هه‌ولێر، قائید میرۆ
وه‌زاه‌رتا ساخله‌میا هه‌رێما كوردستانێ د هه‌وه‌كێ دا 21 جهێن مه‌ساجكرنێ گرتن و وه‌زاره‌تا ساخله‌می ژی ته‌كه‌زكر، تنێ ئوتێلێن چوار ستێر و پێنج ستێر دشێن جهێن مه‌ساجێ ڤه‌كه‌ن.
دكتۆر رێكه‌وت حه‌مه ره‌شید، وه‌زیرێ ساخله‌میا هه‌رێما كوردستانێ ب ئه‌ڤرۆ نیۆز راگه‌هاند” ب مه‌ره‌ما كۆنتڕۆلكرنا جهێن مه‌ساجكرنێ و پاراستنا وه‌لاتیان ژ نه‌خۆشیێن دهێنه ڤه‌گوهاستن لیژنا بلندا رێكخستنا جهێن مه‌ساجێ ل ڕۆژێن بۆری پێنج سه‌ره‌دانێن مه‌یدا ل باژێڕێن هه‌رێما كوردستانێ ئه‌نجامداینه و كارینه 21 جهێن مه‌ساجكرن بگرن”.
دكتۆر رێكه‌وتی گۆتژی” ئه‌ف هه‌وا گرتنا جهێن مه‌ساجێ پشتی ,ێ چه‌ندێ دهێت، كۆ وه‌زاره‌تا ساخله‌می بڕیاردایه جهێن مۆهله‌ت نه‌بیت بهێنه‌گرتن و تنێ ئوتێلێن چوار ستێر و پێنج ستێر دشێن سه‌نته‌رێن مه‌ساجێ ڤه‌كه‌ن”.
ئه‌ڤرۆنیۆز، سالار دۆسكى:
مامۆستایه‌كێ زانكۆیێ ئاماژه دكه‌ت وێ چه‌ندێ كو دێ ده‌نگێن كوردان زێده‌بن و پێكئینانا حوكمه‌تا زورینه دێ گه‌له‌ك یا بزه‌حمه‌ت بیت و پارتا داد و گه‌شه‌پێدان نه‌شێت هیڤێن خوه بجهبینت.
زێره‌ڤان به‌روارى مامۆستایێ زانكۆیێ و شاره‌زا دكارۆبارێن توركیا دا بۆ ئه‌ڤرۆ نیۆز گۆت: هه‌لبژارتنێن گه‌را دوویى ل توركى ل ده‌مه‌كى دا هاتن، پشتى كو لایه‌نیین توركى نه كارین رێكه‌فتنا سیاسى ل سه‌ر دروستكرنا حكومه‌تا هه‌ڤپه‌یمانى دروست كه‌ن.
مامۆستایێ زانكۆیێ هێشتا گۆت: هه‌ڤركیا سه‌ره‌كى د نافا كوردان ب نوینه‌راتیا HDP و داد وگه‌شبیدان ل هه‌نده‌ك بازنێین سه‌ره‌كى یه وه‌كى ده‌فه‌را 3 ل استنبولی و باكوورى كوردستانى، كورد د ڤان هه‌لبزازتنا دى رێژا ١٠٪ ده‌رباز كه‌ن، چونكه گوهرینا رێژا ده‌نگان د ڤان هه‌لبژازتنا دا دێ دنافبه‌را MHP و AKP دا بیت چونكه داد وكه‌شبیدان د ماوه‌ى سى هه‌یڤێن بورى دا ل سه‌ر هه‌ستا تورك به‌رستى كار كریه و ل باده‌كا ده‌ركى ژى هه‌ول دایه خوه نێزیكى ئیكه‌تیا ئه‌وربى بكه‌ت كو ئه‌ڤ جه‌نده دێ كارتێكرنا ل سه‌ر ده‌نكین MHP و CHP كه‌ت د به‌رژه‌وندیا داد وكه‌شبیدان دا.
ئەڤرۆ نیۆز، ھەژار مەعروف:
سکرتێرێ ئێکەتیا تەپا پیێ یا کوردستانێ سەلام حسێن د داخویانیەکا تایبەت دا بوو مالپەرێ ئەڤرۆ نیۆز دیارکر ئەو د رژدن ھەڤرکیێن خۆلا پلا نایاب و پلا ئێک ل کوردستانێ دویڤ ژڤانێ خوە یێ دروست ھەڤرکیێن وێ دەستپێبکەن کو بریارە یاریێن خۆلا پلا نایاب ٢٠-١١-٢٠١٥ بھێنەکرن و پلا ئێک ٢٠-١٢-٢٠١٥ .
ناڤبری ئاماژە ب وێ چەندێ ژی کر ل ماوێ بھێت دێ پشکێشانا ھەردو خولێن پلا نایاب و پلا ئێک ژی ھێتە کێشان.
ئەڤرۆ نیوز، هۆشەنگ تاجر:
خەلکێ تاخا ئەلعەزیز یا سەر ب باژێرێ سیڤەرەکێ ل پارێزگەها روحایێ پشکداری د هەلبژارتنان دا نەکرن و راگەهاندن کو دەمەکە ئاڤ و کارەبا تاخێ مە تێک چوویە و حوکمەت ژی چو گرنگیێ نادەتە مە و ژ بەر هندێ ژی مە ناچینە سەر سندۆقێن دەنگدانێ، رۆژناما رادیکال یا تورکیا ژی دیار کر کو ١٨٢ کەسان ل وێ تاخێ مافێ دەنگدانێ هەبوو.
ئەڤرۆ نیۆز، قائید میرۆ:
ترۆمبێلەکا بۆمبڕێژکری یا تیرۆرستێن داعش ژلایێ ھێزێن پێشمەرگەی ھاتە پەقاندن، کو دخواست خالەکا پشکنینا پێشمەرگەی بکەتە ئارمانج.
غەیاس سورچی، پەیڤدارێ مەلبەندێ نەینەوا یێ ئێکەتیێ ب ئەڤرۆ نیۆز راگەھاند” ئەڤرۆ ترۆمبێلەکا ژ جۆرێ بی ئێم ل گوندێ عەوێنات یێ سەر ب ناحیا رەبیعە دخواست خوە ب خالەکا پشکنینێ یا ھێزێن پێشمەرگەی بپەقینیت، بەلێ بەری بھێتە پەقاندن پێشمەرگەی ترۆمبێل ژناڤبر و پەقی.
سورچی گۆتژی” ئەف ترۆمبێلا تیرۆرستێن داعش بەری بگەھیتە خالا پێشمەرگەی دیارە پێشمەرگەی ھەست ب تەقینێ کریە و پشتی نێزیکبوونێ پێشمەرگەی تەقە لێکریە و د ئەنجامدا پەقی و ژبلی زیانێن ماددی چو زیانێن گیانی نەبوون.
ئەڤرۆ نیۆز، ھەژار مەعروف:
بريارە رۆژا ٧-١١-٢٠١٥ خۆلەکا راھێنانی یا پیتا A ل سەر ئاستێ ئاسیا ل باژێرێ ھەولێرێ بھێتە ڤەکرن ب سەرپەرشتیا ئێکەتیا تەپا پیێ یا ئاسیا و عیراقێ.دڤێ خۆلێ دا بتنێ راھێنەرێن خودان باوەرنامەیێن پیتا B دێ ماڤ ھەبیت پشکداریێ تێدا بکەن ، ھەتانوکە دیار نینە کا چەند راھێنەر دێ پشکداریێ تێدا کەن.
ھەژی گوتنێ یە دڤێ خۆلا راھێنانی دا وانە بێژێ بەرنیاس ل سەر ئاستێ ئاسیا نیھاد سۆقا یێ رەگەز ئۆردونی دێ وانە بۆ راھێنەرێن پشکدار بێژیت.
ئەڤرۆ نیوز، ئەیاد بەرواری:
رۆژناما الشرق الاوسط یا لەندەنی راپورتەک ل دۆر ھەلبژارتنێن ئەڤرۆ یێن تورکیا بەلاڤکریە و تێدا ئاماژە دا کو پارتیا دیموکراتیا گەلان (ھەدەپە) دخوازیت سەرکەفتنا خوە د ھەلبژارتنێن بۆری دا ل خزیرانا ٢٠١٥ ێ دوبارە بکەت دەمێ بوویە رێگر کو پارتا دادپەروەریێ و گەشەپێدانێ (ئەکەپە) زورینەیێ بدەستڤەبینیت.
رۆژناما ناڤبری دیارکر کو حزبا سەرۆکێ تورکیا (ئەکەپە) بزاڤێ دکەت ٢٧٦ کورسیان ژ سەرجەمێ ٥٥٠ کورسیێن پەرلەمانێ نورکیا بدەستڤەبینیت، پشتی د ھەلبژارتنێن بۆری دا ل ھەفتێ خزیرانا ٢٠١٥ ێ و بۆ جارا ئێکێ ھەر ھاتنا وێ حزبێ بۆ دەستھەلاتێ ل سالا ٢٠٠٢ ێ ، نەشیای زورینەیا پەرلەمانی بدەستڤەبینیت و ھەتاکو د دانوستاندنان دا ژی نەشیا حوکمەتێ پێکبینیت و د ئەنجامدا ھەلبژارتن ھاتنە دوبارەکرن.
ل دووڤ رۆژناما (الشرق الاوسط)، ھەڤڕکی د ھەلبژارتنێن ئەڤرۆ یێن تورکیا دا دێ د ناڤبەرا ئەردوگانی ئەوێ ھەڤرکێن وی ب بزاڤا زیندیکرنا حوکمرانیا سولتانێن ئوسمانی تومەتبار دکەن، و سەرۆکێ پارتا دیموکراتیا گەلان (ھەدەپە) دا (سەلاحەدین دەمیرتاش) پارێزەرێ گەنج کو ب (ئۆبامایێ کوردی) دھێتە ناڤکرن.
ئەڤرۆ نیۆز، ھۆشەنگ تاجر:
ئدریس بالوکەن بەربژێرێ پارتیا دیموکراتیک یا گەلان راگەھاند کو بەلگە د دەستێ وان دا ھەنە کو تیمێن تایبەت یێن تورکیا ل چەند قەزایێن سەر ب پارێزگەھا ئامەد و باتمانێ ب چەکێن خوە ل بەر بنگەھێن دەنگدانێ نە و ئاستەنگیان ل ھەمبەر کوردان دروست دکەن، ل ھەمبەر وێ یەکێ ژی جێگرێ سەرۆکێ پارتیا داد و گەشەپێدان نومان کورتولمیش راگەھاند کو چو راستی بۆ تشتەکێ وەسا نینن و ئەو کەس ئێمناھیا سندۆقان دپارێزن.
نيشاندان