ئه‌ڤرۆ نیوز، ره‌وان نهێلى
غازى سه‌عید ئه‌ندامێ سه‌ركردایه‌تیا یه‌كگرتووى ئیسلامى كوردستان بۆ ئه‌ڤرۆ نیوز راگه‌هاند كو ل دووڤ رێكه‌فتنا وان ل گه‌ل پارتى دیموكراتى كوردستان، یه‌كگرتوو ل سنورێ پارێزگه‌ها دهۆك وه‌ك سه‌ركه‌فتیا دوێ د هه‌لبژارتنێن جڤاتێن پارێزگه‌ها دا ل سالا 2014 دێ 23 پوستان وه‌رگریت ئه‌وژى ئه‌ڤه‌نه‌، پۆستێ جێگرێ پارێزگارێ دهۆك، سێ رێڤه‌به‌رێن ناحیا، دو رێڤه‌به‌رێن گشتى، دو راوێژكارێن پارێزگارێ دهۆك، سكرتێرێ ئه‌نجومه‌نێ پارێزگه‌ها دهۆك، ل گه‌ل 14 رێڤه‌به‌رێن دى یێن جورا و جور دێ پێ هێنه‌ دان.

ئەڤرۆ نیوز، قائید میرۆ:
ھژمارەکا چەکداران ئاڤاھیێ پەروەردا قەزا دەشتی ھەولێر دورپێچکر و پشتی شەڕەکێ دژوار دو کەس برینداربوون.

ژێدەرەکێ ئاگەھدار ب ئەڤرۆ نیۆز راگەھاند” نیڤرۆیا ئەڤرۆ ب ئەگەرێ ئاریشەیا بکرێدانا فڕۆشگەھێن قوتابخانێن پەروەردا قەزا دەشتی ھەولێر یا نێزیک باژێڕێ ھەولێرێ شەڕە تەقە کەفتە ناڤبەرا ئیدارەیا پەروەردەیا دەشتی ھەولێر و بەلێندەرێن وەرگرتنا فرۆشگەھان، د ئەنجامدا دو کەس ب چەکی برینداربووینە.
ژێدەری کو نەڤیا ناڤێ وی بھێتە بەلافکرن گۆتژی” شەڕ ددەمەکیدایە بۆیە کو بەلێندەردگەل رێڤەبەرێن قوتابخانا و ئیدارەیا پەروەردێ دکۆمبوونێ دابووینە و پشتی شەڕە دەف چێبووی ل دەرڤەی پەروەردێ خەلکێ چەکدار پشکداری شەڕی کریە.