دبێژیت” ئەرکێ ئازادکرنا شنگالێ یا د ستوویێ پێشمەرگێ کوردستانێ دا”.
شێخ شامۆی گوت ژی” بەرپرسێ جڤاتا ئێزدیان کو ناڤەکە بۆ خوە دروستکری، ل سالا ٢٠٠٤ ێ وەرە (پەکەکە) یا کاری بۆ دکەت، ڤێ جڤاتێ ئەندامەکێ ناحیەکێ ژی نینە، ل سەر ئاستێ پەرلەمانێ کوردستانێ و جڤاتێن پارێزگەھان و جڤاتا نوونەرێن عیراقێ نەشیاینە ئێک دەنگی ژی بدەستڤەبینن، باشە وان ئەڤ شەرعیەتە ژ کیڤە ئینایە ھەتاکو ب ناڤێ خەلکێ شنگالێ باخڤن؟ لەوما ئەرکێ پێشمەرگەیە شنگالێ ب پارێزیت، نەکو ھێزەکا دی”.
ڤی ئەندامێ پەرلەمانێ کوردستانێ رەخنێن توند ل پەکەکێ گرتن و گوت” پەکەکە ب ئەجندایەکا دەرەکی بۆ تێکدانا رەوشێ یێن ھاتینە شنگالێ، چونکی جوگرافیا شنگالێ یا ستراتیژی یە، پەکەکێ دڤێت وێ ڕێ بۆ ئەجندایەکا دەرڤە کونترۆل بکەت، چونکی شنگال دو وەلاتان پێکڤە گرێددەت”.
خه‌لك د وه‌لاتێ خوه‌دا دژیت، وه‌لاتێ مه د مه‌دا دژیت
ئه‌م هه‌می ل وێ هیڤیێ ینه كو ژیێ مه وێ ده‌لیڤێ بده‌ته مه هه‌تا ئه‌م دبینین كو گول و دارێن ڤی وه‌لاتی شین دبن و خه‌ونێن مه‌یێن گولگولی بجهبهێن و ئه‌ڤ وه‌لاته جهێ خوه‌یێ دروست د دیرۆكێ و جوگرافیایێ دا بگریت، به‌لێ ئه‌و كوردستانا ئه‌م هه‌تا سه‌ر هه‌ستی عاشقێن وێ ئه‌و بخوه یا بوویه رێگر به‌رامبه‌ری خه‌ونێن مه و ئێش و ئازار و خه‌م و كوڤانێن وێ ل هه‌می قونجالكێن ژیانا مه بووینه كێشا مه‌یا سه‌ره‌كی و ئه‌م فێركرین د عشقا وێ دا سه‌رخۆش ببین.
ئه‌م هه‌می ل وێ هیڤیێ ینه كو ژیێ مه وێ ده‌لیڤێ بده‌ته مه ئه‌م وان پرۆژان ببینین یێن مه خه‌بات بۆ دكر و ببنه كه‌توار و ببینه خودان ره‌گه‌زنامه و پاسپۆرت و بالیۆزخانه و مه هونه‌ر و موزیك و شانۆ و ره‌وشه‌نبیریێن خوه‌یێن تایبه‌ت هه‌بن.
گه‌له‌ك كه‌س ژ بۆ وێ خه‌ونێ مرن، گه‌له‌ك كه‌س ژ بۆ وێ خه‌ونێ بوونه سێوی، گه‌له‌ك كه‌س ژ بۆ وێ خه‌ونێ بوونه نیڤه مرۆڤ، گه‌له‌ك كه‌س شیان دلێن هه‌میا ژ به‌دره و جه‌سان هه‌تا كوبانێ بۆ خوه راكێشن. گه‌له‌ك ژی هێشتا د ساخ د چاڤێن مه‌دا مرن و دمرینه.
ڤیانا وه‌لاتی نه ل سه‌رێن گرایه و نه د بنێ به‌ریكان دایه و نه ژی ل بن تایرێن ترۆمبێلا و ل بن بنیاتێ كوچكایه، وه‌لات د شانێن خوینێ دا دژیت له‌و ده‌مێ ئه‌م ل غه‌ریبیان دمرین خه‌م و كوڤانا وه‌لاتی دمینیته د دلان دا. وه‌لات وژدان و سه‌ربلندی و كه‌رامه‌ته، وه‌لات ئه‌م ب خوه‌ینه و دڤێت ژ خوه پتر حه‌ز ژ وه‌لاتی بكه‌ین و وه‌لات عاشقا مه‌یا ئێكێ بیت، مرۆڤ بێ وه‌لات وه‌كو كوردێن باشورێ كوردستانێ لێدهێت، ئه‌ز ژ گوندێ خوه باشترم، گوند ژ عه‌شیره‌تێ باشتره، عه‌شیره‌ت ژ حزبێ باشتره، حزب ژ وه‌لاتی باشتره.
هه‌ر كه‌سه‌كی ل ڤێ جیهانێ وه‌لاته‌كێ هه‌ی تێدا دژیت، ب تنێ ئه‌م كورد وه‌لاتێ مه د مه‌دا دژیت, ئه‌و مه ب رۆندكان دمرینیت و ئه‌م وی ب خوینا گه‌نجان ساخ دكه‌ینه‌ڤه.
راسته هه‌ر كه‌سێ ژ دایك دبیت دبیته وه‌لاتی ل وه‌لاتێ خوه و ئه‌ڤه مافه‌كێ سروشتیه، به‌لێ وه‌لاتیبوونا ئه‌رینی چاوایه و دێ چاوا د چارچووڤێ زانین و كار و هه‌بوون و پێكڤه‌ژیانێ دا بینه وه‌لاتیێن چاك؟ كو ژ بازنێ مافێن مرۆڤی و ئه‌ركان ده‌رنه‌كه‌ڤین و جوداهێ د ناڤبه‌را وه‌لاتیه‌كێ نۆرمال و به‌رپرسان دا نه‌بیت.
وه‌لاتیبوون و به‌رپرساتی ل هه‌ر وه‌لاته‌كی ژ لێدانێن دلی و گه‌رما گیانی دزێن، هه‌ستا ژێیاتیێ ل سه‌ر ڤیانا وه‌لاتی ئاڤا دبیت، ئه‌وێ حه‌ز ژ وه‌لاتێ خوه نه‌كه‌ت و دژاتیا وی بكه‌ت و پلانان بۆ ژناڤبرنا وه‌لاتی بدانیت و بزاڤێ بكه‌ت هێمنی و ئاسایشا وه‌لاتی تێكبده‌ت ئه‌و خائینه و وی كه‌سی چو بهایێ خوه نینه یێ رامانا دروستا وه‌لاتیبوونێ نه‌زانیت.
وه‌لاتیبوون و وه‌لاتپارێزی نه ب وێ چه‌ندێ یه ئه‌م ل سه‌ر شاشێن ته‌له‌ڤزیۆنان و د كونگرێن رۆژنامه‌ڤانی دا زه‌پلكه‌ێن خوه بینینه ده‌رێ و خوه وه‌كو قاره‌مان وه‌لاتپارێز و پاك ره‌وشت به‌رامبه‌ر وه‌لاتی دیار بكه‌ین و وه‌كو دی ئه‌م ل خوه ل سه‌ر حسابا مالێ گشتی داگرین و كه‌یفێ ب مالێ خوینا شه‌هیدان و كه‌دا هه‌ژاران ل كولانێن بیانیان بكه‌ین.
یا پێدڤیه ئه‌و كه‌سێن ب نوونه‌راتیا خه‌لكی دچنه سه‌ر كورسیێن ده‌ستهه‌لاتێ پیچه‌ك چاڤێن خوه بۆ به‌رژه‌وه‌ندا گشتی شۆر بكه‌ن به‌ری دیرۆك چاڤێن وان ب شه‌رمزاری شۆر بكه‌ت، پیچه‌ك چاڤێن خوه ل مافێ وه‌لاتیان بخشینن به‌ری دیرۆك وان ل سه‌ر ناڤێ خیانه‌تێ و گه‌نده‌لیێ ل ئه‌ردی بخشینیت.
پێدڤیه ژێیاتیا مه بۆ كوردستانێ ب كار و كریار و دل جان و هه‌ست و بیر و باوه‌ری بیت، دڤێت كار بۆ بكه‌ین و هه‌می تشتێن خراب ژێ دوور بكه‌ین و ل گه‌ل پێدڤیێن وه‌لاتی و پێشكه‌فتنا وی تێكبزڤینه‌كا ئه‌رێنی بكه‌ین، نه ب ناڤێ چاكسازیان خرابكاریان بكه‌ین دا جهێ خوه ل سه‌ر كورسیان بهێز بكه‌ین، نه دژاتیا گه‌نده‌لیێ بكه‌ین و ئه‌م ژ هه‌می دونیایێ گه‌نده‌لتر بین، نه داخوازا ڤه‌گه‌راندنا مالێ گشتی بكه‌ین و كه‌سێ هندی مه مالێ گشتی نه خوار بیت.
یا پێدڤیه هه‌ر كه‌س ل جهێ خوه هه‌ر ژ سه‌رۆكی هه‌تا دووماهی وه‌لاتی كارێ خوه ب دلپاكی و ره‌وشت ئه‌نجامبده‌ت پێخه‌مه‌ت پێشڤه‌برن و ئاڤاكرنا وه‌لاتی، یا پێدڤیه به‌رپرس ئێدی پتر خه‌مێ ژ ئاریشێن وه‌لاتیان بخۆت و ئێدی وه‌لاتی ژی ل سه‌ر گه‌نده‌لیێ بێده‌نگ نه‌بن، دیسان پێدڤیه وه‌لاتی ژی ل وێ ئاستێ تێگه‌هشتنێ بن كو ئێدی ب دروشم و لافیته و هه‌وێن هه‌لبژارتنان نه‌هێنه خاپاندن و تێكده‌ر و كه‌سێن موخلس بنیاسیت دا ئێدی دوبه‌ره‌كی نه‌كه‌ڤیته رێزێن ڤی ملله‌تی و ئه‌و نه‌خۆشیێن ژ چێكرنا مرۆڤان نه‌كه‌ڤنه ناڤ جڤاكی.
هێرشا پێشمه‌رگه‌ى بۆ ئازادكرنا شنگال ده‌سپێكر
ئه‌ڤرۆ نيوز، ئۆمێد وه‌لاتى:
سپێده‌هيا ئه‌ڤرۆ رۆژا پێنجشه‌مبى رێكه‌فتى 12ى چريا دويێ يا 2015ێ هێرشا پێشمه‌رگێ كوردستانێ ب پشته‌ڤانيا فرۆكێن هه‌ڤپه‌يمانان بۆ ئازادكرنا شنگال ده‌سپێكر.
پێشتر چه‌ندين جاران پێشمه‌رگێ كوردستانێ بزاڤا كونترۆلكرنا ڤێ ده‌ڤه‌رێ ددا و پلان ژى بۆ ددانا، به‌لێ ژ ئه‌گه‌رێ په‌يداكرنا ئاسته‌نگان ژ لايێ په‌كه‌كێ و ئه‌و گرۆپێن سه‌ر ب وێ ڤه دهاته پاشخستن.
د ڤێ هێرشێ دا بڕياره شنگال و ئه‌و گۆند و ناحيێن سه‌ر ب قه‌زايێ ڤه، ژ ده‌ستێ چه‌كدارێن داعش بهێنه پاقژكرن و بهێنه ئازادكرن.
نيشاندان
WP Facebook Auto Publish Powered By : XYZScripts.com