ئه‌ڤرو نیوز،بارزان مزوورى
شنه‌ حه‌مدى، چالاكڤانا كچ ل باژێرێ كولن بو مالپه‌رێ ئه‌ڤرو نیوز ئاشكرا كر كو لدوڤ راپورته‌كا ژمارا ئه‌ڤرو ژ روژناما “كوێلنه‌ر شتادت ئانتسایگه‌ر” ل ده‌ڤه‌را بروك باژێرێ كولن گورستانه‌ك تایبه‌ت بو كوردێن ئیزدى هاته‌ڤه‌كرن ،
ناڤبرى دیار كر كو ئێكه‌م كه‌س دناڤ ڤێ گورستانێ هاته‌ ڤه‌شارتن گه‌نجه‌ك بناڤێ سه‌لیم ژیێ وى 14 سال بوو كو ب نه‌خوشیا شێرپه‌نجه‌ گیانێ خو ژ ده‌ست دابوو.
ناڤبریێ گوت كو دڤێ راپورتێدا داتایه‌ك دروست لدوڤ ئاماره‌كا جیهانى كو ئێك ملیون كوردێن ئیزدى نها ل جیهانێ هه‌ینه‌ كو10% ل ئه‌لمانیا دژین .

ئه‌ڤرۆنیوز، ره‌زوان رۆژبه‌یانى:
د رودانه‌كێ هاتن و چوونێ ل سه‌ر رێیا گشتى یا ناڤبه‌را قه‌زا به‌رده‌ره‌ش و ناحیا روڤیه‌ كه‌سه‌كى گیانێ خوه‌ ژ ده‌ست دا.
كۆمیسه‌ر حازم محه‌مه‌د ژ راگه‌هاندنا هاتن و چوونا قه‌زا به‌رده‌ره‌ش بۆ ئه‌ڤرۆنیوز خۆیا كر رۆژا دووشه‌مبى رێكه‌فتێ 12/10/2015 ل ده‌مژمێر (6:00) ى ئێڤارى د رودانه‌كا هاتن و چوونێ دا ل سه‌ر رێیا گشتى یا ناڤبه‌را قه‌زا به‌رده‌ره‌ش و ناحیا روڤیه‌ ل نزیك یاریگه‌ها چیمه‌نا ده‌ستكرد ترومبێله‌ك ژ جۆرێ كۆناپیكئاب ده‌بل قه‌ماره‌ وه‌رگه‌را و د ئه‌نجام دا شوفێرێ وى جانێ خوه‌ ژ ده‌ست دا كو خه‌لكێ گوندێ جوجه‌ره‌ یاسه‌ر ب قه‌زا به‌رده‌ره‌ش.
كۆمیسه‌رێ هاتن چوونێ ئاماژه‌ دا وێ چه‌ندێ كو شوفێرێ ترومبێلى ب له‌زاتییه‌كا زێده‌ چوویه‌ و دئه‌نجام دا كونترول ژ ده‌ست دایه‌ و ئه‌ڤ رویدانه‌ دروست بویه‌.