ئه‌ڤرۆنیوز: كاروان باعه‌درى :
د كۆنگرێ نیڤده‌وله‌تى یێ ل دۆر ( به‌رفره‌هیا ئۆلى و ره‌وشه‌نبیرى و پێكڤه‌ ژیانێ ل رۆژهه‌لاتا ناڤین ) دا یێ كو ل پایته‌ختێ وه‌لاتێ یۆنانێ هاتیه‌ ل دارخستن ، نوێنه‌رێ میرێ ئێزدیان ل عیراقێ و جیهانێ په‌یڤه‌ك پیشكیش كر و تێدا داخوازكر ده‌رگه‌هێ مافێ په‌نابه‌ریتیێ بۆ ئێزدیان ل ئوروپا بهێته‌ ڤه‌كرن و ئێزدیێن ل كه‌مپێن توركیا بۆ وه‌لاتێن ئه‌وروپى بهینه‌ ڤه‌گوهاستن و پشته‌ڤانیا ئێزدیان بێته‌ كرن ژبۆ كاره‌ساتا ئه‌وا ب سه‌رێ ئێزدیان هاتى ل دادگه‌ها نیفده‌وله‌تى ب جینوساید بیته‌ ناساندن.
به‌رپرسێ نفیسینگه‌ها لالش ل په‌رستگه‌ها لالش لوقمان سلێمان بۆ ئه‌ڤرۆ نیوز گۆت : برین میر ته‌حسین به‌گ، نوێنه‌رێ میرێ ئێزدیان ل عیراقێ و جیهانێ و ( پیشیمام فارۆق ) دكۆنگرێ ( به‌رفره‌هیا ئۆلى و ره‌وشه‌نبیرى و پێكڤه‌ ژیانێ ل رۆژهه‌لاتا ناڤین ) په‌یڤه‌ك پیشكیش كر و به‌حسێ كاره‌ساتا شنگالێ كر و داخوازییا مافێ په‌نابه‌ریتیێ بۆ ئێزدیان ل ئه‌وروپا كر و هه‌روه‌هان خواست ئه‌و كه‌سێن ئێزدى یێن ل كه‌مپێن توركیا بهێنه‌ ڤه‌گوهاستن بۆ ئه‌وروپا و ئه‌و كاره‌ساتا ب سه‌رێ ئێزدیان هاتى ب جینۆساید ل دادگه‌ها نیڤده‌وله‌تى بهێته‌ ناساندن و ده‌ڤه‌ره‌كا ئارام بۆ وان ل عیراقێ بهێته‌ دابین كرن.
لوقمان سلێمان به‌رپرسێ نڤیسینگه‌ها لالش ل په‌رستگه‌ها لالش خویاكر : نوینه‌رێ میرێ ئێزدیان كۆمبوون ل نوێنه‌رێ ئه‌میندارێ گشتیێ نه‌ته‌وه‌یێن ئێكگرتى و سه‌رۆك وه‌زیرێن یۆنانێ و چه‌ندین كه‌سایه‌تیێن دى كرینه‌ .

ئه‌ڤرو نیوز،بارزان مزوورى
پیشه‌نگ به‌درخان محه‌مه‌د سه‌لیم، بو مالپه‌رێ ئه‌ڤرو نیوز ئاشكرا كر كو ل سه‌ر جووت سایدێ سه‌ره‌كى شێخان به‌رامبه‌ر ئاڤاهیێ قائیمقامیا قه‌زا شێخان، ترومبێله‌ك ژ جورێ شوفرلێت ئوپترا تایبه‌ت وه‌رگه‌ریا و د ئه‌نجام دا شوفێر ب سه‌ختى بریندار بو و هاته‌ ڤه‌گوهاستن بو نه‌خوشخانا شێخان یاگشتى و ژبه‌ر خرابیا برینێن وا بو نه‌خوشخانا ته‌نگاڤیا دهوك هاته‌ ڤه‌گوهاستن ،
ناڤبرى ل دور ئه‌گه‌رێن رویدانێ دیار كر كو شوفێر بتنێ دناڤ ترومبێلێ بو له‌زاتیه‌ك بله‌ز بكارئینایه‌ و لدوڤ وێ له‌زاتیێ نه‌شیایه‌ كونترولێ ل سه‌ر ترومبێلا خو بكه‌ت و ژ ده‌ستا ده‌ردكه‌ڤیت و وه‌ردگه‌ریێت.

ئه‌ڤرو نیوز،بارزان مزوورى
ئه‌میره‌ عبدالكه‌ریم،ئه‌نداما ئه‌نجومه‌نێ نوینه‌رێن عێراقى بو مالپه‌رێ ئه‌ڤرو نیوز ئاشكرا كر كو پشتى گازنده‌یێن جوتیارێن هه‌رێما كوردستانێ و تایبه‌ت پارێزگه‌ها كه‌ركوك گه‌هشتینه‌مه‌ ژبه‌ر نه‌گه‌هشتنا پارێ وان یێ گه‌نمێ سالا 2014 و 2015 كو گه‌نم دایه‌ سالویا و پاره‌ وه‌رنه‌گرتنین ل 22/10/2015 ئه‌ندام په‌رله‌مان ل ئه‌نجومه‌نێ نوێنه‌رێن عێراقێ سه‌ره‌دانا وه‌زیرى دارایى كر و ئه‌و گازنده‌ گه‌هاندنێ و وان ژى گازندێن جوتیارا گه‌هاندنه‌ سه‌روك وه‌زیرێ عێراقێ حه‌یده‌ر عه‌بادى و ره‌زامه‌ندى هاته‌ دان كو 500ملیون دولار و 100 ملیار دینار بو جوتیارێن باژێرێن عێراقێ بهێنه‌ دان .
ناڤبریێ دیار كر كو به‌هرا كه‌ركوك دناڤ ڤى پاره‌ى دا یا هه‌ى 28،771،000،000دینارێ عێراقى چونكو حه‌تا نها وان پاره‌ وه‌رنه‌گرتیه‌ .

ئه‌ڤرۆ نیۆز، قائید میرۆ
گروپه‌كێ گه‌شتیاریێ هوله‌ندی حێبه‌تی ماینه‌ هه‌مبه‌ر مێهڤانداریا كورددان و بڕیاره‌ ل ڕۆژێن داهاتی سه‌ره‌دانا پارێزگه‌ها دهۆكێ بكه‌ن.
نادر رۆستی، په‌یڤدارێ ده‌سته‌یا گشتیا گه‌شت و گوزارا هه‌رێمێ بۆ ئه‌ڤرۆ نیۆز راگه‌هاند” پشتی هێرشێن داعش هژماره‌كا زۆرا كێم یا گه‌شتیارێن بیانی سه‌ره‌دانا هه‌رێما كوردستانێ كریه‌، به‌لێ نوكه‌ شانده‌كێ گه‌شتیاریێ هوله‌ندی كو ژ 11 كه‌سان پێكهاتیه‌ سه‌ره‌دانا هه‌رێما كوردستانێ كریه‌ و پشتی سه‌ره‌دانا سلێمانیێ نوكه‌ ل هه‌ولێرێ نه‌ و بڕیاره‌ لڕۆژێن بهێت سه‌ره‌دانا دهۆكێ بكه‌ن.
رۆستی گۆت” ئه‌ف گه‌شتیارێن هوله‌ندی زۆر دلخۆشن ب ره‌وشا هه‌رێما كوردستانێ و كه‌رتێ گه‌شتیاری بتایبه‌تی مێهڤانداریا خه‌لكێ هه‌رێما كوردستانێ و حه‌واندنا ئاواره‌یان دڤێ ره‌وشێ دا.