ئه‌ڤرۆ نيوز:

ھەر کەسەک یێ بەرھەڤە تووشی جەلتا خوینێ ببیت، ھەلبەت دشیاندایە توژی تووش ببی، ھەکە تو ژوان کەسان بی یێن گەلەک دەمێ خۆ ب روونشتنێ ڤە دبوورینن، ئاژانسا ئەمریکی یا چاڤدێریا ساخلەمیێ ڤان پێشنیازان پێشکێشی تە دکەت داکو ژ جەلتەیا خوینێ بھێیە پاراستن:
– گورە و جلکێن بەرفرە بکە ل بەر خۆ و یێن تەنک ب کارنەئینە.
– ل دەمێ نڤستنێ بلا پێن تە ژ سینگێ تە بلندتر بن.
– ھەکە نوشداری خواست گەلەک نورمالە گۆرەیێن کو فشارێ ل پێن تە دکەن ل پێن خۆ بکەی.
– گەلەک بزاڤێ بکە و رێکا روونشتنا خۆ ب گوھۆرە، بۆ دەمێن درێژ روونشتی ل جھەکی ب تنێ نەمینە و ھندەک راھێنانێن سڤک بکە و باشترە رۆژانە ب رێڤەبچی.
– گەلەک خوێ دناڤ خوارنێ دا ب کارنەئینە و ھەر دەرمانەکێ نوشدار بۆ تە دنڤیسیت ب کاربینە.

ئه‌ڤرۆ نيوز:

ھەر ژ کەڤندا دبێژن کو ئەو کەسێن گەلەک ھێکان دخون، کولیسترولێ وان زێدەدبیت و پتر تووشی نەخوشیێن دلی دبن، ب تایبەت ژی ھەکە دناڤ دوھنی دا بھێنە قەلاندن کو زیانێن وان دو جارکی مەزن دبن و دبنە ئەگەرێ گرتن و تەنکبوونا دەمارێن خوینی.
ڤەکولینەکێ ل ڤێ دووماھیێ کو ل سەر وان کەسێن تووشی بلندبوونا رێژا کولیسترولی د خوینێ دا بووین ھاتیە کرن دیارکر کو چ تێدا نینە ھەکە مرۆڤ رۆژانە دو ھێکان ژی بخوت.
پتریا خەلکی شیان ھەنە ب کێماتی ھەر حەفتیێ چوار ھێکان ژی بخوو، بەلێ ھەکە ھات و ئاستێ کولیسترولی دخوینا تە دا یێ بلند بوو، ئەڤە رامانا وێ چەندێ یە کو تە ھەستداری ب خوارنێ ھەیە، لەورا باشترە ب تنێ حەفتیێ دو ھێکان بخوی و چ تێدا نینە ھەکە زەرکا وێژی دگەل بھێتە خوارن.