ئه‌ڤرۆ نيوز:
زلام ڕەخنێ ل ژنا دگرن و دبێژن ل سەر ھەستێن خوە د زال نینن دیسا ژن ژی بەرۆڤاژی رەخنێ ل زەلامان دگرن و دبێژن نمونە ژن پشتی ھەڤژینێ خوە دشێت چو جارا شوی نەکەتەڤە بەلێ زەلام دناڤ تازیا ھەڤژینا خوە سەحدکەتە ژنەکا دی.
سەلوا ژنەکە دبێژیت: پشتی ئەز ھاتیمە بەردان ئەڤە پتری سالەکێ یە ئەز توشی گەلەک کێشا بویمە ژبەرکو ئەز نەشێم لسەر خوە زال بم و ژبەرکو ئەز خوە توشی کێشا دکەم زارویێن من ژی لمن دوور کرینە و ئەز ھزر دکەم ئەزا نەخوشم چونکی بتنێ بەرێ من ل خوشیا من یا تاکە کەسی یە و ھزر ل چو دی ناکەم، لەورا من گەلەک دڤێت نەژیم چونکی رەوشا من یا خرابە.
سەھەند سالم ژی بەحس ل دایکا خوە دکەت کو پتری ١٥ سالانە بابێ وی چویە بەر دلوڤانیا خودێ لێ دایکا وی شوو نەکریە و بتنێ ئەو خودان کرینە و گۆت: گەلەک جارا خازگینیێن دایکا من ھاتینە لێ ئەوێ ھەر دگۆت دێ زارویێن خوە ب خودان کەم سەرەرای ڤێ چەندێ کەسلیەتیا خوە ژی پاراستیە.
ب،ج بابێ شەش زارویانە و گۆت: ھەڤژینا من ژبەر نەخوشیەکا گران گیانێ خوە ژ دەست دایە و من ل رۆژا شەشێ تازیێ مرۆڤەکا خوە دیت و پشتی ھەیڤەکی ب مەرەما بێ خودانیا بچووکا من ژنەک مار کر و نھا ژی ئەز ھزر دکەم ئێدی ئەز کەسەکێ جودامە ژ جڤاکی و کەربێن من ژ من ڤەدبن ژبەر نەشێم خوە راگرم بو شاشیان.
ڤەکولەرێ جڤاکی حاچی رەمەزان بێسکی دا زانین، ژن دشێت پشتی مرنا ھەڤژینێ خوە شوو نەکەت و گۆت: بو ژنێ چێدبیت بێ زەلام بیت بەلێ بو زەلامی نە چونکی کەس چاڤدێریا وی ناکەت و چاڤێ خوە نادەتێ، ئانکو بو زەلامی ژی باشە دا حەزێن خوە تێر بکەت و توشی کێشا نەبیت، ژلایەکێ دیڤە ژی زەلامێ بێ ژن دناڤ دەوروبەرێن خوە دا ھەست ب کێماسیێ دکەت، حەتا ھەکە ھەڤژینا خوە بەردا بیت ژی دێ ژ کەربێ بو ئینن دا جڤاک بەحس لێ نەکەت.
ژێھات کۆچەر خویا کر، زەلام پتر توشی خەلەتیێن رەوشتی دبن چونکی زەلامی پتر ئازادی ھەیە و ئەگەر ئەڤ دەرکەفتنا زەلامان بو وەلاتێن بیانی وەکو تورکیا لوبنان و وەلاتێن دی ھەلبەت خوە توشی پێنگاڤێن خەلەت دکەن و گۆت: ژن ژی توشی بێ رەوشتیا دبن لێ نە وەک زەلامی ژبەرکو ژنێ ئەو ئازادیە نینە.
ڤەکولەر حاجی گۆتژی: پتریا ژنان ژی حەزێن خوە ژ پێ خەمەت کەرامەتا خوە و مالا خوە دکەنە لبن پێ خوە ڤە بەس دا کەس بەحس ل خێزانا وێ نەکەت.
پارێزەرێ مافپەروەر دلگەش سادق لدوور بابەتی ئاماژە پێ دا کو، ئەو کەسا نەشێت لسەر حەزێن خوە زال بن پێدڤی یە ھەڤژینێ وێ سکالایێ دژی وێ تومار بکەت دا یاسا ب کارێ خوە رابیت و گۆت: دیسا ئەو کەسێ زیان ژی گەھشتیێ مافێ سکالە کرنێ یێ ھەی ل سەر وی کەسی ھەتا ئەکەر زیان ب جڤاکی ژی کەفت بن پێدڤی یە ماف لێ بھێتە ستاندن و ئەگەر ئەو کارێ خراب ل جھەکێ گشتی ژی بیت ھەر تاوانە چونکی مولکی ھەموو جڤاکی یە و د یاسایێ دا سەرپێچیا یاسایی یە ئەو ژی ل دووڤ ڤەکولینا نۆژداری.

ئه‌ڤرۆ نيوز:

پارێزەرەکێ دادگەھا دھۆکێ راگەھاند، کو دو خووشکێن نە موسلمان چوونە نەخۆشخانا ژ دایک بوونێ ل دھۆکێ ل وێرێ دیاری بۆ کو ئێک ژ وان یا ب دووگیانە، بەلێ ئەڤ بابەتە ل مال ڤەشارتبوو و چاکێتێن ستیر لبەر خوەدکرن دا مالا وان نەزانیت، پشتی نیشتەرگەری بۆ ھاتیەکرن و زارۆیێ وێ ھاتیە سەر دونیایێ دەستێ خوە دا حەفکا وی و خەندقاند ب ھاریکاریا خووشکا خوە و ھاڤێتە د حاویا کلێشی دا.
پارێزەر عەبدولقادر تەیمور بۆ ئەڤرۆ دیار کر کو کێشەک ل دادگەھێ ھاتە تومار کرن ئەو ژی دو خووشک بوون نە موسلمان بوون و چوونە نەخوشخانا ژ دایک بوونێ دو برایێن وان ژی ل گەل بوون ب مەرەما وێ چەندێ کو زکێ ئێک ژ وان یێ دئێشیت چوونە نک دختورا ئافرەتان گۆتێ تو یا ب دووگیانی خووشکا وێ ڤەجنقی ب ڤی دەنگ و باسی کو نەدزانی وێ ژی گۆتە خووشکا خوە ئەز یا رووبەرووی کریارا دەستدرێژیێ بوویم ژلایێ کەسەکی ڤە و ھەردو برایێن وان ژی ل دەرڤە یێن ل ھیڤیا وان، ئەو ھەردو خووشک رابوون ئەڤ دەنگ و باسە ل برایێن خوە ڤەشارت و گۆت:دختورا تایبەتمەند ژی گۆت پێدڤیە بلەز نیشتەرگەریا قەیسەری بۆ بھێتە کرن دا ڤی زارۆیی دانیت، گۆتژی نیشتەرگەری بۆ ھاتەکرن و زارۆیێ وێ یێ ب سلامەتی ھاتە سەر دونیایێ و بۆ ماوێ سێ رۆژان ما ل نەخۆشخانێ و دایک دو رۆژان ل نەخۆشخانێ دنڤاند و برایێن وێ دھاتن سەرا وێ دا گۆتبوونە برایێن خوە خووشکا مە کیسکێن ئاڤێ ھەنە ل سەر رەحمی، ل رۆژا دەرکەتنا خووشکا وان کو دایکا زارۆیە گۆتە خووشکا خوە دڤێت تو ھاریکاریا من بکەی دا خوە ژ ڤی زارۆیی خلاس کەم مادێ چەوا بەمە مال دێ چو بێژمە وان خووشکا وێ گۆتێ من چو شول ب ڤی بابەتیڤە نینە، دایکا زارۆی گۆتێ تۆ ھاریکاریا من نەکەی دێ خوە کوژم.!
پارێزەری ئاشکراکر ژی کو ھەردو خووشک رابوون ئەو زارۆیێ سێ رۆژێ برە د حەماموکێن نەخۆشخانێڤە و دەستێ خوە دا حەفکا وی و خەندقاند پشتی ھینگێ د بەتەنیەکێ وەرکر و دەرکەتن ھەر وەکو چو چێ نەبووی پاشان رادەستی خووشکا خوە کر وەختێ چووینە ژ دەرڤە ئەڤ زارویە ھاڤێتە د حاویا گلێشی دا و چوون پشتی چەند رۆژەکا ترومبێلا گلێشی ھات و کرێکارەکی ئەو زارۆیە دیت گۆتە زێرەڤانێ لبەر دەرگەھێ نەخۆشخانێ پشتی دووڤچوون کری دیار بۆ کا ئەڤ زارۆیە یێ کێ یە ب رێکا وی بازنکێ دەستێ زارۆیی دیارە وان ھەردو خووشکا ژبیرکر بۆ ئەڤی بازنکی ژ دەستی وی بکەن.
پارێزەر عەبدولقادر زێدەتر گۆت: دادگەھێ ڤەکولین ل گەل ھەردو خووشکا کر دانپێدان ب تاوانا خوە کر، ل دووڤ مادێن قانوونی مادێ ٤٠٧ ل سەر تومەتبارا ئێکێ دھێتە جێبەجێکرن و خووشکا وێ مادێ ٤٢٠ ژ قانوونا سزایان کو تەرمێ کوشتی یێ ڤەشارتی کو دچیتە سەر مادێ شووشتنا نامیسێ، گۆتژی خویشکا تومەتبارێ سێ ھەیڤان ھاتە حوکمکرن و تاوانبارا دیتر دایکا زارۆیی ب سزایێ دو سالان ھاتە حوکمکرن، دڤێ دادگەھێ دا کاودانێن وان یێن ئاوارەبوونێ و ئێتیم بوون بێ دایک و باب بوون بەرچاڤ ھاتنە وەرگرتن.