ئه‌ڤرۆ نيوز:

ڤەکۆلینێن نوو ئاشکرا کریە کو ئەو زەلامێن پارەی بەرامبەر سیکسی ددەن ئەو پتر بەر ب ئەنجامدانا کارێن توند دچن وەکو سیکسێ ب زۆری و کارێن دیێن سیکسیێن دوژمنکاری بەراورد ل گەل وان زەلامێن پاەری بەرامبەر سیکسی نەدەن.
ڤەکۆلەرێ پشکدار “نیل مالموس” مامۆستایێ زانستێ دەروونی ل زانکۆیا کایفورنیا دیار کر کو ئەنجامێن ڤەکۆلینا وان دیار دکەن کو ئەو زەلامێن سیکسی دکڕن نەریتێن وان نێزیکی ساخلەتێن وان زەلامان دبن یێن زۆریا سیکسی دکەن.
ناڤبری گۆت ژی: ھەردو لایەن بەر ب سیکسی نە کەسوکی و ترسا ژ رەتکرنێ، زێدەباری مێژوویا وان یێن پتر کارێن دوژمنکاری ئەنجامداین دچن.
ھەروەسا ڤەکۆلەران دیار کر ژی کو ئەوێن سیکسی دکڕن دلینیا وان کێمترە ل گەل وان ژنێن د بیاڤێ لەشفرۆشیێ دا کار دکەن و ب چاڤەکێ جودا ژ ژنێن دی لێ دنێرن.
ل ژێر سیبەرا وێ گەنگەشا نوکە دھێتە کرن بۆ ئازادکرنا لەشفرۆشیێ، ئەنجامێن ڤێ ڤەکۆلینێ پشتەڤانیا وێ بۆچوونێ دکەن یا دبێژیت “لەشفرۆشی وەکو زۆریا سیکسیە و نە کارەکە وەکو ھندەک داخواز دکەن بکەنە پیشەکا قانوونی ل ھندەک وەلاتان.
بەرھەڤکەرا سەرەکی د ڤەکۆلینێ “میلیسیا فارلی” رێڤەبەرا جێبەجێکار د ڤەکۆلینێن لەشفرۆشیێ و فێرکرنێ دا دبێژیت: ئەم ب ھیڤیی نە کو ئەڤ ڤەکۆلینە ببنە ئەگەر بۆ رەتکرنا چیڤانۆکا دبێژیت ئەو زەلامێن پارەی بەرامبەر سیکسی ددەن زەلامێن دلنەرمن.

ئه‌ڤرۆ نيوز:

تە تێئینایەدەر کو ئەو تشتێ ل سەرێ سپێدێ چێدبیت چاوانیا برێڤەچوونا رۆژا تەیا مایی دەستنیشان دکەت؟
دەمێ کاروبارێن مرۆڤی ب ساناھی برێڤە دچن، ئەم پتر ھەست ب رحەتیێ دکەین و پتر بەرھەڤ دبین بۆ بەرسینگرتنا ھەر تشتێ د رۆژا مە دا روودەت، بەلێ دەمێ کاروبار تێکدچن بەری تو تو سپێدێ جلکان بکەیە بەرخوە دبیت ھەتا دەمێ نڤستنێ تو یێ تۆرە بی، ھندەک نەخۆشیێن ھەین پشتگوە ناھێنە ھاڤێتن، پێدڤیە تو ھندەک بریاران بدەی بۆ خۆشکرنا گێولێ خوە ل دانێ سپێدێ، کو دێ ھەمی دەمێ تەیێ مایی د رۆژێ ل وێ سەمتێ بەت.
مە باشترین خال بۆ خۆشکرنا گێولی ل گەل ھەلاتنا رۆژێ ھەلبژارتینە، ئێکێ یان ھەمیان ھەلبژێرە دا گێولێ تە خۆشتر بیت وساخلەمیا باشتر بیت.
١- کارەکی ھەلبژێرە کو تە پێ خۆش بیت بکەی: دەمێ تو ھشیار دبی پیچەک ھزرا خوە د تشتەکێ جوان دا بکە کو تو بشێی د وێ رۆژێ دا بکەی و بکە.
٢- خوارنەکا ھەڤسەنگ بخۆ: رۆژا خوە ب خوارنەکا تژی کاربوھیدرات و پرۆتیناتان دەستپێبکە کو ھەتا دەمێ فراڤینێ تێرا تە بکەت، چا گێولی خۆش دکەت و مرۆڤی ژیر دکەت بتایبەت ھەکە دارچین د ناڤ دا بیت چونکو دارچین ژی گێولێ مرۆڤی ڤەدکەت.
٣- ھندەک بایێ پاقژ ھلکێشە: پیچەک راھێنانێن وەرزشی ل بەر بایێ پاقژ بکە بلا بۆ چەند دەقیقێن کورت ژی بیت، ب ڤێ چەندێ دێ گێولێ تە ڤەبیت و خۆش بیت.
٤- گوھداریا دەنگێن سروشتی: ھەکە تو نەشیێ دەرکەڤیە دەرڤە ژی تو دشێی ب رێیا دەنگێن تۆمار کری گوھداریا دەنگێن سروشتی بکەی وەکو شڕشڕا ئاڤێ و دەنگێ چووچکان.
٥- بشێوەکێ باش گوھێ تە ل ھەستێن تەبیت: یا باش ئەوە ھندەک ھەناسێن کوور ھەلکێشی و بریارەکێ بدەی دا ھەست ب رەوشەکا باش بکەی پشتی تو ژ خەو رادبی، دا دەمێ سوپرایزەک بۆ تە چێدبیت ب خشیمی رەفتارێ نەکەی.
٦- کاکاوا گەرم ڤەخۆ: ڤەکۆلینان دیار کریە کو کاکاو گێولی خۆش دکەت و مرۆڤی ھشیار دکەت.
٧- دەمەکێ کورت ناخێ خوە بھەلسەنگینە: دەمێ تو ژ خەو رادبی خوە دتەختی دا نەھاڤێژە، ل شوونا وێ چەندێ ھندەک راھێنێن خوە درێژکرنێ بکە و ھەناسێن کوور ھەلکێشە.
٨- ھزرکرنا نەرێنی: یا زانایە کو رازیبوون گێولی خۆش دکەت، بەلێ ھندەک جاران ژ نشکەکێ ڤە گوھۆرین چێدبن، ھزر د ھندەک رووداتنێن ئەرینێ یێن ژیانا خوە بکە و ھزر بکە ھەکە ئەو روودان نەبا دا ژیانا تە یا چاوا بیت.
٩- بێھنا پینگی ھەلکێشە: بێھنا پینگی گێولی خۆش دکەت و مرۆڤی ھشیار دکەت و بەرھەڤ دکەت بۆ بەرسینگرتنا وەستیانێ، ھندەک پینگێ بکە د ژوورا خوە ڤە دا سپێدێ بێھنا وی بھێتە تە یان ژی تو دشێی بەنیشتێ ب تاما پینگی بخۆی.
١٠- گرنژین: تشتەکی َھەی تو دشێی ل ھەمی جھان بکەی، ئەو ژی گرنژینە، گرنژین رێیەکا ب ساناھیە بۆ خۆشکرنا گێولێ خوە و دەوروبەرێن خوە ژی.