28 وه‌لاتێن ئێكه‌تیا ئه‌ورۆپا ئه‌ڤ بریاره‌ لسه‌ر په‌نابه‌ران دا

22/09/2015 20:01

609

ئه‌ڤرۆ نیوز: ڤه‌ده‌ر ره‌شاڤایی:
ئێكه‌تیا ئه‌ورۆپا ب پرانیا ده‌نگان پلانا دابه‌شكرنا 120 هزار په‌نابه‌ران لسه‌ر 28 وه‌لاتێن ئه‌ورۆپی په‌سه‌ندكر.
دكۆمبوونا وه‌زیرێن وه‌لاتێن ئێكه‌تيا ئه‌رۆپا ل بروۆكسل ب پشته‌ڤانیا وه‌لاتێن زلهێز وه‌كی ئه‌لمانیا بۆ چاره‌سه‌ریا قه‌یرانا كۆچبه‌ران ئه‌ڤ بریاره‌ هاته‌ دان،
هه‌ڤده‌م وه‌لاتێن هه‌نگاریا، چیك، سلۆڤاكیا و رۆمانیا ل دژی ڤێ بریارێ ده‌نگ دا و پلان وه‌سا وه‌سفكر كو نه‌دجهێ خوه‌ دایه‌ بۆ بجهئینانێ.

فرۆکان چەندین جهـ ل بەرواری بالا بۆمبه‌بارانكرن

22/09/2015 19:50

125

ئەڤرۆ نیوز،زنار تۆڤی:
ئەڤرۆ ل دەمژمێر ۷ شەڤێ ل رۆژا سێشەمبی فرۆکێن سۆپایێ تورکی چەندین جهـ ب دژواری ل دەڤەرا بەڕواری بالا بۆ ماوێ پتر ژ نیڤ دەمژمێرێ بوردۆمانکرن.
مازن ئیدریس وەلاتیەکێ دەڤەرا بەرواری بالایە بۆ ئەڤرۆ نیوز خویاکر: لدەمژمێر ۷ ی شەڤ فڕۆکێن تورکی چەندین جهـ ل چیایێ مەتینا و گوندێ هێسێ و چەندین جهێن دی لسەر رووبارێ زێ ب دژواری بوردۆمانکرن و ل هەمان دەم دا فرۆکەیێن لێگەریانێ ل هنداڤ چیایێ مەتینا و دەڤەرا بەرواری بالا بۆ ماوێ پتر ژ دەمژمێرەکێ دگه‌ریان.

وه‌زیرێن هه‌ده‌پێ خوه‌ ژ حكومه‌تا كاربرێكه‌را توركیا ڤه‌دكێشن

22/09/2015 19:45

ئه‌ڤرۆ نیوز: ڤه‌ده‌ر ره‌شاڤایی:
دو وه‌زیرێن هه‌ده‌پێ د حكومتا كاربرێكه‌را توركیا دا ده‌ستژكاركێشانا خوه‌ ژ پۆستێن خوه‌ راگه‌هاندن وه‌ك نه‌رازیبوون لدژی سه‌ره‌ده‌ریكرنا حكومه‌تا توركیا لگه‌ل توندوتیژییا ل باكۆرێ كوردستانێ و هۆشداری دان ژ وێ یه‌كیچ كو هه‌لبژارتنێن په‌رله‌مانیێن داهاتی ل وی وه‌لاتی د مه‌ترسیێ دانه‌.
ده‌ستژكاركێشانا وه‌زیرێ گه‌شه‌پێدانێ موسلم دۆغان و وه‌زیرێ كارۆبارێن ئێكه‌تیا ئه‌ورۆپا عه‌لی حه‌یده‌ر كونجا دده‌مه‌كی دا هات كو توندوتیژیێن دناڤبه‌را په‌كه‌كێ و توركیا به‌ره‌ڤ ئاسته‌كێ بلند چووینه‌.

مه‌سرۆر بارزانی ژبه‌ر ڤی ئه‌گه‌ری گازندا ل هه‌ڤپه‌یمانییا دژی داعش دكه‌ت

22/09/2015 19:32

223

ئه‌ڤرۆ نیوز: ڤه‌ده‌ر ره‌شاڤایی:
مه‌سرۆر بارزانی سه‌رۆكێ جڤاتا ئێمناهییا هه‌رێما كوردستانێ گازنده‌ ژ هه‌ڤپه‌یمانییا دژی داعش دكه‌ت ب وێ یه‌كێ تۆمه‌تباردكه‌ت كو بۆ چه‌ندین مه‌هه‌ نه‌شیایه‌ هاریكاریان پێشكێشی پێشمه‌رگه‌ بكه‌ت، و خویادكه‌ت كو داوی بارێ هاریكاریێن هه‌ڤپه‌یمانیێ بۆ پێشمه‌رگه‌ی به‌ری 4 مه‌هان بوویه‌.
مه‌سرۆر بارزانی لسه‌ر تورا جڤاكیا تویته‌ری دبێژیت: راگرتنا هاریكاری و پشته‌ڤانیێ ژ پێشمه‌رگه‌ی چ به‌هانه‌یێن خوه‌ نینه‌، پێشمه‌رگه‌ به‌رهنگاری هێرشێن كیماوی بوویه‌ دده‌مه‌كی بتنێ هزار ماسكێن گازێ بۆ پێشمه‌رگه‌ی هاتینه‌ دابینكرن.”
ل داویێ ناڤهاتی گۆتیه‌ كو دڤێت هه‌ڤپه‌یمانی هاریكاریێن پتر بۆ هێزێن پێشمه‌رگه‌ێ كوردستانێ د شه‌رێد دژی تیرۆرستێن داعش دا دابین بكه‌ت .

دادگه‌ها ئه‌مریكی بریاره‌كا نه‌رێنی لدۆر نه‌فتا هه‌رێما كوردستانێ دا

22/09/2015 19:07

387

ئه‌ڤرۆ نیوز: ڤه‌ده‌ر ره‌شاڤایی:
دادگه‌هه‌گا تێهه‌لچوونێ ل نیو ئۆرلیێنز، ئه‌مریكا بریار دا نه‌فتا حكومه‌تا هه‌رێما كوردستانێ ل ئه‌مریكا نه‌هێته‌ فرۆشتن.
هه‌روه‌كی كه‌نالێ بلۆمبێرگ به‌لاڤكری كو بۆ گه‌را پێنجێ بزاڤا هه‌رێما كوردستانێ بۆ وێ یه‌كێ پێداچوون د بریارا دادوه‌ری بهێـه‌ كرن بیه‌ر نه‌كه‌فت .
ل پارسال حكومه‌تا ناڤه‌ندی ل به‌غدا سكالا تۆماركربوو بۆ راوه‌ستاندنا گه‌شتیه‌ما بارهه‌لگرا نه‌فتا هه‌رێما كوردستانێ ل كه‌نارێن تكساس، ئه‌مریكا، ل وێ رۆژێ ڤێ كه‌یسێ ده‌ستپێكرییه‌ ، لێ لدووڤ بریارا دادگه‌هێ سه‌ره‌ده‌ری لگه‌ل نه‌فتا هه‌رێمێ ل ئه‌مریكا ناهێته‌ كرن.

92 هزار و 500 كه‌سان فورم پێشكێشى كۆمسیۆنێ كرینه‌

22/09/2015 18:50

307

ئه‌ڤرو نیوز ، نه‌وزاد زاده‌ هلورى :
نێزیكا حه‌فتیه‌كێ یه‌ كومسیونا بلندا سه‌ربه‌خۆیا هه‌لبژارتن و راپرسیێ یا حكومه‌تا هه‌رێما كوردستانێ ب رێیا ئه‌لیكترونى فورمان وه‌ردگریت و هه‌تا نها نێزیكێ 93 هزار فورم هاتینه‌ پێشكێشكرن.
لدۆر ڤێ یه‌كێ هندرین محه‌مه‌د سه‌روكێ كومسیونا بلندا سه‌ربه‌خۆیا هه‌لبژارتن و راپرسیێ یا حكومه‌تا هه‌رێما كوردستانێ راگه‌هاندیه‌ كو هه‌تا نها زێده‌ترى 92 هزار و 500 كه‌سان فورم پێشكێشكرینه‌ و گۆت :” كومسیوونا بلندا سه‌ربه‌خویا هه‌لبژاردن و راپرسیێ بو پركرنا میلاكى َخوه‌یێن ئوفیسا سه‌ره‌كى و ئوفیسێن پارێزگه‌هێن هه‌رێمێ 535 پوست راگه‌هاندینه‌ داكو ب هه‌رده‌می وه‌كو فه‌رمانبه‌ر بهێنه‌ دامه‌زراندن ، بو ڤێ مه‌ره‌مێ فورمان ب رێیا ئه‌لیكترونى وه‌ردگریت و ئه‌ڤه‌ نێزیكێ حه‌فتیه‌كێ یه‌ ده‌رگه‌هـ یێ ڤه‌كریه‌ و هه‌تا نها زێده‌ترى 92 هزار و 500 كه‌سان فورم پركرینه‌”
زێده‌تر گۆت : ” ژبه‌ر زۆریا فۆرمان و كێمیا پوستان نه‌چارین كو وه‌رگرتنا وان ب شێوه‌یێ به‌ریكانه‌ وه‌ربگرین ب شێوه‌یه‌كێ شه‌فاف )
كومسیونا بلندا سه‌ربه‌خویا هه‌لبژاردن و راپرسیێ یا حكومه‌تا هه‌رێما كوردستانێ رۆژا 15/9 ده‌رگه‌هێ ڤه‌كرنێ بو پركرنا پوستێن كومسیونێ ڤه‌كریه‌ و دوماهى ژڤان ژى هه‌تا روژا 28/9/2015 یه‌.”

فروكه‌یێن هه‌ڤپه‌یمانان بنگه‌هێن داعش بۆمبه‌بارانكرن

22/09/2015 18:45

ئه‌ڤرونیوز :كاروان باعه‌درى:
فروكه‌یێن هه‌فپه‌یمانا بنگه‌هێن داعشى ل نیڤا باژێرێ شنگالێ بۆمبه‌بارانكرن.
فه‌رمانده‌یی لیوا 4 یا هێزێن پێشمه‌رگه‌ی ل شنگالێ نادر خه‌مۆ بۆ ئه‌ڤرۆ نیوز گۆت: ده‌مژمێر 4 و نیڤى ئێڤاریا ئه‌ڤرو بنگه‌هێن داعش توپبارانكرن ئه‌وژى ل تاخێ صناعه‌ و ده‌ورا قبائل، لگورى پێزانێن گه‌هشتینه‌ مه‌ كارگه‌هه‌كا TNT یا ل تاخێ صناعه‌ بۆ و هه‌تا نها زى دیكیله‌كا مه‌زن یا ژ سه‌نته‌رى باژێرێ شنگالى دچیت.”

داعش سه‌نته‌رێ قه‌زا مه‌خموور تۆپبارانكر

22/09/2015 18:35

ئه‌ڤرۆ نیۆز، قائید میرۆ:
ئه‌ڤرۆ تیرۆرستێن داعش كاتیۆشایه‌كادی هاڤێته‌ سه‌نته‌رێ قه‌زا مه‌خموور و چو زیانێن گیانی نه‌بوون.
ژێده‌ره‌كێ ل قه‌زا مه‌خموور ب ئه‌ڤرۆ نیۆز راگه‌هاند” لڕۆژێن بۆری چه‌كدارێن داعش هژماره‌ك كاتیۆشا هاڤێتنه‌ سه‌نته‌رێ قه‌زا مه‌خموور و ئه‌ڤرۆ ژی جاره‌كا دی سێ كاتیۆشا ژلایێ داعش ئاراسته‌ی سه‌نته‌رێ قه‌زایێ كرن، به‌لێ تنێ ئێك ژوان گه‌هشته‌ ناڤ مه‌خموور و یێن دی ده‌رڤه‌ی مه‌خمووری كه‌فتن.
ژێده‌ری كۆ نه‌ڤیا ناڤێ وی بهێته‌ به‌لاڤكرن گۆت ” ئه‌ڤه‌ چه‌ندن جاره‌ تیرۆرستێن داعش تۆپبارانا سه‌نته‌رێ قه‌زا مه‌خموور دكه‌ت، به‌لێ كاتیۆشایێن ئه‌ڤرۆ چو زیانێن گیانی نه‌بوون و نێزیك سایلۆیا مه‌خموور كه‌فتینه‌.

ده‌ینه‌سۆر هاتنه‌ هه‌ولێرێ

22/09/2015 18:32

650

ئه‌ڤرۆنیۆز، سالار دۆسكى:
په‌یڤدارێ ده‌سته‌یا گه‌شت و گوزارێ ل حوكمه‌تا هه‌رێما كوردستانێ ئاشكراكر كو بۆ جارا ئێكێ ل عیراقێ و كوردستانێ هولێن داخستی هاتینه‌ ڤه‌كرن و په‌یكه‌رێن لسه‌ر شێوێ گیانه‌وه‌رێن مه‌ترسیدار وه‌ك ده‌ینه‌سۆران هاتینه‌ دانان و ده‌نگ و ره‌نگ هه‌یه‌.
نادر روستى په‌یڤدارێ ده‌سته‌یا گه‌شت و گوزارێ ل حوكمه‌تا هه‌رێما كوردستانێ بۆ مالپه‌رێ ئه‌ڤرۆ نیۆز گۆت: ب پشته‌ڤانیا كه‌رتێ تایبه‌ت ل باژێرێ هه‌ولێرێ پاركا ده‌ینه‌سۆران ل باژێرێ یاریا ل مازى لاند هاته‌ڤه‌كرن و دناڤاهولێن داخستی دا هاتینه‌دانان و په‌یكه‌رێن ده‌ینه‌سوران ده‌نگ و ره‌نگ هه‌یه‌ و دیسان دارستانێن ده‌ستكر هاتینه‌چێكرن وئه‌ڤه‌ هاتیه‌كرن بۆ مه‌ره‌ما ئینانا گه‌شتیاران بۆ كوردستانێ و تایبه‌ت باژێرێ هه‌ولێرێ.
هێشتا گۆت: ئه‌ڤه‌ په‌یكه‌رێن ده‌ینه‌سۆران هه‌موو بزاڤا دكه‌ن و گوشتى و گیایى دخون و ده‌نگى دكه‌ن و دیسان بزاڤا دكه‌ن و ئه‌ڤه‌ شێوازه‌كێ نوویێ ئینانا گه‌شتیارانه‌ ل كوردستانێ.
روستى زێده‌تر بۆ ئه‌ڤرۆ نیۆز گۆت: دیسان ژ بلى خوه‌شیێ و دیتنێ وه‌ك زانست ژى مفا ژێ دهێـته‌ وه‌رگرتن و ده‌ست خوه‌شیێ ل كه‌رتێ تایبه‌ت دكه‌ین.

بەرەڤانێ ھەلبژارتیێ سووریێ دێ ھەڤبەستا زێرەڤانی ئیمزا کەت

22/09/2015 17:57

200

ئەڤرۆ نیوز، زنار زوبێر:
یانا زێرەڤانی یا وەرزشی حنێرەکا مەزن کر د بازارێ ڤەگوھاستنا یاریکەران دا پشتی گەھشتیە رێکەفتنێ ل گەل یاریکەرێ ھەلبژارتیێ سووریێ یێ تەپا پَی مەجید حمسی بۆ ئیمزاکرنا ھەڤبەستا تیمێ ئەوا پشکدار د خولا ھەرێما کوردستانێ یا تەپا پێ دا بۆ یانێن نایاب.
د ڤی چارچوڤەی دا سلێمان رەمەزان راھێنەرێ تیما تەپا پێ یا زێرەڤانی د داخویانیەکا تایبەت دا بۆ سایتێ ئەڤرۆ نیوز گۆت: بۆ بھێزخستنا تیما تەپا پێ یا یانێ مە ب فەر زانی ھەڤبەستێ ل گەل یاریکەرێ ھەلبژارتیێ سووریێ یێ تەپا پێ مەجید حمسی ئیمزا بکەین و نوکە یاریکەرێ ناڤبری ل دھۆکێ یە بریارە سوبەھی رۆژا چارشەمبی ھەڤبەستا یانێ ب فەرمی ئیمزا بکەت و تنێ مایە رێکەفتنێ ل سەر بھایێ ھەڤبەستێ بکەین.
دھێتە زانین یاریکەرێ ناڤبری یاریکەرێ ھەلبژارتیێ تەپا پێ یا سووریێ یە و بەری نوکە یاری بۆ یانا سلێمانیێ و کەربەلا د خولا عیراقێ دا کریە و یاریێ ل ھێلا بەرەڤانیێ دکەت ل ڤی وەرزی چەندین ھەڤبەستێن یانێن خولا عیراقێ و بەحرێن رەدکرن و بریاردا بھێتە یانا زێرەڤانی د خولا ھەرێما کوردستانێ دا یاریێ بکەت.

نيشاندان 1...1,650 2,650 3,650 3,6513,6523,653...4,558 زێده‌تر

لاپه‌ر 3,652 ژ 4,558