ئەڤرۆ نیۆز:
پشتی ئەو ئەنجامێن سەرکەفتی ل یاریێن بوری تیما تەپا پیێ یا زاخۆ دخۆلا عیراقێ دا تومارکرین تایبەت وێ سەرکەفتنا گرنگ ل سەر تیما جەویە ل حەفتیا بوری، دەستەیا کارگێریا یانا زاخۆ ھەمی یاریکەر و ستاڤی تیما خۆلا عیراقێ خەلاتکرن .
ژێدەرەکێ نێزیک ژ یانا زاخۆ بۆ مالپەرێ ئەڤرۆ نیۆز دیارکر کارگێریا یانێ سۆز دایە یاریکەرێن تیمێ ھەکە شیان د یاریا بھێت دا ژی سەرکەفتنێ ل سەر یانا ھەولێرێ توماربکەن دێ پاداشا وان یا سەرکەفتنێ ژی ھەمی پاداشێن ئەڤ سالە زێدەتر بن.
ئه‌ڤرۆنیۆز، سالار دۆسكى:
رێڤه‌به‌رێ راگه‌هاندنێ ل رێڤه‌به‌ریا گشتى یا په‌روه‌ردا پارێزگه‌ها دهۆكێ ئه‌حمه‌د عه‌بدوللا بۆ ئه‌ڤرۆ نیوز دیاركر كو د چارچووڤێ سه‌ره‌دانه‌كێ دا بۆ رێڤه‌به‌ریا گشتى یا په‌روه‌ردێ ل پارێزگه‌ها دهۆكێ و گه‌نگه‌شه‌كرن ل سه‌ر سیسته‌مه‌كێ نوو یێ زانیاریان بۆ په‌روه‌ردێ، رێڤه‌به‌ریا ئامارا دهۆكێ پێشنیازا سیسته‌مه‌كێ زانیاریان بۆ قوتابیان ل سه‌ر كه‌رتێ په‌روه‌ردێ كر كو دێ مفایه‌كێ مه‌زن تێدابیت، داتا و پێزانین ل سه‌ر قوتابیان دێ هێنه كومكرن ل قوناغا باغچه‌ى هه‌تا خواندن بدووماهى دهێت و ئه‌ڤ زانیاریه ببنه هاریكار بۆ هه‌موو دامو ده‌زگه‌هێن حوكمه‌تێ ، دیسان كومكرنا پێزانینان ل سه‌ر مامۆستان.
ئه‌ڤرۆنیۆز، هه‌رهین محه‌مه‌د:
ده‌رهێنه‌ر جوان بامه‌رنى دیاركر كو نوكه ئه‌و مژوولى فلمه‌كێ سینه‌مایى یه بناڤێ (ئه‌و ئه‌مریكى من یێ كوشتى ) نهو دقوناغا وێنه گرتنێ دایه.
جوان بامه‌رنىِ ده‌رهێنه‌رى فلمى زێده‌تر بۆ ئه‌ڤرۆ نیۆزدیاركر كو فلمێ ئه‌و ئه‌مریكى من یێ كوشتى فلمه‌كێ ئه‌مریكى و كوردیه و(كومپانیا بژى) به‌ژدارى فلمى بوویه و چه‌ند پارچه‌ێن فلمى دیتینه ورازى بوویه ببیته هه‌ڤپشك و ڤى فلمى ل ئه‌مریكا مونتاژ بكه‌ت و ب فرۆشیت و موزیكێ بۆ ب دانیت .
دووماهیێ جوان بامه‌رنى سوپاسیا پێشمه‌رگه‌ى كر بۆ هاریكاریا وان دگه‌ل وهه‌موو ده‌مان چه‌ك و هێز و هه‌مه‌رداینه وان بۆ به‌رده‌وامیا فلمى.
ئه‌ڤرۆ نیوز:
مه‌لا به‌ختیار به‌رپرسێ ده‌سته‌یا كارگێرى یا مه‌كته‌با سیاسى یا ئێكه‌تیا نیشمانیا كوردستانێ راگه‌هاند : ماوه‌كێ دى دێ دانوستاندێن دانوستاندنا لایه‌نێن سیاسى ب ره‌نگه‌كێ دو قولى و سێ قولى ده‌ستپێكه‌ن بۆ وێ یه‌كێ رێكه چاره‌یه‌كى بۆ ڤێ ره‌وشا هه‌رێمێ ببینین”
مه‌لا به‌ختیار د وێ باوه‌رێ دایه یان دڤێت هه‌لبژارتنێن پێشوه‌خت بهێنه كرن، یان دڤێت ئه‌ڤ خولا په‌رله‌مانى ب حكومه‌تا به‌فره‌هـ یا به‌رده‌وام بیت.
ئه‌ڤرۆ نیوز:
پشتى كو فرۆكه‌كا گه‌شتیارى یا رووسى ل سینا یا باكوورێ رۆژهه‌لاتێ مسرێ كه‌تیه خوارێ، 10 كۆمپانیێن فرۆكه‌ڤانى یێن عه‌ره‌بى بریاردان ب سه‌ر ئه‌سمانێ سینا ده‌رباز نه‌بن.
كومپانیێن هێلێن ئاسمانیێن ئیتیحاد، هێلا ئاسمانیا ئیمارات، هێلا ئاسمانییا دوبه‌ى، هێلا ئاسمانییا عه‌ره‌بیه یا سه‌ر ولاتێن ئیماراتێ بریاردان ئاراستا فرۆكێن خوه بگوهرن و ئێدى ب سه‌ر ئه‌سمانا سینا هاتن و چوونێ نه‌كه‌ن.
هه‌روه‌سا هێلا ئاسمانیا قه‌ته‌ر، جه‌زیره، كه‌نداڤا به‌حیرینى بریاردا ئاراستا گه‌شتێن خوه بگوهرن و ل سه‌ر ئه‌سمانى سینادا هاتن و چوونێ نه‌كه‌ن.
هه‌روه‌سا هێلا ئاسمانیا عه‌ره‌بستانیا سعودیه و كومپانیا هێلا ئه‌سمانیا فره‌نسى ژى وه‌ك هه‌موو ولاتێن دى یێن عه‌ره‌بى بریاردان كو ئێدى فرۆكێن وان ب ئه‌سمانێ سینا ده‌رباز نابن.
ئه‌ڤرۆ نیوز:
ئارێز عه‌بدولا ئه‌ندامێ په‌رله‌مانێ عیراقێ راگه‌هاند كو ل روونشتنا ئه‌ڤرۆ یا په‌رله‌مانێ عیراقىچ، په‌رله‌مانى ده‌ستهه‌لاتا چاكسازیێ ژ حه‌یده‌ر عه‌بادى سه‌رۆك وه‌زیرێن عیراقێ ستاند.
جهێ ئاماژه پێ كرنێ یه كو چاكسازیێن حه‌یده‌ر عه‌بادى یێ سه‌رۆك وه‌زیرێن عیراقێ ببو ئه‌گه‌رێ نه‌رازیبوونا لایه‌نێن سیاسى، له‌ومان ژى په‌رله‌مانێ عیراقێ ده‌ستهه‌لاتا ئه‌نجامدانا چاكسازیێ ژ عه‌بادى ستاند.
ئەڤرۆ نیۆز، ھەژار مەعروف:
سەرۆکێ یانا دھۆک یێ وەرزشی بژار ئیسماعیل د داخویانیەکا تایبەت دا بۆ مالپەرێ ئەڤرۆ نیۆز دیارکر پارێزگەھێ دھۆکێ ل دووماھی کومبوونا خوە ل گەل کارگێریا یانێ پشتەڤانیا خوە بوو یانا دھۆک دیارکری یە تایبەت بوو تیما خۆلا عیراقێ .
ناڤبری ھەردیسان دیارکر ژی چو راستی بوو وی نوچەیێ خوە ڤەکێشاندنا تیما تەپا پیێ یا دھۆک نینە دخۆلا عیراقێ دا بریارە پشتی یاریا بەرامبەر زەورا کارگێریا یانێ کومبوونەکێ ل سەر رەوشا تیما خۆلا عیراقێ گرێدەت بوو کێماسیێن تیمێ چارەسەربکەن
بژار ئیسماعیل دیارکر ژی بزاڤێن مەزن دێ کەن ل یاریێن قوناغا دوێ چەند یاریکەران ل تیما خوە زێدەبکەن تایبەت ل ھێلا ھێرشبەریێ بوو چارەسەریا کێماسیێن تیمێ .
سەروکێ یانا دھۆک ل دووماھیێ ئاماژە ب وێ چەندێ ژی کر دێ ل نێزیک دێ رەوشا دارایی یا یانێ ژی چارەسەربیت .
ئەڤرۆ نیوز، قائید میرۆ:
ئەڤرۆ رۆژا دوشه‌مبى ژمارەکا تەرمێن چەکدارێن داعش گه‌هشتنه نەخۆشخانەیێن مووسل و پتریا وان ژی داعشێن بیانی بوون.
ژێده‌ره‌كێ ئاگه‌هدار ژ ره‌وشا مووسل بۆ ئه‌ڤرۆ نيوز گۆت: “ئه‌ڤرۆ رۆژا دوشه‌مبى رێكه‌فتى 2ى چريا دويێ 2015 ته‌رمێ 34 چه‌كدارێن داعش گه‌هشتيه نه‌خۆشخانه‌يێن باژێر مووسل و پتريا وان ژى ته‌رمێن چه‌كدارێن بيانى بوون”.
ژێدەرێ نەڤیاى ناڤێ وی بھێتە بەلاڤکرن دیارکر، ئەف تەرمێن تیرۆرستێن داعش ھەموو ئەڤن یێن ل ڕۆژێن بۆری ژ لایێ ھێزێن پێشمەرگەیێن کوردستانێ و فڕۆکەیێن ھەڤپەیمانان ھاتینە کوشتن.
ئەڤرۆ نیوز، قائید میرۆ:
پارتی دیموکراتی کوردستان دو پۆستێن دی يێن بزاڤا گۆڕان ل پارێزگەھا ھەولێرێژێ وەرگرتن.
خانزاد مام وه‌سۆ، جێگرا سەرۆکا فڕاکسیۆنا پارتی ل جڤاتا پارێزگەھا ھەولێرێ بۆ ئەڤرۆ نیۆز گۆت: “پشتی مەکتەبا سیاسیا پارتی بڕیارا دۆرخستنا بزاڤا گۆڕان ژ حوکمەتێ داى، ل ھەولێرێ ژی ھەردو پۆستێن رێڤەبەرێ گەشتوگوزار و ئاڤه‌دانکرنێ ژ گۆڕان وەرگرتن”.
خانزاد خانێ گۆتژی: “ھەردو پۆست ژ لایێ وەزیرێن پەیوەندیدار رێڤەبەر بۆ ھاتینە دیارکرن و ب شێوەیەکێ کاتی دھێنە برێڤەبرن، چونکە بەری نوکە ب گورەی رێکەفتنێ ب گۆڕان ھاتبوونە دان”.
نيشاندان