ئه‌ڤرۆ نیوز:
فه‌رهاد ئه‌تروشى پارێزگارێ دهۆكێ د رێوره‌سمێن ڤه‌كرنا یاریگه‌ها زاخۆ یا نێڤده‌وله‌تى دا داخواز ژ جه‌ماوه‌رێ وه‌رزشى یێ خه‌لكێ زاخۆ كر كو ب چ ره‌نگه‌كێ نه‌چنه ناڤ یاریگه‌هێ ژبه‌ر كو ل دووڤ رێنمایێن فیفا ب چ ره‌نگه‌كێ نابیت.
پاشان نێچیرڤان بارزانى سه‌رۆكێ حكومه‌تا هه‌رێما كوردستانێ دلته‌نگیا خوه دیاركر كو دیتى هنده‌ك حه‌زژێكه‌رێن ته‌پا پیێ هاتینه د ناڤ یاریگه‌هێ دا و گۆت: ئه‌ڤ چه‌نده فیفا ب چ ره‌نگه‌كێ قه‌بوول ناكه‌ت و دێ مه‌زنترین ئاریشه بۆ خوه چێكن، و ئه‌ڤ دیمه‌نه دووباره ببن، فیفا ناهێلیت چو یارى ل یاریگه‌ها زاخۆ یا نێڤده‌وله‌تى بهێنه كرن.
ئه‌ڤرۆ نیوز:
رێوره‌سمێن ڤه‌كرنا یاریگه‌ها زاخۆ یا نێڤده‌وله‌تى به‌رى چه‌نده‌كێ ده‌ستپێكرن كو نێچیرڤان بارزانى سه‌رۆكێ حكومه‌تا هه‌رێما كوردستانێ تێدا به‌رهه‌ڤبوویه و دێ په‌یڤه‌كێ پێشكێش كه‌ت.
یاریگه‌ها زاخۆ یا نێڤده‌وله‌تى ل دووڤ رێنمایێن ئێكه‌تیا نێڤده‌وله‌تیا ته‌پا پێى ( فیفا) هاتیه دروستكرن و پتر ژ 20 ملیون دولار لێ هاتینه مه‌زاختن و جهێ 20 هزار وه‌لاتیان دكه‌ت.
ئه‌ڤرۆ نيوز، نيوار محه‌مه‌د سه‌ليم:
بڕياره سوبه‌هى رۆژا پێنجشه‌مبى رێكه‌فتى 4ى خزيرانا 2015ێ ئه‌زموونێن ويزارى ل سه‌ر ئاستێ ئاماده‌يى و بنه‌ره‌تى بهێنه ئه‌نجام دان و ل سه‌رانسه‌رى هه‌رێما كوردستانێ دێ 149 هزار و 409 قوتابى دێ پشكداريێ تێدا كه‌ن و ل دهۆك ژى 43 هزار و 983 قوتابى پشكدار بن.
ئه‌حمه‌د عه‌بدولا زۆبێر، به‌رپرسێ راگه‌هاندنا رێڤه‌به‌ريا گشتيا په‌روه‌ردا پارێزگه‌ها دهۆكێ راگه‌هاند كو بڕياره سوبه‌هى ئه‌زموونێن ويزارى ل سه‌ر ئاستێ هه‌رێما كوردستانێ بهێنه كرن و ل دهۆك ژى هه‌موو دێ د ئێك ده‌م دا هێنه كرن و گيرۆبوونا ده‌وامێ چو كارتێكرن ل ئه‌زموونان نه‌كريه.
زێده‌تر گۆت: “ل پارێزگه‌ها دهۆكێ بڕياره 23 هزار و 102 قوتابى ل سه‌ر ئاستێ زانستى و 20 هزار و 392 وێژه‌يى پشكداريێ تێدا بكه‌ن و ل سه‌ر 743 بنگه‌هان هاتينه به‌لاڤكرن”.
دا زانين ژى كو قوتابيێن پيشه‌يى ژى دێ 437 قوتابى پشكدار بن و ل سه‌ر 14 بنگه‌هان هاتينه به‌لاڤكرن و بنه‌ره‌ت ژى 39 هزار قوتابى دێ پشكدار بن و ل سه‌ر 552 بنگه‌هان هاتينه به‌لاڤكرن و گۆت: “قوتابيێن ده‌ره‌كى ژى دێ 613 قوتابيان مفا ژ بڕيارێ وه‌رگرتيه و دێ پشكدار بن”
ل سه‌رانسه‌رى هه‌رێما كوردستانێ بڕياره 73 هزار و 757 قوتابيێن زانستى، 55 هزار و 564 قوتابيێن ئه‌ده‌بى و 20 هزار و 88 قوتابيێن پيشه‌يى پشكدارى ئه‌زموونان بن.
ئه‌ڤرۆ نیوز:
په‌رله‌مانێ سوێد پرۆژه قانوونا هنارتنا راهێنه‌رێن سه‌ربازى بۆ هه‌رێما كوردستانێ په‌سه‌ندكر.
پرۆژه بریار ل سه‌ر داخواز هه‌ردو پارتێن هه‌ڤپه‌یمان سوسیال دیموكرات و پارتا كه‌سك، ل حكومه‌تا نوكه یا سوێد ب سه‌رۆكاتیا ستێڤان لویفڤێن بوو، د پرۆژه بریارێ دا رێ ب حكومه‌تێ دده‌ت 120 راوێژكار و پله‌دارێن سه‌ربازى بۆ مه‌شقپێكرنا هێزێن پێشمه‌رگه‌ى بهنێریته هه‌ولێرێ.
ئه‌ڤرۆ نیوز:
ئه‌گه‌ر به‌غدا پابه‌ندى رێككه‌فتنا خوه ل گه‌ل هه‌رێما كوردستانێ نه‌بیت، ل حه‌فتیا بهێت هه‌رێما كوردستانێ دێ ب سه‌ربه‌خو نه‌فتا خوه فروشیت و داهاتێ نه‌فتا وێ ژى دێ بیته نێزیكى 1 ملیار دولار و هه‌موو پاره دێ چیته وه‌زاره‌تا دارایى.
عه‌لی حه‌مه‌ساڵح، ئه‌ندامێ په‌رله‌مانێ كوردستانێ راگه‌هاند: ل دووڤ وان پێزانینێن ب ده‌ست من كه‌فتین، ئه‌گه‌ر به‌غدا بۆ موچێ ڤێ هه‌یڤێ پابه‌ندى رێككه‌فتنا خوه نه‌بیت ل گه‌ل هه‌رێمێ، حه‌فتیا بهێت هه‌رێم دێ بریارێ خوه ده‌ت كو نه‌فتێ ب سه‌ربه‌خو بفروشیت كو نوكه هه‌رێم رۆژانه 600 بۆ 650 هزار به‌رمیلان دفروشیت و ئه‌گه‌ر داهاتێ هه‌ر به‌رمیله‌كێ ب تنێ 51 دولار ژێ بمینن، دێ داهاتێ هه‌یڤانه یێ هه‌رێمێ زێده‌تر بیت ژ 918 ملیون دولاران.
ئەڤرۆ نيوز:
رۆژبینا سترانبێژ دیارکر دووماھی بریارا وێ ئەوە پشتی شوو دکەت دێ دەستان ژ سترانگۆتنێ بەردەت و ژیێ خوە یێ مایی بۆ ب رێڤەبرنا کارۆبارێن مالێ تەرخانکەت.
ناڤبریێ بۆ ئەڤرۆ گۆت: دژیێ پازدە سالیێ دا ب پشتەڤانیا برایێ خوە و خالێ خوە کو ھەردو سترانبێژ بوون، من دەست ب گۆتنا سترانان کریە، و راستە ھەتا نوکە من چو ئەلبۆم نیین، ئەو ژی ژبەر نەبوونا پشتەڤانیێ بوویە، لێ من ھژمارەکا ستران و کلیپان ھەنە و نوکە ئەزا ل دھۆکێ بەرھەڤیا کلیپەکا نوو دکەم و من پێ باشە ل دھۆکێ چێکەم.
دلایەکێ دا گۆت: ھەر چەندە ھەتا نوکە من چو سنرانێن دوقۆلی نەگۆتینە، لێ ھەکە دەلیڤەکا ھوسا ل دھۆکێ ھاتە پێش ژدەست نادەم.
ھەروەسا گۆت: ژبەرکو ئەز سترانان ب کوردی و تورکی دبێژم، ھەتا نوکە من پشکداری د چەندین ھەلکەفت و ئاھەنگاندا کریە ل باکۆر و باشۆرێ کوردستانێ و ھیڤیا من ئەوە پشتی نەمانا شەرێ داعش ئەز بھێم پشکداریێ دئاھەنگێن سەرکەفتنێ دا بکەم.
ل دووماھیێ گۆت: ھەر چەندە ھەتا نوکە من شوو نەکریە، لێ ل پێش دەم من بریارا خوە یا دای پشتی ئەز شوو دکەم دێ سترانان ھێلم و کارۆبارێن مالێ کەم.
ناڤھاتی خەلکا باژێرێ ئامەدێ یە ل باکۆرێ کوردستانێ، لێ پتریا ژیانا خوە ل (باتمانێ) بۆراندیە و نوکە دژیێ بیست و پێنج سالیێ دایە.
ئه‌ڤرۆ نيوز:
رێڤه‌به‌ريا هاتنوچوونێ ل پارێزگه‌ها دهۆكێ داخوازێ ژ هه‌موو شۆفێران دكه‌ت كو ل رۆژا ئه‌ينى رێكه‌فتى 5ى خزيرانێ ترۆمبێلێن خوه ڤه‌مرينن.
د راگه‌هاندنه‌كێ دا، كو نه‌قيبێ مافپه‌روه‌ر، ئازاد تاها به‌رپرسێ پشكا راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ به‌لاڤكريه داخواز ژ وه‌لاتيان كريه كو وه‌كو رێزگرتن بۆ ژينگه‌هێ ل رۆژا 5ى خزيرانا 2015ێ هه‌ر وه‌لاتيه‌ك بۆ ماوێ ده‌قيقه‌كێ ترۆمبێلا خوه ب ڤه‌مرينيت.
ئاماژه ب وێ چه‌ندێ ژى كريه كو ئه‌و حه‌ز دكه‌ن ئه‌ڤ ده‌قيقه ل سه‌رتاسه‌رى پارێزگه‌ها دهۆكێ ب ئێك ده‌م بيت و ل ده‌مژمێر 11:00 سپێده‌هيا رۆژا ئه‌ينى رێكه‌فتى 5ى خزيرانێ بيت وه‌كو وه‌فاداريه‌ك ل هه‌مبه‌ر پاقژراگرتنا ژينگه‌هێ.
ئەڤرۆ نیوز: یوسف موسـا:
چیا ئەمین رێڤەبەرێ گەشتوگوزارێ ل زاخۆ پشتی دیار بوونا ڤان وێنەیا بۆ ئەڤرۆ نیوز دیارکر ئەو کێشە گەھشتی یە وان، بو ڤێ مەرەمێ لژنەیەکا پێنج کەسی ھاتیە پێکئینان ژ قانوونی و ئەندازیاران بۆ دووڤچوون و ڤەدیتنا جھێن خرابکری د ناڤ پارکێ دا، ھەموو ھاتینە دەستنیشانکرن و گۆت: “کەسێ پرۆژە بۆ کەفتی ڤان کێماسیان د ماوەیێ ١٥ رۆژان دا چارەسەر بکەن، بەرۆڤاژی دێ پرۆژە ژێ ھێتە وەرگرتن”.
پارکا ئامەد دکەڤیتە بەرامبەر پرا دەلال و گۆرستانا زاخۆ یا کەڤن، بەری دوو سالان ل سەر خابیرێ زاخۆ ھاتیە ڤەکرن، و نھا دایە کەرتێ تایبەت بو ھندێ بیتە جھەکێ گەشتیاری بۆ خەلکێ دەڤەرێ.
نيشاندان
