ئه‌ڤرۆ نیۆز، قائید میرۆ:
په‌رله‌مانتاره‌كێ پارتی ئاشكراكر، چێدبیت كۆمبوونا سبه‌ یا لایه‌نێن سیاسی لدۆر پرسا سه‌رۆكایه‌تیا هه‌رێمێ نه‌هێته‌ ئه‌نجامدان و بۆ رۆژه‌كا دی بهێته‌ پاشخستن.
ڤه‌مان فه‌یسه‌ل، ئه‌ندامێ فڕاكسیۆنا پارتی دیموكراتی كوردستان ب ئه‌ڤرۆ نیۆز راگه‌هاند” هه‌رچه‌نده‌ بڕیاره‌ سوبه‌ پێنج لایه‌نێن سه‌ره‌كیێن هه‌رێما كوردستانێ لدۆر پرسا سه‌رۆكایه‌تیا هه‌رێما كوردستانێ كۆمبوونا حه‌فتێ ئه‌نجامبده‌ن، به‌لێ پێشبینی دهێته‌كرن كۆمبوون دیسان بهێته‌ پاشخستن بۆ رۆژه‌كا دی.
ڤه‌مان گۆت ژی” هنده‌ك تشتێن نوو هاتینه‌ پێش و هه‌تا نوكه‌ ئێكلا نه‌بوویه‌ دێ كۆمبوون هێته‌كرن یان نه‌، چێدبیت وه‌كی حه‌فتیا بۆری دوباره‌ بهێته‌ پاشئێخستن بۆ رۆژه‌كا دی” به‌لێ ناڤهاتی ئاماژه‌ بۆ ڤان پێشهاتێن نوو نه‌كر.

ئەڤرۆ نیوز،زنار تۆڤی:

ئەڤڕۆ ل رۆژا ئەینی ئەینی چەند فرۆکێن سۆپایێ تورکی ب دژواری چەندین جهـ ل بەرواری بالا بۆ ماوەیەکێ درێژ چەندین گوند بۆمبه‌بارانكرن.
عەلی ئوسمان وەلاتیەکێ وێ دەڤەرێ یە بۆ ئەڤرۆ نیوز خویاکر: ئەڤە جارا ئێکێ یە فرۆکێن تورکی ب ڤی رەنگێ دژوار چەندین جهێن جۆدا ل بەرواری بالا بۆمبه‌باراندكه‌ت و گۆت ژی:وان فڕۆکان چەندین گوند ل زنجیرا چیایێ مەتینا هەروەسا چەندین جهێن دیتر بوردۆمانکرن، کو ئەڤە بۆ جارا ئێکێ یە ئەو دەڤەر دهێنە بۆمبه‌بارانكرن، ب به‌هانا هەبوونا چەکدارێن پەکەکێ ل وێ ده‌ڤه‌رێ.