ئه‌ڤرۆ نیوز، بیستر

پشتى كو یانا هه‌ولێر ئه‌ڤرۆ ل یاریگه‌ها شه‌عب تووشى خوساره‌تیه‌كا چاڤه‌رێنه‌كرى بووى به‌رامبه‌ر یانا زه‌ورا ب ئه‌نجامێ 1-0 ، و هیڤیێن سه‌ركه‌فتنێ بۆ قوناغا خولا نایابا عیراقێ ژ ده‌ستداى، راهێنه‌رێ یانێ، ئه‌یوب ئودیشو و راهێنه‌رێ گولچیان جه‌لیل زێدان ب فه‌رمى ده‌ست ژ كارێ خوه‌ كێشان.

د هه‌مان ده‌مدا، هاریكارێ راهێنه‌رى ئه‌حمه‌د سه‌لاح ب شێوه‌كێ به‌روه‌خت ل جهێ وى هاته‌ دانان و پشتى ڤان گوهۆرینا هێرشبه‌رێ یانا هه‌ولێر لوئه‌ى سه‌لاح شاندێ یانا هه‌ولێر بجهـ هێلا بێى كو ئه‌گه‌ر بهێته‌ زانین و بریاره‌ سوبه‌ شاندێ یانا هه‌ولێر به‌ره‌ڤ قه‌ته‌ر بچیت بۆ ئه‌نجامدانا یاریا ل گه‌ل یانا استقلال ژ یاریێن كاسا ئاسیا.

ئه‌ڤرۆ نیوز، هه‌ژار مه‌عروف:
ئه‌ڤرۆ ل باژێرێ هه‌ولێرێ ئێكه‌تیا ته‌پا پێێ یا كوردستانێ راهێنه‌رێ نووى یێ هه‌لبژارتیێ لاوێن كوردستانێ ده‌ست نیشانكر بوو قاره‌مانیا قاره‌مانیا Norway cup ئه‌وا بریاره‌ ل هاڤینا ئه‌ڤ ساله‌ ل باژێرێ ئوسلو یێ نه‌رویجى بهێته‌ كرن ب پشكداریا هژماره‌كا مه‌زن یا یانێن ئه‌ورپى و ئاسیا و ئه‌مریكى.
د كومبوونا ئه‌ڤرۆ دا گشت ئه‌ندامێن ئێكه‌تیا ناڤه‌ندى یا ته‌پا پێێ یا هه‌رێما كوردستانێ رازیبوون راهێنه‌رێ یانه‌یا نه‌وروز ئه‌رسه‌لان جه‌لال وه‌كو راهێنه‌رێ نووى یێ هه‌لبژارتیێ لاوێن كوردستانێ بیت ژبه‌ر ئه‌و ئه‌نجامێن ل وه‌رزێ ئه‌ڤ ساله‌ و وه‌رزێ بورى ل گه‌ل ڤێ یانێ ب ده‌ستخوڤه‌ توماركرین.

ئه‌ڤرۆ نیوز، هه‌ژار مه‌عروف:
تیما ته‌پا پێێ یا هه‌ولێرێ خودانا چار ناسناڤێن خولا عیراقێ ب فه‌رمى ئه‌ڤرۆ ده‌رفه‌تا ده‌ربازبوونێ بۆ خولا بژاره‌ ژ ده‌ست دا پشتى د یاریا خوه‌ یا گه‌را به‌رى دووماهى دا خوساره‌ت بووى ل سه‌ر ده‌ستێ یانه‌یا زه‌ورا ل یاریگه‌ها شه‌عب ب گوله‌كێ بێ به‌رامبه‌ر.
ب ڤى ئه‌نجامى یانه‌یا هه‌ولێر پاشڤه‌زفرى رێزا شه‌شێ ب 24 خالان و هیڤێن ده‌ربازبوونێ بۆ خولا بژاره‌ ژ ده‌ست دان بتنێ یاریه‌كا وێ مایه‌ ئه‌وژى ل گه‌ل یانه‌یا كه‌رخ ل یاریگه‌ها خوه‌ ل حه‌فتیا بهێت و ب سه‌ركه‌فتنا ئه‌ڤرۆ یا لسه‌ر یانه‌یا هه‌ولێرێ تیما زه‌ورا ده‌ربازبوونا خوه‌ مسوگه‌ر كر ل گه‌ل یانه‌یا جه‌ویه‌ ئه‌وا ژلایێ خوڤه‌ وه‌كهه‌ڤ بووى بێ گول .

ئه‌ڤرۆ نیوز، هه‌ژار مه‌عروف:
پشتى ب فه‌رمى داخوازا لێبورینى ژ ئێكه‌تیا ته‌پا پێێ یا كوردستانێ كرى ژبه‌ر نه‌ پشكداریا وى ل وه‌رزێ بورى ل گه‌ل هه‌لبژارتیێ كوردستانێ بریاره‌ جاره‌كا دى هوزان ئازاد یاریێ بوو یانه‌یا زێره‌ڤانى بكه‌ت ل یاریێن ماى.
ل دویڤ دووماهى پێزانین گه‌هشتى نه‌ به‌ر ده‌ستێ مالپه‌رێ ئه‌ڤرۆ نیوز یاریكه‌رێ ناڤبرى ل گه‌ل یانه‌یا زێره‌ڤانى رێككه‌فتى یه‌ ل سێ یاریێن بهێت یاریێ بو یانه‌یا زێره‌ڤانى بكه‌ت به‌رامبه‌ر هه‌ڤبه‌سته‌كێ بۆ ئه‌وان سێ یاریان و ده‌رفه‌ت ژ یانه‌یا خوه‌ یا نوكه‌ نه‌فت وه‌ست وه‌رگرتى یه‌ .
هه‌ژى گوتنێ یه‌ ئێكه‌تیا ته‌پا پێێ یا كوردستانێ بریار دابوو هه‌تا هوزان داخوازا لێبورینى ژ ئێكه‌تیا ته‌پا پێێ و هه‌لبژارتیێ كوردستانێ نه‌ خوازیت نه‌شیت یاریێ ل خولا كوردستانێ بكه‌ت ژبه‌ركو ئه‌وى ره‌تكر بوو پشكدارى ل گه‌ل هه‌لبژارتیێ كوردستانێ دا بكه‌ت د قاره‌مانیا سویدا ل سالا بورى.
ل دوڤ ده‌نگوباسێن كه‌تینه‌ به‌ر ده‌ستێ مالپه‌رێ ئه‌ڤرۆ نیوز بریاره‌ یاریكه‌ر هوزان ئازاد د یاریا بهێت یا زێره‌ڤانى دا به‌رامبه‌ر هه‌ولێرێ پشكداریێ ل گه‌ل یانه‌یا زێره‌ڤانى بكه‌ت و ل هه‌ردو یاریێن ماى یێن زێره‌ڤانى به‌رامبه‌ر سلێمانى و زاخۆ ژى پشكداریێ بكه‌ت به‌رامبه‌ر كوژمه‌كێ پاره‌ى بۆ ئه‌وان سێ یاریا دێ ژ یانه‌یا نه‌فت وه‌ست هێته‌ ڤه‌گوهاستن.