ئەڤرۆنیۆز، سالار دۆسکی:
ل ژێر چاڤدێریا پارێزگارێ دھۆکێ فەرھاد ئەمین ئەترووشی رێڤەبەریا گشتی یا ئەوقاف و کارۆبارێن ئاینی و ئێکەتیا زانایێن ئاینێ ئیسلامێ لقێ دھۆک، ب ھەڤکاری ل گەل گوڤارا (حەرا ) کونفرانسێ (توندرەوی و سەرداچوون بناڤێ ئاینی و نیشانێن وێ یێن خراب ل سەر پێگڤەژیانێ) ب بەرھەبوونا ژمارەکا زور ژ مامۆستایێن ئاینێن موسلمان و مەسیحی و ئێزدی ل سەرانسەری پارێزگەھێ و چەندین مێھڤانبَن دەرڤە ل سپێدەھی یا ئەڤرۆ ٢٨-٥ ل ھولا کونفرانسان دەست ب کارێن خوە کر.
پشتی خواندنا چەند ئایەتێن قورئانا پیرۆز، مەلا عەبدوللاسەرۆکێ ئێکەتیا زانایێن ئاینێ ئیسلامێ ل کوردستانێ پەیڤەک پێشکێشکر و تێدا ھەبوونا ئەڤان جورە کونفرانسان بگرنگی ل قەلەم دا و خوەیارکر کو ئەڤ کونفرانسە ھاتە پێش پشتی ل ھەر دو پارێزگەھێن سلێمانی و ھەولێرێ ھاتینە ئەنجامدان، خواست مامۆستایێن ئاینی رۆلێ خوە یگَرن دناڤا جڤاکی دا و ببنە رێگر ل ھزرێن بەرتەنگ و دوور ژ ئاینێ ئیسلامێ یێ پیرۆز، دووڤ دا، فەرھاد ئەترووشی پارێزگارێ دھۆکێ پەیڤەک پێشکێشکر و تێدا بخێرھاتنا ھەموو ئامادەبوویان کر و گۆت: بەرسنگرتنا داعش ب چەکی ب تنێ بەز نینە و تنێ دێ کاریگەری ھەبیت ژ روویێ ھزری ڤە، قورئانا پیرۆز گەلەک گرنگی دایە مێشکی و چەکێ ھەر مەترسی دا چەکێ ھزری یە، دڤێت مامۆستایێن ئاینی ڤێ چەندێ چارەسەر بکەن و ئاگەھداربکەن و دەلیڤێ نەدەنە کەسێن ھزرێن بەرتەنگ ھەین جھێن ئاینی ب دەلیڤە وەربگرن بۆ ھزرێن خراب و توند و تیژیی تێدا دوور ژ ئاینێ پیرۆزێ ئیسلامێ.
دووڤ دا، نەوازد سەواش، رێڤەبەرێ گشتیێ گوڤارا خەرا پەیڤەک پێشکێشکر و خوشحالیا خوە دەربری ب دیتنا ھەموو مامۆستایێن ئاینی ل ھەموو پێکھاتێن پارێزگەھا دھۆکێ ژ موسلمان و ئێزدی و مەسیحی و گۆت: پێکڤە ژیان ب ھەبوونا ھەوە پێکڤە جوانیا ڤی باژێری و وەلاتێ ھەوە نیشا جیھانێ د دەت و دیسان ھاتنا ھەو بۆ جڤاتێن بڤی رەنگی برایەتی و مرۆڤایەتیێ پتر خورت دکەت.
ھەڤدەم د. سەمیان عەبدولخالق سەعدی، رێڤەبەرێ گشتیێ ئەوقاف و کارۆبارێن ئاینی ل پارێزگەھا دھۆکێ بۆ مالپەرێ ئەڤرۆ نیۆز دیارکر کو پەیاما رێڤەبەریا گشتی یا ئەوقاف و کارۆبارێن ئاینێ ئیسلامی ل پارێزگەھا دھۆکێ، ئێکەتیا زانایێن ئاینێ ئیسلامێ، ئەوە کار بکەین بۆ ھندێ ئەڤ ھزرێن توند رەو و کارتێکرنا خراب یا ل سەر راوستین و کا چ کارتێکرن کریە ڤە، دیسان مە ب دەلیڤە بزانین ئەڤی کونفرانسی بگێرین و ھەموو ماموستایێن ئولی ژ ھەموو ئاینین پێکڤە کوم بکەین و دیسان مێھڤان ل دەرڤە بھێنە گازیگرن دا بزانن کو مللەتێ کورد حەزژ پێکڤەژیانێ و برایەتیێ دکەت و چ جاران زولم و تەعدا ل کەسێ نەکریە.
د. سەمیان عەبدولخاق گۆت ژی: سەربلندین کو نوکە ھەستا نەتەوەیی ل دەڤ گەنجێ مە گەشھیتە ئاستێن بلند و دیسان مامۆستایێن ئاینی مل ب ملێ ھەموو تەخێ، جزاکی رولێن ھەرە کاریگەر ھەیە بۆ بلندکرنا ڤێ ھەستێ بەرز و بھیڤی نە دێ پتر خزمەتێ کەین.
رێڤەبەرێ گشتی ئاشکراکر ژی کو کونفرانس دێ بتنێ بۆ ماوێ ئێک رۆژ بیت و دو پەنەلە و چەند مێھڤان و شارەزا دبیاڤێن ئاینی دا ل وەلاتێن مەغرب و تورکیا تێدا دبەرھەڤن.
ئه‌ڤرۆ نيوز:
هه‌كه ئايفۆنا ته نامه‌كا نه‌ناسيار و سه‌ير بۆ هات، ب له‌ز مۆبايلا خوه ب ڤه‌مرينه و ب چو ره‌نگان نامێ نه‌ڤه‌كه، چونكو مه‌ترسى يا ل سه‌ر هه‌يى.
پێگه‌هێ CNN يێ ئه‌مريكى د دووڤچوونه‌كا خوه دا بۆ كێشه‌كا نوو كو روو ب روويێ مۆبايلێن ئايفۆن بوويه، بۆ ده‌ركه‌فتيه كو سيسته‌مێ كاركرنا ئايفۆنێ كێشه يێن تێدا په‌يدا بووين.
ئاماژه ب وێ چه‌ندێ كريه كو خراپترين كارێ ڤێ خه‌له‌تيا د سيسته‌مى دا، ژ ده‌ستدانا ئايفۆنێ ب خوه يه، ئه‌و ژى ب ره‌نگه‌كى هه‌كه ئه‌و نامه بۆ ئايفۆنا ته هات و ته نه‌زانى چيه و ته ڤه‌كر، دێ مۆبايلا خوه ژ ده‌ست ده‌يى.
ده‌رىاره‌يى ڤێ نامێ ئاشكه‌را كريه كو ژ دو په‌يڤان پێك دهێت كو ب زمانێ ئنگليزى و هنده‌ك جاران ژى ب عه‌ره‌بى و يابانى ژى هاتيه نڤيسين و دبێ رامانن.
CNN نڤيسيه ژى كو ئه‌ڤ نامه ژ ئايفۆنه‌كێ بۆ ئێكا دى دچيت، هه‌كه نامه هات، ل سه‌ر ته پێدڤيه ڤه‌مرينى و پشتى 15 چركان ڤه‌كه‌يه ڤه و دێ به‌رده‌وام بيت و چو كێشه تێدا نابن.
كۆمپانيا ئه‌پل ژى يا هايدارى ڤێ كێشێ يه و د به‌ياننامه‌كێ دا راگه‌هانديه كو ئه‌و ل سه‌ر بابه‌تى د هايدارن و كێشه د سيسته‌مێ كودێن نامان دا دروست بوويه و دێ د زووترين ده‌م دا چاره كه‌ن.
ئه‌ڤرۆ نيوز:
ژێده‌ره‌كێ ئابوورى يێ ئه‌مريكى ئاشكه‌را كر كو عيراقێ ل به‌ر د هه‌يڤا داهاتى دا ئاستێ به‌رهه‌مئينانا رۆژانه يێ په‌ترۆلێ بۆ سه‌ر سێ مليۆن به‌رميلان زێده بكه‌ت.
سايتێ بلۆمبێگ به‌لاڤ كر كو عيراقێ ل به‌ره د هه‌يڤا داهاتى دا، ئاستێ به‌رهه‌م ئينانا په‌ترۆلێ بۆ سێ مليۆن و 75 هزار به‌رميلان د رۆژه‌كێ دا بلند بكه‌ت و ئه‌وێ ستراتيژيه‌تێ ب ده‌رفه‌ت ببينيت ئه‌وا رێكخراوا ئۆپێل به‌ر دچيت كو زێده‌فرۆتنا په‌ترۆلێ يه ب بهايه‌كێ كێمتر ژ په‌ترۆلا خاڤ يا ئه‌مريكى.
ب گۆره‌يى هه‌مان ژێده‌ر ئه‌و په‌ترۆلا زێده يا رۆژانه عيراق به‌رهه‌م دئينيت دگه‌هيته نێزيكى 800 هزار به‌رميلان.
د هه‌يڤا كانينا دويێ يا ئه‌ڤ ساله دا، وه‌زاره‌تا په‌ترۆلا عيراقێ راگه‌هاند كو ئه‌وان رۆژانه شيانێن به‌رهه‌مئينانا نێزيكى سێ مليۆن به‌رميلێن په‌ترۆلێ هه‌نه و بهايێ وێ په‌ترۆلا هاتيه فرۆتن ژى گه‌هشتيه زێده‌ترى پێنج مليار دۆلاران.
ئه‌ڤرۆ:
دھۆک ب ھێزا گەنجێت خوە و ب پشتەڤانیا جەماوەری، دێ ئەڤرۆ ھەڤرکیا خودانا ستێرێن عیراقێ یانا جەویە کەت د یاریا سێی دا ژ قوناغا دووماھیا خولا نایابا عیراقێ کو بریارە یاری ل دەمژمێر حەفتی ئێڤاری ل یاریگەھا سەرەکی یا دھوک بھێتەکرن
و ئەلھویێن چیا بو ڤێ یاریێ دێ ھەمی ھەولێن خوە مەزێخیت ئەنجامەکێ سەرکەفتی بدەستخوڤە بینت بو وێ چەندێ قەرەبوویا ئەنجامێن خوە یێن بوری یێن خراب بکەت و دێ پشتبەستنێ ل سەر شارەزاییا خالد مشیر و ئاماد ئسماعیل کەت ل ھێلێن بەرگری و ناڤین و ل ھێرشبەریێ گەنج و شارەزایا جاسم و زیاد دێ ھێرشان بەنە سەر ئەلھویێن شین و دێ ھەولدەن نێچیرەکا باش بکەن.
بەرامبەر تیما جەویە یا ناسیار ب ئەلھویێن شین دێ بزاڤێن مەزن کەت د رێکا دھۆکێ را سەرکێشیا خولێ موکم بکەت و ھەتا رادەکێ مەزن بگەھنە یاریا دووماھیێ لێ دھۆک د ناڤ ئەرد و جەماوەرێ خوە دا نە پاریەکێ ب ساناھی یە و ھەروەسا ئەنجامێن باش ژی ل گەل تیمێن مەزن ل ڤی وەرزی ھەنە و دڤێ یاریێ دا دھۆک دێ بزاڤێ کەت سەرکەفتنا حەفتێ توماربکەت و جەویە د بزاڤێن تومارکرنا سەرکەفتنا ١٣ دا بیت و سەرکەفتیێ ڤێ یاریێ دێ مفایەکێ مەزن گەھینیتە خوە.
ل دور ڤێ یاریێ راھێنەرێ تیما تەپا پێی یا یانا دھۆک حازم سالح بۆ رۆژناما ئەڤرۆ گوت: یاریکرن ل گەل تیمەکا مەزنا وەکو جەویە خودانا باشترینینێن عیراقێ نە یا ب ساناھی یە، سەرەرایی وێ چەندێ یاری ل یاریگەھا مە یە دێ ھەولدەین سەرکەفتنێ تومارکەین بو وێ چەندێ ھیڤیێن خوە گەش کەین بو سەرکەفتنێ و بەرامبەر تیما ھەڤرکا مە دێ یاریێ ب زاخەکا مەزن کەت بو وێ چەندێ دەربازیبوونا خوە ھەتا رادەکی مسوگەرکەت.
زێدەتر ناڤبری گوت: من ھیڤیێن مەزن ب شیانێت گەنجێت دھۆکێ ھەنە دێ ب ئەنجامەکێ باش ژ ڤێ یاریێ دەرکەڤن و داخازێ ژ جەماوەری دکەین پشتەڤانیا کورێن باژێرێ خوە بکەن چونکو یاریەکا ب زەحمەتە بومە.
ئه‌ڤرۆ:
نھا قوتابی د ئەزمونێن دووماھیا سالێ دانە، ھەلبەت دەمێ تاقیکرنا گەلەک قوتابی توشی نیگەرانیا ئەزمونان دبن و دەمێ دچنە ئەزمونێ نەشێن وەک پێدڤی ئەزمونا خوە بەرسڤ بدەن، قوتابیەک ژی دبێژیت: دەما ئەز دچمە د ھۆلا ئەزمونان دا خواندن ژ بیرا من دچیت و دترسم.
دەرونناس سۆلاڤ ئیبراھیم خوەیاکر، پێدڤیە قوتابی دەمێ خوە بۆ خواندنێ دابەش بکەت، و ھەر قوتابیەکێ پلانا خوە ھەبیت بۆ دەمێ ئەزمونان ودەمێ خوە ڤالا نەھێلیت، وی دەمێ لسەر بابەتێن ئەزمون پێ ھەی کا ئەو بابەتە ژ چەند پشکان پێک دھێت و ھەر بەشەک پێدڤی ب چەند دەمیە بەھرا وی بۆ بدانیت، دیسان ھەکە دەمژمێرەکێ خواند پێدڤیە (١٠ تا ١٥) خولەکان بێھنا خوە بدەت، دوێ بێھنڤەدانێ دا تشتەکی بخۆت یان وەرزشێ بکەت، یان ژی بچیتە دناڤ باخچەی دا،
ھەروەسا گۆت: باشترین دەم کو قوتابی بخوینن خواندنا سپێدێ یە ژبەر کو ل وی دەمی مەژیێ قوتابی یێ پاقژ و ڤالایە و زویکا بابەتی وەردگریت.
سۆلاڤ ئیبراھیم دا زانین، بێگومان دڤی دەمی دا ترس و نیگرانی لنیک پڕانیا قوتابیان پەیدا دبیت، لەوا دڤێت خێزان باشترین سەرەدەریی ل گەل قوتابیێ خوە بکەت، کەشەکێ ئارام بۆ قوتابی پەیدا بکەت، دا کو قوتابی ژلایێ دەرونی ڤە ل مال یێ ئارام بیت و بشێت بخوینیت،
سۆلاڤ خانێ دیارکر،لەورا دەمێ قوتابی دخوینیت دڤێت ل جھەکێ بێ دەنگ و گونجای بۆ خواندنێ بیت، داکو ھزرا وی بەلاڤ نەبیت، پێدڤی یە ژورەکا تایبەت ھەبیت بۆ قوتابی کو دوور بیت ژ تێلەڤزیونێ و کومپیوتەری و ئنترنێتێ و موبایلێ و قەرەبالغێ دا بشێت ب تەکزێ ل سەر خواندنا خوە بکەت.
سولاڤ زێدەتر دبێژیت: فەرە خێزان سەرەدانێن ژ دەرڤە کێم بکەت، ھەم دا قوتابیێ وان بخوینیت و ھەم ژی دا نەبنە جھێ دلگرانیێ بۆ وێ خێزانا قوتابی د مالدا ھەبن، زێدەباری دڤێت خێزان ھەموو گاڤا ھاندانا قوتابی بکەن، دا کو پتر گێولێ وی ل خواندنێ بدەت و د ئەزموناندا بسەرکەڤیت و نمرێن باش بینیت.
ھەلز قوتابیا قوناغا ١١ ئامادەیی یە دبێژیت: ھەر سال بۆ ئەزمونێن دووماھیا سالێ ئەز ئەزمونێن خوە باش دخوینم داکو ب باشترین شێوە بەرسڤ بدەم، لێ دەما ئەز دچمە د ھۆلا ئەزموناندا خواندن ژ بیرا من دچیت و دترسم، نزا ئەگەر چنە ئەز بزاڤێ دکەم ئەڤ ترسە لنیک من نەمینیت لێ نە ب منە.
سەبارەت سەدەمێن ڤێ چەندێ و چارەسەریێ دەرونناسا ناڤھاتی ئاماژە دا وێ ئێکێ ژی، بێگومان دەما قوتابی بەرب ھۆلا تاقیکرنێ دچیت نیگرانی لنیک پەیدا دبیت، ئەو ژی نیگرانیا ئەزمونێ یە ئەڤە ژی رەوشا ھەلچونێ یە ل وی دەمی لنیک قوتابی پەیدا دبیت، کو قوتابی ھزرێن نێگەتیڤ و نەسەرکەفتنێ دکەت، یان دبێژیت تاقیکرن گەلەک یا ب زەحمەتە و ئەس بەرسڤ نادەم ئەڤە ھەموو کارتێکرنێ ل قوتابی دکەن.
سۆلاڤ ئیبراھیم دبێژیت: ئەڤجا داکو ترس لنیک قوتابی کێم ببیت پێدڤیە بباشترین شێوە خوە ئامادە بکەت، و بشەڤ زویکا بنڤن و سپێدێ زوی ژ خەو رابن ئەو تشتێن گرنگ پێداچونێ لسەر بکەت و یا فەرە تێشتێ بخۆت و نابیت گەدەیا قوتابی یا خالی بیت، و دەمێ تاقیکرنان دا دڤێت قوتابی بشێوەیەکێ ئارام بروینیت، و ل دەمێ بەلاڤ کرنا پسیاران نابیت قوتابی بشێوەیەکێ ئێکسەر ھەموو پسیاران بخوینیت، و یا باشتر ئەوە کو پسیار پسیار بخۆینیت و ھەکە پسیار یا ب زەحمەت بۆ بلا بچیتە پسیارەکا دی و بەرسڤا پرسیارا ب سەناھی بدەت، نەک بمینیتە ب وێ پرسیارا ب زحمەت ڤە ئەوا نەزانیت.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى هنده‌ك ئه‌ورێن كێم دێ ل ئه‌سمانى هه‌بن و هنده‌ك جاران ئه‌و ژى نامينن و دێ بيته ساهى.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ ڤه‌كێشانا فشارێن نزمێن رۆژهه‌لاتێ توركيا و هاتنا فشارێن نزمێن گزيرتا عه‌ره‌بى بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 29ى گۆلانا 2015ێ هنده‌ك ئه‌ورێن كێم دێ ل ئه‌سمانى هه‌بن و هنده‌ك جاران ئه‌و ژى نامينن و دێ بيته ساهى.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ هێتته خوار وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 22 بۆ 30 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژهه‌لات بیت ب رەنگەکی دێ ل سه‌ر خوه و ناڤه‌ندى بیت د ناڤبەرا 5 بۆ 15 کلم د دەمژمێرەکێ دا، ماوێ دیتنێ ژی دێ 8 بۆ 9 کلم بیت.
ئەڤرو نیوز، بارزان مزووری:
موقه‌دم داود خالد بانی، يێ سەر ب بەتەلیوونا سێ يا پێشمەرگەیێن میحوەرێ ناوەران بۆ ئه‌ڤرۆ نيوز ئاشکرا کر کو ل شەڤا بوری دەمژمێر 10:40 ده‌قيقه فروکەیێن ھەڤپەیمانان ب ھەڤکاری د گەل ھێزێن پێشمەرگەی ب چەکێ گران کوگەھێن دووریانا خورسەبات ل میحوەرێ ناوەران ب توندی بوردومان کرن د ئەنجام دا کاروانەکێ چەکدارێن تیرورستێن داعش ب ترومبێل و چەکێ گران تێک شکاندن.
زێده‌تر گۆت: “ل دووڤ زانیاریێن دەسپێکێ وان ب خوه ب ھەواری ئێکدو دکر د گۆت گەلەک تەرمێن کەفتینە د ناڤ کوگەھان دا ھەوار دکر کو ھێزەکا مەزن ل مووسل بگەھیتە وان ژ بوو قورتالکرنا وان و ل گه‌ل خوه برنا تەرمان”.
ناڤبری دیار کر کو ل دوڤ پێزانینان وان پلانەکا درێژ بو شڤێدى ل دژی پێشمەرگەی دارێت بوو، به‌لێ پێشمه‌رگه‌يى زوو پلانا وان تێكدا.
راگه‌هاندنا فه‌رماندا زێره‌ڤانى ژى د به‌ياننامه‌كێ دا كو دانه‌ك بۆ ئه‌ڤرۆ نيوز ره‌وانه كريه راگه‌هانديه كو ژماره‌كا فرۆكێن شه‌ركه‌رێن هه‌ڤپه‌يمانان چه‌ند باره‌گا و حه‌شارگه‌هێن چه‌كدارێن داعش ل گۆندێن خورسه‌بات سنورێ ميحوه‌رێ ناوه‌ران و گۆندێ محه‌له‌بيه كو دكه‌ڤيته به‌رامبه‌ر بلنداهيێن بادوش ل ميحوره‌ێ رۆژئاڤايێ ديجله تۆپبارانكرن.
ئەڤرۆ:
وەزیرێ وزێ یێ تورکیا د داخۆیانیەکی رۆژنامەڤانی دا ل باژێرێ ئەنقەرە یێ تورکیا راگەھاند کو تورکیا دخوازیت ئەو پەترۆلا کو ژ ھەرێما کوردستانا عیراقێ بۆ تورکیا دھێتە ھەناردە کرن بھێتە زێدەکرن و گۆت: (ئەم ژ پەیمانا پەترۆلێ یا کو ل گەل ھەرێما کوردستانا عیراقێ ھاتیە ئیمزا کرن رازینە و ھەموو پەیمانێن مە د چارچۆڤێ قانوونێن نێڤدەولەتی دانە و نە ل دژی حوکمەتا عیراقێ و چو ئالیەکی دی داینە).
تانەر یلدز وەزیرێ وزێ یێ تورکیا د پرێس کۆنفرانسەکی دا بەرسڤا پرسیارێن رۆژناماڤان دا و د بەرسڤا پرسەکی یا د دەربارێ پەیمانێن پەترۆلێ و ناکۆکیێن د ناڤبەرا حوکمەتا عیراقێ و حوکمەتا ھەرێما کوردستانێ دا راگەھاند کو ئەو ژ ئالیێ خوە ڤە ژ وان پەیمانێن کو ل گەل کوردستانێ بۆ وەرگرتن و ڤەگوھەستنا پەترۆلێ ئیمزا کرینە، د رازینە گۆت: (ئەم وەک حوکمەتا تورکیا دخوازین حوکمەتا ھەرێما کوردستانێ و حوکمەتا ناڤەندی یا عیراقێ ناکۆکیێن د ناڤبەرا خوە دا چارە بکەن لێ د ھەر رەوشەکی دا ئەم بەرھەڤین پەترۆلا کوردان وەربگرین و ھەر دەمێ پێدڤی بوو رێژا ڤەگوھەستنا پەترۆل کوردستانا عیراقێ زێدە بکەین).
ھەروەسا تانەر یلدز ئەو یەک ژی راگەھاند کو حوکمەتا وان دخوازیت د زووترین دەم دا ئارامی بھێتە عیراقێ و ھەموو رۆژھەلاتا ناڤین و گۆت: (ھەر ئالۆزیەکا ل ھەرێما رۆژھەلاتا ناڤین دروست دبیت کاریگەریا خوە ل ھەموو وەلاتێن ڤێ ھەرێمێ دکەت و کاریگەریا ئالۆزیان ھەر چەندە کێم ژی بیت ل وەلاتێ مە ژی دھێتە دیتن و بۆ ڤێ چەندێ دڤێت د ھەر واری دا ھەماھەنگیەکا مەزن د ناڤبەرا حوکمەتێن رۆژھەلاتا ناڤین دا ھەبیت بۆ ڤەگەراندنا ئارامی و ژ ناڤبرنا تەڤگەرێن تیرۆرستی و ھەر دەمێ ئۆپەراسیۆنا ئازادکرنا دەڤەرێن ل ژێر کۆنترۆلا داعشێ ھاتنە دەستپێکرن ئەم دێ ژی د گەلەک واران دا ھەڤکاریا حوکمەتا عیراقێ و یا کوردان بکەین).
تانەر یلدز د داویا ئاخڤتنا خوە دا ژی راگەھاند کو ئارمانجا سەرەکی یا حوکمەتا وان دروستکرنا پەیوەندیێن دۆستانە یە ل رۆژھەلاتا ناڤین و ل گەل وەلاتێن ھەڤسنۆر و گۆت: (مخابن ھەتا نھا ل سووریێ رژێما ئەسەد و داعش بەردەوامن د کوشتنا خەلکێن سڤیل دا و ل عیراقێ ژی چەکدارێن داعشێ نیڤا ئاخا وی وەلاتی کۆنترۆل کریە و بۆ ڤێ یەکێ ژی پێدڤی ب ھەماھەنگیەکا بەرچاڤ ھەیە و بۆ ژناڤبرنا مەترسیا تیرۆرستان ل دەڤەرێ دڤێت ئەم ھاریکاریا ھەڤدو بکەین).
نيشاندان