ئەڤرۆ نیۆز:
ژێدەرێن دەنگوباسی ل یانا دھۆک وەسا دیاردکەن دەستەیا کارگێریا یانا دھۆک ھزر ل دۆرخستنا ھەردو پیشەکارێن خوە یێ سربی لیک و یێ نێچیری وەحید کری یە ژبەرکو ئاستێ وان یێ ھونەری نە ل ئاستێ پێدڤی یە کو ھەتانوکە چو مفا ژ شیانێن ئەڤان یاریکەران نە ھاتیە دیتن.
دھێتە گوتن ژی کارگێریا یانێ یا لێگەریانا دو ھێرشبەرێن خودان شیان کەت بوو ب ھێز ئێخستنا ھێلا ھێرشبەریێ .
ئه‌ڤرۆ نیوز:
رێڤه‌به‌ریا چاكسازیا ژن وسنێلان ل دهوكێ خوله‌كا نه‌خوێنده‌واریێ بو 20 گرتیێن ژن یێن دناڤا چاكسازیێ دا ڤه‌كر.
زه‌كى سالح رێڤه‌به‌رێ چاكسازیێ بو ئه‌ڤرۆ نیوز دیاركر كو ئه‌ڤ خوله بهه‌ڤكارى دگه‌ل قوتابخانا دناڤ چاكسازیێ دا هاتى یه ڤه‌كرن ومه‌ره‌م پێ ئه‌وه كو ئه‌و ژنێن دژیانا خودا بێ به‌هر بوین ژخاندن ونڤیسینێ ل چاكسازیێ دا فێرببن ومفاى ژ وه‌ختێ خو وه‌رگرن.
نها 44 گرتى و8 راگرتیێن ژن د ناڤ چاكسازیا ژن وسنێلان ل دهوكێ دا هه‌نه .
ئەڤرۆ نیۆز:
دەستەیا کارگێریا یانا ھەولێرێ ھەڤبەستا پیشەکارێ خوە یێ سوری محەمەد شەریفە ھەلوەشاند ل سەر داخوازیا یاریکەرێ ناڤبری پشتی یاریکەرێ ناڤبری داخوازی ژ کارگێریا یانێ کری ھەڤبەست بھێتە ھەلوەشاندن.
یاریکەرێ ناڤبری د داخویانیەکێ دا بۆ ئەڤرۆ نیۆز دیارکر ژبەرکو ئەو نە یێ ئارام بوو ئەوی خواست ھەڤبەستا خوە ل گەل یانێ ھەلوەشینت ژبەر چەند ئاریشەیێن خێزانی و د خوازیت جارەکا دی ڤەگەریتە وەلاتێ سوریا و یاریێ ل ئێک ژ یانێن خۆلا سوریا بکەت.
ھەژی گوتنێ یە محەمەد شەریفە دەستپێکا ڤی وەرزی ژ یانا جەیش یا سوری ھاتبو ڤەگوھاستن بۆ یانا ھەولێرێ .
ئەڤرۆ نیوز، ئەیاد بەرواری:
رۆژنامەکا ئەمریکی بەلاڤکر کو ئەمریکا دێ تیپا خوە یا لەشکری یا بەرنیاس ب (تیپا ١٠١) ھنێریتە عیراقێ و کوێتێ بۆ شەڕێ رێکخستیا داعش یا تیرۆرستی.
رۆژناما (ئارمی تایمز) یا لەشکری یا ئەمریکیبەلاڤکریە کو ھژمارەکا فەرماندێن لەشکرێ ئەمریکی بۆ وێ دیارکر کو دێ ئەو تیپا بژاردە د لەشکرێ ئەمریکی دا ھێتە ھنارتن دا سەرکێشیا ھێزێن دی یێن ئەمریکی ل عیراقێ بکەت د چارچۆڤێ پلانا نوکە یا شەڕێ دژێ داعشێ.
وێ رۆژناما ئەمریکی خویاکریە ژی” بنگەھێ سەرەکیێ وێ تیپا لەشکرێ ئەمریکی کو ل ویلایەتا (کنتاکی) یە، دێ ھێتە ڤەگوھاستن بۆ کوێتێ ھەتاکو سەرکێشیا ئەرکێن شەڕی ل عیراقێ بکەت و ئەو ئەرکە ژی دێ بۆ دەمێ نەە مەھان ڤەکێشیت و دێ بیتە جارا ئێکێ ئەو تیپا لەشکری بۆ ئەرکەکێ دھێتە ھنارتن بۆ دەڤەرا رۆژھەلاتا ناڤین”.
جەنەرال ( گاری فیلوسکی) فەرماندێ تیپا (١٠١) بۆ وێ رۆژناما ئەمریکی خویاکر” کارێ ھەرە سەرەکیێ تیپا وان د سێ مەھێن بۆری دا، ڤەخواندنا رەوشا عیراقێ بوو کو پتر پێزانین ل سەر ھەبن ژبۆ ئەنجامدانا پرۆسەکێ ب ناڤێ ( چارەیا بنەرەتی) کو دێ ل دەستپێکا سالا داھاتی ھێتە بجھئینان و دێ بۆ دەمێ نەە مەھان ڤەکێشیت”.
تیپا (١٠١) یا لەشکرێ ئەمریکی کو یا بەرنیاسە ب ( ئەلھۆ) ب ناڤودەنگترین تیپێن شەڕکەرێن ئەمریکی یە کو لەشکرێ ئەمریکی شانازیێ پێ دکەت و ناڤودەنگیا خوە د شەڕێ جیھانیێ دویێ دا پەیداکریە کو رۆلەکێ مەزن د سەرکەفتنێ ل سەر لەشکرێ ئەلمانی ھەبوو.
ئه‌ڤرۆ نیوز:
ئه‌ڤرۆ رێڤه‌به‌ره‌یا روشنبیرى و هونه‌رى ل دهۆكێ ب هه‌ڤكاریا ناڤه‌ندا په‌یامنێرێن دهۆك روونشتنه‌كا ڤه‌كرى بۆ مه‌حما خه‌لیل قایمقامێ قه‌زا شنگال و وه‌یس نایف سه‌رۆكێ ئه‌نجوومه‌نێ قه‌زا شنگال رێكخست.
وه‌یس نایف ئاماژه ب وێ یه‌كێ كر كو ژبلى پێشمه‌رگه‌ى وان پێدڤى ب چ هێزه‌كا دى نینه بۆ رزگاركرنا شنگالێ و گۆت” هیڤیخوازین په‌كه‌كه نه‌بیته رێگر ل هه‌مبه‌ر رزگاركرنا شنگالێ.
ژ ئالیێ خوه‌ڤه مه‌حما خه‌لیل قایمقامێ قه‌زا شنگال ئاماژه ب وێ یه‌كێ كر كو ئه‌و دێ سندوقه‌كا نێڤده‌وله‌تى دانن ب مه‌ره‌ما ئاڤه‌دانكرنا شنگالێ.
ئەڤرۆ نیوز:
راھێنانێن ئەڤرۆ یێن یانا بەرشەلونە ستێرا تیمێ یێ ئەرژەنتینی لیونێل مێسی ھاتە دیتن و تنێ راھێنانێن خوە گەرمکرنێ دکرن ل گەل تەپێ.
رۆژناما موندو دیبورتیڤو یا کەتەلونی ئەڤ پەیامە بەلاڤکریە پشتی یاریکەرێ یانا کەتەلونی لیونێل مێسی د خولا ئسپانیا دا تووشی ھنگافتنێ بوی بۆ ماوێ حەفت ھەتا ھەشت حەفتیان ژ یاریگەھان دورکەفتبوو، لەورا نوکە یاریکەرێ ناڤبری ڤەگەریا یە راھێنانان ل گەل تیمێ لێ نەشیایە بەردەوامیێ دەتێ ل دووڤ گوتنێن نوژدارێن یانێ کو پێدڤیە ھندەک راھێنانێن سڤک بکەت وەک پێنگاڤا ئێکێ ژ بۆ چارەسەریا تمام، سەرەرای ڤێ چەندێ یانا بەرشەلونە چو بەیاننامە ل دۆر ڤەگەریانا ڤی یاریکەری بۆ راھێنانا بەلاڤ نەکرینە.
ئه‌ڤرۆنیۆز، ئه‌یاد به‌رواری
سیاسه‌تمه‌دارێ عیراقی عه‌دنان باچه‌چی ئه‌ڤرۆ ل دوبه‌ی د ژیێ 92 سالیێ دا وه‌غه‌ركر.
ژێده‌ره‌كی نێزیك ژ خێزانا باچه‌چی بۆ ده‌زگه‌هێن راگه‌هاندنێ وه‌غه‌ركرنا باچه‌چی راگه‌هاند، عه‌دنان باچه‌چی ل 1923 ژ دایكبوویه و ل سه‌رده‌مێ عه‌بدولكه‌ریم قاسمی نوونه‌رێ عیراقێ بوو ل نه‌ته‌وێن ئێكگرتی و ل سه‌رده‌مێ عه‌بدولسه‌لام عارفی وه‌زیرێ ده‌رڤه‌یێ عیراقێ بوو، به‌ری ئه‌نجامدانا كوده‌تایا حزبا به‌عس ل سالا 1968 ، باچه‌چی ل ده‌رڤه‌ی عیراقێ بوو و قه‌بوول نه‌كر بزڤریت و چو ئیماراتێ و به‌رهه‌ڤ بوو ل كۆمبوونا دامه‌زراندنا وه‌لاتێ ئیماراتێ ل ده‌ستپێكا سالێن حه‌فتیان و بوو شیره‌تكارێ سه‌رۆكێ ئیماراتێ بۆ كاروبارێن ده‌رڤه، پشتى ژناڤبرنا رژێما به‌عس ل 2003 ێ، عه‌دنان پاچه‌چی ڤه‌گه‌ریا عیراقێ و ئێك بوو ژ ئه‌ندامێن جڤاتا حوكمڕانیێ ل عیراقێ و پاشی دوباره ڤه‌گه‌ریا بوو وه‌لاتێ ئیماراتێ كو هه‌لگرێ ره‌گه‌زناما ئیماراتی بوو.
ئه‌ڤرۆ نیوز:
سه‌فین دزه‌یى ره‌خنێن دژوار ئاراسته‌ى عه‌لى حه‌مه سالح په‌رله‌مانتارێ فراكسیونا گۆڕان كرن سه‌باره‌ت وان ئامار و داتایێن وى سه‌باره‌ت پرسا نه‌فتا هه‌رێما كوردستانێ به‌لاڤكرین و ب نه‌راست دا زانین، دزه‌یى گۆت” عه‌لى حه‌مه سالح دیاركریه كو هه‌رێم رۆژانه 450 هزار به‌رمیلێن نه‌فتا كه‌ركووكێ دفروشیت، وه دیاره پاتریێن حاسیبا وى یێن لاواز بووى، چونكو ل دووڤ رێككه‌فتنا هه‌رێم و به‌غدا، رۆژانه 300 هزار به‌رمیلێن نه‌فتا كه‌ركووكێ دهێنه هنارتن و به‌رپرسێن كه‌رتێ نه‌فتێ ل وى باژێرى راگه‌هاندینه كو ئه‌و زێده‌تر ژ وێ رێژێ نه‌شێن نه‌فتێ به‌رهه‌م بینن.
ئه‌ڤرۆ نيوز:
زەلامەکێ ٢٥ سالی دلێ خوە بۆ ئەڤرۆ ڤەدکەت و دبێژیت: ئەڤە دو سالە من خێزان پێک ئینای و ل کومپانیەکێ کار دکەم مە زارۆیەک ھەیە لێ ئاریشا من ئەوە بەری کو خێزانی َپێک بینم من و کچ خالەتا خوە حەز ژ ھەڤدو دکر بەس خالەتا من رازی نەبو کو کچا وێ شوو بمن بکەت و بێ ئەگەر نەدا من لەوا من ژی خێزان دگەل کەسەکا دی پێک ئینا و ھەڤژینا من گەلەکا باشە و بدلی َمنە و خودان رەوشتە و چو خەلەتی لنک نینن، لێ ئەز ھەر ھزرێن کچ خالەتا خوە دکەم و ئەڤە نە بمنە حەتا ئەو بویە ئەگەر کو دلێ من یێ ژ ڤێ دنیایێ سار بوی ئەڤجا ھیڤی دکەم من ژڤان ھزرا خلاس بکەن ھوون دبێژن ئەز چ بکەمو دێ چەوا ژ ڤێ بێزاریێ خلاس بم؟
برایێ ھێژا :
گەلەک جارا کار ب دلێ مروڤی نە بەلێ خرابی یا تێدا، ھەروەسا ھندەک جارێن دی بەرو ڤاژی وێ چەندێ یە و باشیا مروڤی یا تێدا لەوا ھزرێن خوە باش بکە تو نھا خودان خێزانی و زارویی و کار بکە ژ بو پەیدا کرنا ھەموو پێدڤیێن ژیانێ بو وان و چێدبیت نە رازیبونا خالەتا تە د بەرژەوندیا تە دا بیت، ئەڤجا تو جەختیێ ل نھا بکە و چاڤێن خوە ڤەکە و ب گەشبینی تەماشەی ئایندێ خوە و خێزانا خوە بکە و ب ھەستەکا بەرپرسیارەتیێ بکارێ خوە رابە و خودان خێزان و خودان ئیرادە بە و ھزرێن شاش ژ مێشکێ خوە دەربێخە و ل جھێ وان ھەست ب خوشیا ژیانێ بکە.
ئه‌ڤرۆ نیوز: ڤه‌ده‌ر ره‌شاڤایی:
جه‌نه‌رال قاسم سولێمانی فه‌رماندێ هێزا قودس یا نوخبه یا ئیرانی جار جار د چه‌ند وێنان دا ل ئیراقێ دیار دبوو، وه‌ك بیرئانینه‌ك بۆ رۆلێ ئیرانێ ل ئیراقێ لێ بۆ ده‌مه‌كێ چ وێنێن وی دیار نه‌بوون، نها جاره‌كا دی دیاربوون.
لدووڤ مالپه‌رێ “Uskowi on Iran” یێ ئیرانی، د نووترین وێنه دا قاسم سولێمانی كو رۆلێ ئیرانێ د شه‌رێ دژی داعش دا دگێریت، لگه‌ل دو ملیشیایێن شیعه یێن ئیراقی ژ (كه‌تائیب سه‌ید ئه‌لشوهه‌دا)، ل حه‌له‌بێ، سوریا دیار دبیت، ئه‌ڤه دده‌مه‌كی دایه كو ل مه‌ها بۆری هه‌تا نها 20 سه‌ربازێن ئیرانی د پشته‌ڤانیكرنا به‌شار ئه‌سه‌د دا ل سوریا هاتینه كوشتن.
(كه‌تائیب سه‌ید ئه‌لشوهه‌دا) گرۆپه‌كا چه‌كدارا شیعه یا ئیراقی یه و پشته‌ڤانیا ئیرانێ وه‌ردگریت.
نيشاندان