ئه‌ڤرۆ نيوز:
وەسەن ئیسماعیل کچا کوردا رۆژئاڤایێ کوردستانێ کو ل فارقینێ ژدایک بوویە، پاشان قەستا شامێ کریە و ل وێرێ ژیانا خوە بۆراندیە و بەردەوامیێ ب خواندنا خوە دایە ل پشکا یاسایێ، لێ ژ ئەگەرێ ئالۆزیێن شەری نەچار دبن پەنابەری وەلاتێ تورکیا دبن و نەشیا خواندنا خوە ژی بەردەوامییێ بدەتێ.
ناڤھاتیێ وەکو سترانبێژ و ئەکتەر چەندین بەرھەمێن بەلاڤکری ھەنە، دھەمان دەم دا پشکداری د چەندین زنجیرێن تەلەفزیۆنی داکریە، ژوانا زنجیرا (جان) کو رۆلێ سەرەکی گێڕایە.
ناڤھاتیێ دیارکر دەمێ ئەو زارۆ گوھداریا مۆزیکێ وسترانان دکر و گۆت: پشتی چویمە دناڤا کارێن ھونەری دا وەک ستران گۆتن و ئەکتەری گەلەک کەس و کارێن نێزیکی مالباتا مە ئاستەنگ بۆ من پەیدا دکرن، لێ باب و برایێن من پشتەڤانێن سەرەکی بوون، ژبەر ھندێ من شیا وێ خەونا من دڤێت ب دەست خوەڤە بینم.
ناڤھاتی کو د زنجیرا (جان) دا پتر ھاتیە نیاسین و ب کەسایەتیا نایلا ل گەل ھونەرمەند بەردان ماردینی راببوو، لێ ژبەرکو نە خەلکا تورکیا بوو نەشیا بەردەوامیێ ب پشکا دویێ بدەت، ژبەر وەرگرتنا ئاکنجیبوونی بۆ نەھاتە نویکرن.
دووڤدا دیارکر نوکە ئەو مژوولی کارەکێ نوو یێ ھونەری یە ب شێوەیەکێ کۆمیدی، و گۆت مادەم ئەکتەرم ھەر رۆلەکێ بدەنە من ئەز یا رازیمە.
دەربارەیێ عەشقێ گۆت: نوکە دژیانا مندا عەشق نینە و ھوون و ئەز دشێم بێژم دلێ من یێ ڤالایە، لێ عەشقا من بۆ ھەموو جیھانێ مرۆڤایەتی یە.
ئەڤرۆ نیوز:
ئەندامەکێ مەکتەبا سیاسی یا ئێکەتی نیشتمانی کوردستان راگەھاند، نابیت کۆمبوون ب تنێ ژ پێناڤی کۆمبوونێ بھێتە کرن و ئاشکراکر کو کۆمبوونا داھاتی یا پێنج حزبێن سەرەکی دێ ئەنجام بۆ ھەبن.
دوھی ٧ ێ ئیلۆنا ٢٠١٥ ێ نێچیرڤان بارزانی سەرۆکێ حوکمەتا ھەرێما کوردستانێ و سەرۆکێ شاندێ دانوستاندکارێ پارتی دیموکراتی کوردستان راگەھاندبوو” کۆمبوونێن لایەنێن سیاسی دبەردەوامن و ھیڤیدارین د کۆمبوونا ١٣ ێ ڤێ مەھێ بگەھینە ئەنجامەکی”.
سەعدی ئەحمەد پیرە ئەندامێ مەکتەبا سیاسی یا ئێکەتی نیشتمانی کوردستان و ئەندامێ شاندێ دانوستاندنکارێ ئێکەتیێ د داخۆیانیەکێ دا بۆ باسنیۆز گوت” د ھەموو کۆمبوونان دا ھیڤیەک یا ھەی ئەوژی کۆمبوون ل پێناڤی کۆمبوونێ نەبیت، لەوما مە ئومێد یا ھەی ل رۆژا ١٣ ێ ڤێ مەھێ بگەھینە رێککەفتنێ”.
گوت ژی” د کۆمبوونێن گرتی یێن لایەنێن سیاسی دا پرسا پرۆژێن نوو و گوھۆرینێن ل سەر وێ پرسێ دھێنە بەرچاڤکرن و بریارە ل رۆژا ١٣ ڤێ مەھێ جارەکادی پارتی و ئێکەتی و گۆڕان و کۆمەل و ئێکگرتوو کۆمبوونەکا دی ل سەر پرسا سەرۆکاتیا ھەرێما کوردستانێ ئەنجام بدەن “.
مەحمود محەمەد ئەندامێ مەکتەبا سیاسی یا پارتی دیموکراتی کوردستان و ئەندامێ شاندێ دانوستاندکارێ پارتی بۆ دەنگێ ئەمریکا گوتبوو” ئێکگرتوویا ئیسلامی پرۆژە چارەیەک بۆ پرسا سەرۆکاتیا ھەرێما کوردستانێ یێ ھەی و ئێکەتی نیشتمانی کوردستان ژی ئەو پرۆژە پێ باشە وپێدڤیە ئەم ھەموو ب جۆرەکی ب چارەسەریێ رازی ببین کو دادی تێدا بیت”.
ئه‌ڤرۆ نيوز:
تیما تەپا پێ یا زێرەڤانی نەشیا ژ سنورێن ھەرێما کوردستانێ دەرباز بیت بەر ب تورکیا بچیت بۆ دانانا کەمپەکێ راھێنانێ پشتی خالا سنوری یا ئیبراھیم خەلیل ژلایێ تورکیا ڤە ھاتیە داخستن.
د ڤی چارچوڤەی دا قەیس ئسماعیل ژ راگەھاندنا یانا زێرەڤانی دیارکر بەری دو رۆژان ب مەرەما دانانا کەمپەکێ راھێنانێ بۆ تیما تەپا پێ ل وەلاتێ تورکیا بەر ب وی وەلاتی چون، لێ ژ نشکەکێ ڤە ھاتنە ئاگەھدارکرن کو نەشێن ژ خالا سنوری یا ئیبراھیم خەلیل دەربازبن ژبەر تێکچونا بارێ ئێمناھی یێ باژێرێ سلوپی کو بویە ئەگەر ئەڤ خالە بھێتە داخستن، لەورا نەچاربون ڤەگەرنە پارێزگەھا دھۆکێ ڤە و ئەڤ کەمپە بۆ ماوەکێ دی ھێتە پاشخستن.
ل دووماھیێ ناڤبری دیارکر دبیت ئەڤ کەمپە بۆ پشتی جەژنا قوربانێ بھێتە پاشخستن ھەکە بارودوخ ئارام بوو.
ئه‌ڤرۆ نيوز:
بڕیارە ل ڕۆژێن داھاتی پەرلەمانێ کوردستانێ کۆمبوونەکا ئاسایی یا تایبەت ب کۆچا خەلکێ کوردستانێ بۆ دەرڤە ئەنجام بدەت و ئەندامەکێ لیژنا پەیوەندیێن دەرڤە ژی دبێژیت، د کۆمبوونا پەرلەمانی دا چەندین بڕیارێن گرنگ بۆ رێگری کرنێ ل چوونا خەلکی بۆ دەرڤە دێ ھێنەدان و پێدڤیە حوکمەت کار بۆ رێگری کرنێ ل کۆچا نە قانوونی بگریت.
مەحموود عومەر، ئەندامێ لیژنا پەیوەندی و رەڤەندا کوردستانی ل پەرلەمانێ کوردستانێ بۆ رۆژناما ئەڤرۆ گۆت” پەرلەمانێ کوردستانێ یێ بێ دەنگ نینە ل ھەمبەر کۆچا ڤێ ھژمارا مەزن یا وەلاتیێن ھەرێما کوردستانێ و ھژمارەکا ئەندامێن پەرلەمانی مژوولی ڤەکۆلینێ نە ژ کۆچا خەلکێ کوردستانێ بۆ دەرڤە و سەرۆکێ پەرلەمانی ژی بڕیار یا دای ل ڕۆژێن داھاتی کۆمبوونەکا تایبەت یا پەرلەمانی دێ ل دۆر ئەڤێ کۆچێ ب رێڤەچیت، کۆچ دیاردەیەکا جیھانیە و ل کەڤندا ھەبوویە، بەلێ ئەڤ کۆچا نوکە ل ھەرێما کوردستانێ دەستپێکری رەھەندێن خوە یێن ھەین و تشتەکێ مەترسیدارە، ئەم بێ دەنگ نابین ھەمبەر ڤێ کۆچێ و د کۆمبوونا پەرلەمانی دا دێ ھووردەکاریێن چوونا وەلاتیان بۆ دەرڤە ھێنە دیارکرن و پەرلەمان دێ بڕیارێ ل سەر دەت، ئەم ھەموو ژی دزانین ئەگەرێن چوونا خەلکی بۆ دەرڤە چنە و نابیت پەرلەمان و حوکمەت تنێ وەکی خەلکێ ئاسایی ھزر بکەن کو خەلک یێ دچیتە دەرڤە و ڤێ دیاردێ پێدڤی ب بڕیارێن گرنگ یا ھەی”.
مەحموودی گۆت ژی” ئێک ژ شاشیێن حوکمەتا ھەرێما کوردستانێ ل سالێن بۆری ئەوبوو، پشتی نەمانا رژێما سەدام حسێنی، ب ھزاران وەلاتیێن ھەرێما کوردستانێ ل دەرڤە ڤەگەڕیاینە ھەرێما کوردستانێ ھەتا ب ئازادی بژین و بشێن کارەکی بکەن، فیدڕاسیۆنێن پەنابەران و لایەنێن پەیوەندیدار چەندین کۆمبوون ل دەرڤە ئەنجامداینە، کو ل شوینا خەلک بچیتە دەرڤەی وەلاتی، ڤەگەڕن بۆ ھەرێما کوردستانێ، حوکمەتا ھەرێمێ یا خەمسار بوویە و نەشیایە وەک پێدڤی کار ل سەر ڤێ چەندێ بکەت، لەوما پشتی گرێدانا کۆمبوونا پەرلەمانی دێ بڕیارەک ل دۆر رێگریکرنێ ل ڤێ کۆچا نە قانوونی ھێتەدان، ژوان پەیداکرنا کاری بۆ وەلاتیێن ھەرێما کوردستانێ و بڕیارێن دێ ھێنەدان دێ کەینە پرۆژە قانوون”.
ئه‌ڤرۆ نیوز: ڤه‌ده‌ر ره‌شاڤایی:
په‌یڤدارێ وه‌زاره‌تا به‌ره‌ڤانییا ئیراقێ خویاكر كو كاروانێ خالد عوبێدی وه‌زیرێ به‌ره‌ڤانییا ئیراقێ كه‌ڤته هێرشا نیشانگره‌كی لێ عوبێدی بسلامه‌تی ژ هێرشێ رزگاربوو.
هێرش ل رۆژئاڤا بێجی لسه‌ر عوێدی هاته كرن و زێره‌ڤانه‌كێ وی بریندار بوو ، هه‌یا نها چ ئالییه‌كی به‌رپرساتییا خوه ژ هیرشێ دیار نه‌كرییه.
ئه‌ڤرۆ نیۆز، قائید میرۆ
تیرۆرستیێن داعش ب تۆمه‌تا سیخۆریكرنێ بۆ ده‌زگه‌هێن ئه‌منیێن عێراقێ په‌یڤدارێ ویلایه‌تا نه‌ینه‌وا گوله بارانكرن.
غه‌یاس سورچی، په‌یڤدارێ ئێكه‌تی نیشتیمانی كوردستان ل نه‌ینه‌وا ب ئه‌ڤرۆ نیۆز راگه‌هاند” تیرۆرستێن داعش ل سه‌نته‌رێ باژێڕێ سه‌ركرده‌یه‌كێ خوه بناڤێ عومه‌ر فه‌واز به‌رپرسێ راگه‌هاندنا ویلایه‌تا نه‌ینه‌وا گولله بارانكرن دناڤا سه‌ركردایه‌تیا ئۆپه‌ڕاسیۆنێن نه‌ینه‌وا ئه‌وژی ب تۆمه‌تا سیخۆریكرنێ بۆ ده‌زگه‌هێن ئه‌منیێن عێراقێ.
سورچی گۆتژی” هه‌ر ل مووسل هژماره‌كا چه‌كدارێن نه‌نیاس به‌رپرسه‌كێ دیكه‌یێ داعش بناڤێ ئه‌بو هاجه‌ر به‌رپرسێ گه‌ڕیێن چه‌كدارێن داعش لناڤا سه‌نته‌رێ قه‌زا حه‌مدانیه كوشتن و به‌ره‌ف جهه‌كێ نه‌دیار ره‌ڤین.
ئه‌ڤرو نیوز ، بارزان مزوورى
راید فیراس یاسین، به‌رپرسێ به‌شێ راگه‌هاندنا رێڤه‌به‌ریا به‌ره‌ڤانیا باژێرێ ئاكرێ بۆ مالپه‌رێ ئه‌ڤرو نیوز دیار كر كو ل مه‌غره‌بیا روژا ئێك شه‌مبى ده‌مژمێر 6 مه‌غره‌ب 6/9 ل تاخێ 11 ئه‌یلولێ ناڤ باژێرێ ئاكرێ كه‌سه‌كى زاروكێن خوه كربوونه دناڤ مه‌له‌ڤانگه‌هێن بچیك دا ییێن دناڤ مالدا ده‌مێ هه‌وا دهێت وایرێ كه‌هره‌بێ دپرچیت شورته‌ك دروست بیت مه‌له‌ڤانگه‌هـ هه‌مى دبیته كه‌هره‌ب هه‌ردو ژوانا گیانێ خو ژ ده‌ست ده‌ن ،
ناڤهاتی دیار كر كو ته‌رمێن هه‌ردوویان هاتن ڤه‌گوهاستن بو نوژداریا داد ئاكرێ ئێك ژوان كچه ناڤێ وێ ب پیتا “م ،ا،ح” ژیێ وێ 4 ساله و یێ دى ناڤێ وى ب پیتا”ن،م،ح” ژیى وى 9 ساله ،
ناڤبرى زێده‌تر گوت كو ته‌رمێن هه‌ردویان بو ناحیا دینارته هاتن ڤه‌گوهاستن ل گورستانا دینارته هاتن ڤه‌شارتن .
ئه‌ڤرۆ نیوز: ڤه‌ده‌ر ره‌شاڤایی:
تیمه‌ك ژ پسپۆرێن حكومه‌تا ئیراقێ دێ گه‌هنه هه‌رێما كوردستانێ بمه‌ره‌ما كرنا لێكۆلینان لسه‌ر وێ یه‌كێ كو تیرۆرستێن داعش چه‌كێ گازا كیمیاوی د هێرشێن خوه دا بۆ سه‌ر هێزێن پێشمه‌رگه‌یێ كوردستانێ بكارئینایه.
ژێده‌ره‌كێ ژ حكومه‌تا ئیراقێ دا خویاكرن كو ل سالا 2003 ێ هه‌تا نها نه‌هاتیه زانین كو چه‌كێ كیمیاوی د شه‌ران دا ئیراقێ دا هاتبیته بكارئینان، له‌ورا هه‌كه‌ر ئه‌ڤ یه‌ك راست بیت، دێ رامانا وێ ئه‌و بیت دێ وه‌سا خویابیت كو تیرۆرستێن داعش چه‌كه‌كێ نوو بده‌ست كه‌ڤتیه د ڤی شه‌رێ ده‌ڤه‌ر نه ئارام كری.
سێ هێرشێن كیمیاوی ژ ئالیێ داعش ڤه بۆ سه‌ر پێشمه‌رگه د ئه‌ڤ ساله دا برێیا گوله هاونان هاتینه كرن و ژ ئالیێ حكومه‌تا هه‌رێما كوردستانێ ڤه هاتینه تۆماركرن.
نيشاندان