ئەڤرۆ نیۆز، بیستێر حکمەت:
فوتو، بیستێر:
پشتی پوستێ راھێنەریا تیما تەپا پێ یا دھۆک یا پشکدار دخۆلا عیراقێ دا وەرگرتی و ھەر دوھی یەکا ئێکێ یا راھێنانی ب سەرپەرشتیا راھێنەرێ تیمێ یێ نوو ئاشتی موستەفا ھاتە کرن، خوبەرھەڤکرن بوو یاریا کاسا عیراقێ یا قوناغا ٣٢ ئەوا بریارە رۆژا پێنج شەمبیا بھێت بةرامبةر يانا كارةبا بكةت ل یاریگەھا یانا دھۆک يا وةرزشى
ئه‌ڤرۆ نيوز:
ژنەکا ٣٠ سالی دلێ خوە بۆ ئەڤرۆ ڤەدکەت و دبێژیت: ئەڤە ٤ سالە من یا شوو ب مروڤەکێ ھەژار کری ، لێ مالباتا من د زەنگینن و من دو برا و خوشکەک ھەنە و دایک و بابێن من یێن چوینە بەر دلوڤانیا خودێ و دێ میراتێ مە ھێتە دابەشکرن خوشکا من یا دی تنازل یا کری بۆ برایێن من کو ئەم ھەموو خودان مال و عەیالین، بەلێ ھەردو برا و خوشکا من د زەنگینن، لێ ئەز نە وەک وان یا حال خوشم و دەمێ من داخوازا میراتێ بابێ خوە کری ھەموویا دژاتیا من کر و گوتە من شەرمە تو مالێ برایێن خوە ببەی ئەرێ ھوون چ دبێژن و ئەز چ بکەم تەنەزلی َژ مافی َخوە بکەم یان نە؟؟
خانما ھێژا :
مخابن ھندەک داب و نەریت یێن دناڤ جڤاکێ مەدا ھەین کو گەلەک زولمێ ل ژنێ دکەن و ھەموو ئایین جەختیێ لسەر وێ چەندێ دکەن کو دڤێت کەسێ باوەری بخودێ و پێغەمبەرا ھەی پێدڤیە دادپەروەریێ بچەسپینیت دگەل خوە و خێزانا خوە و دڤێت مافێ ھەموو ئەندامێن خێزانا دابین بکەت نەخاسمە بوارێ ئابوری یێ ھەموویا بەرچاڤ دانن، ھەتا حالێ وان باش ببیت دڤێت مافێ وان بدەنێ و ھەر لدووڤ قانوونێ، ئەگەر خووشکا تە تەنازلێ بکەت تو ھزرا خوە بکە و داخازا مافێ خوە بکە و ژبیر نەکە ھەر کارەکێ گرێدای ب مالباتا تەڤە ملکێ ھەموویانە و کارەکێ رەوایە تو لدووڤ بچی ژبەرکو تو ژی بەرپسیاری ژ دابینکرنا ژیانەکا خوش بو خێزانا خوە و ژبیر نەکە کو ئەڤ ھزرە یێن کێم بوین کو شەرمە و مال نە یێ برایێن تەیە و مال یێ ھەوە ھەموویانە و باشترە برایێن تە ھەتا بێی میراتی ھاریکاریا خوشکێن خوە بکەن ژبو دابینکرنا ژیانەکا باشتر بو وان و خێزانا وان و بدیتنا مە ئایینی و قانوونێ ئەو ماف یێ دایە تە ئەڤجا چو شەرم تێدا نینە و بدیتنا مە شەرم ئەوە کو کەسەک حالێ وی یێ باش بیت و خووشک و برایێن وی د ھەژار بن .
ئه‌ڤرۆ نیوز:
ئه‌ڤرۆ ئێڤارى ژ ئه‌گه‌رێ هاتنا بارانه‌كا زور ل چه‌ند باژاروكێن گه‌رمیان، و هه‌تا نوكه یا به‌رده‌وامه، ل هنده‌ك جهان له‌هى دروست بوویه و ئاڤ یێ چوویه مالێن خه‌لكى، له‌وما ب نه‌چارى بریار هاته دان سوبه ببیته بهێنڤه‌دان بۆ ناڤه‌ندێن خواندنێ ل سنورێ گه‌رمیان.
هه‌روه‌سا قایمقامێ قه‌زا كه‌لار و رێڤه‌به‌رێ په‌روه‌ردا كفرى بریاردا سوبه ل سنورێ قه‌زا كه‌لار و كفرى ببیته بهێنڤه‌دان.
ئه‌ڤرۆ نیوز : ڤه‌ده‌ر ره‌شاڤایی:
كۆمپانیا نه‌فتا باكۆر یا كه‌ركووكێ د به‌یاننامه‌كێ دا پشت راستكر كو هنارتنا نه‌فتا كه‌ركووكێ بۆ به‌نده‌رێ جه‌یهان یێ توركی یا به‌رده‌وامه و نه‌هاتیه راگرتن.
رۆژانه 300 هزار به‌رمیل ژ نه‌فتا كه‌ركووكێ بۆ به‌نده‌رێ جه‌یهان دهێنه هنارتن و به‌رهه‌مێ نها گه‌هشتیه 395 به‌رمیلێن رۆژانه.
ئه‌ڤرۆ نیوز: ڤه‌ده‌ر ره‌شاڤایی:
ئاژانسا دژه مادێن هوشبه‌ر یا ئیندونیسی پێشنیاره‌ك پێشكێش كرییه بۆ وێ یه‌كێ گزیرته‌كێ بكه‌نه زیندان بۆ تاوانبارێن مادێن هۆشبه‌ر، و تیمساحان وه‌ك زێره‌ڤان دانن و په‌رله‌مانێ ئیندونیسیا دێ گه‌نگه‌شێ لسه‌ر كه‌ت.
ئاژانسێ دایه خویاكرن كو ئه‌گه‌رێ سه‌ره‌كی ژ ڤێ بریارێ ئه‌وه كو به‌رۆڤاژی زێره‌ڤانێن مرۆڤ، تاوانبارێن مادێن هۆشبه‌ر نه‌شێن تیمساحان به‌رتیل كه‌ن كو بهێلن بره‌ڤن.
پێشنیار ژ ئالیێ زانایه‌كێ گزیرتان بناڤێ (باجی واسێسو) هاتیه نڤیسین كو نها ل وی وه‌لاتی دگه‌ریت بۆ ده‌ستنیشانگرنا توندترین جۆرێ تیمساحان.
ئیندونیسیا گرانترین سزا بۆ بازرگانێن مادێن هۆشبه‌ر هه‌یه كو ژ وان سزایا ژی ته‌قه‌كرنا بكۆم، ئه‌ڤه‌ژی ژبه‌ر وێ یه‌كێ كو ئه‌و وه‌لات كه‌ڤتیه د ره‌وشا نه‌ئاسایی دا ژبه‌ر زێده‌بوونا بكارئینانا مادێن هۆشبه‌ر ژ ئالێ خه‌لكێ وی وه‌لاتی ڤه .
ئەڤرۆ نیۆز:
راپورتێن رۆژنامەڤانی ل ئوروپا ئاماژە ب وێ چەندێ کری یە ستێرا ھێلا ناڤین یا ھەلبژارتیێ بەلجیکا و یانا چێلسی یا ئینگلیزی ئیدین ھازارد ل ماوێ بھێت دێ پێکھاتیێ بلۆز ب جە ھێلیت ژبەرکو ل گەل یانێ ل ڤی دەمی نە یێ ئارامە تایبەت راھێنەرێ نوکە یێ پرتوگالی و نوکە چەندین یانێن بەرنیاس ل سەر ئاستێ ئوورپا ھاتیە ل سەر ھێلی بۆ ب دەستڤە ئینانا شیانێن ئەڤی یاریکەری.
رۆژناما مترۆ یا ئینگلیزی ئاماژە ب وێ چەندێ کری یە یانا ریال مەردید حەزا ئینانا ئەڤی یاریکەری ھەیە و دەست ب دانوستاندنان ژی کری یە بۆ ئیمزاکرنا ھەڤبەستا یاریکەرێ بەلجیکی لێ ھەڤرکا یانا مەلکی یانا بەرشەلۆنا ب ھێز ھاتیە دناڤ بازارێ ئینانا ئەڤی یاریکەری و یانا کەتەلۆنی حەزا خوە دیارکری یە ھەڤبەستێ ل گەل ئەڤی یاریکەری ئیمزابکەن و د بەرھەڤن کوژمێ ٤٣ ملیون ئیسترلینی تەرخان بکەن بۆ ب دەستڤە ئینانا شیانێن ھازارد .
ئه‌ڤرۆ نیوز:
پشتى وه‌زاره‌تا خواندنا بلند دوهى ناڤێن به‌ربژارێن خواندنا دكتورایێ راگه‌هاندین، ئه‌ڤرۆ سپێدى ئه‌ڤرۆ نیوز، ناڤێ به‌ربژارێن زانكۆیا دهۆك بو خواندنا دكتورایێ به‌لاڤ كرن و ب رێیا ڤى لینكێ ل خوارێ هوین دشێن ناڤێن به‌ربژاران ببینن.
ئه‌ڤرۆ نیۆز، قائید میرۆ:
ژ ئه‌گه‌رێ شورتێ كاره‌بێ ل قه‌زا تلكێف سێ چه‌كدارێن داعش هاتنه كوشتن و كۆگه‌هه‌كا چه‌ك و ته‌قه‌مه‌نیان ژی هاته ژناڤبرن.
غه‌یاس سورچی، په‌یڤدارێ مه‌لبه‌ندێ ئێكه‌تیێ ل نه‌ینه‌وا ب ئه‌ڤرۆ نیۆز راگه‌هاند” ئه‌ڤرۆ ل سه‌نته‌رێ قه‌زا تلكێف یا سه‌ر ب پارێزگه‌ها نه‌ینه‌وا ژ ئه‌گه‌رێ شورته‌كێ كاره‌بێ ئاگر به‌ربوویه كۆگه‌هه‌كا گروپا تیرۆرستیا داعش و د ئه‌نجامێ ئه‌ڤی ئاگری هژماره‌كا زۆرا بۆمب و ته‌قه‌مه‌نیێن ناڤا كۆگه‌هێ په‌قینه.
غه‌یاسی گۆتژی” ژ ئه‌گه‌رێ په‌قینا كۆگه‌ها چه‌ك و ته‌قه‌مه‌نیێن داعش سێ چه‌كدارێن تیرۆرستن هاتنه كوشتن و جهێ بۆمبڕێژكرنا ترۆمبێلێن داعش هاته ژناڤبرن.
ئه‌ڤرۆ نیوز:
ئێكه‌تیا نیشتمانیا كوردستانێ پرۆژه‌یه‌كێ نوى بۆ سازانا لایه‌نێن سیاسى یێ هه‌ى و بۆ ڤێ مه‌ره‌مێ ژى دێ ناڤه‌رۆكا پرۆژه‌ى ل گه‌ل لایه‌نێن سیاسى شروڤه‌كه‌ت.
سەعدی ئەحمەد پیرە، ئه‌ندامێ مه‌كته‌با سیاسى یا ئێكه‌تیا نیشتمانیا كوردستانێ دیاركر كو ل چه‌ند رۆژێن بهێت لایه‌نێن سیاسى دێ پرۆژێن وان بینن بۆ ئةنجامدانا دانوستاندنان.
سه‌باره‌ت ئه‌گه‌رێ ده‌ستپێكرنا كومبوونێن 5 قولى، سه‌عدى ئه‌حمه‌د پیره گوت” نزانم ناڤێ كومبوونان دێ پێنج قولى بیت یان نه، به‌لێ لایه‌ن بۆ دانوستاندن سه‌باره‌ت گرفتێن سیاسى یێن ئه‌ڤرۆ كوردستان تێكه‌فتى، دێ كومبن.
ئه‌ڤرۆ نیوز:
بریاره سوبه په‌رله‌مانێ عیراقێ خواندنا ئێكێ بۆ پرۆژه قانوونا بودجێ گشتى یێ 2016 یێ عیراقێ بكه‌ت.
ئەحمەد حاجی ڕەشید بریارده‌رێ لژنا دارایى ل په‌رله‌مانێ عیراقێ راگه‌هاند كو سه‌رۆكایه‌تیا په‌رله‌مانێ عیراقێ بریار یا داى سوبه‌هى خواندنێ بۆ پرۆژه قانوونا بودجه‌ى بكه‌ت.
سه‌باره‌ت بوچوونا فراكسیونێن كوردى ل سه‌ر پروژه قانوونێ، بریارده‌رێ لژنا دارایى ل په‌رله‌مانێ عیراقێ ئاماژه ب وێ یه‌كێ كر كو ئه‌وان تێبینى ل سه‌ر چه‌ند برگه‌یان یێن هه‌ین، به‌لێ هه‌تا نوكه سه‌ركردایه‌تیا سیاسى یا كوردى چ بزاڤه‌ك نه‌كرینه بۆ ره‌فتاركرنێ ل گه‌ل بودجێ عیراقێ.
نيشاندان