ئه‌ڤرۆ نيوز:
نووترين نووچه
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
سه‌ره‌كى Twitter
پارتا ديموكراتا ئيرانێ و په‌كه‌كه يێ د كۆمبوونێ دا
ئه‌ڤرۆ نيوز:
نوكه ب ناڤگيريا حوكمه‌تا هه‌رێما كوردستانێ و ل سه‌ر ده‌سپێشخه‌ريا نێچيرڤان بارزانى، شانده‌كێ پارتا ديموكراتا كوردستانێ و پارتيا كرێكارێن كوردستانێ يێ د كوم بووين دا كو ئه‌و ئالوزيا په‌يدا بوويى نه‌هێلن.
ب گۆره‌يى ئه‌و ژێده‌رێن ل به‌ر ده‌ست، پشتى دوهى شانده‌كێ حوكمه‌تا هه‌رێما كوردستانێ سه‌ره‌دانا ده‌فته‌را سياسى يا پارتيا ديموكرات ل ئيرانێ كۆمبوويى نوكه، ئه‌و شاند كو پێكهاتيه ژ چه‌ند وه‌زيران و ژ وان ژى كه‌ريم شنگالى وه‌زيرێ ناڤخۆ، كۆمبوونا پارتيا ديموكرات ل ئيرانێ و پارتيا كرێكارێن كوردستانێ كۆمبوون.
به‌رى كێمتر ژ دو حه‌فتيان، گه‌ريلايێن په‌كه‌كێ هژماره‌كا پێشمه‌رگێن رۆژهه‌لات ئابلۆقه دان و پاشان ژى هێرش كره سه‌ر و پێشمه‌رگه‌كێ پارتيا ديموكرات شه‌هيد كر و ب ڤێ چه‌ندێ ژى پشتى چه‌ندين سالان ژ راوه‌ستيانێ، جاره‌كا دى خوينا كوردان ب ده‌ستێ كوردان هاته رێشتن.
دوهى سه‌رۆكێ هه‌رێما كوردستانێ د به‌ياننامه‌كێ دا راگه‌هاند بوو كو شه‌رێ خوكوژيێ د به‌رژه‌وه‌ندا چو لايان دا نينه و خزمه‌تا نه‌ته‌وى و پارتيان ناكه‌ت.
ديسا ئاماژه ب وێ چه‌ندێ ژى كربوو كو ل سه‌ر حوكمه‌تا هه‌رێما كوردستانێ پێدڤيه ناڤگريا هه‌ردو لايان بكه‌ت دا كو وان ئالۆزيێن هه‌ين چاره بكه‌ت.
بارزانى: له‌شكرێ عيراقێ يێ بوويه له‌شكره‌كێ تايفى
ئه‌ڤرۆ نيوز:
سه‌رۆكێ هه‌رێما كوردستانێ راگه‌هاند، سۆپايێ عيراقێ يێ بوويه سۆپايه‌كێ تايفى و ئه‌ڤه ژى بوويه ئه‌گه‌رێ ئيرادا پارێزگاريكرنا وه‌لاتى نه‌مينيت.
مه‌سعود بارزانى سه‌رۆكێ هه‌رێما كوردستانێ د چاڤپێكه‌فتنه‌كێ دا ل گه‌ل كه‌نالێ سى ئێن بى سى يێ ئه‌مريكى راگه‌هاند: سۆپايێ عيراقێ نه‌شيايه پارێزگاريێ ل باژێرێ رومادى و ده‌ڤه‌رێن دى يێن عيراقێ بكه‌ت، چونكو تايفه‌گه‌رى رێگربوو د وى سۆپايى دا كو ئيرادا پارێزگاريكرنا وه‌لاتى نه‌مينيت.
ئاماژه ب وێ چه‌ندێ ژى كر كو ئه‌و كێشا كو د سوپايێ عيراقێ دا هه‌يه، بۆ رژێما به‌رێ يا ڤى وه‌لات ڤه‌دگه‌ريت كو ژينگه‌هه‌كا وه‌سان دروست كريه تێدا له‌شكرێ نشتيمانى يێ عيراقێ كريه له‌شكره‌كێ تايفى و ئه‌ڤێ ژى وه‌كريه كو كونترۆلكرن و پاراستنا وه‌لاتى يا سه‌ركه‌فتى نه‌بيت.
پیره‌ژنه‌ك پیراتیێ ره‌ت دكه‌ت
پرۆسا كونترۆلكرنا ئه‌نبار ده‌سپێكر
ئه‌ڤرۆ نيوز:
فه‌رماندێ هێزێن هه‌ڤپشكێن عيراقێ، كو ژ سۆپا و پۆليسێن فيدرال و حه‌شه‌د شه‌عبى ئۆپه‌راسيۆنێن كونترۆلكرنا ئه‌نبار راگه‌هاند.
پشتى ماوێ حه‌فتيه‌كێ ژ گرتنا باژێرێ رومادى سه‌نته‌رێ پارێزگه‌ها ئه‌نبار، ژ لايێ چه‌كدارێن داعش ڤه، ئه‌ڤرۆ رۆژا سێشه‌مبى رێكه‌فتى 26ى گۆلانا 2015ێ فه‌رماندێ هێزێن هه‌ڤپشكێن عيراقێ ئوپه‌راسيۆنا كونترۆلكرنا ئه‌نبار راگه‌هاند.
ب گۆره‌يى ئه‌و پێزانينێن ده‌زگه‌هێن راگه‌هاندنا عيراقى به‌لاڤ كرين، ئه‌ڤ ئۆپه‌راسيۆنه ژ 20 هزار چه‌كدارێن حه‌شه‌د شه‌عبى و 15 هزار له‌شكرێن سه‌ر ب هێزێن ئه‌منى ڤه پێك دهێت.
ئه‌و وه‌لاتێن پتریرن خه‌لك دبنه قوربانى روودانێن هاتن و چوونێ ؟
ئه‌ڤرۆ نیوز: ره‌وان نهێلى :
ل ڤێ دووماهیێ ل هندێ گه‌له‌ك گرنگى ب قوربانیێن روودانێن هاتن و چوونێ دهێته دان، ب تایبه‌ت پشتى كو سه‌لمان خان ستێرا بولیوود ژبه‌ر سه‌رخوشیێ، د ده‌مێ هاژوتنا ترومبێلێ وه‌لاتیه‌ك كوشتى.
پشتى دادگه‌ها هندێ سه‌لمان حوكمكرى، هه‌ر زوو ب كه‌فاله‌ت هاته به‌ردان و به‌ردانا وى بۆ ئه‌گه‌رێ نه‌رازیبوونا پرانیا خه‌لكێ هندێ ژبه‌ر كو قانوون كارێ خوه ناكه‌ت و گازندێن خه‌لكى ئه‌وبوون، دده‌مه‌كێ دا شوفێرێن سه‌رخوه‌ش، دڤێت بگه‌هنه سزایێ خوه.
رۆژناما Quartz India، نڤیسیه: ل جادێن هندێ، سالانه زێده‌تر ژ 20 هزار سه‌لمان خان یێن هه‌ین و سالانه ب هزاره‌هان وه‌لاتى دهێته كوشتن سه‌را روودانێن هاتن و چوونێ.
به‌لێ سه‌ره‌راى ڤێ چه‌ندێ هند نه ژ وه‌لاتێن ئێكێ یه كو روودانێن هاتن و چوونێ لێ په‌یدا دبن، به‌لكو سالانه ب ڤى ره‌نگێ وه‌لاتى سه‌را روودانان دمرن و ب ڤێ رێزبه‌ندیا ل خوارێ:
1- صین 275983
2- هند 231027
3- نیجیریا 53399
4- برازیل 43869
5- إندونیسیا 42434
6- ئه‌مریكا 35490
7- پاكستان 30131
8- روسیا 26567
9- تایلاند 26312
10- ئیران 25224
چ پێشمه‌رگێن شه‌رێ داعش ب شه‌هيد نه‌هاتينه هه‌ژمارتن
ئه‌ڤرۆ نيوز:
وه‌زيرێ كاروبارێن شه‌هيدان رادگه‌هينيت كو ژ ئه‌گه‌رێ كێ مته‌رخه‌ميا وه‌زاره‌تا پێشمه‌رگه‌يى، هه‌تا نوكه چو پێشمه‌رگێن شه‌رێ داعش ب شه‌هيد ژ لايێ حوكمه‌تێ ڤه نه‌هاتينه هژمارتن.
مه‌حمود حاجى سالح وه‌زيرێ كاروبارێن شه‌هيدان و ئه‌نفالكريان ل حوكمه‌تا هه‌رێما كوردستانێ بۆ حه‌فتيناما باس راگه‌هاند كو هه‌تا نوكه چو پێشمه‌رگێن شه‌رێ داعش يێن شه‌هيد بووين ل لايێ حوكمه‌تێ نه‌هاتينه تۆماركرن.
ل دۆر ئه‌گه‌رێ ژى ئاشكه‌را كر كو ژ وه‌زاره‌تا پێشمه‌رگه‌يى، چونكو هه‌تا نوكه دوسيێ ئه‌و پێشمه‌رگێن خۆبه‌خش يێن ل لايێ وه‌زاره‌تا پێشمه‌رگه بۆ وان ره‌وانه نه‌كرينه.
گۆتژى: “دڤێت دوسيێن وان ب رێكخراوه‌يى بهنێرن و دو پله ژى ب هه‌ر پێشمه‌رگه‌كێ شه‌هيد بهێنه دان، پاشان مووچه و ئمتيازاتێن شه‌هيدى دێ بۆ بنه‌مال و كه‌سوكارێن وان هێنه ده‌رخستن”.
ب گۆره‌يى حوكمه‌تا هه‌رێما كوردستانێ خێزانا هه‌ر پێشمه‌رگه‌كێ ل شه‌ر داعش شه‌هيد دبيت، دێ شه‌ش هه‌يڤا مووچێ وى يێ پێشمه‌رگاتيێ وه‌رگريت و پاشان ژى دێ وه‌كو شه‌هيد ل وه‌زاره‌تا كاروبارێن شه‌هيد و ئه‌نفالكريان مووچه بۆ هێته دابينكرن، به‌لێ وه‌زيرێ كاروبارێن پێشمه‌رگه‌يى دبێژيت: “هنده‌ك پێشمه‌رگه ئه‌ڤه ساله‌كه شه‌هيد بووين، ژ به‌ر بێخه‌ميا وه‌زاره‌تا پێشمه‌رگه نه‌شياينه مووچه‌يى بۆ كه‌سوكارێن وان دابين بكه‌ين”.
ڤيديۆ: چه‌ند تاوانبار ل دهۆكێ دهێنه ده‌سته‌سه‌ركرن
ره‌وشا سه‌قاى
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ يێ ئه‌ورى بيت ل گه‌ل هه‌بوونا تۆزه‌كا سڤك.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن نزمێن رۆژهه‌لاتێ توركيا و ڤه‌كێشانا فشارێن نزمێن گزيرتا عه‌ره‌بى بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 27ى گۆلانا 2015ێ ئه‌سمان دێ يێ ئه‌ورى بيت ل گه‌ل هه‌بوونا تۆزه‌كا سڤك.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ يا هه‌ڤبه‌ركرى بيت ل گه‌ل رۆژێن به‌رى نوكه ب رەنگەکی د ناڤبەرا 20 بۆ 33 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژهه‌لات بیت ب رەنگەکی دێ ل سه‌ر خوه بیت د ناڤبەرا 5 بۆ 10 کلم د دەمژمێرەکێ دا، ماوێ دیتنێ ژی دێ 8 بۆ 10 کلم بیت.
ئه‌ڤرۆ ئه‌ڤ جهه دێ مووچه‌ى وه‌رگرن
نيشاندان
WP Facebook Auto Publish Powered By : XYZScripts.com