ئه‌ڤرۆ نيوز:

گەلەک ڤەکولینان دیارکریە کو رێژەکا میکرۆبان ل سەر جلکێن شووشتی یا ھەی پشتی وەرگرتنا نموونەیان، ب ڤێ چەندێ دیاردبیت کو شووشتنا جلکا رامانا وان پاقژی نینە، دبیت ئەڤ پێزانینە گەلەک بۆ گەلەک کەسان جھێ حێبەتیێ بیت، بەلێ ڤەکولین تەئکیدێ لێ دکەن و زانا دبێژن کو شووشتنا جلکا ل سەر پلا ٣٠ێ ژی نابیتە ئەگەرێ پاقژکرنا وان، بەلکو ئەو دبیتە ئەگەر کو بەکتریا دناڤدا زێدەببن و بۆ جلکێن دیتر ژی بھێنە ڤەگوھاستن، ژبەرکو پلێن گەرماتیا نزم نە ب ھێزن بۆ کوشتنا بەکتریایێن دبنە ئەگەرێ نەخۆشیا، گەلەک ڤەکولینان دیارکریە کو میکرۆب ل سەر جلکێن شووشتی ھەنە و پشتی نموونە ژێ ھاتینە وەرگرتن دیاردبیت ئەو میکرۆب گەشە دکەن.
زانا ھوشداریێ ددەن کو نابیت جلکێن دناڤدا و ژدەرڤە بھێن تێکەلکرن ل دەمێ شووشتنێ ئەوژی ھاریکارن بۆ ڤەگوھاستنا میکرۆبان، ب شێوەیەکێ گشتی پێدڤیە جلک ل پلا گەرماتیێ دسەر ٦٠% بھێنە شووشتن داکو بەکتریا بھێنە کوشتن و ھەیڤانە ب کێماتی جارەکێ ئاڤ بگەھیتە ٩٠ پلەیان داکو جلشووژی تافیل ببیت، ھەروەسا نابیت راستەوخو جلشوو پشتی شووشتنا جلکا بھێتە داخستن، بەلکو یا فەرە بۆ دەمەکی ڤەکری بیمینیت و ھەوا بگەھیتێ داکو میکرۆب گەشە نەکەن، ھەروەسا دڤێت دەست باش بھێنە شووشتن پشتی جلک ژ جلشوویێ دھێنە دەرخستن داکو میکرۆب ب دەستان ڤە نەمینن.

ئەڤرۆ نیوز:
د نووترین ڤەکولین دا نھێنیا بەختەوەریا ھەڤژینان ھاتە دیتن کو ئەڤ یەک ژی کارەکێ گەلەک سادەیە و ھەموو کەس دکارن ئەنجام بدەن.
د ڤەکولینێ دا کو ل زانکویا جورجیا یا ئەمریکی ھاتیە ئەنجامدان ٤٦٨ ھەڤژینا پشکداری تێدا کریە و بەحس ل بارێ دارایی و دیارکرنا ھەستان بۆ ھەڤژینێن خوە کریە، دەرکەفت کو نھێنیا بەختەوەریا ھەڤژینا ڤەدگەریتەڤە بو پەیڤا سوپاس کو ھێزەکا زور ددەتە کەسا بەرامبەر و خوشحال دبیت ب ژیانا دگەل تەدا.
د ھەمان دەم دا دگەل ھندێ پێدڤیە سوپاسیا ئێک و دو بکەن دڤێت باوەریەکا زور ب ئێک و دوو ھەبیت و ئەڤ یەک ژی دبیتە سەدەما بەختەوەریەکا زور و سەرکەفتنا د ھەموو کارەکێ دا، ھەروەسا ڤەکولەر رستا ( سوپاسیا تە دکەم ) ب رستەیەکا سحری وەسف دکەن و ھەکە د دانوستاندنٍەکێ دا تو ھەڤژینا خوە بریندار بکەی ، تو دکاری بڤێ رستەیا کێم ھندەک ژ ئازارێن وێ کێم بکەی.

ئەڤرۆ نیوز :کاروان باعەدری:
جیان الیاس دنانی قوتابیەکا کوردا ئێزدیە دژیێ ٢٤ سالیێ دا ھاتە ھژمارتن ب قوتابیا ھەیڤا ١٠ یا ئەڤ سالە ل ئەلمانیا
جیانێ الیاسێ بۆ ئەڤرۆ نیوز دیارکر : پشتی من ریکخراوەک دامەزراندنی شیایم ە پتری (٤٠,٠٠٠) چل ھەزار یۆریۆی خرڤەبکەم وەک کارەک ژبۆ خەلکی خۆ ئەڤە بۆمن شەرەڤەکا مەزنە ئەڤ ناسناڤە ب من ھاتیە دان ل وەلاتەکی وەکی ئەلمانیا
پشتی رۆژنامەیا (دیر شبیغل) یا ئەلمانی ئەڤ دەنگوباسە پشت راست کری ژبەرکو جیان ل سەر ئاستێ خواندنێ ھاتە ھژمارتن ژی ب ئێک ژ قوتابێن ھەرە زیرەک و و ئەندامەکا چالاک د رێکخراوا ھاوار یا خیرخوازی دا و ھاریکاریا زارۆکان دکەت ژبەرکو ھەوا ئەڤ ریکخراوە دامەزراندنی شیایە پتری (٤٠,٠٠٠) چل ھەزار یۆریۆی خرڤەبکەت
و رۆژنامەیێن ئەلمانی چەندین ناسناڤ بۆجیانێ داناینە ژوانا ژی (پەنابەرەکا نموونەی ) و ( تو ژکیڤە ھاتی جیان ب ڤێ ھێزێ).