ئەڤڕۆ نیوز،زنار تۆڤی:
ئەڤرۆ رۆژا دوشەمبی وەزارەتا سامانێن سرۆشتی یا حوکمەتا هەرێما کوردستانێ راگەهاند،کو دێ دەست ب پێدانا پارێن کۆمپانیێن نەفتێ ل کوردستانێ هێتەکرن و کو دێ کۆمپانیا دی ئێن ئۆ گۆژمێ 30 ملیۆن دۆلاران وەرگریت و هەروەسا کۆمپانیا گەنەل ئێنێرجی ژی دێ 30 ملیۆن دۆلاران وەک مۆستەحەقاتێن خوە وەرگریت،دیارکریە ژی،کو کۆمپانیا گۆل کێستون دێ 15 ملیۆن دۆلاڕان وەرگڕیت،وەک موستەحەقاتێن وان کۆمپانیان ئەڤ برە پێ هاتیەدان
ئه‌ڤرۆ نیوز،زنار تۆڤى:
سه‌رۆكێ فرنسا فرانسۆا هۆلاند ئه‌ڤرۆ د پرێس كۆنفرانسه‌كى دا ل پاریسا پایته‌ختێ فرنسا دیاركر: تیرۆر ئه‌گه‌ره‌كێ سه‌ره‌كیێ كۆچبه‌رانه كو خه‌لك ل سه‌ر جه و وارێن خوه ده‌ربكه‌ڤن و كۆچبه‌ر ببن .
گۆت ژى: د دو سالێن بهێن دا فرنسا دێ 24 هزار په‌نابه‌ران وه‌رگریت.
هه‌روه‌سا سه‌رۆكێ فرنسا خویاكر:مه پێشنیاز كریه كونفرانسه‌كێ سه‌باره‌ت ب كێشه‌یا كۆچكرنا په‌نابه‌ران ل پاریس ل هه‌یڤا 11 ل پاریسێ ببه‌ستین،له‌ورا داخوازا مافێ په‌نابه‌ریێ بنه‌مایه‌كێ سه‌ره‌كیه فرنسایه و هه‌رده‌م مه خوه ل كێشێن په‌نابه‌ران كریه خۆدان و ده‌ستێ هاریكاریێ بۆ وان درێژكریه.
ئه‌ڤرۆ نیوز،زنار تۆڤى:
ئه‌ڤرۆ رۆژا دوشه‌مبى نێچیرڤان بارزانى سه‌رۆكێ حوكمه‌تا هه‌رێما كوردستانێ د پرێس كۆنفرانسه‌كى دا سه‌باره‌ت چه‌ندین كێشه‌یان به‌رسڤا رۆژنامه‌ڤانان دا و تێدا دیاركر:ئارمانجا مه برینا مووچێ چ فه‌رمانبه‌ران نینه ل هه‌رێما كوردستانێ.
هه‌روه‌سا ده‌رباره‌ى مووچێ كارمه‌ندێن رێڤه‌به‌ریا رێكخراوێن سلێمانیێ گۆت:وان پشتراست دكه‌ین كو مووچه‌یێ وان تێناچیت.
سه‌باره‌ت پرسا سه‌رۆكاتیا هه‌رێما كوردستانێ بێچیرڤانى دیاركر:مه دڤێت ب گفتوگۆ پرسا سه‌رۆكاتیا هه‌رێمێ چاره بكه‌ین و هیڤیدارین د كۆمبوونا 13 ئیلۆنێ ل رۆژا ئێكشه‌مبى بگه‌هینه ئه‌نجامه‌كى ل سه‌ر پرسا سه‌رۆكاتیا هه‌رێما كوردستانێ.
ئه‌ڤرۆ نیوز،زنار تۆڤى:
ئه‌ڤرۆ رۆژا دوشه‌مبى ل هه‌ولێرا پایته‌خت وه‌زاره‌تا كار و كاروبارێن كۆمه‌لایه‌تى و ب هه‌ڤكاریا وه‌زاره‌تا پلاندانانێ و بهاریكاریا رێكخراوا(یوساید) د رێو رسمه‌كێ دا سیسته‌مێ ئه‌لكیترۆنیێ تۆرا پاراستنا جڤاكى ل هه‌رێمێ كه‌فته د قوناغا بجهئینانێ دا و درێوره‌سمێن ڤه‌كرنا ڤى سیسته‌مى دا سه‌رۆكێ حوكمه‌تا هه‌رێمێ نێچیرڤان بارزانى د په‌یڤه‌كێ دا دیاركر:ئه‌م چاڤه‌رێینه كو ئه‌ڤ سیسته‌مه دادپه‌روه‌ریێ ل تۆرا جڤاكى درۆست بكه‌ت،ب ڤى پروژه‌ى ئه‌م دشێین چاكسازیان ئه‌نجام بده‌ین،له‌ورا چاكسازى هنده‌یا ب ساناهى نینه كو ب بریاره‌كا حوكمه‌تێ یان گۆتاره‌كا رۆژنامه‌ڤانى بهێته‌كرن،لێ مه باوه‌رى ب چاكسازیێ هه‌یه و كاره‌كێ جددى بۆ دكه‌ین،هه‌روه‌سا گۆت ژى:ئارمانج ژ وێ تۆرێ په‌ره‌پێدانا سیسته‌مێ كارگێریه ل كوردستانێ،ب ڤه‌كرنا ڤى سیسته‌مى ئه‌م دشێین رێگریێ بكه‌ین ژ وان یێن كو ب خرابى هاریكاریان ژ حوكمه‌تێ وه‌ردگرن،هه‌روه‌سا نێچیرڤانى خویاكر ژى:ده‌ستخۆشیێ ل هه‌ماهه‌نگیا وان لایه‌نان دكه‌ین،كو شیاینه ڤى سیسته‌مى بگه‌هیننه ئه‌ڤرۆ،هه‌روه‌سا چاكسازیا راسته‌قینه ئه‌و چاكسازیه،كو ژ بوونا چاكسازیێ بهێته‌كرن.
ئه‌ڤرۆ نیوز: ڤه‌ده‌ر ره‌شاڤایی:
پشتی وی ده‌نگوویێ كو دگۆت وه‌زیرێ دارایێ هه‌رێما كوردستانێ دڤییا پارێ نه‌فتا فرۆشتی ل بانكا هالك یا توركی بئێخیته سه‌ر حسابا وه‌زاره‌تا دارایی لێ چ پاره تێدا نه‌بوون، لدۆر ڤێ یه‌كێ دلشاد شه‌عبان جێگرێ سه‌رۆكێ لژنا سامانێن سرۆشتی ل په‌رله‌مانێ هه‌رێما كوردستانێ دبێژیت: هه‌رێما كوردستانێ پێتڤی ب پاره‌یه هه‌یه بۆ دانا موچه‌یان ئه‌ڤجا چ پێدڤییا وێ ب وێ یه‌كێ نینه پاره د بانكان دا هه‌بیت و هه‌ر كۆژمه‌كێ دهێته هه‌ریما كوردستانێ، حكومه‌ت راسته‌وخۆ مووچه‌یێن فه‌رمانبه‌ران پێ پارڤه دكه‌ت .
دلشاد شه‌عبان گۆت ژى : جهێ پرسیارێ یه هه‌كه‌ر ئێكێ پاره ل بانكێ هه‌بیت و پێدڤی پێ هه‌بیت دێ چیت پاران ژ بانكێ ده‌رێخیت یان دێ قه‌ران كه‌ت، له‌ورا ئه‌ڤ ده‌نگوویه بۆ به‌رزه‌كرنا راستیێ یه ژبه‌ركو هه‌رچ وه‌جبا پارێ نه‌فتێ دهێت ئێكسه‌ر دچیته سه‌ر حسابا وه‌زاره‌تا دارایی.
“هه‌كه‌ر پارێ نه‌فتا فرۆشتی یێن دو مه‌هێن بۆری یێ دیار نه‌بیت ل وی ده‌می مافێ وانه داخازا رۆنكرنێ بكه‌ن. “
ئه‌ڤرۆ نیۆز، قائید میرۆ
ب ئه‌گه‌رێ بۆردومانكرنا ترۆمبێله‌كا چه‌كدارێن تیرۆرستێن داعش ل نێزیك قه‌زا شه‌رگات دو سه‌ركرده‌یێن داعش و پێنج چه‌كدارێن دی هاتنه كوشتن.
ژێده‌ره‌كێ ئاگه‌هدار ب ئه‌ڤرۆ نیۆز راگه‌هاند” فڕۆكه‌یێن هه‌ڤپه‌یمانان ل نێزیك قه‌زا شه‌رگات یا باشورێ باژێڕێ مووسل ترۆمبێله‌كا جۆرێ كیا یا چه‌كدارێن داعش كره ئارمانج و د ئه‌نجامدا مه‌یسه‌م مه‌حه‌مه‌د ئیبراهیم به‌رپرسێ په‌یوه‌ندیێن ناڤبه‌را ویلایه‌تیا نه‌ینه‌وا و سه‌لاحه‌ددین هاته كوشتن.
ژێده‌ری گۆتژی” هه‌ر ئه‌نجامێ ئه‌ڤێ بۆردومانێ سه‌ركرده‌یه‌كێ یێ داعش بناڤێ عه‌بدولا ئه‌لره‌جوه و پێنج چه‌كدارێن دیژی هاتنه كوشتن و ترۆمبێلا گروپا تیرۆرستی بته‌مامی هاته ژناڤبرن.
ئه‌ڤرۆ نیوز: ڤه‌ده‌ر ره‌شاڤایی:
مالپه‌رێ فه‌رمیێ وه‌زاره‌تا به‌ره‌ڤانییا ئیراقێ ئه‌ڤرۆ رۆژا ئێكشه‌مبی 6 مه‌هێ كه‌فته به‌ر هێرشه‌كا هاككرنێ و د ئه‌نجامدا ب درێژییا ده‌مه‌كێ بتنێ وێنێن سه‌ربازێن ئه‌مریكی و ئالاڤێن وان لسه‌ر مالپه‌ری دیاربوون.
هه‌تا نها وه‌زاره‌تا به‌ره‌ڤانیێ چ داخویانی لسه‌ر هاككرنی و كه‌ڤتنه ناڤا سه‌ركه‌فتی یا ناڤ مالپه‌رێ وه‌زارتێ نه‌داینه.
ئه‌ڤرۆ نیۆز، قائید میرۆ
ده‌سته‌یا سه‌بخۆ یا مافێ مرۆڤی ره‌تكر چو وه‌لاتیيه‌كێ پارێزگه‌ها دهۆكێ هاتبیته ره‌ڤاندن و ئاشكراكر، سازیێن ئه‌منی چو كه‌سه‌ك بناڤێ چالاكڤانێ مه‌ده‌نی ده‌سته‌سه‌رنه‌كریه.
مه‌حه‌مه‌د گومه‌شینی، په‌یڤدارێ ده‌سته‌یا مافێ مرۆڤی ل هه‌رێما كوردستانێ بۆ ئه‌ڤرۆ نیۆز راگه‌هاند” پشتی به‌لافبوونا نوچه‌یێ ره‌ڤاندنا وه‌لاتیه‌كێ باژێرێ دهۆكێ، ده‌سته‌یا سه‌ربخوه یا مافێ مرۆڤی دووڤچوون بۆڤێ پرسێ كریه، و ده‌ركه‌فتیه ل رۆژا پێنج شه‌مبیا بۆری وه‌ره چالاكڤانه‌كێ مه‌ده‌نی بناڤێ هه‌ژار موسی یێ به‌رزه‌یه و ژلایێ چو ده‌زگه‌هه‌كێ ئه‌منی نه‌هاتیه ده‌سته‌سه‌ركرن.
گومه‌شینی دیاركر، ده‌سته‌یێ په‌یوه‌ندی ب برایێ هه‌ژار موسی كریه و ئه‌ڤ چه‌نده پشتڕاستكریه وانا چو چاریشه نینه و برایێ وان نه‌هاتیه ره‌ڤاندن تنێ ئه‌ڤه چه‌ند رۆژه ڤه‌نه‌گه‌ڕیایه مالا خوه و یێ به‌رزه‌یه.
ئه‌ڤرو نیوز: بارزان مزوورى:
عصمت ره‌جه‌ب، به‌رپرسێ لقا 14 مووسل بو مالپه‌رێ ئه‌ڤرو نیوز ئاشكرا كر كو ئه‌ڤرو 6 ئه‌یلولێ 2015، تیرورستێن داعش دوو رێكخستیێن خو یێن كورد گوله باران كرن ل ده‌ڤه‌را شه‌لالات ل نێزیك خورسه‌بات و ناوه‌ران ژبه‌ر كو خیانه‌ت ل وان كربوو پێزانین دگه‌هاندنه هێزێن ئیمناهیێ.
ناڤبرى دیار كر كو هه‌ر د هه‌مان روژدا هنده‌ك چه‌كدارێن نه‌نیاس هێرش كریه سه‌ر باره‌گایێ “خه‌نسا ” یێ ئافره‌تێن داعش ل ده‌ڤه‌را مووسلا نوى د ئه‌نجام دا شه‌ش چه‌كدارێن ئافره‌ت یێن ژن دهێنه كوشتن، ژلایه‌كێ دى ڤه دهه‌مان روژدا سه‌ركرده‌كێ داعش بناڤێ “ئه‌بو ئه‌نه‌س” ژنه‌ك ل ده‌ف خو ده‌سته‌سه‌ركر بو ژبو كارێ ” نیكاح ” ئه‌ڤه سێ هه‌یڤه ئه‌و ژن ل ده‌ف وى ده‌سته‌سه‌ركرى ئه‌ڤرو سپێدێ وێ ژنێ ئه‌و زه‌لام ئه‌بو ئه‌نه‌س ب چه‌كێ وى ڤه دناڤ مالا ویدا ل ده‌ڤه‌را تل رمان مووسل كوشتیه.
ناڤبرى گوت ژى كو دهه‌مان روژا هنده‌ك چه‌كدارێن نه‌نیاس هێرشه كره سه‌ر باره‌گایه‌كێ ل بازارێ كرین و فروتنا په‌زى ل ناڤ سه‌نته‌رێ مووسل د ئه‌نجام دا سێ داعش دهێنه كوشتن و سه‌ركرده‌یه‌كێ داعش بناڤێ “واسق خه‌لیل ئه‌حمه‌د ” به‌رپرسێ زالگه‌هێن ناڤ سه‌نته‌رێ مووسل دگه‌ل دوو هاریكارێن وى ژلایێ چه‌كدارێن نه‌یاس ڤه دهێنه كوشتن.
ئه‌ڤرۆ نیوز، ره‌وان نهێلى
عه‌بدولسه‌مه‌د تێلى به‌رپرسێ لژنا سوته‌مه‌نى و پیشه‌سازى ل ئه‌نجوومه‌نێ پارێزگه‌ها دهۆك بۆ ئه‌ڤر نیوز دیاركر كو پارێزگه‌ها دهۆكێ یه‌ده‌كێ پانزینێ بۆ پتر ژ دو حه‌فتیان یێ هه‌ى و گۆت” خه‌لكێ خوه پشتراست دكه‌ین كو چ قه‌یرانێن پانزینێ دروست نه‌بووینه و ئه‌و سرا چێبووى ل پانزینخانا خه‌لكى چێكریه، ژبه‌ر كو خه‌لك ژبه‌ر گرتنا ده‌رگه‌هێ ئیبراهیم خه‌لیل ترسیایه و قه‌ستا پانزینخانا كریه و بوویه سرا”.
دوهى ده‌مژمێر 6 ئێڤارى ده‌رگه‌هێ ئیبراهیم خه‌لیل هاتبوو گرتن و ئه‌ڤرۆ ل ده‌مژمێر 1 و نیڤى نیڤرۆ ده‌رگه‌ه هاته ڤه‌كرن ڤه.
پێشتر یوسف نورى رێڤەبەرێ بەلاڤکرنا بەرھەمێن گازێ ل پارێزگەھا دھۆکێ بۆ ئەڤرۆ نیوز دیارکر کو ئەڤرۆ کە ژی بەھرا پارێزگەھا دھۆکێ ب دروستاھی یا گەھشتی و چوو ئاریشە نین و رۆژانە پانزینا پێدڤى دگەھیتە پارێزگەھا دھۆکێ.
نيشاندان