ئەڤرۆ نیۆز، ھەژار مەعروف:
ھێرشبەرەکێ بەرازیلی ب ناڤی كلاوديو ئەڤرۆ پەیوەندی ب راھێنانێن یانا دھۆک کرن ب مەرەما ئیمزاکرنا ھەڤبەستێ ل گەل یانا دھۆک .
ئەڤ یاریکەرە دێ ل بن تاقیکرنا دەستەیا راھێنەریا تیما دھۆکێ بیت ھەر دەمێ بریار ل سەر ئاستێ وی یێ ھونەری ھاتە دانی دێ ھەڤبەست ل گەل ھێتە ئیمزاکرن.
ھەژی گوتنێ یە ئەڤ یاریکەرێ ناڤبری بەری نوکە ژی ل وەلاتێ تورکیا پەیوەندی ب یانا دھۆک کر بوو لێ ژلایێ راھێنەرێ بەری نوکە ڤە ھاتبو دورخستن.
ئه‌ڤرۆ نیوز: ڤه‌ده‌ر ره‌شاڤایی:
هه‌والگیرییا رووسیا د راپۆرته‌كێ دا راگه‌هاند كو 80 هزار چه‌كدار شه‌ری بۆ داعش دكه‌ن، 30 هزار ژ وان ل ئیراقێ نه و 50 هزار ل سوریا.
تیرۆرستێن داعش ژ 80 وه‌لاتێن جودا نه، 7 هزار ژێ ژ وه‌لاتێن ئێكه‌تیا سۆڤیه‌تا به‌رێ نه.
هه‌ر د راپۆرتێ دا ژ زاده‌ڤێ یێڤجێنی سیسۆیێڤ جێگرێ سه‌رۆكێ ئێمناهیا فێدرالی یا رووسیا (FSB) هاتیه ڤه‌گوهاستن كو نێزكی 40 سه‌دێ ژ ئاخا ئیراقێ و 50 سه‌دێ ژ ئاخا سوریا لبن كۆنترۆلا داعش داییه.
ئه‌ڤرۆنیۆز، ئه‌یاد به‌رواری
ئاژانسا وزا نێڤده‌وله‌تی پێشبینیا وێ چه‌ندێ دكه‌ت كو بازارێ په‌ترۆلێ دێ دوباره هێدی لڤیت و ل سالا 2020 دێ بهایێ به‌رمیله‌كا په‌ترۆلێ گه‌هیته 80 دۆلاران و پاشی دێ بها به‌رده‌وام به‌ر ب بلندبوونێ ڤه چیت.
ئاژانسا ناڤبری، ل دووڤ سایتێ (الخلیج ئونلاین) ئاشكراكریه ژی كو سیناریویا نزمبوونا بهایێن په‌ترۆلێ دێ ده‌مه‌كی ڤه‌كێشیت و هه‌تا سالا 2020 ێ بهایێ ئێك به‌رمیلا په‌ترۆلێ دێ ل دۆرێن 50 دۆلاران بیت و ل سالا 2020 دێ گه‌هیته 80 دۆلاران و پاشی دێ به‌ر ب بلندبوونێ ڤه چیت هه‌تا ل سالا 2040 دگه‌هیته 85 دۆلاران .
بهایێن په‌ترۆلێ هه‌ر ژ ناڤه‌راستا سالا 2014 ێ به‌ر ب نزمبوونێ چوون و گه‌هشتنه نیڤا بهایێن خوه و نوكه بهایێ ئێك به‌رمیلا په‌ترۆلێ خام دبن 50 دۆلاران دایه
ئەڤرۆ نیوز، زنار:
رۆژناما ئاس یا ئسپانی پەیامەک بەلاڤکریە و تێدا ھاتیە کارگێریا یانا ریال مەدرید بریار دایە قوربانیێ ب یاریکەرێ خوە یێ ھێلا بەرەڤانیێ سێرجیو راموس بدەت و نوژدارێـن یانێ ئاگەھدارکرینە کو نابیت نشتەگەری بۆ راموس بەری یاریا کلاسیکویێ بھێتەکرن.
ئەڤ چەندە ھاتیە پێش پشتی تیما نوژدارێن یانێ راگەھاندی کو راموس پێدڤی ب نشتەگەریەکێ بۆ ملێ وی داکو ژ وێ ھنگافتنێ رزگار بیت لێ کارگێریا یانا ریال مەدرید راگەھاندیە بۆ ڤان نوژدارا کو چو شێوا ئەو قەبوول ناکەن نشتەگەری بۆ راموس بەری یاریا کلاسیکویێ و دياركريه پێدڤیە بۆ ڤێ یاریێ بەرھەڤ بیت ب ھەر حالەکی لەورا نوکە کار ل دۆر بەرھەڤکرنا راموسی دھێتە کرن و بریار دایە نشتەگەری بۆ رۆژا ٢٢ ڤێ ھەیڤێ بھێتە پاشخستن.
ئه‌ڤرۆنیۆز، سالار دۆسكى:
جێگرا فراكسیۆنا پارتى دیموكراتى كوردستان، ئاشكراكر كو وه‌ك فراكسیوونا زه‌ر نها به‌ر ب چه‌په‌رێن پێشمه‌رگه‌ى چووینه و سه‌رده‌دانێن وان به‌رده‌وامن، زێده‌بارى دانا راپورته‌كێ بۆ قونسلخانێن وه‌لاتێن بیانى ل هرێما كوردستانێ.
ئامینا زكرى، جێگرا سه‌رۆكا فراكسیۆنا پارتى دیموكراتى كوردستان بۆ ئه‌ڤرۆ نیۆز گۆت: پشتى مه سه‌ره‌دانا باره‌گایێن پارتى كر ل ده‌ڤه‌رێن سلێمانیێ و راپه‌رین و هه‌له‌پجه و ڤه‌كولین ل چاوانیا سوتاندن و تالانكرنا باره‌گایێن پارتى كرین و كومه‌كا داتا وازانیاریان به‌ر ده‌ستێن مه كه‌فتین.
ئامینا زكرى گۆت: نوكه یێ كار دكه‌ین داكو راپورته‌كا گشتى بۆ رایا گشتى و قونسولخانێن وه‌لاتێن بیانى ل ناف هه‌رێما كوردستانێ به‌رهه‌ڤ بكه‌ین و پێشكێشى وان بهێته كرن.
ئه‌ڤرۆ نیوز: كاروان باعه‌درى :
شانده‌كێ ئێزدیان یێ كو به‌ره‌ڤ وه‌لاتێ رووسیا برێكه‌ڤتین و پێكهاتیه ژ جڤاتا روحانیا ئێزدیان و وه‌كیلێ میرێ ئێزدیان و چه‌ندین كه‌سایه‌تێن سیاسى یێن ئیزدى ئه‌ڤرۆ ل گه‌ل به‌رپرسێن حكومه‌تا رووسیا ل مۆسكۆیا پایته‌ختێ وى وه‌لاتى كۆمبوون و ددیدارا ل گه‌ل میخائیل بوگدانۆڤ جێگرێ وه‌زیرێ ده‌رڤه‌یێ رووسیا و نوێنه‌رێ سه‌روكێ رووسیا بۆ كاروبارێن رۆژهه‌لاتا ناڤین ئه‌ڤ داخوازى پێشكیشى وان كرن .
1_ هاریكاریا 400000 ئاواره‌یین هه‌رێمێ بهێته كرن ئه‌وێن د 21 كه‌مپێن هه‌ریمێ دا ژلایێ ته‌ندرووستى و فێركرن و خوارن و هه‌موو لایێن دى ڤه .
2_ هه‌روه‌هان 5838 ئێزدیێن دده‌ستێ داعشێ دا بهێنه ئازادكرن .
3_ كاره‌ساتا ئێزدیان ب جینوساید بده‌نه ناسكرن ژبه‌ركو عیراق نه ئه‌ندامه د دادگه‌ها تاوانێن نیڤده‌وله‌تى دا پێتڤیه هاریكارى بهێته كرن داكو ببیته جینۆساید .
4_ پاراستنا نێڤده‌وله‌تى بهێته دابین كرن .
5_ پێدڤیه حكومه‌تا رووسیا د هه‌موو بواراندا هاریكاریا حكومه‌تا هه‌ریما كوردستانێ بكه‌ت ژبه‌ركو بارگرانیه‌كا مه‌زنا ل سه‌ر حكومه‌تا هه‌ریمێ هه‌ی.
ئه‌ڤرو نیوز ، نه‌وزاد زاده هلورى:
كومه‌كا گه‌نجێن سنوورێ ناحیا دێره‌لوكێ كه‌مپیه‌ك بو راگرتنا دراما ” وێستگه‌ها ته‌كسى ” پێك ئینایه و دده‌ن دیاركرن كو ئه‌ڤ كه‌مپین دێ بوو ده‌ما دوو هه‌یڤان یا به‌رده‌وام بیت.
سه‌لاح عه‌بدوللا ئێك ژ رێكخه‌رێن كه‌مپینێ بو ئه‌ڤرو نیوز گۆت : ( ب مه‌ره‌ما راگرتن و په‌خشنه‌كرنا دراما وێستگه‌ها ته‌كسى مه وه‌كو گه‌نجێن دێره‌لوكێ ب هه‌ڤكاریا گه‌نجێن ئامێدیێ و دهوكێ و ده‌وروبه‌ران كه‌مپینه‌ك پێكینایه و بوو ده‌ما دوو هه‌یڤان دێ كاركه‌ین و كارێ مه دێ پتر لسه‌ر تورێن جڤاكى بیت ، و دێ گڤاشتنان ئێخینه سه‌ر كه‌نالێ NRT2 كو درامایێ رابگریت ژ به‌ركو ئه‌ڤ درامایه ب هیچ شێوه‌یه‌كێ دگه‌ل داب و نه‌ریتێن جڤاكیێن مه‌یێن كوردى ناگونجیت و ده‌هان دیمه‌نێن بێ ره‌وشتیێ دناڤ دا ب هیجه‌یتا كومێدیبوونێ په‌خشدكه‌ت )
زێده‌تر گۆت : ( د هه‌ر ئه‌لقه‌كا درامایێ دا دیمه‌نه‌كێ كرێت و نه‌جوان و بێ ره‌وشتیێ هه‌یه و رۆژ بو روژێ ژى ئه‌ڤ دیمه‌ن پتر دبن ، و هزرا من ئه‌ڤ یه‌ك ژى ئاماژه‌دكه‌ت كو ئه‌ڤى كه‌نالى ب بهانه‌یا ئه‌ڤێ درامایێ دخوازیت د پلانه‌كا دارشتى دا كارتێكرنێ ل ره‌وشتێن گه‌نجێن مه بكه‌ت چ نها بیت یان ژى پشتى 50 سالێن دن )
بێوار ئه‌حمه‌د ژى گه‌نجه‌كێ دن یێ كه‌مپینیێ یه و گۆت : ( راسته هه‌ر كه‌ناله‌ك ئازاده چوو به‌لاڤ بكه‌ت به‌لێ دڤێت ئه‌ڤ ئازاده ژى كارتێكرنێ ل به‌رژه‌وه‌ندیێن گشتى نه‌كه‌ت ژبه‌ركو دبیت ئه‌ڤ دراما بوو جڤاكێ توركى یا گونجاى بیت به‌لێ بوو مه نه ژ به‌ركو هه‌موو دزانن ئه‌م جڤاكه‌ك عه‌شائیرى نه و په‌یوه‌ندیێن مه‌یێَن جڤاكى د خوشن و هه‌موو ژى دزانن ئه‌ندامێن مه‌یێن خێزانێ پێكڤه دخون و ڤه‌دخوون و پێكڤه ته‌ماشه‌یێ تێله‌ڤزیوونى َدكه‌ن و ئه‌ڤ یه‌ك ژى زور جاران مروڤى دده‌تن شه‌رمێ و مروڤ نكاریت سه‌حا درامایێ بكه‌ت پێشچاڤێن خێزانێ و دیڤدا ره‌نگه ده‌ركه‌ڤیت و ده‌ركه‌فتن دبیته سه‌ده‌م كو به‌رێ گه‌نجان بده‌تن كولان و چایخانان و هه‌تا نیڤ شه‌ڤان بمینیت ده‌رێ و ره‌نگه كارێن خراپتر ژى بكه‌ت )
لگوره‌ى زانیاریان دراما وێستگه‌ها ته‌كسى 500 ئه‌لقه‌یێن كه‌نالێن مه بخوڤه دگریت و نها دراما د ئه‌لقه‌یا 87 ێ دایه و ئێكه ژ درامایێن ئه‌ڤینى ب شێوه‌یێ كومێدى ، و ژلایێ كومپانیا فه‌رهه‌نگ ل دهوكێ هاتیه وه‌رگێران بوو زمانى َكوردى و رۆژانه ل كه‌نالێ NRT2 دهێته په‌خشكرن.
ئەڤرۆ نیوز، زنار زوبێر:
یاریکەرێ یانا دھۆک یێ ھێلا بەرەڤانیێ دیارکر ئەوی ھەڤبەستا خوە ھەلوەشاند ل گەل یانێ و ل نێزیک دێ پەیوەندیێ ب یانەکا دی کەت و داخوازا لێبورینێ ژ پشتەڤانێن یانێ خواست.
زێدەتر محەمەد حەمەد د داخویانیەکا تایبەت دا بۆ سایتێ ئەڤرۆ نیوز گۆت: ژبەر قەیرانا دارایی یا نوکە یانا دھۆک تێدا دەرباز دبیت نەشیام بەردەوام بم ل گەل ڤێ یانێ ژبەرکو ئەو و خێزانا خوە پێدڤی ب پارەی نە لەورا نەچاربوم ھەڤبەستا خوە ل گەل یانا دھۆک ب رازەمەندی ب ھەلوەشینم و ل نێزیک دێ پەیوەندیێ ب یانەکا دی کەم د خولا عیراقێ دا.
ناڤبری ل دووماھیێ داخوازا لێبورینێ ژ پشتەڤانێن یانا دھۆک کر ل دۆر ڤێ بریارێ لێ بۆ وان دوپات دکەم کو وی گەلەک قوربانی دایە پێخەمەت حەژێکرنا وی بۆ ڤێ یانێ و پشتەڤانێن وێ.
نيشاندان