ئه‌ڤرۆ نیوز:
وه‌زاره‌تا داریى و ئابوورى یا حكومه‌تا هه‌رێما كوردستانێ ناڤێ وان وه‌زاره‌تان ئاشكرا دكه‌ت كو دێ رۆژێن 4 شه‌مبى و 5 شه‌مبى موچێ هه‌یڤا 3 وه‌رگرن.
وه‌زاره‌تا داریى و ئابوورى یا حكومه‌تا هه‌رێما كوردستانێ راگه‌هاند سبه وه‌زاره‌تا شه‌هیدان و زیندانیێن سیاسى دێ مووچێ هه‌یڤا سێ وه‌رگرن و رۆژا 5 شه‌مبى دێ مووچێ خانه‌نشینێن پێشمه‌رگه و یێن ئیلونێ و وه‌زاره‌تا كار و كاروبارێن كومه‌لایه‌تى دێ موچا هه‌یڤا سێ وه‌رگرن.
ئه‌ڤرۆ نیۆز، قائید میرۆ
وه‌زیرێ ساخله‌میا حوكمه‌تا هه‌رێما كوردستانێ ته‌كه‌ز لسه‌ر قه‌ده‌غه‌كرنا مریشكێن نافخۆ ل جهێن گشتی و بازاڕ و كولانا كر و راگه‌هاند، چه‌ند حاله‌ته‌كێن به‌رسیڤا بالندان لهه‌رێمێ هاتینه تۆماركرن.
رێكه‌وت حه‌مه ره‌شید، وه‌زیرێ ساخله‌میا هه‌رێما كوردستانێ ب ئه‌ڤرۆ نیۆز راگه‌هاند” د كۆمبوونه‌كێ دا لیژنا به‌ره‌نگاربوونا به‌رسیڤا بالندان بڕیارا دوماهیێ داو تێدا بڕیار هاته‌دان، پشتی ده‌ستنیشانكرنا چه‌ندین حاله‌تێن به‌رسیڤی دناڤا به‌رهه‌مێ خۆمالی دا فرۆتن و سه‌ربڕینا مریشكا ب هه‌موو شێوه‌یه‌كی بهێته قه‌ده‌غه‌كرن، ئه‌و بۆ پاراستنا ساخله‌میا وه‌لاتیان”.
دكتۆر رێكه‌وتی گۆتژی” ئه‌ف بڕیار بۆ ڤێ چه‌ندێ نینه زیانێ بگه‌هینه وه‌لاتیێن كارێ فرۆتنا مریشكا دكه‌ن، به‌لكۆ بۆ پاراستنا گیانێ وه‌لاتیێن هه‌رێما كوردستانێ یه و لسه‌ر بنه‌مایێ زانستی ئه‌ف بڕیار هاتیه ده‌ركرن”.
ئه‌ڤرۆ نیۆز، قائید میرۆ
ل باژێڕێ مووسڵ دده‌مێ 24 ده‌مژمێرێن بۆری دا دو به‌رپرسێن داعش ب چه‌كێن بێده‌نگ هاتینه كوشتن و بكوژێن وانژی شیاینه خوه رزگاربكه‌ن.
ژێده‌ره‌كێ ئاگه‌هدار ب ئه‌ڤرۆ نیۆز راگه‌هاند” ل تاخێ ریساله كو دكه‌ڤیته لایێ راستێ یێ باژێڕێ مووسڵ هژماره‌ك چه‌كدارێن نه‌نیاس ب چه‌كێ بێده‌نگ ئه‌میره‌كێ گروپا تیرۆرستیا داعش كوشتیه و به‌ره‌ف جهه‌كێ نه‌دیار ره‌ڤینه.
ژێده‌ری گۆتژی” ل قه‌زا حه‌زه‌ر یا گرێدایی مووسڵ بهه‌مان شێوه هژماره‌ك چه‌كدارێن نه‌نیاس ب چه‌كێ بێده‌نك سه‌ركرده‌یه‌كێ دیارێ گروپا تیرۆرستیا داعش كوشتیه و دو زێره‌ڤانێن ویژی ب گرانی برینداركرینه.
ئه‌ڤرۆ نیۆز، قائید میرۆ
پشتی گرتنا رۆمادی گروپا تیرۆرستیا داعش هێزه‌كا مه‌زنا چه‌كدارێن خوه یێن بیانی به‌ره‌ف رۆمادی هنارتن و مه‌ره‌م ژ هنارتنا چه‌كدارێن بیانی بۆ كۆمكوژیا عه‌شیره‌تێن رۆمادیه ئه‌ڤێن به‌رسینگا وان گرتی.
غه‌یاس سورچی، په‌یڤدارێ مه‌لبه‌ندێ نه‌ینه‌وا یێ ئێكه‌تی نیشتیمانی كوردستان ب ئه‌ڤرۆ نیۆز راگه‌هاند” پشتی كۆنتڕۆلكرنا رۆمادی ژلایێ تیرۆرستێن داعش، ل دو رۆژێن بۆری دا گروپا تیرۆرستیا داعش هژماره‌كا زۆرا چه‌كدارێن خوه یێن بیانی ژ باژێڕێ مووسڵ به‌ره‌ف باژێڕێ رۆمادی هنارتینه، ئه‌وژی بۆ قه‌تل و عامكرنا خه‌لكێ عه‌شیره‌تێن پارێزگه‌ها رۆمادی”.
سورچی گۆتژی” ئه‌ف هێزا بیانیا داعش هه‌موویان مه‌شق و راهێنان دیتیه و مه‌ره‌م ژ هنارتنا وان بۆ رۆمادی ژبۆی كۆمكوژیا خه‌لكێ وێ پارێزگه‌هێ یه.
ئه‌ڤرۆ نيوز:
جڤاتا وه‌زيرێن عيراقێ ئه‌ڤرۆ رۆژا سێشه‌مبى رێكه‌فتى 19ى گۆلانا 2015ێ كۆمبوونا خوه يا ئاسايى گرێدا و پاشان ژى به‌ياننامه‌ك به‌لاڤكر.
د به‌ياننامێ دا كو ل دۆر ناڤه‌رۆكا كۆمبوونێ هاتيه به‌لاڤكرن، به‌حسكرن بوويه د هه‌شت خالان دا ل دۆر ره‌وشا نوكه يا باژێرێ ئه‌نبار و مووسل و د چو ژ وان خالان دا به‌حس ل كێشێن هه‌ولێر و به‌غدا يان چو بابه‌تێن دى نه‌هاتيه كرن.
بڕياره ئه‌ڤرۆ د ته‌وه‌ره‌كێ كۆمبوونێ دا به‌حسێ كێشێن په‌ترۆلێ و گرێبه‌ستا هه‌رێمێ و عيراقێ يا وارێ به‌ترۆلێ و هنارتنا بودجا هه‌رێمێ بهێته گه‌نگه‌شه‌كرن.
ئه‌ڤرۆ نيوز:
پشتى كو بڕيار بوو سه‌رۆكاتيا په‌رله‌مانى و سه‌رۆك فراكسيۆنێن په‌رله‌مانێ كوردستانێ و لژنێن دارايى و ئابوورى و سامانێن سرۆشتى سه‌ره‌دانا به‌غدا بكه‌ن، به‌لێ ژ ئه‌گه‌رێ ئالۆزيێن د ناڤبه‌را هه‌ولێر و به‌غدا دا، په‌رله‌مانى سه‌ره‌دانا خوه پاشخست.
فه‌خره‌دين قادر سكرتێرێ په‌رله‌مانێ كوردستانێ بۆ باسنيوز راگه‌هاند كو بڕيار بوو د ڤێ حه‌فتيێ دا، شانده‌كێ په‌رله‌مانێ كوردستانێ بچيته به‌غدا، به‌لێ ژ به‌ر ئالوزبوونا په‌يوه‌نديێن د ناڤبه‌را هه‌ولێر و به‌غدا دا، سه‌رۆكاتيا په‌رله‌مانى ده‌مێ سه‌ره‌دانێ بۆ ده‌مه‌كێ گۆنجايى پاش خست.
فه‌خره‌دين قادر ل دۆر ده‌مێ سه‌ره‌دانێ گۆت: “هه‌تا نوكه نه‌هاتيه دياركرن كا دێ كه‌نگى چنه به‌غدا، به‌لێ دبيت ڤێ جارێ ب به‌رنامه‌كێ باش و نوو بچين و كۆمه‌كا ته‌وه‌رێن گرنگ يێن هه‌ين ل گه‌ل جڤاتا نوونه‌رێن عيراقێ و لايه‌نێن په‌يوه‌نديدار بێخينه به‌ر دانوستاندنێ ب تايبه‌ت كێشێن ناڤبه‌را حوكمه‌تا هه‌رێما كوردستانێ و عيراقێ”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى گۆلانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1320 |
| 1 يۆرۆيێ ئه‌ورۆپى | 1500 |
| 1 ليرێ توركى | 510 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئه‌ڤرۆ نيوز:
د تۆماره‌كا ده‌نگى يا نوو دا، ئه‌بۆ به‌كر به‌غدادى سه‌ركردێ رێكخراوا چه‌كدارێن داعش، گه‌فێن كونترۆلكرنا باژێرێن به‌غدا و كه‌ربه‌لا دكه‌ت، به‌لێ چاڤدێرێ گۆمانێ ل وێ چه‌ندێ دكه‌ن كو ئه‌و ده‌نگ يێ وى بيت.
ده‌زگايى موناسه‌ره يێ سه‌ر ب رێكخراوا داعش، گرته‌كا ڤيديۆيى ل سه‌ر داگيركرنا باژێرێ روومادى به‌لاڤكر و تێدا ديار دكه‌ت كو هه‌موو باژێر يێ هاتيه كونترۆل كرن و د وێ گرتا ڤيديۆيى دا ده‌نگێ ئه‌بۆ به‌كر به‌غدادى سه‌ركردێ داعش به‌لاڤ كريه، د وێ تۆمارا ده‌نگى دا، به‌غدادى دبێژيت: “پشتى كونترۆلكرنا رومادى، سوزێ دده‌ين شه‌رێ داهاتى ل به‌غدايا پايه‌ختێ عيراقێ و باژێرێ كه‌ربه‌لا بكه‌ين”، هه‌ردو باژێر هه‌ڤسنورێن پارێزگه‌ها ئه‌نبارن.
ژێده‌ره‌كێ هه‌والگه‌رى يێن ئه‌مريكا و ئه‌لمانيا به‌لاڤكر بوو كو د هێرشا هه‌ڤپه‌يمانان دا بۆ سه‌ر ئه‌بۆ به‌كر به‌غدادى، سه‌ركردێ رێكخراوا تيرۆرستێن داعش يێ ب گرانى بريندار بوويى و جێگره‌ك بۆ جهێ وى هاتبوو ده‌ستنيشانكرن، چاڤدێر ژى وه‌سان دبينن كو ئه‌ڤ تۆمارا ده‌نگى يا دروست كريه و ده‌نگێ خه‌ليفێ داعش نينه.
ئه‌ڤرۆ:
یا زانایە کو خەوێ گرنگیەکا مەزن د ژیانا ھەر ئێک ژ مەدا یا ھەی، بەلێ ھەکە ئەم کەتینە بووسەیا لێدانێن خەوێ دێ تووشی گەلەک ئاستەنگان بین و ئەم نەشێین بنڤین یان زێدە نڤستن و رێکخستنا دەمێ نڤستنێ تێکدچیت و دبیتە ئەگەرێ لێدانێن فسیولۆژی و دەروونی.
ب ڤان رێزکێن ل خوارێ تایبەتەندێ دەروونی “ئوسامە فەرەحات” ھندەک راستیێن نوو ل دوور نڤستنێ و پێنگاڤێن بدەستڤەئینانا نڤستنەکا تەنا و ساخلەم بۆ مە دیار دکەت:
ل دەستپێکێ ناڤبری دیار دکەت کو نڤستن حالەتەکێ سروشتیێ بێھنڤەدانێ یە ل نک زیندەوەران، د نڤستنێ دا لڤین و ھەست ب دەوروبەران کێم دبن، و نڤستن نابیتە ژ دەستدانا ھۆشێ، بەلێ گوھۆرینەکە د ھۆشێ دا، ھێشتا ڤەکۆلین ل سەر کارێن نڤستنێ دھێنە کرن، بەلێ ھزرەکا بەربەلاڤ ھەیە دبێژیت: نڤستن دیاردەکا سروشتیە بۆ دوبارە رێکخستنا مێشکی و چالاکیێن دیێن زیندی د زیندەوەران دا.
ناڤبری زیچدەتر دیار دکەت کو مرۆڤ سێکا ژیانا نڤستی دەرابز دکەت، بەلێ پرانی چ ژ خەوێ نزانن، گۆتنا بەربەلاڤ دبێژیت کو نڤستن سستیەکە د ئەرکێن لەشی و مێشکی دا و مرۆڤ یێ پێدڤیە بۆ نووژەنکرنا بزاڤا خوە، بەلێ یا راست و زانستی بنەجە کری بەرۆڤژای ڤێ چەندێ یە، چونکو ل گەل نڤستنێ ھندەک چالاکیێن ئالۆز ل سەر ئاستێ مێشکی و لەشی دھێنە کرن و نە وەکو ھندەک دبێژن، چونکو ھندەک کار ب ھێزنر ل دەمێ نڤستنێ دھێنە کرن، ھەروەسا ھندەک نەخۆشی ژی ل دەمێ نڤستنێ پەیدا دبن و ل دەمێ ھشیاریێ نامینن و دچن.
بۆ نڤستنەکا تەنا و ئارام ڤان شیرەتان بجە بینە:
نڤستنا ل سەر ملێ راستێ مێلاکێ و رھێن وێ تەنا دکەت، ھەروەسا دلی ژی تەنا دکەت چونکو سیھا سۆر فشارێ لێ ناکەت.
خوە ژ نڤستنا ل سەر زکی دوور بکە، چونکو ئەو زەپلەکان تەنا ناکەت و زکی مەزن دکەت، ھەروەسا خەلکێ جەھنەمێ ل سەر زکی دنڤن وەکو پێغەمبەرێ خودێ (محمد) د.خ دبێژیت.
پشتی خوارنا شیڤێ ئێکسەر نە نڤە، چونکو دێ بیتە ئەگەرێ قەلەویێ و نەخۆشیێن دلی و فشارێ ل پەردا سینگی دکەت و دبیتە ئەگەرێ کابووسان.
جلکێن سڤک و یێن پامبی بکە بەرخوە دەمێ تو دنڤی، یا باشتر ئەوە بێ جلک بنڤی دا چو ئاستەنگ نەکەڤنە بەر زڤرینا خوینێ.
ل بەر رۆناھیێ نەنڤە، چونکو کریارا پیراتیێ بلەز دئێخیت و کەرستێ “میلاتونین” رادگریت ئەوێ دبیتە ئەگەرێ تەنابوون و بێدەنگیێ.
نيشاندان