ئه‌ڤرۆ نیوز:
د قوناغا به‌رێ دووماهیێ یا جامێ ئه‌لمانیا و د كلاسیكویا ئه‌لمانیا دا، یانا بروسیا دورتموند ل سه‌ر یانا بایرن میونخ سه‌ركه‌فت و خوه گه‌هانده یاریا دووماهیێ.
نووترين نووچه
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
سهرهكى Twitter
ب وێنه: ئاگر به‌ربوو ترۆمبێله‌كێ و كه‌سه‌ك تێدا سۆت
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ بۆ ئه‌ڤرۆ نيوز راگه‌هاند كو به‌رى ده‌مه‌كێ كێم ل به‌رامبه‌ر كه‌مپێ زانكۆيا دهۆك ل مالتايێ ئاگر به‌ربوو ترۆمبێله‌كێ و ژ ئه‌نجامێ ئاگر تێ به‌ربوونێ كه‌سه‌كى گيانێ خوه ژ ده‌ست دا.
ئه‌ڤى ژێده‌رێ كو ل نێزيكى روودانێ بوويى، گۆت: “به‌رى ده‌مه‌كێ كێم ترۆمبێله‌كا BMW ل به‌رامبه‌ر كه‌مپا زانكۆيا دهۆك وه‌رگه‌ريا كه‌فته سه‌ر ته‌نشتا خوه و ئاگر به‌ربوويێ”.
زێده‌تر گۆت: “ژ ئه‌نجامێ ڤێ روودانێ، شوفێر و دو كه‌سێن دى شيان خوه رزگار كه‌ن، به‌لێ كه‌سه‌ك ما ئاسێ و نه‌شيا بهێته ده‌ر و د ئه‌نجام دا سۆت و گيانێ خوه ژ ده‌ست دا”.
ب وێنه دیدارا تاله‌بانى و بارزانى
پێگوهۆرێن ئه‌ندامێن ئێكه‌تیێن وه‌رزشى هاتنه ده‌ست نیشانكرن
ئه‌ڤرۆ نیۆز، هه‌ژار مه‌عروف:
د گونگره‌كێ رۆژنامه‌ڤانى دا ئه‌ڤرۆ ل هولا نوینه‌راتیا دهۆك یا لژنه‌یا ئولومپیا كوردستانێ ئه‌و هه‌ر 10 ئه‌ندامێن هاتینه گوهورین ل ئێكه‌تیێن وه‌رزشى یێن دهۆكێ ل باژێرێ هه‌ولێرێ هاتنه دیاركرن و ئه‌و كه‌سێن هاتینه ده‌ست نیشانكرن ، هه‌ر د وى كونگرێ رۆژنامه‌ڤانى دا هاتنه دیاركرن ژلایێ به‌رپرسێ نوونه‌ره‌تیا لژنه‌یا ئولومپیا كوردستانێ ل دهۆكێ د.ئه‌حمه‌د قاسم .
د ڤى گونگرى دا د.ئه‌حمه‌د قاسم گوت: ئه‌ڤ كه‌سێن هاتینه گوهارتن كاره‌كێ گه‌له‌ك باش كریه، به‌لێ گوهورین یا پێدڤى یه ژبه‌ركو بۆ باشكرنا كارى و ئه‌و كه‌سێن هاتینه گوهورین ژى ئه‌وان خزمه‌ته‌كا باش پێشكێشى وه‌رزشا دهۆكێ كرى یه و هیڤیا مه ئه‌وه ئه‌وێن بچنه جهێن وان كاره‌كێ باشتر بكه‌ن.
هه‌ردیسان ناڤبرى دیاركر ژى نوونه‌راتیا دهۆكێ ل گه‌ل چه‌ند به‌رپرسێن دى یێن وه‌رزشى گه‌هشتنه رێككه‌فتنێ گوهورین بهێنه كرن و ئه‌و ئێكه‌تى و ئه‌ندامێن هاتینه گوهورین ئه‌و بوون ئه‌وێن هه‌شت سالان خزمه‌تكرى و هه‌ر ئه‌ندامه‌كێ هه‌شت سالان ده‌ربازبووى یێ هاتیه گوهورین .
دیسا ناڤبرى دیاركر كو ئه‌ڤ پێنگاڤه ب رێككه‌فتن هاتیه هاڤێتن و دێ بیته پێنگاڤه‌كا باش و گرنگ بو پێشڤه‌برنا كارى .
هه‌ژى گوتنێ یه ژ سه‌رجه‌مێ 15 ئێكه‌تيێن وه‌رزشى ل دهۆكێ 10 هاتینه گوهورین .
سه‌یرترین خولا ته‌پا پێێ ل وه‌رزێ ئه‌ڤ ساله
ئه‌ڤرۆ نیۆز، هه‌ژار مه‌عروف:
ل خولێن دونیایێ حه‌فتى بۆ حه‌فتیێ چاره‌نڤێسێ قاره‌مانا خولێ دیار دبیت و هه‌ڤركى دناڤبه‌را دو یانه‌یا دا مایه به‌لێ ل خولا جه‌زائیر ئه‌وا دهێته هژمارتن سه‌یرترین خول وه‌رزێ ئه‌ڤ ساله چاره‌نڤێسێ برنا خولێ نه یێ دیاره و هه‌ر 16 یانێن پشكدار هیڤيێن برنا ناسناڤى ماى نه.
سه‌ركێشا خولا جه‌زائیر نوكه 41 خال هه‌نه و تیما رێزا دووماهى یێ دخولێ دا 30 خال هه‌نه و چار حه‌فتى ماى نه چاره‌نڤێسێ داكه‌فتنێ و ده‌ربازبوونێ بۆ قاره‌مانیا یانێن ئه‌فریقیا نه یێ دیاره .
ئێكه‌تیا ڤى وه‌لاتى وه‌سا دیاركرى یه دبیته جارا ئێكێ دخولا وه‌لاتێ وان دا هه‌ڤركى ب ڤى ره‌نگى بیت كو جێوازیا خالا دناڤبه‌را سه‌ركێش و دووماهى تیم 11 خال بن پشتى بورینا 26 یاریان.
ب وێنه دایكا شه‌هیدان گه‌هشته به‌لجیكیا
ئه‌ڤرۆ نیوز:
نوونه‌رێ حكومه‌تا هه‌رێما كوردستانێ ل په‌رله‌مانێ ئه‌وروپا دلاوه‌ر خالد ئاژگه‌یى بۆ ئه‌ڤرۆ نیوز خویاكربوو بریاره ل روژا چارشه‌مبى 29/4/2015 عایشا ئوسمان دایكا سێ شه‌هیدێن شه‌رێ داعش به‌شدارى كومبونه‌كا په‌رله‌مانێ ئه‌وروپا بیت و بریاره په‌رله‌مانێ ئه‌وروپا رێزلێنانه‌كا تایبه‌ت بۆ دایكا سێ شه‌هیدان و ئافره‌تێن ئێزدى رێكبێخیت.
ڤیدیو: دانپێدانا ئه‌نجامده‌رێن ته‌قینا هه‌ولێر
عه‌بادى به‌حسێ ده‌ست ژ كاركێشانا خوه دكه‌ت
ئه‌ڤرۆ نیوز:
حه‌یده‌ر عه‌بادى سه‌رۆك وه‌زیرێن عیراقێ ئه‌ڤرۆ به‌رهه‌ڤى روونشتنا جڤاتا نوونه‌رێن عیراقێ بوو و د گوتاره‌كێ دا راگه‌هاند: ئه‌گه‌ر نه‌شێت ئاسایشا وه‌لاتیان ب پارێزیت، دێ ده‌ستا ژ پۆستێ خوه به‌رده‌ت و روودانێن ئه‌نبار ژى ب ” شه‌ره‌كێ ده‌روونى” وه‌سفكر و ئه‌و چه‌نده ره‌تكر كو ل وێ پارێزگه‌هێ خوه ڤه‌كێشابن.
ناڤه‌رۆكا كومبوونا سه‌رۆك بارزانى و مام جه‌لال
ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ ل ده‌باشان سه‌را جه‌لال تاله‌بانى سكرتێرێ گشتى یێ ئێكه‌تیا نیشتمانیا كوردستانێ دا.
به‌رى چه‌نده‌كێ دیدارا د ناڤبه‌را مه‌سعود بارزانى و جه‌لال تاله‌بانى ب دووماهى هات و سه‌رۆك بارزانى دووماهى ب سه‌ره‌دانا خوه بۆ سلێمانیێ ئینا.
د كومبوونێ دا، سه‌رۆك بارزانى ئه‌جیندایا سه‌ره‌دانا خوه بۆ ئه‌مریكا بۆ جه‌لال تاله‌بانى به‌حس كر و ل دووڤ راگه‌هاندنێن ئێكه‌تیێ، تاله‌بانى داخواز ژ بارزانى كریه ل ئه‌مریكا پێداگیریێ ل مافێن كوردان بكه‌ت.
هه‌ر ل دووڤ راگه‌هاندنێن ئێكه‌تیێ، پشتى ڤه‌گه‌ریانا بارزانى ژ ئه‌مریكا، دێ جاره‌كادى بارزانى سه‌را ده‌باشان كه‌ت و ل گه‌ل تاله‌بانى كوم بیت.
مزگينيه‌كا خۆش بۆ شوفێرێن پارێزگه‌ها دهۆكێ ل دۆر پانزينێ
ئەڤرۆ نیۆز:
ئەندامەکێ لژنا سامانێن سرۆشتی ل پەرلەمانێ کوردستانێ بۆ مالپەرێ ئەڤرۆ نیۆز ئاشکراکر کو ب تنێ نەبوونا پانزینێ ل ھەر دو باژێرێن دھۆک و زاخۆ سەر ھلدایە و ناڤبری ھۆکار بۆ چەندین ئەگەران ڤەگەراند.
سالح بشار ئەندامێ لژنا سوتەمەنیێ ھێشتا ژی گۆت: بتنێ قەیران ھەردو باژێران وبویە و ترس بو خەلکی چێبوویە، ئەوشا پانزینێ نھا ژ دوھی چێترە، ژێدەرێن پانزینێ ل پارێزگەھا دھۆک 50% نافخویی یە و 50% ژ دەرڤە دھێت، وەزارەتا سامانێنسرشتی بەرھەڤی کرینە کو پانزینێ ل ھەولێرێ بھنێرە دھۆکێ و دەسپێکریە ژی، کێمبوونا وێ ھندەک پانزین ژ دەرڤە ھات بوو و لدووڤ پیڤەران نەبوو ھاتبوو زڤراندن
سالح بشاری ژ فراکسیۆنا زەر ئەوچەندەژی گۆت: کومپانیەک پانزینێ ژ دەرڤە دئینت و ئەگەر نەھینت ژی دێ ھەولێرێ بەردەوام دێ ھێت و دبیت ھەتا رۆژا ئەینی ئەڤ کێشە ب دووماھی بێت.
رێڤەبەرێ بەلاڤکرنا بەرھەمێن گازێ ل دھۆکێ ب وەکالەت عه‌بدلواحد بۆ ئەڤرۆ نیوز دیارکر کو ئه‌ڤرۆ ل دانێ سپێدی 600 ھزار لیترێن پانزینی ل سەر ویستگەھێن دھۆکێ ھاتنە بەلاڤکرن و ل دانی ئیڤاری ژێ دێ 500 ھزار لیتر ھێنە بەلاڤکرن وزارەتا سامانێن سروشتی ژی ل ھەرێمێ بریار دایە سوبەھی 29ى نيسانێ هه‌تا 30ى نيسانێ دوورێن 8 ملیون لیترین پانزینی رەوانەی پارێزگەھا دھۆکێ بکەت.
سالار دۆسکی، له‌زگين جۆقى:
نيشاندان
WP Facebook Auto Publish Powered By : XYZScripts.com