ئەڤرۆ نیۆز، ھەژار مەعروف:
یاریکەرێ ھەلبژارتیێ لیبیا یێ بەری نوکە و یانا ئیتحاد بنغازی یا لیبی عبدولحکیم عەبدو دوھی پەیوەندی ب یانا زێرەڤانی کر ب مەرەما ئیمزاکرنا ھەڤبەستێ ل گەل ھەلگرا ھەرسێ وەرزێن بوری یا خۆلا کوردستانێ.
یاریکەرێ لیبی یێ ب ناڤێ عەبدولحکیم یێ بەرنیاس ل سەر ئاستێ وەلاتێ لیبیا ب عەبدو نوکە ل بن چاڤدرێریا دەستەیا راھێنەریا یانا زێرەڤانی یە کو ل چەند رۆژێن بھێـت دێ بریار ل سەر ھێتە دانێ کو یاریکەرێ ناڤبری بەری نوکە ل ھەلبژارتیێ لاوان و ئۆلومپی و ھەلبژارتیێ ئێکێ یێ لیبیا کری یە ل چەندین یانێن بەرنیاس ل سەر ئاستێ لیبیا ژی کری یە وەکو یانێن ئەھلی و ئیتحاد یێن لیبی.

ئەڤرۆ نیۆز:
رۆژنامەیێن ئینلگیزی تەکید ل وێ چەندێ کری یە راھێنەرێ یانا مانشێستەر یوناید یێ ھولەندی ڤان گال یێ رژدە ئەڤ جارە ھەڤبەستێ ل گەل ستێرا یانا پاریس سان جێرمان و کاپتنێ ھەلبژارتیێ سوید ئیبراھیموڤیج ئیمزابکەن ل ڤەگوھاستنێن ھاڤینا بھێت بۆ ب ھێز ئێخستنا پێکھاتیێ تیما خوە.
راپورتێن رۆژنامی ل باژێرێ یوناید دیارکری نە کارگێریا یانا ئینلگیزی  داخوازن ھەڤبەستێ ل گەل ستێرا پرتوگالی و یانا ریال مەدرید ئیمزابکەن لێ ئەو باش دزانن ئینانا ستێرا پرتوگالی ل ڤی دەمی دێ بوو ئەوان یا زحمەت بیت ژبەرکو یانا مەلکی داخوازیەکا کوژمەکێ مەزن بەرامبەر ڤەگوھاستنا وی کەن و ھەلبژارتنا ئەوان یا دوێ یاریکەرێ سویدی ئیبراھیمۆڤیج کو ئەو گەلەک د رژدن ھەڤبەستێ ل گەل ئەڤی یاریکەری ئیمزابکەن .

ئەڤرۆ نیۆز، ھەژار مەعروف:
چاڤەرێ دھێـتەکرن روژا چارشەمبیا بھـیت  ل یاریگەھا دیالا تیما تەپا پیێ یا گارە بیتە مێڤانا یانا دیالا ژ چارچوڤێ یاریێن قوناغا ٣٢ ژ کاسا عیراقێ .
تیما گارە ئەوا پشکدار دخۆلا پلا ئێک یا عیراقێ دا ئەڤرۆ ژ باژێرێ دھۆکێ بەر ب باژێرێ بەغدا ڤە چو ب مەرەما کرنا یاریا خوە بەرامبەر تیما دیالا .
ل دۆر دووماھی بەرھەڤیێن تیما گارە راھێنەرێ تیمێ خالد موسا د داخویانیەکێ دا بۆ ئەڤرۆ نیۆز دیارکر تیما ئەوان د بەرھەڤیەکا باش دا یە چو کێماسی ل پێکھاتیێ تیمێ نین ب ئومێدن دێ شێن ئەنجامەکێ باش ب دەستخۆڤە تومارکرن و دەربازی قوناغا ١٦ بن ژ کاسێ .
ھەژی گوتنێ یە سەرکەفتی ڤێ یاریێ دێ بەرامبەر سەرکەفتی یاریا زەورا و دیفاع مەدەنی کەت ل قوناغا بھێت.

ئەڤرۆ نیوز،زنار:
پشتی یانا ریال مەدرید ب سەرپەرشتیا راھێنەرێ خوە رافائێل بێنیتێز تووشی خوسارەتیا ئێکێ بوی د خولا ئسپانی دا ل سەر دەستێ یانا ئەشبیلیا و سەرکێشا خولێ بۆ یانا بەرشەلونە ھێلای بەری یاریا کلاسیکویێ، دەە ئەگەر ھەبون یانا مەلەکی ب ئاستەکێ لاواز ھاتیە دیتن د وێ یاریێ دا.
١_ ملێ راموسی و پاشڤە زڤرینا ئاستێ پێپێ: ریال مەدرید تووشی ئاستەنگا بو پشتی کاپتنێ وێ سێرجیو راموس تووشی ھنگافتنێ بوی سەرەرای کو نوژداران ھوشداری ل دۆر پشکداریا راموسی دا بونە راھێنەرێ تیمێ پشتی دەرکەفتنا وی ئاستێ بەرەڤانێن ریالێ ھاتە گوھۆرین و یاریکەرێ پرتوگالی پێپێ ژی ل ئاستێ خوە نەبوو پشتی ژ ھنگافتنێ زڤری کو ئەو ئەگەرێ سەرەکی یێ گۆلا سیێ بوو ل سەر یانا وی.
٢_ رونالدو ل ھەرێما خوە یێ دیارنەبوو: ھەرێما ئەندەلوس دھێتە نیاسین ب ھەرێما کرستیانو رونالدوی ژبەرکو ل ڤێ ھەرێمێ رونالدو شیایە ١٩ گۆلان تنێ ل سەر ئەشبیلیا توماربکەت ل گەل یانا مەلەکی لێ د یاریا ئێکشەمبیا بوری دا رونالدو ل ئاستێ خوە نەبوو کو پشتەڤانێن ریال مەدرید ماینە حێبەتی ل سەر ئاستێ وی.
٣_ دەرکەفتنا مێسی ل ئەندەلوس: ئاستێ خراب یێ رونالدوی بۆ ئەگەر لیونێل مێسی ل گەل یانا ئەشبیلیا بھێتە دیتن لێ نە یێ ئەرژەنتینی بەلکو یێ ئوکرانی کونوبلیانکا ژبەرکو ئەڤ یاریکەرە شیا زێدەتر ژ چەند جاران بەرەڤانێن ریالێ بوریت و بۆ ئەگەرێ دۆوستکرنا گۆلان بۆ یانا ئەشبیلیا.
٤_ شکەستنا چەنگێن ریالێ: ریال مەدرید پوشمان بو ژبەرکو یاریکەرێ خوە یێ پرتوگالی فابیو کوێنتراو ب بەروەخت چویە موناکو یا فرەنسی پشتی ھنگافتنا مارسێلوی د یاریا پاریس سان جێرمان دا، ل شوونا وی ناچوی پشکداری د لایێ چەپێ دا کر لێ ب ئاستەکێ لاواز ھاتە دیتن و یا باشتر ئەوە یاریکەرێ روسی دینس تچیرچیڤ پشکداری کربا ل شوونا ناچوی، و لایێ راستێ یاریکەرێ بەرازیلی دانیێلو ئێک ژ خرابترین یاریا ئەنجامدا ژبەرکو یاریکەرێن ئەشبیلیا کونوبلیانکا و ئیڤا بانیگا و کریشوفیاک ب بەردەوامی ژ وی دبورین و لایێ وی ببو جھێ ھێرشێن ئەشبیلیا.
٥_ ترسا بێنێتێزی: راھێنەرێ ریالێ دھێتە تاوانبارکرن کو شێوازێ یاریا وی بەرەڤانیە ل سەر کیستێ ھێرشبەریێ لەورا ئەو بزاڤ کر پشتبەستنێ ل سور ھێلا ناڤین بکەت زێدەتر ئەرکێ بەرەڤانیێ ل سەر یاریکەرێن ھێلا ناڤین بەلاڤدکەت لەورا نوکە پێدڤی ب یاریکەرەکێ وەکی یێ ئەرژەنتینی ئەنخێل دی ماریا یە داکو ھەڤسەنگیێ پەیدا بکەت ل ھێرشبەریێ ل ھێلا ناڤین.
٦_ سەرنەکەفتنا ریال مەدرید د تەپێن بلند دا: ئاماران ئاشکرا کریە یانا ریال مەدرید شیایە ٢٥% سەرکەفتنێن وێ ل سەر ئەشبیلیا ب تەپێن بلند بویە بەرامبەر ٧٥% ئەشبیلیا شیایە تەپێن بلند سەرکەفتنێ ل سەر ریالێ تومار بکەت.
٧_ ھنگافتنا کیلور ناڤاس: نە پشکداریا ناڤاس وەک گولچیێ یانێ ژ ئەگەرێ ھنگافتنێ بۆ ئەگەرەکێ مەزن ریال مەدرید خوسارەت بیت ژ بەرکو د نەە یاریان دا تنێ سێ گۆل ل سەر ناڤاس ھاتینە تومارکرن و د ڤێ یاریێ دا ل شوونا وی کیکو کاسیا پشکداری کر سێ گۆل ئەشبیلیا تومارکرن لەورا پێدڤیە ریال باشتر کاربکەت بۆ ساخلەمیا گرلچیێ خوە یێ سەرەکی کیلور ناڤاس.
٨_ لاوازیا ئاستێ ھێلا ناڤین: یاریکەران تونی کروس و ئیسکو و لوکا مودریچ ئاستێ وان یێ ھونەری و ھێزا لەشی پاشڤە زڤربوو ھەمبەر ئەشبیلیا کو دبیتە یاریا ئێکێ ئەڤ یاریکەرە ب ڤی ئاستێ خراب دھێنە دیتن سەرەرای کو یێ کرواتی مودرێچ بەلاڤبونا وی د یاریێ دا باشتر بو ژ ئیسکوی و کروسی.
٩_ نەبونە ھێزا لەشی ژ ئەگەرێ ھنگافتنا: زوریا کرنا یاریێ بۆ ئەگەر ئاستێ ھێزا لەشی یا یاریکەرێن یانا مەلەکی بەر ب لاوازیێ بچیت ژبەرکو ریالێ چەند یاریێن بھێز و ب زەحمەت ئەنجامدان د خولا ئسپانیا بەرامبەر سەلتافیگو و ئەشبیلیا ژ دەرڤەی یاریگەھا خوە دیسان ئەنجامدانا دو یاریان ل گەل پاریس سان جێرمان، دڤان یاریان دا ریالێ چەندین یاریکەرێن خوە ژ دەستدان ژ ئەگەرێ ھنگافتنێ لەورا تیم نەشیا ھەڤرکیا یانا ئەندەلسی بکەت.
١٠_ ھزرکرنا یاریا کلاسیکویێ: ریال مەدرید گەلەک ھزرێن یاریا کلاسیکویێ دکرن ژبەر ھنگافتنا و وەگرتنا کارتان کو ترسا وێ چەندێ ھەبوو پشکداریێ نەکەن ھەمبەر بەرشەلونە.

ئەڤرۆ نیۆز:

یاریکەرێ ھەلبژارتیێ عیراقێ کەرار جاسم  داخویانیەکێ دا بۆ ئەڤرۆ نیۆز دیارکر ئەو دخوازیت ل ماوێ بھێت یاریێ ل ئێک ژ یانێن جەویە يان نەفت وەست بکەت ژبەرکو ئەڤان ھەردو یانا پشکداریا ئاسیا ھەیە .
ناڤبری زێدەتر گوت: ھەردو یانێن نەفت وەست و جەویە دەست ب دانوستاندن ل گەل من کری نە پشتی یاریا ھەلبژارتیێ عیراقێ بەرامبەر تایوان دێ بریارا دووماھیێ ل سەر یانەیا خوە یا نووی دەم .
ناڤبری ل دۆر یانا زاخۆ دیارکر پەیوەندی پێ ھاتیەکرن لێ ئەو دخوازیت یاریێ د قارەمانیا ئاسیا دا بکەت و ئەوی رێز بۆ جەماوەر و کارگێریا یانا زاخۆ ژی ھەیە .
ژێدەرەکێ نێزیک ژ یانا نەفت وەست بۆ ئەڤرۆ نیۆز دیارکر ئەو ھەتا رادەکێ مەزن ئەو گەھشتی نە رێککەفتنێ ل گەل یاریکەرێ ھەلبژارتیێ عیراقێ کەرار جاسم و ل ماوێ بھێت دێ ھەڤبەستا ئەوی ب فەرمی ھێتە راگەھاندن پشتی ل سەر زوربەیا خالان رێککەفتین .