ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا دوشه‌مبى رێكه‌فتى 2ى چريا دويێ 2015 ئه‌سمانێ دهۆكێ دێ ساهى بيت ل گه‌ هنده‌ك ئه‌ورێن كێم و ل هنده‌ك ده‌ڤه‌ران ئه‌و ئه‌ور دێ ب زێده‌تر هێنه‌ ديتن.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته‌ پێشبينيكرن  دێ ساهى بيت ل گه‌ هنده‌ك ئه‌ورێن كێم و ل هنده‌ك ده‌ڤه‌ران ئه‌و ئه‌ور دێ ب زێده‌تر هێنه‌ ديتن.

پشكا پێشبينيان دايه‌ زايه‌ زانين كو دێ ئاراستێ باى ژى باشوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى دێ 8 بۆ 10كم بيت و پلێن گه‌رمێ ژى دێ د ناڤبه‌را 11 بۆ 21 پلان دا بيت.

ئەڤرۆ نيوز:
بەرپرسێ راگەھاندن و پەیوەندیێن پۆلیسێن پارێزگەھا دھۆکێ خویا کر کو شەڤا ٣٠ ل سەر ٣١-١٠-٢٠١٥ پشتی دۆازدەی شەڤێ گەنجەکێ ٢٩ سالی ل سەنتەرێ باژارێ دھۆکێ ھاتیە کوشتن.
رائیدێ مافپەروەر ھێمن سلێمان بەرپرسێ راگەھاندن و پەیوەندیێن پۆلیسێن پارێزگەھا دھۆکێ بۆ رۆژناما ئەڤرۆ دیار کر کو ئەڤ بوویەرە ل سەنتەرێ باژێری ل نێزیکی ئوتێلا لومانا روو دایە و گۆت “پشتی چەند کەس ب شەڕ چووین گەنجەکێ ٢٩ سالی ب ناڤێ (ڕ، و، ڕ) ھاتیە کوشتن و دو کەسێن دی ب ناڤێن (ع، م، س) و (ج، و، ڕ) بریندار بووینە”.
بەرپرسێ راگەھاندن و پەیوەندیێن پۆلیسێن پارێزگەھا دھۆکێ ئاشکرا ژی کر کو ئەڤ بوویەرە ل سەر مەی ڤەخوارنێ روو دایە و تۆمەتبار رەڤی یە و ڤەکۆلین ل سەر بوویەرێ یا بەردەوامە ژ بۆ ناسین و گرتنا تاوانباری و گۆت “ل گۆر مادێ ٤٠٥ یێ سزایێن عیراقی بریارا گرتنا وی ژ ئالیێ دادگەھێ ڤە ھاتیە دەرکرن”.
ھێمن سلێمان بەرپرسێ راگەھاندن و پەیوەندیێن پۆلیسێن پارێزگەھا دھۆکێ گۆت ژی “ھەردەمێ تاوانابار بھێتە گرتن و دانپێدانێ ب تاوانا خوە بکەت دێ بۆ دادگەھێ ھێتە رەوانەکرن و ل دووڤ قانوونێ دێ گەھتە سزایێن خوە”