ئه‌ڤرۆ نیوز:
د كونگرێ رۆژنامه‌ڤانى یێ ل گه‌ل سه‌رۆك وه‌زیرێن هنگاریا په‌یامنێره‌كێ پرسیاره‌ك ئاراسته‌ى سه‌رۆك بارزانى كر سه‌باره‌ت وێ یه‌كێ كانێ ئه‌و ددلخوشن ب وێ رێككه‌فتنا ل گه‌ل به‌غدا ئیمزا كرى و كانێ دێ چاوا شێن قه‌رێن كومپانیێن بیانى ده‌ن، د به‌رسڤێ دا سه‌رۆك بارزانى گۆت: دڤێت به‌غدا پاران بهنێرریت بۆ وێ یه‌كێ قه‌رێن وان پێ بده‌ین، ئه‌گه‌ر نه‌هنێریت، وى ده‌مى ئه‌م دشێین راسته‌وخو نه‌فتا خوه بفروشین .
ئه‌ڤرۆ نیوز:
سه‌رۆك وه‌زیرێن هنگاریا د كۆنگره‌كێ رۆژنامه‌ڤانى یێ هه‌ڤپشك دا ل گه‌ل سه‌رۆكێ هه‌رێما كوردستانێ راگه‌هاند وه‌لاتێ وى پشته‌ڤانیا هه‌موو گه‌لان دكه‌ت كو بزاڤا سه‌ربه‌خه‌بوونێ بده‌ن و ژ وان ژى هه‌رێما كوردستانێ و د وێ باوه‌رێ دابوو كو كوردستان د نێزیك دێ شێت رۆله‌كێ به‌رچاڤ ل ده‌ڤه‌رێ گێریت.
ئه‌ڤرۆ سه‌رۆك بارزانى ل گه‌ل ڤیکتۆر ئۆربان سه‌رۆك وه‌زیرێن هنگاریا كومبوو و پاشان كونگره‌كێ رۆژنامه‌ڤانى سازكرن و هه‌ردوئالیان رژدى ل سه‌ر بهێزكرنا په‌یوه‌ندیێن سیاسى و ئابوورى كرن.
ئه‌ڤرۆ نيوز:
ژێده‌ره‌كى ژ جڤاتا نوونه‌رێن عيراقێ ئاماژێ ب وێ چه‌ندێ دكه‌ت كو سه‌رۆكێ حوكمه‌تا هه‌رێما كوردستانێ دێ ل گه‌ل نوونه‌رێن كورد ل به‌غدا كۆم بيت و ئامانج ژ وێ كۆمبوونێ راگه‌هاندنا هه‌لويستێ كوردايه ل به‌رامبه‌ر به‌غدا.
ئه‌ڤى ژێده‌رى د داخۆيانيه‌كێ دا بۆ باسنيوز راگه‌هاند بڕياره د ده‌مه‌كێ گه‌له‌ك نێزيك دا نێچيرڤان بارزانى سه‌رۆك حوكمه‌تا هه‌رێما كوردستانێ ل گه‌ل نوونه‌رێن كوردان ل به‌غدا كۆم ببيت و گۆت: “ئامانج ژ وێ كۆمبوونێ دانوستاندنه ل سه‌ر ئه‌و پارێ به‌غدا بۆ هه‌يڤا نيسانێ بۆ هه‌رێمێ هنارتى كو دكه‌ته نيڤا ئه‌و پارێ رێكه‌فتن ل سه‌ر هاتيه كرن”.
گۆتژى: “نێچيرڤان بارزانى دڤێت بۆچوونا په‌رله‌مانتار و نوونه‌رێن كورد ل به‌غدا وه‌ربگرت و بزانن چ بكه‌ن د ه‌رباره‌ى بڕيارا به‌غدا چونكو هه‌كه نوكه قه‌بوول بكه‌ت دڤێت د داهاتى دا، به‌غدا چه‌ندێ بهنێريت قه‌بوول بكه‌ن”.
دا زانين ژى كو د ڤێ كۆمبوونێ دا بڕياره نێچيرڤان بارزانى ب ئاشكه‌رايى ئاخفتنا خوه بكه‌ت و بڕيارێ ل سه‌ر گه‌له‌ك بابه‌تان بده‌ت.
دوهى 10ى گۆلانا 2015ێ نێچيرڤان بارزانى سه‌رۆكێ حوكمه‌تا هه‌رێما كوردستانێ ل سلێمانيێ راگه‌هاند: به‌غدا يا پێگير نينه ب هنارتنا پشكا هه‌رێما كوردستانێ و هه‌كه يا به‌رده‌وام بيت ل سه‌ر بنپێكرنا رێكه‌فتنێ، د ئاماده‌نه رێكه‌فتنه‌كا نوو ل گه‌ل ئه‌نجام بده‌ن.
ئه‌ڤرۆ:
د. محەمەد شەربینی مامۆستایێ چاڤدێریا چڕ و سەرۆکێ کومەلا نۆشدار و مامۆستایێن مسری ل بریتانیا دیار کر کو نیمۆک ئێک ژ وان کەرستانە کو گەلەک تاقیکرن ل سەر دھێنە کرن، و ئەڤ فێقیە رۆژانە مفایێن نووتر پێشکێشی مرۆڤان دکەت.
ناڤبری دیار کر کو نووترین تشتێ پزیشکی د ڤی بیاڤی دا گەھشتیێ، شیانێن وێ بۆ کوشتنا شانێن پەنجەشێرێ ب تێکرایا ١٠ ھزار جاران پتر ژ دەرمانێن کیمیاوی دیار بووینە.
زێدەتر ناڤبری ئاشکرا کر کو پشتی ئەنجامدانا ٢٠ تاقیکرنان ل ئێک ژ کۆمپانیێن دەرمانان و ھەر ژ سالا ١٩٧٠، شیانێن نیمۆکێ دیار بوون کو دشێت شانێن پیس یێن ١٢ جۆرێن پەنجەشێران پووچ بکەت و ژ وان پەنجەشێرا قولونێ و سینگی و پرۆستاتا و خالخالکێ، پێکھاتێن نیمۆکێ وەرارا ڤان شانێن لاواز دکەت و پووچ دکەت بێی کارتێکرنێ ل شانێن ساخلەم بکەت.
ئه‌ڤرۆ نيوز:
رێژا تووشبوونا زارۆیان ب بلندبوونا فشارا خوینێ زێدەھیەکا بەرچاڤ بخوەڤە دیتیە، ھژمار وەسا دیار دکەن کو ٣٠% زێدەترە ژ ڤان ١٠ سالێن بۆری.
بلندبوونا فشارا خوینێ یا بەرنیاسە ب کوژەکێ بێدەنگ چونکو چو نیشان لێ دیار نابن ھەتاقووناغێن داویێ. ئەو ژی ب گەلەک ھۆکاران ڤە یا گرێدایە وەکو میراتگری و سیستەمێ خوارنێ. پەیرەوکرنا سیستەمەکێ خوارنێ دبیت بەس نەبیت بۆ پاراستنا زارۆیان ژ ڤێ نەخۆشیێ.
ڤەکۆلینەکا نوو یا زانکۆیا بۆستن یا ئەمریکی دیار کریە کو پەیرەوکرنا سیستەمەکێ خوارنێ یێ گەلەک کەرستێ پوتاسیۆمی تێدا دێ یێ ھاریکار بیت بۆ پاراستنا زارۆیان و بتایبەت زارۆیێن کچ ژ نەخۆشیا بلندبوونا فشارا خوینێ، پوتاسیۆم یێ ھاریکارە بۆ پاراستنا کەرستێن تەڕ د ناڤ لەشی دا و رێژا سودیۆمی د ناڤ خوینێ کێم دکەت و زەپلەکا دلی ژی دپارێزیت.
باشترین خوارنێن پوتاسیۆم تێدا “مۆز، پتات، سپیناغ ز مێویژ.
نۆشدار شیرەتان ل وان دایکان دکەن یێن ھەست پێدکەن کو زارۆیێن وان گازندا ژ سەرئێشانێ یان تێکچوونا دیتنا چاڤان و ھەناسا بزەحمەت، ئێکسەر زارۆیێن ببەنە نک نۆشداری چونکو ئەڤ نیشانە یێن بلندبووونا فشارا خوینێ نە.
ئه‌ڤرۆ نيوز:
بڕياره سوبه‌هى سه‌رۆك كۆمارێ عيراقێ ب سه‌ره‌دانه‌كا فه‌رمى بگه‌هيته ته‌هرانا پايته‌ختێ ئيرانێ و پێنج دوسيان ل گه‌ل به‌رپرسێن بلندێن ئيرانێ گه‌نگه‌شه بكه‌ت.
خالد شوانى ئاختنكه‌رێ سه‌رۆكاتيا كۆمارا راگه‌هاند: د. فوئاد مه‌عصوم د سه‌ره‌دانا خوه دا بۆ ئيرانێ ل گه‌ل به‌رپرسێن ئيرانێ به‌حس ل سه‌ر پێنج دوسيێن هه‌ڤپشك كه‌ن د سه‌ر هه‌موويان ژى دا، پرسا ئه‌منى و شه‌رێ رووى ب روويبوونا گرۆپێن چه‌كدارى و داعش.
شوان به‌حس ل سه‌ر وێ چه‌ندێ ژى كر كو ئه‌و سه‌ره‌دانا سوبه‌هى دهێته ئه‌نجام دان، ته‌مامكرنا خشتێ ئه‌وان سه‌ره‌دانايه كو د ماوێن به‌رى نوكه دا ل سعودى و توركيا ئه‌نجام دايه.
د پشكه‌كا دى يا داخۆيانيا خوه دا گۆت: “دوسيا ئابوورى و سياسى و مۆكمكرنا په‌يوه‌نديان د ناڤبه‌را ته‌هران و به‌غدا دا و دانوستاندن ل سه‌ر هێته كرن و ژبلى وان ژى دانوستاندنێ ل سه‌ر كاودانێن گه‌شتيارى و ژينگه‌هێ و ئيانى و ژناڤبرنا تيرۆرێ ل عيراقێ كه‌ت.
ئه‌ڤرۆ نيوز:
به‌رپرسێ مه‌كته‌با راگه‌هاندنا يه‌كگرتوو ئيسلامى كوردستان راگه‌هاند كو ژ ئه‌گه‌رێ كێميا خودانده‌ڤانان بۆ رۆژنامان و رۆناهى خستنه سه‌ر مالپه‌رێن ئه‌لكترۆنى، بڕيارا داخستنا رۆژناما يه‌كگرتوو دا و رۆژا دوشه‌مبى دێ دووماهى ژماره ژێ ده‌رچيت.
رێبوار سه‌يد گۆل به‌رپرسێ مه‌كته‌با راگه‌هاندنا يه‌كگرتوويا ئيسلامى كوردستان بۆ خه‌ندان راگه‌هاند كو پشتى مه‌كته‌با سياسى كۆمبوون و كۆنفرانس ئه‌نجام داين د راسپارده و داخوازيان دا د ناڤا كۆنفرانسى دا ئه‌و بوو كو هنده‌ك ده‌زگه‌هان پێدڤى ب پێداچوون و راگرتن و داخستنێ هه‌يه.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى گۆلانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1310 |
| 1 يۆرۆيێ ئه‌ورۆپى | 1450 |
| 1 ليرێ توركى | 480 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئه‌ڤرۆ نيوز:
ل گۆری راپۆرت و راپرسین ددن زانین، ل ھەر سێ پارێزگەھێن ھەرێما کوردستانا عیراقێ 386 ژنان د کێمی سالەکێ دە خوە شەوتاندنە.
ھەتا نوھا، 57 ژ وان مرنە. ھندەک باوار دکن کو خوەکوشتنا ژنان ژ تەنگاڤیێن ئابۆری تێن، لێ ھەروسا باواری ھەیە کو ئەڤ یەک ئەنجاما پاشکەتنا جڤاکێیە.
بەیار باڤی، ڤەکۆلەرێ جڤاکی ل زاخۆ ددە زانین کو ژ سالا 1991 ڤە تا نوھا، خوەکوشتن گەلەکی د ناڤ ژنان دە بەلاڤ بوویە.
د ڤێ دەمێ کو ھەرێما کوردستان ل سەر گەلەک ئاستان پێشدە دکەڤە، د ئاستا جڤاکی دە ھین پاشکەتییە، چاڤدێر دبێژن.
گەلۆ چما د ڤێ سەدسالێ دە، ھین پرسگرێکێن ژ ڤ رەنگی ل کوردستانێ ساخن؟ بەیار باڤی ڤێ یەکێ ب کووراھی ژ گوھدارێن دەنگێ ئامەریکا رە شرۆڤە دکە.
ژێده‌ر: راديۆيا ده‌نگێ ئه‌مريكا
نيشاندان