ئه‌ڤرۆ نیوز:
ل گه‌ل ئه‌نجامدانا خواندنا ئێكێ و دوێ بۆ پرۆژه قانوونا بودجێ 2016 یێ عیراقێ كو ئه‌ڤرۆ ل په‌رله‌مانێ عیراقێ برێڤه‌چوو، نه‌رازیبوونێن جڤاتێن پارێزگه‌هێن به‌سره و كه‌رووك ل سه‌ر پشكا بودجه‌ى ده‌ستپێكرن، كه‌ركووك و به‌سره گه‌فا وێ یه‌كێ ژ حكومه‌تا عیراقێ دكه‌ن كو دڤێت قانوونا پترودولار د بودجێ عیراقێ دا بهێته جێگیركرن و بۆ وان بهێته مه‌زاختن.
ئیبراهیم خەلیل، ئه‌ندامێ لژنا دارایى ل ئه‌نجوومه‌نێ پارێزگه‌ها كه‌ركووك راگه‌هاند” بۆ مسوگه‌ركرنا بودجێ كه‌ركووكێ، به‌رى نوكه مه سه‌ره‌دانا جڤاتا وه‌زیرێن عیراقێ كریه و مه نوونه‌رێن كوردان ژى ل په‌رله‌مانێ عیراقێ ئاگه‌هداركرینه كو گرنگیێ ب بودجا كه‌ركووكێ بده‌ت ب تایبه‌ت پارێ پترودولارى، كو پارێزگه‌ها كه‌ركووكێ دو ساله پارێ پترودولار وه‌رنه‌گرتیه و ب تنێ پارێ پترودولارێ 2014 دبیته 248 ملیار دینار.
ئەڤرۆ نیۆز، ھەژار مەعروف:
چاڤەرێ دھێتەکرن رۆژا پێنج شەمبیا بھێت ل یاریگەھا یانا دھۆک یا وەرزشی تیما تەپا پێ یا دھۆک مێڤانداریا تیما کارەبا بکەت ژ چارچوڤێ یاریێن قوناغا ٣٢ ژ کاسا عیراقێ لێ دەنگوباس وەسا دیاردکەن یانا بەغدادی ب فەرمی ڤەکێشانا خوە راگەھاندی یە ژ کاسا عیراقێ .
ژێدەرەکێ نێزیک ژ یانا کارەبا بۆ ئەڤرۆ نیۆز دیارکر ژبەرکو ئەو ل ڤێ دەمێ دخوازن بتنێ پشت بەستنێ ل سەر یاریێن خۆلێ بکەن ھەکە چو ئەگەرێن دی نەبوون.
تیما دھۆک ب ڤێ بریارا دەستەیا کارگێریا یانا کارەبا یا مفادارە و دەربازی قوناغا ١٦ ژ کاسا عیراقێ بوو دێ چاڤەرێ سەرکەفتیێ یاریا شەھران و نەفت بیت ئەوا بریارە رۆژا پێنج شەمبیا بھێت بھێتەکرن.
ئەڤرۆ نیۆز:
ستێرا ھەلبژارتیێ سوید و یانا پاریس سان جیرمان بۆ جارا دوھێ ھاتە خەلاتکرن ب تەپا زێری یا باشترین یاریکەرێ تەپا پێ ل سەر ئاستێ سوید.
ھەژی گوتنێ یە ئیبرا یێ سویدی بۆ جارا ئێکێ ب ڤی خەلاتی ھاتیە خەلاتکرن سالا ٢٠٠٥ بوو پاش سالا ٢٠٠٧ جارا دوێ ھاتە خەلاتکرن و ھەر ژ وێ سالی ھەتانوکە دھێتە ھەلبژارتن وەکو باشترینی سوید.
ئەڤرۆ نیۆز، ھەژار مەعروف:
تیما زەورا ھەلگرا ١٤ ناسناڤێن کاسا عیراقێ دەربازی قوناغا ١٦ بوو پشتی ئەڤرۆ د یاریا خوە یا قوناغا ٣٢ دا ب سەرکەفتی ل سەر دیفاع مەدەنی ب گولەکێ بێ بەرامبەر ئەوا ژلایێ یاریکەرێ وێ لوئەی سەلاح ڤە ھاتیە تومارکرن و تیما زەورا دێ چاڤەرێ سەرکەفتیێ یاریا ھەردو یانێن گارە و دیالا بیت ئەوا بریارە سوباھی بھێتەکرن ل یاریگەھا دیالا و ھەر ژ یاریێن سوباھی سیناعە دێ ل یاریگەھا خوە بەرامبەر سەحە کەت و سەماوە ل گەل قاسم کەت و ئەمانە بەغداد ل گەل کوفە .
تیما تەلەبە
تیما تەلەبە ھەلگرا دو ناسناڤان بریار بوو بیتە مێڤانا نەفت ئەلجنوب و زاخۆ ل گەل بەلد لێ ھەردو یانێن تەلەبە و زاخۆ بەری نوکە ڤەکێشانا خوە راگەھاندی یە و ھەردو یانێن بەلد و نەفت ئەلجنوب دەربازی قوناغا ١٦ بوون .
ئەڤرۆ نیۆز:
پشتی ل وەرزێ ئەڤ سالە ب شێوەکێ خواستن ژ یانا فیرۆنتینا ئیتالی بۆ یانا بشکتاش یا تورکی ھاتیە ڤەگوھساتن و نەھـ گول ھەتانوکە ل گەل تیما خوە دخولا سوپر لیگا تورکیا دا تومارکری نە، ژبەر ئەو ئاستێ وی یێ بلند ل وەرزێ ئەڤ سالە پێشکێش کری راھێنەرێ ھەلبژارتیێ ئەلمانیا لوف جارەکا دی یاریکەرێ ئەلمانی ماریۆ گومێز داخوازی ھەلبژارتیێ ئەلمانیا کر بۆ ھەردو یاریێن ھەڤالینی یێن بھێت بەرامبەر ھەلبژارتیێ فرەنسا و ھولەندا کو بریارە ١٣ و ١٧ ڤێ ھەیڤی بھێنەکرن.
ماریۆ گومێز ئەوێ ماوەکێ درێژ ژ پێکھاتیێ ھەلبژارتیێ ئەلمانیا دورکەڤتی کو بەری نوکە ٦٠ یاریێن نیڤدەولی كرى نە و شیای یە ٢٥ گولا توماربکەت .
گومێز بەری نوکە یاریی ل ھەر ئێک ژ یانێن شوتگارت و بایرن میونیخ و فیرۆنتینا ئیتالی کری یە.
ئەڤرۆ نیۆز، ھەژار مەعروف:
خوبەرھەڤکرن بوو ھەردو یاریێن بھێت بەرامبەر ھەلبژارتیێن ئولومپی یێ مەسر و ئیمارات بریارە سوباھی ھەلبژارتیێ ئولومپی یێ عیراقێ یاریەکا ھەڤالیی ل گەل یانا پێشمەرگە یا ھەلێرێ بکەت ل یاریگەھا شەھید فرانسۆ حەریر یا دوێ ژ چارچوڤێ کەمپا خوە یا راھێنانی ل باژێرێ ھەولێرێ و چاڤەرێ دھێـتەکرن یاریا دوێ ژی بەرامبەر ئێک ژ یانێن پشکدار یێن خۆلا کوردستانێ بکەت ل دەستپێکا حەفتیا بھێت.
ئەڤرۆ نیوز:
پارێزەرەکێ دادگەھا دھۆکێ راگەھاند، کو کچەکا سنێلە ژ دو لایانڤە غەدرە لێ دبیت جارەکێ بەری شوو بکەت و جارا دیتر ژی پشتی شووکرنێ، بەری شووکەت دەمێ یا بچووک تووشی دەستدرێژیێ بوویە و ب خافلەتیفە ھاتیە سەردابرن و ژ کچینیێ ھاتیە ئێخستن و پشتی شووکرنێ ژی مالا کوڕکی ئەڤ چەندە زانیە و داخازا ژێکڤەکرنا وان کریە و ئەڤ چەندە نە ب دلێ کوڕی بوویە و نە ب دلێ کچێ، بەلێ بووینە قوربانێن بریارا دەیک و بابا.
پارێزەر شڤان فارس ل دادگەھا دھۆکێ بۆ ئەڤرۆ دیارکر کو کچەکا سنێلە ژ دو لایانڤە غەدرە لێ دبیت جارەکێ بەری شوو بکەت و جارا دیتر ژی پشتی شووکرنێ و ئەڤ کچە یا بچووک بۆ کوڕەکی ب ھێجەتا وێ چەندێ کو دێ مالەکێ نیشا دەت خافل دکەت و دبەت و دەستدرێژیێ ل سەر دکەت و ژ کچینیێ دئێخیت. پاشان ئەڤ کچە رادبیت شوو دکەت و پشتی ڤەگوھاستنێ دیار دبیت کو نە کچە پشتی دو ھەیڤان دمینتە ل مالا کوڕی پاشان رۆژەکێ دکەنە دەرێ و دبێژنێ ھەرە مالا بابێ خوە، پشتی ماوەکێ درێژ مایە ل مالا بابێ خوە بابێ وێ و بابێ کوڕکی قەستا دادگەھێ کر بۆ مەرەما ژێکجووداکرنا ھەردویان و گۆت: مە ل دادگەھێ گەلەک بزاڤ کر ھەردویان پێک بینین چونکی د بچووک بوون و کچێ ژی دانپێدان کر کو دەمێ ئەو یا بچووک تووشی سەردابرنەکێ ببوو و ژ کچینیێ ھاتیە ئێخستن، بەلێ ھەردو دایبابا گۆتن مە دڤێت ئەڤ کچ و کوڕە ژێکڤە بن بۆ مە دروست نینە، ھندی مە بزاڤ کر وەکو پارێزەر باوەریێ بۆ دایبابا چێکەین کو خەلەتیەکا زارۆکینیی بۆ و توبە کریە و چو گونەھا خوە نینە و بێ حەزا خوە چوویە و چو پەیوەندی ل گەل کەسێ نینن بەلێ ھەر بێ مفا بوو، داخواز ژ دادگەھێ کر ژێک بھێنە بەردان،
پارێزەری ئەو چەندە ژی ئاشکرا کر کو، ب مخابنیڤە دەیک و بابێن کوڕی زۆری و غەدر ل کوڕێ خوە کر چونکی کوڕێ وان ئەو کچ دڤیا و لێبوری بوو گەلەک کارتێکرن لێ بو و نەدڤیا وێ کچێ بھێلیت.
پارێزەری ئەو چەندە ژی دا زانین، بۆ زانین کوڕ ژی یێ بچووک بو ژیێ وی نەببوو ١٨ سال ھەڤژینیا وان ب راپورتا پزیشکی بو دبێژنێ (بلوغ حکمی)، ئانکو کچێ ژلایێ لەشی و قیافەت و پێگەھشتنا وێ شیانێن شووکرنێ ھەنە یان نە، دادوەری ل ڤێرە دەستھەلات ھەیە بریارێ بدەت یان پێشکێشی لێژنا پزیشکی بکەت کا تەحەموول ھەیە یان نە، پاشان رەزامەندیێ ل سەر پێکئینانا خێزانێ بدەت.
شڤانی دیارکر ژی ، د ڤێ کێشێ دا وەکو یا دیار غەدرە ل کچێ و کوڕی بوو و چو لایەنێ خێرێ ژی نەبوو نە ژ کەس و کارێن کچێ و نە یێن کوڕی کو وان پێک بینن، مخابن کچا چو گونەھا خوەنە ھەتا شوو دکەت ژی ھەر باجا خەلەتیەکێ بدەت بێ حەزا وێ ھاتبیتەکرن و ببیتە قوربانا عەقلیەتەکا کەڤن یا ھشک و ژەنگار.
ئەڤرۆنیۆز، سالار دۆسکی:
سێ قوتابخانا قەزا سێمێلێ ئاڤ چووبوویێ و ئەگەر باران زور بھێن مامۆستا ناھێتە ھەژمارتن نەھاتی، دیسان دەڤەردارێ دھۆکێ ژی ئاشکراکر کو چ زیان نەبووینە
بوتان محسن قائیمقامێ قەزا دھۆکێ بۆ مالپەرێ ئەڤرۆ نیۆز گۆت: پشتی ھاتنا بارانەکا چو کێشە پەیدا نەبووینە، ئەڤە پشتی کار ل گەل رێڤەبەریێن سولینان و باژێرڤانیان ھاتینەکرن.
بوتان محسن ئەوچەندەژی ئاشکراکر کو ئاڤ نەچوویە چ تاخێن باژێری و ھەتا نوکە گازندە نەھاتیە و کار ل باژێری ھاتیەکرن و چ ئاریشە پەیدانەبووینە، بتنێ ئاڤ کومبوویە لێ نەچوویە مالان.
بوتانی ھێشتا ژی گۆت:ژبەر ھاتنا بارانێن زور مە چ ھوشداری و ئاگەھداری نەداینە چ تاخان.
ھەڤدەم عەبد یوسف رێڤەبەرێ گشتیێ پەروەردێ ل پارێزگەھا دھۆکێ بۆ مالپەرێ ئەڤرۆ نیۆز گۆت: دەوام قوتابخانان یا ھاتیەکرن و بتنێ چەند قوتابخانە ل سنورێ پەروەردا سێمێل تووشی ئاڤێ ببوو، دو قوتابخانە و باغچەکێ زارۆیان باران ھاتبوو تێدا
عەبدی ھێشتا گۆت: ھەر مامۆستایەکێ ژ دھۆکێ بچیتە دەرڤە و ئەگەر گەلەک باران بھێن و ھاتن وچوون نەبیت دەست ھەلات بۆ پەروەردێن وان ھاتینە دان کو نەھێنە ھەژمارتن نەھاتی.
نيشاندان