ئه‌ڤرۆ نيوز:
هێلى لۆڤ سترانبێژا شۆخا كورد چه‌ند وێنه‌يه‌كێن خوه ل لوبنان ل ئێك ژ مه‌له‌ڤانگه‌هێن ئۆتێلا لێ ديمينيت به‌لاڤكرن و بووينه جهێ سه‌رنجا حه‌زژێكه‌رێن وێ.
ب مه‌ره‌ما گه‌شته‌كێ و پشكداريكرن د چه‌ند به‌رنامێن تله‌ڤزيونى دا، سترا شۆخا كورد، هێلى لۆڤ، سه‌ره‌دانا وه‌لاتێ به‌يرۆت يێ لوبنانى كر و پشكدارى د چه‌ندين به‌رنامێن تله‌ڤزيۆنى دا دكه‌ت.
هه‌ر د ماوێ ڤێ سه‌ره‌دانا خوه دا، ل ئۆتێلا لێ دمينيت چه‌ند وێنه‌كێن خوه ل سه‌ر مه‌له‌ڤانگه‌ها لێ دمينيت ل تۆرا جڤاكيا ئينستگرامى به‌لاڤكرن.
رۆژناما دەیلى مەیليا بريتانى راگه‌هاند كو هەستیێن سێ ژنان یێن هاتیە دیتن کو پێ دچیت ئێک ژ وان هەستیێن مۆنالیزایێ بن.
شارەزاییێن ئالیێ رۆژنامەڤانیێ بۆ رۆژنامەیا دەیلى مەیل راگەهاند، ئەستی یێن تابلۆیێ ب ناڤ و دەنگێ هونەرمەند داڤینشى د بن ژێرزەمینەکا پشت گوهـ ئێخستى هاتیە ڤەدیتن.
رۆژناما دەیلى مەیلا بریتانى ئەوژى بەڵاڤ کر، د بن ژێرزەمینەکا کاڤل بوویا ئیتالیادا ب ناڤێ فلۆرێنس سانتیئۆرسۆلا، ئەستی یێن سێ ژنان یێت هاتیە دیتن کو پێ دچیت ئێک ژ وان ئەستی یێن لیزا گێراردینی دێل جیۆکۆندۆ، ئەو ژنا ب ناڤ و دەنگ بیت، کو ب مۆنالیزا یا هاتیە ناسکرن و هەڤدەم ژنا سێ یەما فرانسیسکۆ یێ بازرگانێ بناڤ و دەنگێ ئیتاڵی بوو.
گێراردینى ب وێنەیێ ب ناڤ و دەنگێ مۆنالیزا، ناڤ و دەنگ دەرکر، کو ژ لایێ وێنەکێش لیۆناردۆ داڤنشى ل ساڵانێن 1503 هەتا 1504 یێ هاتیە کێشان، ئەو خاتوون ل ساڵا 1542 ل تەمەنێ 63 ساڵیێ دا چۆ بەر دلۆڤانیا خودێ.
ئه‌ڤرۆ نيوز:
ئەدھەم بارزانی ئەندامێ بەرێ یێ سەرکردایەتیا پارتی و پەرلەمانێ کوردستانێ ب ڕێیا پەیچێ خوە یێ فیسبووکی پێشنیارەکێ بەرچاڤ دکەت و داخواز ژ وەلاتیان دکەت بۆچوونا خوە ل سەر وێ پێشنیارێ بەرچاڤ بکەن.
ئەدھەم بارزانی د وێ پێشنیارا خوە دا دبێژیت ” دێ پرسیارەکێ ئاراستەی ھەوە کەم ل سەر بنەمایێ وێ چەندێ کو بەردەوام بۆچوونا جەماوەری ل دەف من یا گرنگ بوو و پیتەی پێ ددەم، ئایا بۆچوونا ھەوە چیە کو ب بزاڤەکا جەماوەری، سیاسی یا نوو بزڤرم دناڤ مەیدانا سیاسی دا ل کوردستانێ؟”.
ئه‌ڤرۆ نیوز: ڤه‌ده‌ر ره‌شاڤایی:
ئه‌ندامه‌كێ كۆنگرێسێ ئه‌مریكی بناڤێ بۆب برادلی رابوو بدزینا په‌رداخا ئاڤێ یا كو پاپای فره‌ك لێ دای.
دده‌مه‌كی دا هه‌می د مژوول بوون ب خاترخاستنا پاپایێ ڤاتیكانێ كو سه‌ره‌دانه‌كا دیرۆكی بۆ ئه‌مریكا كربوو، برادلی بدزیڤه چوو په‌رداخا پاپای بۆ خوه ببه‌ت، ناڤهاتی پشتی ڤێ یه‌كێ په‌رداخ بره مالا خوه و هه‌ر ئه‌ندامه‌كێ خێزانا وی فره‌ك لێدا، یامایی كریه بتله‌كی و لبه‌ره پاشی بده‌ته نه‌ڤیێن خوه دا پیرۆزییا پاپای بسه‌ر وان داژی بچیته خار.
لدووڤ گۆتنا برادلی ئه‌و ئاڤ یا پیرۆزه چونكی پاپای یا ژێ ڤه‌خاری،
ئه‌ڤه ئێكه‌م جار نینه ئه‌ڤ ئه‌ندامێ كۆنگرێسێ ئه‌مریكی ڤی كاری دكه‌ت به‌رییا نها ژی په‌رداخا ئاڤێ یاباراك ئۆباما لده‌مێ بۆ ئێكه‌م رۆژ بوویه سه‌رۆك دزی بوو .
ئه‌ڤرۆ نیۆز: كاروان باعه‌درى:
پشتى رۆژنامه‌ڤانا رۆژنامه‌یا نیۆرك تایمز یا ئه‌مریكى سه‌ره‌دانا كوردستانێ كری، ڤه‌كۆله‌ر( داود مراد خه‌تارى) بۆ ئه‌ڤرۆ نیوز خویاكر كو وی ئامارێن كاره‌ساتا شنگالێ و ئاواره‌یان راده‌ستی وێ كرن لدووڤ داخازا وێ.
رۆژنامه‌ڤانا رۆژنامه‌یا نیۆرك تایمز( رۆكینینى )سه‌ره‌دانا كوردستانێ كرى و بۆ ئاگه‌هداربوون ژ ره‌وشا ئاوه‌ره‌یان و قه‌باره‌ى كاره‌ساتا شنگارێ و راگه‌هاند :دێ ڤان ئامارا دێ گه‌هینینه حكومه‌تا ئه‌مریكا چونكى ئه‌ڤ كاره‌ساته مه‌زنترین كاره‌ساته.
و تێ زانین : رۆژنامه‌یا نیورك تایمز رۆژنامه‌یه‌كا رۆژانه‌یه ل ئه‌مریكا و نیزیكى 10 ملیون كه‌س ڤێ رۆژنامێ دخوینن .
ئه‌ڤرۆ نیوز: ڤه‌ده‌ر ره‌شاڤایی:
ئاگره‌كێ مه‌زن به‌ربوویه قاتێ ئێكێ یێ مزگه‌فتا (به‌یتۆلفوتوح) ل باشۆرێ له‌نده‌ن، بریتانیا كو ب مه‌زنترین مزگه‌فت ل رۆژئاڤا ئه‌ورۆپا دهێته دانان.
پتری 70 كه‌س ژ تیما ئاگرڤه‌مراندنێ مژوولی ڤه‌مراندنا ئاگری نه و كه‌سه‌ك ژی بۆ نه‌خۆشخانێ هاته ره‌وانه‌كرن پشتی تۆشی ته‌نگه‌نه‌فه‌سێێ بووی ژ دووگێلێ.
ئه‌ڤرۆ نیوز: ڤه‌ده‌ر ره‌شاڤایی:
لدووڤ داخويانيا ناسا پتریا هه‌سارا عه‌ردی ل شه‌ڤا ئێكشه‌مبی و هه‌روه‌سا ل ئه‌لندا دووشه‌مبێ دێ دیارده‌كا سه‌رنج راكێش بینیت.
ل شه‌ڤا 28 بۆ 28 هه‌یڤ غه‌یرینا ته‌مام هه‌ڤده‌م لگه‌ل هاتنه‌پێشا هه‌یڤێ ب مه‌زنی دێ روودده‌ت، ژبه‌ركو هه‌یڤ یا لسه‌ر په‌ریگا خوه نێزیكترین خالا خۆلگه‌ها وێ ل گه‌ل عه‌ردی.
ئه‌ڤ دیارده كو تێدا رۆژ و ئه‌رد و هه‌یڤ ل ئێك راستێ رێز دبن، یا كێموێنه‌یه داوی جار ل سالا 1982 روودابوو و هه‌یڤ دێ بره‌نگێ سۆر هێته دیتن.
كێشوه‌رێن ئه‌مریكا و رۆژئاڤا ئه‌ورۆپا و ئه‌فریقیا دێ ب روونی و ده‌مه‌كێ درێژ هه‌یڤێ د ڤێ دیاردێ دا بینن، وه‌لاتێن ئاسیایی و رۆژهه‌لاتا ناڤین ژی دێ گه‌له‌ك ژ دیمه‌نێ دیاردێ بینن لێ ده‌ستپێك یان ژی ته‌مام بوونا دیاردێ نابینن.
ئه‌ڤرۆ نیۆز، ئه‌یاد به‌روارى:
به‌رپرسه‌كێ نه‌ته‌وێن ئێكگرتی راگه‌هاند، رۆژانه هه‌شت هزار عیراقی و سووری دگه‌هنه وه‌لاتێن ئێكه‌تیا ئه‌ورۆپی، دیسا رۆژانه ژی پێنج هزار په‌نابه‌ر دگه‌هنه یونانێ.
ئه‌مین عه‌وه‌ز رێكخه‌رێ هه‌رێمایه‌تی یێ نه‌ته‌وێن ئێكگرتی بۆ كاروبارێن په‌نابه‌ران بۆ ئاژانسا رویته‌رز گوت” پتریا په‌نابه‌رێن دگه‌هنه ئورۆپا ژ ده‌ڤه‌رێن شه‌ڕ لێ هه‌ی دهێن و ئه‌م پێشینیا هاتنا په‌نابه‌ران بۆ ئورۆپا ل زڤستانێ ژی دكه‌ین”.
پتریا په‌نابه‌رێن دگه‌هنه ئورۆپا دخوازن به‌ر ب ئه‌لمانیا بچن و شیره‌تكارا ئه‌لمانیا (ئه‌نگیلا میركل) وه‌لاتێن ئێكه‌تیا ئورۆپی هاندان كو پێشوازیێ ل په‌نابه‌ران بكه‌ن، د ئه‌ڤ ساله دا ئه‌لمانیا پێشبینیا هاتنا 800 هزار په‌نابه‌ران بۆ ناڤ ئاخێ وێ دا دكه‌ت.
ئه‌ڤرۆ نیوز: ڤه‌ده‌ر ره‌شاڤایی:
ل باژێرێ لاهتی ل باشۆرێ فينله‌ندا پاسه‌كا كۆچبه‌رێن ئیراقی كو زارۆك ژی لگه‌ل بوون پێشوازییه‌ك ژ خه‌لكێ وی باژێری دیت كو پێشبینی بۆ نه‌دكر.
ل ده‌مێ پاسه‌كا كۆچبه‌رێن نوو یێن ئیراقی چووینه ناڤ وی باژێرێ فينله‌ندى دا، گرۆپه‌كێ پتری 50 كه‌سی یێ (باسكێ راست) هێرش كره سه‌ر خوه‌به‌خشێن خاچا سۆر و پاشی ب به‌ران و یاریێن ئاگرین هێرش كره سه‌ر پاسا كۆچبه‌رێن ئیراقی هه‌لگرتی، و نه‌رازیبوونا خوه ب تۆره‌یی و توندوتیژی لدژی هاتنا وان ده‌ربری.
حكومه‌تا فينله‌ندا دو كه‌س ژ ئه‌نجامده‌رێن ڤێ هیرشێ ده‌سته‌سه‌ركرن و دیاركر دێ بخێرهاتنه‌كێ بۆ وان كۆچبه‌ران كه‌ن كو ڤێ روودانێ ژبیرا وان ببه‌ت.
د ئه‌ڤ ساله دا فينله‌ندا 13هزار كۆچبه‌رێن وه‌رگرتینه كو پرانیا وان ئیراقی نه، و به‌رییا نها د به‌یاننامه‌كێ دا وه‌رگرتنا كۆچبه‌رێن هه‌رێما كوردستانێ ره‌ت كر بوو.
ئەڤرۆ نیوز، ئەیاد بەرواری:
پشتی وەزیرێ ناڤخوەییا تورکیا بریارا حوکمەتا تورکی راگەھاندی ل دۆر دامەزراندنا پێنج ھزار زێرەڤانێن گوندان ل دەڤەرێن کوردی بۆ بەرھنگاریا پەکەکێ، ٢٠ ھزار کەسان ژ ٢٢ باژێرێن تورکی داخوازکریە ببنە زێرەڤانێن گندان کو پتریا وان ژ ویلایەتێن ( وان، مۆش و مێردینێ) نە.
ل دووڤ سایتێ (تورکیا پۆست) یێ تورکی، ھەر ویلایەتەک دێ بریارا وەرگرتنا زێرەڤانێن گوندان (چەتان) راگەھینیت، وەزیرێ ناڤخوەیێ تورکیا ژی دیارکربوو کو وەزارەتا وی دێ پێنج ھزاران دامەزرینیت، وەزیرێ دەرڤە ژی ئاشکراکربوو کو ٢٠ ھزار کەسان داخوازا دامەزراندنێ یا کری و د قۆناغا ئێکێ دا دێ پێنج ھزار کەس ھێنە دامەزراندن.
نيشاندان