ئه‌ڤرۆ نیوز:
رۆژناما ئاس یا ئسپانى ب ئینفوگرافه‌كێ هه‌ڤبه‌ریه‌ك كریه ل سه‌ر ئاست و سه‌ركه‌فتنێن ریال مه‌درید ل ده‌مێ یاریكرنا گارێس به‌یل و ل ده‌مێ یارینه‌كرنا وى و د ئاماران دا ده‌ركه‌فتیه بێى بێل ریال 7 یارى ئه‌نجامداینه و هه‌میا سه‌ركه‌فتى یه و ب پشكداریا بێل 43 یارى كرینه و 30 یاریان سه‌ركه‌فتى یه ل گه‌ل 4 وه‌كهه‌ڤیا و 9 شكه‌ستنا، ئانكو رێژا سه‌ركه‌فتنێ بێى بێل دگه‌هیته 100% ، به‌لێ ل ده‌مێ ئاماده‌بوونا بێل دگه‌هته 70% ێ.
ئه‌ڤرۆ نیوز:
ئێكه‌تیا ته‌پا پێ یا ئوروپا ژڤانێ تیروپشكا یاریێن به‌رێ دووماهیێ یا چامپیۆنزلیگ دیاركر كو بریاره رۆژا ئه‌ینیا بهێت ل ده‌مژمێر 1 نیڤرۆ ل دویڤ ده‌مێ كوردستانێ بهێته راكێشان.
به‌رشه‌لونیا یا ئیسپانی ، بایەرن میونشن یا ئەڵمانی ، ریال مەدرید یا ئیسپانی و یوڤێنتۆسی یا ئیتاڵی ل سەر حسابا یانێن پاریس سان جێرمان و پۆرتۆ و ئەتلەتیكۆ مەدرید و مۆناكۆ خوه گەهاندنه قۆناخا چوارگۆشا زێرین.
ئه‌ڤرۆ نیوز:
ژێده‌رێن ئێمناهیێ یێن عیراقێ رادگه‌هینن كو د كریارێن ئێمناهیێ دا ل ده‌وروبه‌رێن كومه‌لگه‌هێن حكومى ل باژێرێ رومادى، 12 چه‌كدارێن داعش هاتینه كوشتن كو هه‌موو خوه‌كوژ بوون.
ژێده‌رى ئاماژه ب وێ یه‌كێ كریه كو یه‌كه‌یه‌كا سه‌ر ب هێزێن تایبه‌ت ل گه‌ل 12 چه‌كدارێن خوه‌كوژ ل ده‌وروبه‌رێن كومه‌لگه‌هێن حكومى ل رومادى ب دژوارى ب شه‌رچووینه و پشتى شه‌رى چه‌ند ده‌مژمێران ڤه‌كێشاى، ئه‌و چه‌كدار هاتینه دورپێچ كرن و هه‌موو هاتینه كوشتن.
ئه‌ڤرۆ نیۆز، سالار دۆسكى:
پشتى رازیبوونا فه‌رمانگه‌هێن رێكخراوێن نه‌حوكمى وه‌رگرتى، هه‌ژماره‌كا مامۆستایێن دهۆكێ رۆژێن بورى رێكخراوا ده‌نگێ مامۆستان ل دهۆكێ دامه‌زراند و ل سه‌ر چه‌ندین بنیاتێن هه‌ڤگرتى و گه‌نگه‌شه‌كرى هاتیه ئاڤاكرن.
به‌ده‌ل به‌روارى جێگرێ به‌رپرسێ رێكخراوا ده‌نگێ مامۆستا بۆ ئه‌ڤرۆ نیۆز گۆت: رێكخراوا ده‌نگێ مامۆستا نه‌حوكمى یه سه‌ربه‌خۆیه، مفاى دگه‌هینته هه‌موویان، ل سه‌ر چه‌ندین بنیاتان هاتیه ئاڤاكرن، بلندكرنا ئاستێ ژیانا وه‌لاتیان دبیاڤێ فێركرنێ دا، كاركرن بۆ پتر پووته پێدانێ ب بیاڤێ ناڤبرى، په‌یداكرنا قانوونا بۆ پاراستنا وه‌لاتیان، بجه ئینانا شیانێن وه‌لاتیان دوارێ فێركرنێ دا بۆ پشكداریكرنا چالاكیا د دانا بریارێ دا، هه‌ولدان بۆ نه‌هێلانا نه‌خوێنده‌واریێ دناڤ كومه‌لگه‌هى دا.
به‌ده‌ل به‌روارى جێگرێ رێكخراوا ناڤبرى هێشتا گۆت: په‌یكه‌رێ رێكخراوێ ژ چه‌ندین چه‌قان پێك دهێت وه‌ك، سه‌رۆك، جێگرێ، سكرتێرێ گشتى، به‌رپرسێ پشكا پرۆگرامان، به‌رپرسێ پشكا كارگێرى و كاركه‌ران، به‌رپرسێ پشكا دارایى، به‌رپرسێ پشكا راگه‌هاندنێ، دیسان رێكخراوێن چه‌ندین نڤسینگه‌ه هه‌نه ل ئه‌ڤان جهان، هه‌ولێر، سلێمانى، به‌رده‌رش، ئاكرێ، شێخان، زاخۆ، دهۆك، باره‌گایێ سه‌ره‌كى ل سه‌نته‌رێ قه‌زا دهۆكێ یه و پشته‌ڤانیا دارایى نوكه ده‌سته‌یا كارگێرى هه‌ر ئێك كوژمه‌كێ پاره‌یى د ده‌ت خوه ب رێڤه‌دبه‌ت. به‌روارى ئاشكراكر ژى كو مه‌ره‌م ژ دامه‌زراندنێ نه شكاندانا چ جهانه و بتنێ ئارمانج خزمه‌تكرنا ته‌خا مامۆستانه.
گۆت ژى: هه‌ر وه‌لاتیه‌كى ماف هه‌یه بیته ئه‌ندام هه‌كه مه‌رجێن پێدڤى ل ده‌ڤ هه‌بن، ل گه‌ل چه‌ندین مه‌رجێن دى كو په‌یروێ رێكخراوێ دا هاتینه.
ئه‌ڤرۆ نیوز: ڤه‌ده‌ر ره‌شاڤایی:
گزیرته‌ك ل ئوقیانۆسێ هندی بناڤێ (ئه‌ردێ خه‌لكێ به‌رزه) به‌رنیاس بوویه، وارێ قه‌ومه‌كێ یه كو بۆ ده‌مێ 60 هزار سالانه لێ دژین لێ هه‌تا نها كه‌س نه‌وێریایه پێ خوه ل ئاخا وێ گزیرتێ بدانیت ژبه‌ركو خه‌لكێ گزیرتێ كه‌سێن بیانی دكوژن بێ دودلی.
ناڤێ گزیرتێ لسه‌ر نه‌خشێ جیهانێ ( سێنتینێلا باكۆر)ه و خه‌لكێ وێ ب چ شێوه‌كی په‌یوه‌ندی دگه‌ل ده‌رڤه و جیهانا سه‌رده‌م نینه، ناهێته زانین ب چ زمان دئاخڤن، هه‌ر بیانیه‌كێ خوه نێزیك دكه‌ت ب تیرێن ئاگری تیر باران دكه‌ن و به‌ران تێوه‌ردكه‌ن و ل سالا 2006 ێ دو ماسیگر كوشتبوون ده‌مێ نێزیكی وێ گزیرتێ بووی.
چه‌ند وێنێن سه‌ته‌لایتی بو هاتینه گرتن كو تێدا دیاردبیت دارستانه‌كا بالكێش هه‌یه و هه‌تا نها بتنێ چه‌ند ڤیدیۆیه‌كێن كێم دا ئه‌ڤ قه‌ومه دیاربوویه ئه‌و ژی ب كوالێتیه‌كا شێلی.
ڤیدیۆ , وێنه :
ئه‌ڤرۆنیوز, ره‌زوان رۆژبه‌یانى:
ل ژێر چاڤدێریا سه‌ردار یه‌حیا قایمقامێ قه‌زا به‌رده‌ره‌ش و ب ئاماده‌بونا به‌رپرسێن میرى و حكومى و رۆشنبیران ل قه‌زا به‌رده‌ره‌ش ل سال روژا ده‌رچونا ئێكه‌م ژمارا رۆژناما كوردستان كو د مێژویا كوردى دا ئێكه‌م رۆژنامه بوو ب زمانێ كوردى بێته ده‌ركرن د رێوره‌سمه‌كێ تایبه‌ت دا كو ب چه‌ند چالاكیێن جۆر بجۆر هاتبونه رێكخستن و چه‌ندێن په‌یڤ ژى ژلایێ نڤیسه‌ران و رۆشنبیران ده‌ربارێ ده‌رچونا ئێكه‌م رۆژناما كوردى و بزاڤێن نوكه یێن بوارێ رۆژنامه‌ڤانیێ هاتنه گوتن.
ل دیف دا ژى ژ لایێ رێڤه‌به‌رایه‌تیا راگه‌هاندنێ ل پارێزگه‌ها دهوكێ وه‌ك رێزگرتنه‌ك بۆ رۆژنامه‌ڤانێن ده‌ڤه‌را به‌رده‌ره‌ش 21رۆژنامه‌ڤان ل قه‌زا به‌رده‌ره‌ش خه‌لات كرن كو په‌یامنێرێ رۆژناما ئه‌ڤرۆ ژى دناڤ دابوو.
ئه‌ڤرۆ نیوز،زنار تۆڤى:
ل روژانێن 21_22 نیسانا سالا 2015 ل یه‌ریڤانا پایته‌ختێ ئه‌رمه‌نستانێ دوو په‌یكه‌ر وه‌ك سمبولا قركرنا ئێزدیان و ئه‌رمه‌نان هاتنه دانان و ئه‌ڤ په‌یكه‌ره ب به‌رهه‌ڤبوونا جێگرێ سه‌روكێ په‌رله‌مانێ ئه‌رمه‌نستانێ و هه‌روه‌سا وه‌زیرێ به‌ره‌ڤانیا ئه‌رمه‌نستانێ و ته‌حسین به‌گ میرێ ئێزدیان و ب پشكداریا شانده‌كێ ژ هه‌رێما كوردستانێ كو پێكهاتبوو ژ ئه‌ندامێ په‌رله‌مانێ كوردستانێ شێخ شامو نونه‌رێ ئێزدیان ل په‌رله‌مانێ كوردستانێ،دانانا ڤان په‌یكه‌ران قوناغه‌كا گرنگه بۆ هه‌ڤكاریا كورد و ئه‌رمه‌نان،چونكى هه‌ردوو لا لسه‌ر ده‌ستێ توركان هاتینه قركرن ل سه‌ده‌یێن بۆرى،كو قركرنا ئه‌رمه‌نان ل سالا 1915 بوویه و یا ئێزدیان ل سالا 1892 بوویه ل ده‌ڤه‌را شنگار و شێخانێ،لسه‌ر ده‌مێ ده‌سهه‌لاتا ئوسمانیان.
ئه‌ڤرۆ نیۆز، قائید میرۆ
به‌رپرسه‌كێ بلندێ كۆمسیۆنا بلندا سه‌ربخۆیا هه‌لبژارتنان دیاركر، به‌رهه‌ڤی یا دهێته‌كرن بۆ ئه‌نجامدانا راپرسیێ ل دۆر پڕۆژێ دستوورێ هه‌رێما كوردستانێ و هه‌رده‌مێ به‌رهه‌ڤبوو دێ راپرسی بۆ بهێته‌كرن.
سلێمان مسته‌فا، جێگرێ سه‌رۆكێ جڤاتا بلندا كۆمسیۆنا سه‌ربخۆیا هه‌لبژارتنێن هه‌رێما كوردستانێ بۆ ئه‌ڤرۆ نیۆز راگه‌هاند” هه‌ر ل رۆژا ده‌ستبكاربوونا مه وه‌كی كۆمسیۆن، مه به‌رهه‌ڤی كرینه بۆهه‌ر ئه‌گه‌ره‌كێ دهێته پێش، نوكه ئه‌م یێ خوه به‌رهه‌ڤ دكه‌ین بۆ ئه‌نجامدانا راپرسیێ لسه‌ر دستوورێ هه‌رێما كوردستانێ، به‌لێ بشێوه‌یه‌كێ فه‌رمی ئه‌م نه‌هاتینه ئاگه‌هداركرن.
سلێمانی گۆتژی” راپرسیا ل دۆر پڕۆژێ دستووری وه‌كی هه‌لبژارتنان نینه، چونكو ده‌مه‌كێ كێمتر پێدڤیه بۆ خوه به‌رهه‌ڤكرنێ ، له‌وڕا ئه‌گه‌ر پڕۆژێ دستووری بهێته به‌رهه‌ڤكرن، ئه‌ڤه كۆمسیۆن یا به‌رهه‌ڤه ده‌مه‌كێ كێمدا به‌رهه‌ڤیێن خوه بكه‌ت و راپرسی بۆ بهێته‌كرن.
ئه‌ڤرۆ نیوز:
ره‌جه‌ب ته‌یب ئه‌ردوگان سه‌رۆك كومارێ توركیا راگه‌هاند ئه‌و د وێ باوه‌رێ دایه هێرشێن ئه‌سمانى یێن نێڤده‌وله‌تى ب تنێ به‌س نینن بۆ ژناڤبرنا داعش. ئه‌ڤرۆ 22 نیسانێ، ره‌جه‌ب ته‌یب ئه‌ردوگان د كونفرانسه‌كێ رۆژنامه‌ڤانى یێ هه‌ڤپشك دا ل گه‌ل فوئاد مه‌عسوم سه‌رۆك كومارێ عیراقێ ل ئه‌نقه‌ره گۆت: پێدڤیه ل پال هێرشێن ئاسمانى یێن هه‌ڤپه‌یمانان هێزا هشكانى ژى بهێته بكارئینان، ژبه‌ر كو ب تنێ هێرشێن ئاسمانى به‌س نینن بۆ بده‌ستڤه‌ئینانا ئه‌نجامێن باش ل عیراقێ و سووریا.
نيشاندان