ئه‌ڤرۆ نیوز:
پشتى به‌لاڤبوونا گرته‌یه‌كا ڤیدیویى یا كامیره‌ڤانا كه‌نالێ N1TV ب ناڤێ لازلۆ پێترا كو ره‌فتاره‌كا كرێت ل گه‌ل په‌نابه‌ران دكه‌ت، ژماره‌كا كارمه‌ندێن كه‌نالێ N1TV یێن هه‌نگارى گه‌فێن مانگرتنێ كرن به‌رامبه‌ر ره‌فتارا وێ، ئه‌گه‌ر بهێت لێپرسین ل گه‌ل نه‌هێته كرن، به‌لێ كه‌نالى ب شێوه‌یه‌كێ ئێكجارى لازلو ژ كارێ دورئێخست.
ئەڤرۆ نيوز:
ئەندامەکێ پەرلەمانێ عیراقێ راگەھاند، ژ مەھا تەباخا بۆری بریارا جڤاتا وەزیرێن عیراقێ یا تایبەت ب کێمکرنا مووچێن ھەرسێ سەرۆکاتیان ب رێژا ٥٠% و وەزیر و پەرلەمانتاران ب رێژا ٤٥% یا ھاتیە بجھئینان، ئاشکراکر ژی کو ھەتا نوکە سەرۆک کۆماری فەرمانا لادانا ھەرسێ جێگرێن خوە ئیمزا نەکریە.
مەسعود حەیدەر ئەندامێ پەرلەمانێ عیراقێ ژ لیستا گۆڕان دیارکر” فەرمانا ھەلوەشاندنا پۆستێن جێگرێن سەرۆک کۆماری چەندین بۆچوونێن دستووری ب خوەڤە دگریت و ل دووڤ دستوورێ پێدڤیە جێگرێن سەرۆک کۆماری دەست ژ کارکێشانا خوە پێشکێشێ سەرۆک کۆماری بکەن ھەتاکو دەنگدان ل سەر بھێتە کرن ل پەرلەمانێ عیراقێ” دیار کر ژی ” ژ دەستھەلاتێن سەرۆک وەزیران نینە سەرپێچیا دستووری بکەت”.
مەسعودی گوت ژی” ھەتا نوکە جێگرێن سەرۆک کۆماری د پۆستێن خوەدا یێن ماین و سەرۆک کۆماری ژی چو داخوازیێن دەست ژ کارکێشانا وان پێشکێشی پەرلەمانێ عیراقێ نەکریە”.
ئاماژە دا وێ چەندێ ژی کو ” ئەوا ل سەر پەرلەمانی و وەزیران دھێتە بجھئینان ل سەر سەرۆکاتیا کۆماری ژی دھێتە بجھئینان”.
قادر سەعید ئەندامێ کورد د پەرلەمانێ عیراقێ دا راگەھاند” پێدڤیە ھەموو بەرپرسێن عیراقێ بریارێن چاکسازیێ بجھبینن و ل پەرلەمانێ عیراقێ و ل جڤاتا وەزیران ژی راستڤەکرن ل سەر مووچێن وان ھاتنە کرن، لێ ئەم د مەندەھوشین ژ نەبجھئینانا بریارێن چاکسازیێ ژ لایێ سەرۆکێ کۆماری و جێگرێن وی ڤە”.
ل دەستپێکا مەھا تەباخا ٢٠١٥ ێ، حەیدەر عەبادی سەرۆک وەزیرێن عیراقێ د چارچۆڤێ زنجیرە چاکسازیێن حوکمەتا عیراقێ راگەھاندین ژ ئەگەرێ خوەنیشادانێن جەماوەری ل بەغدا و چەندین پارێزگەھێن دی دژی گەندەلیێ، پۆستێن جێگرێن سەرۆک کۆماری و جێگرێن سەرۆک وەزیران ھەلوەشاندبوون.
ئەڤرۆ نیوز:
ئەندامەکێ پەرلەمانێ کوردستانێ ژ فراکسیۆنا پارتی دیموکراتی کوردستان راگەھاند، سۆران عومەر تیرۆرستە و من بەلگە ژی یێن ھەین و دێ ڤێ چەندێ ل دادگەھێ سەلمینم و دبێژیت، بۆ من وەکو کورێ شەھیدی نەخوەشە ل گەل کەسەکێ تیرۆرست ب روونم.
پشتی نڤیسەر و رۆژنامەنڤیس (سەرۆ قادر) د بەرنامەکێ تەلەڤزیونی دا بەحس کری کو گەنج ژبەر وێ چەندێ مشەختێ دەرڤە دبیت چونکی مە فەرھەنگەکا ھەی کو قەبوول دکەت سەربڕ و قاتل سەرۆکێ مافێ مروڤی بیت، ل دووڤ چەندین پێزانینێن رۆژنامەڤانی ژی (سۆران عومەر) پەرلەمانتارێ کۆمەلا ئیسلامی ل پەرلەمانێ کوردستانێ و سەرۆکێ لژنا مافێن مروڤی یا پەرلەمانی، بریار دایە سکالایێ دژی سەرۆ قادری تۆمار بکەت، ل دۆر ڤێ چەندێ ژی دلشاد شەعبان پەرلەمانتارێ پارتی دبێژیت” من بەلگەیێن ھەین کو سۆران عومەر تیرۆرستە و ل دادگەھێ ژی دێ ڤێ چەندێ سەلمینم، چونکی بۆ من وەکو کورێ شەھیدەکی یا نەخوەشە د ئێک ھۆل دا ل گەل تیرۆرستەکێ روونم”.
دلشاد شەعبانی زێدەتر بۆ مالپەرێ فەرمیێ پارتی دیموکراتی کوردستان گوت” ئەز مژوولی بلندکرنا سکالایەکا قانوونی بووم ل سەر (سۆران عومەر) ژ بەر کو بادەکا تیرۆرێ یا ل سەر ھەی و من بەلگە و دێکیومێنت یێن ل سەر وی ھەین و بۆ من وەکو کورە شەھیدەکی گەلەک یا نەخوەشە د ئێک ھۆل ڤە ل گەل تیرۆرستەکێ روونم، بەلێ ژ بەر کو سەرۆ قادر ئەو بابەتە ل گەنالەکێ راگەھاندنێ دا بەحسکر کو مە فەرھەنگەک یا ھەی قەبوول دکەت سەربڕ و قاتل سەرۆکێ متفێ مرۆڤی بن، وی ژی سکالایا قانوونی یا ل سەر تۆمار کری، لەوما ئەز ب وان بەلگێن ل بەر دەستێ من و ب ھەموو ھێزا خوە پشتەڤانیا سەرۆ قادری دکەم کو ب سەلمینین ئەو کەسە تیرۆرستە”.
دلشادی خویاکر ژی” نابیت ئەو کەسە سەرۆکێ لیژنا مافێن مرۆڤی بیت ل پەرلەمانێ کوردستانێ و ل دادگەھێ ھند بەلگە یێن ل بەر دەستێ مە کو ب سەلمینن (سۆران عومەر) تیرۆرستە”.
یوسف محەمەد سەرۆکێ پەرلەمانێ کوردستانێ ل دۆر ڤێ چەندێ رۆھنکرنەک د پەیچێ خوە ل فیسبووکی بەلاڤکر و تێدا دبێژیت” ب پێدڤی دزانم داواکاری گشتی ب فەرمی ل دووڤ ڤێ پرسێ بچیت و ھەکە بەلگە ھەبیت کو (سۆران عومەر) تیرۆرستە ئەم ژی ل سەرۆکاتیا پەرلەمانی ب چو شێوەکی ڤێ قەبوول ناکەین و ھەکە تیرۆرست نەبیت، بلا ئەو پرسا ب دووماھی بھێت.
ئەڤرۆ نيوز:
پەیڤدارێ فراکسیۆنا پارتی دیموکراتی کوردستان ل پەرلەمانێ کوردستانێ راگەھاند، ھەتا نوکە چو بریارەکا فەرمی ل فراکسیۆنا پارتی نەھاتیە دان ل دۆر گوھۆرینا ھندەک پەرلەنتارێن فراکسیۆنێ.
سایتێ ھەفتیناما (زارێ کرمانجی) ل سەر زارێ چەند ژێدەرەکان بەلاڤکربوو ” ھندەک ئەندامێن پەرلەمانی ژ فراکسیۆنا پارتی نە ژ روویێ سیاسی و نە ژ روویێ قانوونی ڤە نەشیاینە رۆلێ خوەیێ پێدڤی ببینن، لەوما مافێ ھەر فراکسیۆنەکا پەرلەمانی یە ئەندامەکێ خوە یێ پەرلەمانی ڤەکێشیت و ل دووڤ لیستێ بەربژارەکێ دی کو دەنگێن پێدڤی نەئیناین ببەتە جھێ وی، ھژمارا وان ئەندامان ژی د ناڤبەرا ٧ ھەتا ١٠ کەسانە کو دبیت پارتی ژ پەرلەمانی ڤەکێشیت”.
محەمەد عەلی یاسین پەیڤدارێ فراکسیۆنا پارتی دیموکراتی کوردستان ل پەرلەمانێ کوردستانێ ئەڤ دەنگۆباسە ب نەراست ھژمارت و گوت” ھەموو وان دەنگوباسان رەت دکەین کو بەحس ل ئەنجامدانا گوھۆرینان ل فراکسیۆنا پارتی دکەن”.
ل دۆر پرسا گوھۆرینا سەرۆکێ فراکسیۆنا پارتی ژی ل پەرلەمانێ کوردستانێ، محەمەد عەلی یاسین گوت” ئەو ژی دوورە ژ راستیێ و ئومێد خوشناو سەرۆکێ فراکسیۆنا پارتی دێ ھەر د پۆستێ خوەدا مینیت”.
خویاکر ژی” ھەکە مەکتەبا سیاسی یا پارتی ھەر بریارەکێ بدەت بۆ ئەنجامدانا گوھۆرینێ دناڤ فراکسیۆنێ دا، ئەم دێ پابەندی وێ بریارێ بین”.
ل دۆر باشی و خرابیا رۆلێ پەرلەمانتاران ژی، گوت” ھەتا نوکە چو پیڤەرەک نینە تاکو خراب و باشیێن پەرلەمانتاری دیار بکەت”.
ئەڤرۆ نيوز:
قایمقامێ قەزا زاخۆ راگەھاند کو دەرگەھێ نێڤدەولەتیێ ئیبراھیم خەلیل ژ دەمژمێر ٦ سپێدێ ھەتا ٧ ئێڤاری دێ یێ ڤەکری بیت و ب شەڤ دێ یێ گرتی بیت.
خەلیل مەحموود بۆ مالپەرێ فەرمی یێ پارتی دیار کر کو دەرگەھێ نێڤدەولەتیێ ئیبراھیم خەلیل ژ لایێ تورکیا ڤە دھێتە داخستن و ڤەکرن و ئەو بڕیارا ڤێ چەندێ ددەن و حوکمەتا ھەرێما کوردستانێ چو پەیوەندی پێڤە نینە.
دو رۆژە دەرگەھێ سنووری یێ نێڤدەولەتیێ ئیبراھیم خەلیل ژ بەر وان ئالۆزیێن ل سلوپیا و جزیرێ د ناڤبەرا تورکیا و PKK دا پەیدا بوویە ھاتیە گرتن و دوھی وەک نەرازیبوون ل ھەمبەر ڤێ چەندێ شۆفێر و وەلاتیێن باکوورێ کوردستانێ خوەنیشادان ئەنجامدا.
ئەڤرۆ نيوز:
ئەڤرۆ سێیەم فلمە فیستەڤالا دھۆک یا نێڤدەولەتی ل دەمژمێر شەشی ئێڤاری ب پشکداریا 40 وەلاتان و مێھڤانداریا چەندین سینەماکارێن ناڤدارێن بیانی و ناڤخوەیی و ب ئامادەبوونا ھژمارەکا مەزن ژ سینەماکار و ھونەرمەند و ھونەر دوستان دێ ل ھۆلا کۆنگران ل دھۆکێ دەستپێکەت و ھەتا 16 ی ڤێ مەھێ دێ یا بەردەوام بیت و فلم دێ ل ھۆلا کۆنگران و ھەر سێ ھۆلێن سینەمایی یێن مازی مۆل ھێنە نیشادان.
ئه‌ڤرۆ نیوز: ڤه‌ده‌ر ره‌شاڤایی:
وێنه‌گره‌كا ڤیدیۆیان یا كه‌نالێ N1TV یێ هه‌نگاری دوو ژ هه‌موو ئه‌ته‌كێت و ره‌وشتێن رۆژنامه‌ڤانی په‌رپێكان دده‌ته به‌ر پێن كۆچبه‌ران لده‌مێ بزاڤ دكرین ژ پۆلیسێن ل كه‌مپا روزكێ یابه‌روه‌خت بره‌ڤن.
د ڤیدیۆیێ دا دیاردبیت زه‌لامه‌كی زارۆیه‌ك ل ملییه و بزاڤان دكه‌ت ژ پۆلیسان بره‌ڤیت لێ وێنه‌گرا ژن یا هه‌نگاری به‌رپێكه‌كێ دده‌ته به‌ر و زه‌لام ب زارۆك ڤه دكه‌ڤیت، هه‌روه‌سا د هنده‌ك ڤیدیۆیێن دی دا دیار بوویه كو پێنان ل كۆچبه‌ران دده‌ت. لدووڤ چه‌ند ژێده‌ران وی كه‌نالی ئێكسه‌ر پشتی ڤێ روودانێ ئه‌و ژن ژ كارێ وێ كرییه ده‌ر.
ئه‌ڤرۆ نیوز: ڤه‌ده‌ر ره‌شاڤایی:
پشتی هێزێن پێشمه‌رگه كه‌فیته به‌ر هێرشێن كیمیاوی یێن داعش، جڤاكا نێڤده‌وله‌تی بزاڤا خوه بۆ دابینكرنا ئالاڤێن پاراستنا ژ هێرشێن چه‌كێ كیمیاوی بۆ هێزێن پێشمه‌رگه ده‌ستپێكر.
وه‌زاره‌تا پێشمه‌رگه ئاشكرا كر كو هه‌ڤپه‌یمانیا نێڤده‌وله‌تییا دژی داعش رازیبوویه لسه‌ر هنارتنا پتر یا چه‌كی بۆ پَشمه‌رگێ كوردستانێ زێده‌باری ئالاڤێن خوه پاراستنێ ژ هێرشێن چه‌كێ كیمیاوی.
ئه‌ڤرۆ نیوز: ڤه‌ده‌ر ره‌شاڤایی:
میدیا توركی ژ وان ژی كه‌نالێ CNN Turk دیاركر كو له‌شكه‌رێ توركیا بۆ ئه‌نجامدانا ئۆپه‌راسیۆنه‌كا ده‌م كورت سنۆرێ هه‌رێما كوردستانێ به‌زاند . چه‌ند دیده‌ڤانان وه‌سا خویا كر كو ل نێزیك زاخۆ له‌شكه‌رێ توركیا سه‌ربازێن زه‌مینی بۆ ده‌مه‌كێ گه‌له‌ك كورت هنارتنه ناڤ ئاخا هه‌رێما كوردستانێ لێ پاشی پاشڤه زڤرین.
ئه‌ڤ تێكه‌ڤتنه ژ ئه‌نجامێ راهێلانه‌كا گه‌رم بوو لدووڤ ئه‌و شه‌رڤانێن په‌كه‌كێ یێن 16 سه‌ربازێن تورك كوشتی.
پشتی شڤێدی 7 ئیلۆنێ توركیا ب 53 فرۆكه‌یان هێرش لسه‌ر بنگه‌هێن په‌كه‌كێ ل هه‌رێما كوردستانێ كری، ئه‌ڤرۆ په‌كه‌كێ ب رێیا په‌قاندنا بۆمبه‌كێ 14 پۆلیسێن تورك ل باكۆرێ كوردستانێ كوشتن.
ئه‌ڤرۆ نیوز:
ئه‌ڤرۆ ئه‌نجامێن ئه‌زموونێن پۆلا 12 خولا دویێ هاتنه راگه‌هاندن، هوون دشێن بۆ دیتنا ئه‌نجامان سه‌را مالپه‌رێ ئه‌زموون بكه‌ن ب رێیا ڤى لینكى.
نيشاندان