ئەڤرۆ نیوز، ھەرھین محەمەد:
رێبەر رژدی بابێ ستێرا کەنالێ پێلیستانک رندێ د دیدارەکێ دا بۆ ئەڤرۆ نیوز دیاکر کو نھو رەندێ مژوولی کلیپەکێ یە ب ناڤێ (بۆچی ئەز ل ڤێرەمە) کو ژ پەیڤ و ئاوازێن نیوار ئەمین و دەرھێنان رێبەر رژدی و گرافیک ھزرڤان جەلال و ل ستویویا ئێم میوزیک ھاتیە تۆمارکرن، ژڤانە پشتی جەژنا قوربانی بھێتە بەلاڤکرن.
ھەروەسا گۆت: “ئەڤ سترانە ب زمانێ ئنگلیزی ھاتیە گۆتن و پەیامەکە بۆ جیھانێ و ئەڤ سترانە ل سەر ژیانا ئاوارە بوونێ ھاتیە چێکرن و دیاریە بۆ گیانێ ئالانی”.

ئەڤرۆ نیوز،بارزان مزووری:
لانا زەنگەنە ل باژێرێ قەرەداغ سەر ب باژێرێ سلێمانی ل سالا ١٩٨٩ ژ دایک بوویە بابێ وێ کەرکوکی یە دایکا وێ سلێمانی پتر ژ ١٦ سالانە ل ھولندا دژیت خواندنا خو ل ھوله‌ندا تمام کریە بروانامەیا ماستەرێ د بوارێ بازرگانیێ دا ب ده‌ستڤه‌ئينايه‌، پشتی خواندنا خوه‌ ب دووماهى ئينايى، حەزا سترانێ ل دەڤ پەیدابوویە، نوکە مژوولی کلیپکرنا سترانەکێ یە ب ناڤێ “بۆ داتاوی”.
ھونەرمەند، لانە زەنگەنە، بۆ ئەڤرۆ نیوز دیار کر کو نھا مژوولی وێنەکرنا کلیپەکێ یە ب زمانی کوردی ب ناڤێ “بۆ داتاوی” و د قووناغێن دووماھیێ دایە ل ڤان نێزیکان دی کەڤیتە د خزمەتا بینەرێن سترانا کوردی دا.
ناڤبری دیار کر کو ئەو نەشیا بیدەنگ بيت “ئەڤە ماوەیەک بوو من بیدەنگیا خوه‌ شکاند و دەست ب ڤێ کلیپا نوو کر”.
گۆتژى: “من ھزر نەکریە کو ئەز خوه‌ ھەلبژێرم بۆ شاجوانا کوردستانێ من دڤێت د ئێک بوار دا کار بکەم بمینم لانە زەنگەنە نە شاجوانا کوردستانێ چونکو ماوەیەکێ کێمە ئەز ھاتیمە ل ناڤ کارێ ھونەری حەز دکەم پتر بێمە نیاسین ھونەرمەند، من بەشداری د کونسێرت و ئاھەنگێن کوردستانێ نەکریە بەلێ ل دەرڤەی وەلاتی گەلەک جار بەشداری کونسێرت و ئاھەنگێن بیرەوەریا دایی بووم تایبەت یێن ھولەندا، من د بەرنامە دایە سترانەکێ ب زمانێ بادینی کلیپ بکەم، ئەز ب ئێکجاری دێ زڤرمە کوردستانێ بەلێ نزانم د داھاتی دا دێ ج روودەت، ئارمانجا من یا سەرەکی ئەو بوو کو ئەز سترانا بێژم مالباتا من گەلەک پشتەڤانێن من بوون کو سترانێ بێژم د گۆتە من دەنگێ تە خوشە من پەیوەندی ب ھەلکەوت زاھر کر من ئێکەم داخوازی لێ کر کو ب ناڤێ نھێنیێن ئەڤینی سترانەکێ کلیپ بکەم ب ستایل مودێرن و سەردەمیانە”.
ده‌رباره‌يى پێكئينانا خێزانێ ژى گۆت: “ج جارا من بیر ژ پێک ئینانا خێزانێ نەکریە گەلەک کەسا داخواز ژ من کریە بۆ پێک ئینانا خێزانێ بەلێ ھێشتا زوویە هەتا پتر خزمەتا ھونەری کوردی بکەم”.
ل دۆر سترانا فلكلۆرى ژى دا زانين كو کوردستان زەنگینترین وەلاتە بۆ فلکلوری و گۆت: “پرۆژێ ھەرە مەزن من د بەرنامە دایە کو ھندەک سترانێن فلکوری نووژەن بکەم و سترانەکا دووقولی کلیپ بکەم د گەل ھونەرمەندەکێ کورد”.