ئه‌ڤرۆ نیوز:
نووترين نووچه
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
سهرهكى Twitter
داعش جوانترین دیمه‌نێ باژێرێ باشیك ژ ناڤبر
ئه‌ڤرو نیوز، بارزان مزوورى
ژێده‌ره‌ك ژ رێكخراوا چه‌كدارێن ئازاد ل ناڤ باژێرێ مووسل بو مالپه‌رێ ئه‌ڤرو نیوز ئاشكرا كر كو چه‌كدارێن تیرورستێن داعش دناڤا باژێرێ باشیك مه‌زنترین دێر و كه‌ل و په‌لێن دناڤ دا به‌رى هه‌یڤه‌كه بو جهه‌ك دى ڤه‌گوهاست بون و ل دووڤ دا دێر بتمامى TNT كرن و ئه‌ڤرو مه‌غره‌ب دێر بتمامى په‌قاند .
ژێده‌رى دیار كر كو ئه‌و دێر مه‌زنترین دێرا ده‌ڤه‌را باشیك یا مه‌سیحیان دهاته هژمارتن ژبلى جوانیا وێ دیمه‌نه‌ك جودا دا باژێرێ باشیك و ئه‌ڤ باژێره ب وێ دێرى دهاته پێش چاڤ و مێژویا دانانا وێ گه‌له‌ك یا كه‌ڤن بوو .
دیارێ كورد مژیلى چى یه
ئه‌ڤرۆنیۆز، هه‌رهین محه‌مه‌د:
سترانبێژى گه‌نج دیارێ كورد د دیداره‌كێ دا بۆ ئه‌ڤرۆنیوز دیاركر نوكه مژوولى دو سترانایه ئێك ژ وان بناڤێ (كوردستان) كو ژپه‌یڤێن (سه‌میر نزارى) نه و ئاوازێن (دیارى كورد وروژهاتى)نه و ژده‌رهێنانا (سامان ئوسمانه) دیسان سترانا دوێ بناڤێ (وه‌غه‌رادور) ژ په‌یڤێن هوزانڤان (ئه‌دیب چه‌لكى ) و ئاوازێن (ئه‌میر سه‌دیقى) نه و ژده‌رهێنانا (خلیل مجید) و گۆت: به‌رى چه‌ند هه‌یڤان ژ وه‌لاتێ (سوید) زڤریمه ڤه ب ئێك جارى ژبۆ مه‌ره‌ما ڤان هه‌ردو كلیپا نهو ئه‌ڤ هه‌ردو كلیپه دقوناغا مونتاژێ دانه و ل ڤان نێزیكا دێ هه‌موو كه‌نالان هێته په‌خش كرن.
ڤيديۆ: نمايشا تابلۆيا سه‌ما پێشمه‌رگه‌يى يا تيپا دهۆك
ئه‌ڤرۆ نيوز:
ب هه‌لكه‌فتا رۆژا جيهانى يا سه‌مايێ تيپێن هۆنه‌رى يێن دهۆك، سلێمانى، هه‌ولێر و شاريا، ب پشته‌ڤانيا رێڤه‌به‌ريا هۆنه‌رێ مللى يا سه‌ر ب رێڤه‌به‌ريا گشتيا ره‌وشه‌نبيرى و هۆنه‌رى ل دهۆك و ل ژێر دوريشمێ سه‌ما د سه‌نگه‌رێن پێشمه‌رگه‌يى دا، نمايشێن سه‌مايێ پێشكێش كرن.
تيپا دهۆك يا هۆنه‌رێ مللى ب ره‌نگه‌كێ گه‌له‌ك جوان نمايشا تابلۆيا خوه يا ب ناڤێ سه‌ما پێشمه‌رگه‌يى ئه‌نجام دا كو هوون دشێن ب ڤيديۆ ببينن.
عه‌بادى دژى كوردان دێ داخوازیه‌كێ ئاراسته‌ى كونگرێسێ ئه‌مریكا كه‌ت
ئه‌ڤرۆ نیوز:
حكومه‌تا عیراقێ پرۆژه قانوونه‌كا كونگرێسێ ئه‌مریكا ره‌ت دكه‌ت كو ژ ئه‌گه‌رێ وێ پرۆژه قانوونێ وه‌كو ده‌وله‌ت دێ ره‌فتار ل گه‌ل كورد و سوونێن عیراقێ هێته كرن.
ئه‌ڤرۆ نڤیسینگه‌ها حه‌یده‌ر عه‌بادى سه‌رۆك وه‌زیرێن عیراقێ راگه‌هاند: ئه‌م رێیێ ب پرچه‌ككرنا چ لایه‌نه‌كێ ناده‌ین، به‌لكو دڤێت ب تنێ ب رێیا حوكمه‌تا عیراقێ چه‌ك بۆ لایه‌نان بهێته هنارتن، له‌وما داخوازێ ژ كونگریسى دكه‌ین وێ پرۆژه قانوونێ په‌سه‌ند نه‌كه‌ت.
ل دووڤ پرۆژه قانوونێ گونگرێسێ ئه‌مریكا، هه‌كه بهێته په‌سه‌ندكرن وه‌ك ده‌وله‌ت دێ ره‌فتار ل گه‌ل پێشمه‌رگه و سوننه‌یا ل عێراقێ هێته كرن د پرسا گه‌هاندنا هاریكاریێن سه‌ربازى ب ره‌نگه‌كێ راسته‌وخو ژلایێ ئه‌مریكا ڤه، بێى كو ڤه‌گه‌رنه حوكمه‌تا عیراقێ.
سبه بهێنڤه‌دانه یان نه؟
ئه‌ڤرۆ نیوز:
ژبه‌ر كو 1 ئایارێ دكه‌ڤیته رۆژا ئه‌ینى، و ئه‌و رۆژه ب خوه بهێنڤه‌دانه، فه‌رمانبه‌ر و قوتابى د وێ باوه‌رێدابوون كو سبه رۆژا پێنجشه‌مبى ل جهێ ئه‌ینیێ ببیته بهێنڤه‌دان، به‌لێ په‌یڤدارێ حكومه‌تا هه‌رێمێ راگه‌هاند كو سبه نابیته بهێنڤه‌دان.
سەفین دزەیی په‌یڤدارێ حكومه‌تا هه‌رێما كوردستانێ راگه‌هاند كو سوبه ل هه‌موو دام و ده‌زگه‌هێن حكومه‌تا هه‌رێمێ ده‌واما فه‌رمى یه و ئه‌و ده‌نگوباس ره‌تكرن كو سوبه ل جهێ ئه‌ینیێ ببیته بهێنڤه‌دان.
1 ئایارێ ب هه‌لكه‌فتا رۆژا كرێكارێن جیهانێ، هه‌موو سالان ل هه‌رێما كوردستانێ بهێنڤه‌دانه.
كارڤه‌دانا لایه‌نێن عیراقێ ل دۆر پرۆژه بریاره‌كا ئه‌مریكا سه‌باره‌ت كورد و سوننه‌یان
ئه‌ڤرۆ نیوز،زنار تۆڤى:
ب بووچوونا كوتله‌یا فه‌زیله ل په‌رله‌مانێ عێراقێ به‌حسكرنا پروژه بریاره‌كا وه‌لاتێ ئه‌مریكا كو مامه‌له‌كرنا وان دگه‌ل كورد و عه‌ره‌بێن سوننه وه‌ك دوو ده‌وله‌تان ژلایێ كونگرێسێ ئه‌مریكا ڤه پێشێلكاریه به‌رامبه‌ر سه‌روه‌رى و ئیراده‌یا گه‌لێ عێراقێ.
ئه‌ندامه‌كێ هه‌ڤپه‌یمانیا نیشتیمانى ل په‌رله‌مانێ عێراقێ دبێژیت: مامه‌له‌كرنا ده‌وله‌تبوونێ دگه‌ل كورد و عه‌ره‌بێن سوننه ژلایێ ئه‌مریكا ڤه ره‌تدكه‌ین.
سه‌روكێ كوتله‌یا فه‌زیله ل په‌رله‌مانێ عێراقێ عه‌مار توعمه خویاكر:گفتوگویا كونگرێسێ ئه‌مریكا لسه‌ر وێ بریارا كو تایبه‌ته ب مامه‌له‌كرنێ دگه‌ل پێشمه‌رگه و سوننه‌یا ل عێراقێ وه‌ك دوو ده‌وله‌تان ب ئارمانجا گه‌هاندنا هاریكاریێن سه‌ربازى ب ره‌نگه‌كێ راسته‌وخو ژلایێ ئه‌مریكا ڤه پێشێلكاریه به‌رامبه‌ر سه‌روه‌یا گه‌لێ عێراقێ كو د دستورێ عێراقێ دا هاتیه،ئه‌ڤ وه‌لاته دێ ده‌وله‌ته‌كا ئێكگرتى بیت و ده‌سهه‌لاتا ده‌ستورى هه‌یه كو نوونه‌رێن هه‌مى پێكهات و تائیفێن كومه‌لگه‌ها عێراقى هه‌لبژارتییه.
هه‌روه‌سا عه‌مار دبێژیت:هه‌ر هاریكارى و یارمه‌تیه‌كا ئه‌منى كو بو عێراقێ بهێته پێشكێشكرن،دڤێت لسه‌ر بنه‌مایێ رێزگرتنێ و سه‌روه‌ریا ده‌ستوورى بیت،دوور بیت ژ هه‌ر ناكۆكى و ململانه‌یه‌كێ دناڤ عێراقیان دا، داكو رێكخراوا داعش مفاى ژێ نه‌بینیت.
سه‌روكێ كوتله‌یا فه‌زیله ل په‌رله‌مانێ عێراقێ پروژه بریارا ئه‌مریكا ب ترسناك و هێرشێ بناڤكر و گوت:ئه‌ڤ پروژه بریاره د ماوێ به‌رى نوكه‌دا هاتیه ئاماده‌كرن،بو سه‌ر سه‌ربه‌خویا عێراقێ یا مه‌ترسیداره و هه‌وله‌كا فه‌رزكرنێیه بو سه‌ر عێراقێ،چونكى چاوا بریاره‌كا هوسا ژ په‌رله‌مانێ وه‌لاته‌كێ دیاركرى بو سه‌ر ئه‌ردێ ده‌وله‌ته‌كادى دا دهێته سه‌پاندن؟.
لسه‌ر ڤێ پرسێ عه‌لى سجرى ئه‌ندام ل هه‌ڤپه‌یمانا نیشتیمانى،ژبلى ره‌تكرنا پروژێ بریارا ئه‌مریكا راگه‌هاند:ئارمانج ژ پروژێ ڤێ بریارێ ئه‌وه وه‌ك دوو وه‌لاتان ئه‌مریكا پێشمه‌رگه و عه‌ره‌بێن سوننه پر چه‌ك بكه‌ت.
هه‌روه‌سا دبێژیت:د ده‌مه‌كى دا هێزێن نیشتیمانى یێن عێراقێ هه‌ولێن پێكئینانا پره‌نسیپێن یه‌كگرتنا نیشتیمانى بو روو ب رووبوونا تیرورستان و توندره‌وان دده‌ن،به‌لێ هه‌وله‌ك بۆ دابه‌شبوونا كومه‌لگه‌هێ عێراقى هاتیه مه‌یدانێ،ئه‌و ژى ئه‌و پروژه بریاره كو ب پروژێ بریارا بایدنى هاتیه نیاسین و ئیدارا ئه‌مریكا بۆ گفتوگوكرنا لڤى باره‌ى ره‌وانه‌ى كونگرێسى كریه.
عه‌لى سجرى دبێژیت ژى:ئارمانج ژڤێ پروژه بریارێ ئه‌وه،كو مامه‌له‌كرنه دگه‌ل دوو ده‌وله‌تان و پرچه‌ككرنا هێزێن پێشمه‌رگه‌ى و چه‌كدارێن عه‌ره‌بێن سوننه بۆ وێ چه‌ندێ كو عێراق ب ره‌نگه‌كێ روون بهێته دابه‌شكرن.
سجرى داخوازێ ژ حكومه‌ت و لایه‌ن و گه‌لێ عێراقى دكه‌ت،كو دژى ڤى پروژه بریارێ ئێك هه‌لویست بن و ره‌ت بكه‌ن.
دماوێ به‌رى نوكه‌دا ئه‌مریكا پروژه بریاره‌ك كو نوكه بۆ گفتوگوكرنێ بو گونكرێسى هاته ره‌وانه‌كرن ڤرێكربوو كو بهێته په‌سه‌ند كرن،لبه‌ره وه‌ك دوو ده‌وله‌ت مامه‌له و هاریكاریان دگه‌ل كورد و عه‌ره‌بێن سوننه‌دا بكه‌ت ل عێراقێ.
به‌لكى د خێرا دهۆكێ دا بیت
ئه‌ڤرۆ نیوز:
ئه‌ڤرۆ رۆژا چوارشه‌مبى رێباز حه‌ملان وه‌زیرێ دارایى و ئابوورى یێ حكومه‌تا هه‌رێما كوردستانێ سه‌را پارێزگه‌ها دهۆكێ دا.
د ڤێ سه‌ره‌دانێ دا، نڤیسینگه‌ها تایبه‌تا وه‌زیرێ دارایى و ئابوورى ل باژێرێ دهۆكێ هاته ڤه‌كرن ، پشتى ڤه‌كرنا نڤیسینگه‌هێ، رێباز حه‌ملان وه‌زیرێ دارایى و ئابوورى یێ حكومه‌تا هه‌رێما كوردستانێ راگه‌هاند: ژ پێخه‌مه‌ت ژ نێزیك ئاگه‌هداربوون ژ كێشه و داخوازیێن خه‌لكێ پارێزگه‌ها دهۆكێ، ئه‌ڤ نڤیسینگه‌هه مه ڤه‌كر و ژ ئه‌ڤرۆ پێدا ئه‌ڤ نڤیسینگه‌هه دێ كارئاسانیان بۆ خه‌لك و فه‌رمانگه‌هێن دهۆكێ كه‌ت و هه‌روه‌سا ل گور پێدڤیان دێ سه‌ره‌دانا پارێزگه‌ها دهۆكێ كه‌ین بۆ دیتنا خه‌لكى و برێڤه‌برنا كارێن فه‌رمانگه‌هان.
هه‌روه‌سا رێباز حه‌ملان وه‌زیرێ دارایى و ئابوورى یێ حكومه‌تا هه‌رێما كوردستانێ گۆت: ژبه‌ر وێ فشارا ل سه‌ر پاێزگه‌ها دهۆكێ هه‌ى ژ زوربوونا ژمارا ئاواران، دڤێت ئه‌م هه‌موو د هاریكاربین هه‌تا دهۆك ژ ڤێ قه‌یرانێ ده‌ردكه‌ڤیت.
دهۆك د ئه‌ركه‌كێ ب ساناهى دا و زێره‌ڤانى د یاریه‌كا ب زه‌حمه‌ت دا
ئه‌ڤرۆ نیۆز، هه‌ژار مه‌عروف:
چاڤه‌رێ دهێـته‌كرن سوباهى یاریێن گه‌را ده‌هێ ژ قوناغا دوێ یا خولا پلا نایاب یا هه‌رێما كوردستانێ بهێنه‌كرن كو ژ گرنگترین یاریێن ڤێ حه‌فتیێ تیما زێره‌ڤانى دى بیته مێڤانا هه‌ولێرێ و دهۆك مێڤانداریا یانه‌یا پێشمه‌رگا سلێمانى كه‌ت و نه‌وروز ژى ل گه‌ل هندرین كه‌ت. تیما زێره‌ڤانى سه‌ركێشا خولێ ل یاریگه‌ها هه‌ولێرێ یا دوێ دێ بیته مێڤانا یانه‌یا هه‌ولێرى كو دڤێ یاریێ دا هه‌ردو تیم دێ بزاڤێن مه‌زن كه‌ن بۆ ب ده‌ستڤه ئینانا خالێن یاریێ تیما زێره‌ڤانى بوو پاراستنا ناسناڤێ خولێ بۆ وه‌رزێ سێ یاریێ كه‌ت، به‌رامبه‌ر تیما هه‌ولێر بۆ باشكرنا هه‌لویستێ خوه د خولێ دا . تیما دهۆك خودانا رێزا دوێ ب 37 خالان دێ یاریا خوه به‌رامبه‌ر یانه‌یا پێشمه‌رگا سلێمانى كه‌ت دڤێ یاریێ دا دهۆك بۆ قه‌ره‌بوونا خوساره‌تیا خوه یا حه‌فتیا بورى و به‌رده‌وامى ب ده‌ته كاروانێ خوه بۆ هه‌ڤركیا ناسناڤى به‌رامبه‌ر تیما پێشمه‌رگا سلێمانیێ بتنێ هزر ل سێ خالێن یاریێ كه‌ت هه‌ر چه‌نده باش دزانیت ئه‌ركێ وى یێ ب سانه‌هى نابیت به‌رامبه‌ر تیما دهۆك لێ هه‌كه ب خوازیت خوه ژ مه‌ترسیا داكه‌فتنێ قورتال بكه‌ت دڤێت ل یاریێن خوه یێن بهێت هزر ل سه‌ركه‌فتنێ بكه‌ن و ل یاریگه‌ها هندرین تیما نه‌وروز خودانا رێزا سێ ئه‌وا ل دو یاریێن بورى نه‌شیاى سه‌ركه‌فتنێ توماربكه‌ت دێ بیته مێڤانا یانه‌یا هندرین د یاریه‌كا ب زه‌حمه‌ت دا. نوونه‌را سێ یا پارێزگه‌ها دهۆكێ تیما زاخۆ دێ به‌ره‌ڤ كه‌ركوك چیت بوو كرنا یاریا خوه و باشكرنا هه‌لویستێ خوه د خولێ دا به‌رامبه‌ر تیما كه‌ركوك بۆ خوه ژ مه‌ترسیا داكه‌فتنێ قورتال بكه‌ت دێ یاریێ كه‌ت و ئارارات دێ ل گه‌ل پێشمه‌رگا هه‌ولێرێ كه‌ت و سلێمانى مێڤانداریا برایه‌تى كه‌ت.
ژبه‌ر دو ئه‌گه‌را به‌غدا دێ پاره‌كێ زێده‌تر بۆ هه‌رێمێ هنێریت
ئه‌ڤرۆ نیوز:
ئه‌حمه‌د حاجى ره‌شید بریارده‌رێ لژنا دارایى ل جڤاتا نوونه‌رێن عیراقێ راگه‌هاند ڤێ هه‌یڤێ به‌غدا ژبه‌ر دو ئه‌گه‌ران دێ پاره‌كێ زێده‌تر بۆ هه‌رێما كوردستانێ ره‌وانه كه‌ت، یا ئێكێ ئه‌وه كو هه‌رێم نه‌فته‌كا زێده‌تر راده‌ستى سومو كریه كو رۆژانه 448 هزار به‌رمیل هنارتینه و یا دوێ ژى بهایێ نه‌فتێ یێ بلند بووى ل چاڤ هه‌یڤا بوورى.
نيشاندان
WP Facebook Auto Publish Powered By : XYZScripts.com