ئەڤرۆ نيوز:

ل گۆر راپۆرتەکا ئاژانسا فرانس پرێس ھاتنا بەردەوام یا پەناباران بۆ ئورۆپا کاریگەریا خوە ل جڤاکێ ئورۆپا و سیستەمێ سیاسی کریە و ھەکە رەوش وەسا بەردەوام بیت بابەتێ پەنابەران د چەند سالێن داھاتی دا دێ بیتە ئێک ژ خالێن سەرەکی یێن ناکۆکیێن ئالیێن سیاسی ل ئورۆپا، چونکو نھا پشکەک ژ ئالیێن سیاسی ل ئورۆپا ل دژی ھاتنە پەنابەرانن و پشکەک ژ پێشوازیێ ل ھاتنا وان دکەن و دەستھەلاتێ ب وێ یەکێ تۆمەتبار دکەن کو ژ بۆ بەرژەوەندیێن خوە زێدەکرنا رێژا دەنگێن خوە خەلکێن بیانی دئیننە ئورۆپا و مەترسیێ بۆ پاشەرۆژا مە دروست دکەن.
د پشکا دی یا راپۆرتێ دا ھاتیە دیار کرن کو نھا جڤاکێ ئورۆپا سەبارەت ب ھاتنا پەنابەران بوویە دو پشک، پشکەک پێشوازیێ ل ھاتنا پەنابەران دکەن و دبێژن کو ئەو کەسە بێ تاوانن و چ نەکرینە و ژ شەری رەڤینە و وەک ئەرکەک مرۆڤاتی دڤێت ھاریکاریا وان بھێتە کرن، لێ پشکەک مەزن ژ جڤاکێ ئورۆپی ژی دیار دکەن کو ھاتنا رێژەکا زێدە ژ پەنابەران بۆ ئورۆپا دێ کاریگەریەکا خراب ل سەر ژیان و کەلتورێ وان کەت و ژ بەر ھندێ ژی داخواز ژ دەستھەلاتێ دکەن کو نەھێلن پەنابەر بھێنە وەلاتێ وان.
ل ئالیێ دی سەبارەت ب پەنابەران چەند رۆژن ل وەلاتێن جودا جودا یێن ئورۆپا خوەنیشادانێن جودا برێڤە دچن، ھندەک خوەنیشادان بۆ پشتەڤانیێ ل پەنابەران برێڤە دچن و ھندەک ژی دژی ھاتنا پەنابەرانن، و چاڤدێرێن سیاسی ژی دیار دکەن کو ھاتنا پەنابەران بۆ رێژەکا وەسا مەزن بۆ ئورۆپا دێ کاریگەریا خوە ل سیستەمێ سیاسی و جڤاکی یێ ئورۆپا کەت و دێ وەک کارتەکا سیاسی یا دژوار ل ھەلبژارتنان ژی ھێتە بکارئینان، یێن دژی ھاتنا پەنابەرانن دێ دەستھەلاتێ بۆ تێکدانا ئاسایشا خوە تومەتبار کەن و ئالیێن دیتر ژی دێ پتر گرنگیێ دەنە بابەتێ مافێ مرۆڤی و دیموکراسیێ و رێزگرتنا ل پێکڤەژیانێ و ژ بەر ھندێ ژی ھاتنا پەنابەران دێ بیتە ئەگەرێ دروست بوونا ناکۆکیێن نوو ل ئورۆپا.

ئەڤرۆ نيوز:

رۆژناما ئەندبندێنت یا بریتانی راپۆرتەکا نڤیسەر (یەفگینی لیبیدیف) بەلاڤکریە کو تێدا ئاماژێ ددەت کو قۆناغەکا ژیانا خوە ل رۆژھەلاتا ناڤێن بەراندیە و پێشنیارا رێکەکێ دکەت بۆ ژناڤبرنا مەزنترین مەترسی د سەردەمێ نوکە دا ئەوژی دەولەتا ئیسلامی (داعش) .

ەڤگینی د راپۆرتا خوەدا دبێژیت” پێدڤیە ھەڤڕکی بھێنە لادان و ھەڤپەیمانیەک دناڤبەرا سەرکردێن رۆژئاڤای و سەرکردێن دەولەتێن ئیسلامی و سەرۆکێ روسیا فلادیمیر بوتین بھێتە گرێدان بۆ شکەستنا داعشێ کو چەکدارێن وێ ژ چەندین رەگەزنامانە، لێ پتریا وان سووری

ە. دبێژیت ژی” ژ دەستپێکا شەڕی ٢٠٠ ھزار وەلاتیێن سووری یێن ھاتینە کوشتن و ٢٢ ملیۆن وەلاتی ژی یێن دەبەردەر بووین و وەلاتێن ھەڤسنۆر ب تایبەتی لوبنان کو وەلاتەکێ فەقیرە بوویە جھێ حەواندنا وان ل شوینا وەلاتێن کەنداڤی یێن زەنگین وەکو سعودیێ پێشوازیێ لێبکەن کو ھەتا نوکە وی وەلاتی ئێک دەربەدەر ژی وەرنەگرتیە”. ر

پۆرتا ناڤبری ئاماژێ ددەتە وێ چەندێ کو نەخشێ سووریا د بەردەوام یێ د گوھۆرینێ دا و جھگیری ل وی وەلاتی پەیدا نابیت بێ ژناڤبرنا داعشێ و رێز ژی ل سنۆران ناھێتە گرتن و دێ ھژمارا پەناھندان ژی زێدەبن، چەکدارێن داعشێ ژی پەنایێ دبەنە سەرژێکرنێ و ھەتکرنێ و تۆپبارانکرنێ بۆ سەرکەفتنێ ب ھەر شێوەکێ ھەبیت، لێ نەشێن سەرکەفتنا خوە ب راگەھینین ھەتاکو پشتی ژناڤبرنا ھزرا کۆم یا گەلێ سووری کو ب دەھان سالان یێ گونجای بوو ل گەل ھەڤ، لەوما دشیان دا نینە ئەڤرۆ پەیڤا (سووریا نوو) بھێتە بکارئینان، ژبەرکو داعش شیا شوونوارێن ڤی وەلاتی ژناڤببەت و ئەڤ وەلاتە زڤراندە چەرخێن ناڤین.

خویا ژی دکەت” دبیت رۆژئاڤای رێیا ھزرکرنێ ل دۆر وێ پرسێ گوھۆری بیت و ئەمیندارێ گشتیێ نەتەوێن ئێکگرتی دانپێدان ب شکەستنێ ل سووریێ کر و رۆژناما ( سەن) یا بریتانی دیارکریە کو ٥٢% ژ وەلاتیێن بریتانی ل گەل مایتێکرنا لەشکری نە د سووریێ دا”.

دیارکر ژی” مایتێکرنا ھەتا ئەڤرۆ ژ ھەموویان باشتر و کاریگەرتر ژ سەرۆکێ روسیا فلادیمیر بوتنی بوو ئەوێ دوپاتی ل سەر پشتەڤانیا لەشکری بۆ سووریێ کری ل ھەمبەری داعشێ و بوتینی گوت کو مە پێدڤیەکا فەر ب پێکئینانا ھەڤپەیمانیەکا نێڤدەولەتی نە ژبۆ نەھێلانا تیرۆرێ و توندوتیژیێ.

بوتینی ئاشکراکر ژی کو وی ل دۆر ڤی بابەتی ل گەل سەرۆکێ ئەمریکی باراک ئۆبامای یێ ئاخڤتی”. د وێ راپۆرتا رۆژناما بریتانی دا ھاتیە ژی کو نێزیکبوونا ئەمریکا ل گەل کوبا و ئیرانێ دەلیڤەکا زێرینە و بوتین ژی یێ بەرھەڤیا دکەت بۆ ژناڤبرنا داعشێ و ئەڤ چەندە مە دزڤرینیتە بەری ٧٠ سالان دەمێ جۆدابوونێن ئایدیۆلۆژی دناڤبەرا روسیا و رۆژئاڤای ھەین، لێ د سەر وێ چەندێ ڕا پێکڤە کارکر ژبۆ شکەستنا نازیەتێ.