ئه‌ڤرۆ نيوز:
رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل پارێزگه‌ها دهۆكێ راگه‌هاند: ل خازرى ناحيا قه‌سرۆكێ، زارۆيه‌كێ ب ناڤێ سه‌ربه‌ست عومه‌ر كو ژيێ وى 12 سالان ب مه‌ره‌ما ماسيگرتنێ كه‌فته د ناڤا ئاڤێ دا و گيانێ خوه ژ ده‌ست دده‌ت و پشتى بۆرينا وه‌كێ گه‌له‌ك كێم پۆليسێن بنگه‌هێ به‌ره‌ڤانيا باژێرى ل گه‌ل چه‌ندين مه‌له‌ڤانان شيان ته‌رمێ ناڤبرى ژ ئاڤێ بيننه ده‌ر و ره‌وانه‌يى نه‌خۆشخانا هه‌وارهاتنێ يا ئاكرێ بكه‌ن.
ئه‌ڤرو نیوز ، نه‌وزاد زاده هلورى :
ب ئیمزا وه‌زیرێ ئه‌قاف و كاروبارێن ئاینى یا حكومه‌تا هه‌رێما كوردستانێ دوو كه‌س وه‌كو نونه‌رێن جوهیان هاتن ده‌ستنیشانكرن.
لگوره‌ى نڤیسارا وه‌زاره‌تا ئه‌وقاف و كاروبارێن ئاینى یا هژمار 181 كو ل روژا 11/10/2015 ده‌رچوویه تێدا دیاردبیت كو دوو كه‌س وه‌كو نوونه‌رێن ئاینێ جوهیان ل كوردستانێ هاتینه ده‌ستنیشانكرن.
نڤیسكارێ كو ئیمزا كه‌مال موسلم وه‌زیرێ وه‌زاره‌تا ئه‌وقاف و كاروبارێن ئاینى لسه‌ر شێرزاد عومه‌ر مامسانى و شێركو عوسمان عه‌بدوللا وه‌كو نونه‌رێن جوهیان هاتن ده‌ستنیشانكرن ئه‌و ژى ب پشت به‌ستن ب قانونا هژمار 5 یا سالا 2015.
ئه‌ڤرۆ نیۆز، قائید میرۆ
ئه‌ندامه‌كێ لیژنا قانوونی یا په‌رله‌مانێ كوردستانێ ئاماژه ب وێ چه‌ندێ كر، كۆمبوونێن په‌رله‌مانی ل سلێمانیێ قانوونی نابن و هه‌ر بڕیاره‌كا بهێته‌دان ئه‌ڤه چو شه‌عیه‌ت نابیت.
ڤه‌مان فه‌یسه‌ل، ئه‌ندامێ لیژنا قانوونی یا په‌رله‌مانێ كوردستانێ ب ئه‌ڤرۆ نیۆز راگه‌هاند” ل گوره‌ی قانوونێ په‌رله‌مان نه‌شێت ژبلی ئاڤاهیێ په‌رله‌مانی كۆمبوونێن خوه ل چو جهه‌كی رێڤه‌ببه‌ت، ژبه‌ركو قانوون دبێژیت به‌ری كۆمبوون بهێته ڤه‌گوهاستن دڤێت ل په‌رله‌مانی ده‌نگ لسه‌ر بهێته دان .
ڤه‌مانی دیاركرژی” هه‌ر رۆنشتنه‌كا په‌رله‌مانی ل سلێمانیێ و هه‌ر جهه‌كێ بهێته‌كرن ده‌رڤه‌ی قانوونێ یه و هه‌ر بڕیاره‌كا بهێته‌دان، ئه‌ڤه چو شه‌رعیه‌ت نینه، لایه‌نێن په‌یوه‌ندیدار یێن هه‌رێما كوردستانێ پێگیری بڤان بڕیارا ناكه‌ن.
ئه‌ڤرۆ، رێوار مزیرى:
ل ژێر درووشمێ (شه‌هید هه‌ناسه‌یا ئازادیێ یه) رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ، رێڤه‌به‌ریا هونه‌رێ مۆزیكێ ل دهۆكێ، كۆنسێرته‌كا هه‌لبه‌ستخواندنێ ل رۆژا سێشه‌مبى 13/10/2015 ل ده‌مژمێر 11 ى به‌رى نیڤرۆ، دێ بۆ هه‌لبه‌ستڤان (هه‌لگۆرد قه‌هار) و مۆزیكژه‌ن (به‌شار كازم) ل هولا ناڤه‌ندا قوتابیان ل زانكۆیا دهۆكێ گێریت.
سه‌مه‌دار محه‌مه‌د ته‌ها، رێڤه‌به‌رێ هونه‌رێ مۆزیكێ ل دهۆكێ بۆ ئه‌ڤرۆ نیۆز دیار كر كو سه‌ره‌رایى قه‌یرانا دارایى ل هه‌رێما كوردستانێ رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ سیته‌مه‌ك دانایه كو هه‌موو سازیێن وێ چالاكیان ئه‌نجام بده‌ن و گۆت: مه‌ره‌ما مه ژ گێرانا ڤێ كۆنسێرتا هه‌لبه‌ست و مۆزیكێ د ڤان كاودانان دا ئه‌وه ئه‌م ب هه‌لبه‌ست و مۆزیكێ به‌رسڤا گۆلله‌یێن دۆژمنێن خوه بده‌ین و بێژینه دوژمنان هوون نه‌شێن ژیانا مه نه‌خوه‌ش بكه‌ن و ژیان ل كوردستانێ یا ئارام و به‌رده‌وامه.
هه‌روه‌سا ناڤهاتى ئاماژه دا وێ چه‌ندێ كو ئه‌ڤ كۆنسێرته دێ یا بێ به‌رانبه‌ر بیت و گۆت: بابه‌تێن وان هه‌لبه‌ستێن د ڤێ كۆنسێرتێ دا دهێنه خواندن دێ ل دۆر (شه‌هید و پێشمه‌رگه‌ى و وه‌لات پارێزى و نه‌ته‌وه‌یى و ره‌خنێ) بن.
ئه‌ڤرۆ نیۆز، قائید میرۆ
كادره‌كێ پێشكه‌فتیێ پارتی دیموكراتی كوردستان ئاشكراكر، سه‌ره‌رای ده‌ركرنا لایه‌نێ گۆڕان ژ حوكمه‌تێ، به‌لێ دێ دانوستانێن پارتی و لایه‌نێن سیاسی ل دۆر پرسێن نوكه به‌رده‌وامبیت.
هێرش مه‌لا جه‌وهه‌ر، كادرێ پێشكه‌فتیێ پارتی ب ئه‌ڤرۆ نیۆز راگه‌هاند” پارتی هه‌مبه‌ر ڤان هێرشێن سه‌ر باره‌گایێن خوه ل سنورێ سلێمانی و هه‌له‌بجه زۆر سه‌بر گرت، به‌لێ چو مفا نه‌بوو گۆڕان یا به‌رده‌وامبوو لسه‌ر هاندانا خه‌لكی بۆسه‌ر باره‌گه‌هێن پارتی ل وی سنوری.
هێرشی گۆتژی” بڕیارا مه‌كته‌با سیاسیا پارتی بێی دیراسه‌ت نه‌بوویه و بڕیاره‌كا دجهێ خوه‌دابوویه و ل گه‌ل ڤێ چه‌ندێ كو گۆڕان هاته ده‌ركرن ژ حوكمه‌تێ، به‌لێ دێ پڕۆسا سیاسی یا به‌رده‌وامبیت و دانوستانێن پارتی دگه‌ل لایه‌نێن سیاسی لدۆر پرسێن نوكه‌یێن هه‌رێما كوردستانێ و سازانێ به‌رده‌وام بیت.
ئه‌ڤرۆ نیوز:
شێخ شامو په‌رله‌مانتارێ ئێزدى ل په‌رله‌مانێ كوردستانێ به‌رسڤا داخویانیێن سه‌رۆكێ په‌رله‌مانى یوسف محه‌مه‌د دان سه‌باره‌ت شنگالێ و راگه‌هاند: یوسف محه‌مه‌د هه‌تا نوكه نزانیت شنگال ل كیڤه‌یه و سه‌ره‌دانا وێ ژى نه‌كریه.
شامو دبێژیت: ل بیرا منه ل ده‌مێ كاره‌ساتا شنگالێ چێبووى، یوسفى نه‌هێلا ئه‌ز وه‌ك نوونه‌رێ ئێزدیا ئه‌ز ئاخافتنا خوه بكه‌م، هه‌روه‌سا پرۆژه‌یه‌ك بۆ ناساندنا كاره‌ساتا شنگال ب جینوساید هه‌یه كو ئه‌و خه‌لكێ زیان دیتى بهێته قه‌ره‌بووكرن، به‌لێ هه‌تا ڤى ده‌مى یوسف محه‌مه‌دى نه‌ئێخستیه به‌رنامێ كارێ په‌رله‌مانى.
ئه‌ڤ ئاخفتنێن شێخ شاموى ئه‌ڤرۆ پشتى وێ یه‌كێ هاتن كو یوسف محه‌مه‌د ده‌مێ رێگرى لێ هاتیه كرن كو بهێته هه‌ولێرێ ل بازگه‌ها پردێ گوتبوو: ئه‌و هێزا نوكه ل ڤێره، هه‌كه ل شنگال با، دا رزگار كه‌ن.
ئه‌ڤرۆ نیوز:
ژێده‌ره‌كێ مه‌كته‌با سیاسى یا پارتى دیموكراتى كوردستان راگه‌هاند كو یوسف محه‌مه‌د ب مه‌رجه‌كێ دێ رێ پێ هێته دان كو ڤه‌گه‌ریته هه‌ولێرێ و په‌رله‌مانى ئه‌وژى وه‌كو په‌رله‌مانتاره‌ك ده‌واما خو بكه‌ت نه‌وه‌كو سه‌رۆكێ په‌رله‌مانى ژبه‌ر كو یوسف ب رێككه‌فتن یێ بوویه سه‌رۆكێ په‌رله‌مانى كو نوكه ئه‌و رێككه‌فتن نه‌ما.
ئەڤرۆ نیوز، سالار دۆسکی:
بەرپرسێ مەلبەندێ ٣ێ یێ یەکگرتوو ئیسلامی کوردستان ئاشکراکر کو دەست کارکێشانا وەزیرێ کوچ و کوچبەرێن عیراقێ یێ بەرێ ھاتیە پەسەندکرن.
د. محەمەد مستەفا بەرپرسێ مەلبەندێ ٣ێ یێ یەکگرتوو ئیسلامی کوردستان بۆ ئەڤرۆنیۆز گۆت: ل دووڤ پەیروێ نافخویێ کو ھەر ئەندامەکێ حزبێ چو ئەندامێ سرۆشتی بیت یان یێ پلە بلندبیت ب رێکا دەزگەھێن راگەھاندنێ دیار بکەت کو وی دەست ژ کارکێشا، ھەر ھەمان دەم دەست کارکێشانا وی دھێتە پەسەندکرن و ئەڤە ل دووڤ پەیروێ یەکگرتوو دەست کارکێشانا دیندار نەجمان دۆسکی ھاتیە پەسەندکرن.
ھەڤدەم بەرپرسێ مەلبەندێ یەکگرتوو گۆت: مە گەلەک پێ نەخوش بوو ئەو بریارا کاک دیندار نەجمان دایی و ھەڤالێ مەبوویە، لێ ئەف بریارە ب کەسایەتی یا وی ڤە یا گرێدایە.
ئەڤرۆنیۆز، سالار دۆسکی:
بەرپرسێ پەیوەندیان ل وەزارەتا ئەوقافێ ب رێکا ئەڤرۆ نیۆز، رۆژا ئێکی موحەرەمێ دیار دکەت کو سالانە وێ رۆژێ دبیتە بھێنڤەدان.
مەریوان نەقشەبەندی، بەرپرسێ پەیوەندیان ل وەزارەتا ئەوقاف و کارۆبارێن ئاینی ل حوکمەتا ھەرێما کوردستانێ بۆ ئەڤرۆ نیۆز ئاشکراکر کو رۆژا جارشەمبی ئانکو رێکەفتی ١٤-١٠- ٢٠١٥ ئێکی موحەرەمێ یە و بھێنڤەدانە ل ھەموو دامو دەزگەھێن حوکمەتێ.
ئه‌ڤرۆ نيوز:
به‌رى ده‌مه‌كێ كێم، نێچيرڤان بارزانى، سه‌رۆكێ حوكمه‌تا هه‌رێما كوردستانێ ل گه‌ل وه‌زيرێن گۆڕان كۆمبوو و تێدا وه‌زيرێ ئه‌وقاف و كاروبارێن ئاينى تێدا نه‌بوو، به‌لێ د هه‌مان ده‌م دا كه‌ريم شنگالى وه‌زيێ ناڤخۆ ل سه‌ر به‌هرا پارتى ديموكراتى كوردستان ژى د كۆمبوونێ دا يێ پشكدار بوو و نوكه كۆمبوون يا ب دووماهى هاتى و وه‌زيرێن گۆڕان جڤاتا وه‌زيران ب جهـ هێلا.
ژ به‌ر تايبه‌تى و هه‌ستياريا كۆمبوونێ هه‌تا نوكه چو لايه‌نان پێزانينێن ل دۆر ناڤه‌رۆكا ڤێ كۆمبوونێ به‌لاڤ نه‌كرينه و هه‌ر ده‌مێ تشته‌كێ نوو هه‌بوو ئه‌ڤرۆ نيوز دێ به‌لاڤ كه‌ت.
نيشاندان