ئه‌ڤرۆ نيوز:
سه‌ڵاحه‌دین دێمیرتاش هه‌ڤسه‌رۆكێ هه‌ده‌پێ راگه‌هاند: پێدڤيه ب زووترين ده‌م پروسا ئاشتيێ ده‌ستپێ بكه‌ت و بۆ سه‌رخستنا پروسێ ژى ئاگربه‌ستا دو لايه‌نى بهێته راگه‌هاندن.
ده‌ميرتاش دياركر ژى: ئێكه‌نيا ئوروپا ب هويرى چاڤدێريا هه‌ولێن مه دكه‌ت بۆ چه‌سپاندنا ئاشتيێ و ب گرنگى دزانين به‌رى هه‌لبژارتنێن پێشوه‌خت ييێن توركيا، ئاگربه‌ستا دو لايه‌نانه بهێته راگه‌هاندن و ده‌ست ب دانوستاندنان بهێته كرن و بۆ سه‌رخستنا پروسا ئاشتيێ ژى پێدڤيه لايه‌نى سيێى چاڤدێريا پروسێ بكه‌ت.
ئه‌ڤرۆ نیوز: ڤه‌ده‌ر ره‌شاڤایی:
پارێزه‌رێ دو رۆژنامه‌ڤانێن بریتانی یێن كه‌نالێ VICE News بریارا دادگه‌ها توركی لسه‌ر ده‌سته‌سه‌ركرنا هه‌ردو رۆژنامه‌ڤان بتۆمه‌تا تیرۆرێ ره‌تكر و خویاكر كو ده‌سته‌سه‌ركرنا وان بتنێ بمه‌ره‌ما رێگرتنێ یه ژ رۆمالا وان لسه‌ر كوردان و خه‌باتا وان.
په‌یامنێر جه‌یك هانراهان و كامیره‌ڤان فیلیپ پێندله‌بێری ل باژێری ئامه‌دێ ل باكورێ كوردستانێ ل ده‌مێ رۆماكرنا پێكدادانێن كوردان و هێزێنئێمناهییا توركیا هاتینه ده‌سته‌سه‌ركرن و ڤێ یه‌كێ ژی رخنه‌یێن توند بۆ حكومه‌تا توركیا ئینانه ژ رێكخراوێن مافێن مرۆڤان و مافێن رۆژنامه‌ڤانان یێن ناڤخۆ و نێڤده‌وله‌تی.
تێ زانین كه‌نالێ VICE News كو نڤیسینگه‌ها وێ یا سه‌ره‌كی ل نیویۆرك، ئه‌مریكا یه گرنگیه‌كا تایبه‌ت دده‌ته پرسا كوردی ل هه‌ر چوار پارچێن كوردستانێ، دده‌مێ پتری ساله‌كێ یه گه‌له‌ك راپۆرت و دوكیۆمێنت لسه‌ر خه‌باتا پێشمه‌رگێ كوردستانێ ل دژی داعش ئاماده‌كرینه و به‌لاڤكرینه زێده‌باری خه‌باتا هێزێن كوردی ل رۆژئاڤا كوردستانێ.
ئه‌ڤرۆ نیۆز، قائید میرۆ
ئه‌ڤرۆ ل دژی ڤه‌كرنا خۆله‌كا بهێزكرنێ 250 مامۆستایان خۆنیشاندانه‌ك ئه‌نجامدان و تێدا راگه‌هاند، به‌رهه‌ڤ نینه پشكداری خۆلێ بكه‌ن و ده‌واما قوتابخانێ ژی بكه‌ن.
مامۆستا سه‌میر هه‌مزه، ب ئه‌ڤرۆ نیۆز راگه‌هاند” وه‌زاره‌تا په‌روه‌ردێ ناڤێ 250 مامۆستا به‌لافكریه بۆ پشكداریكرن د خۆله‌كا بهێزكرنێ دا و بۆده‌مێ 45 رۆژان دێ ڤه‌كێشیت، ئه‌ڤه دده‌مه‌كیدایه سالا نوویا خواندنێ نێزیكبوویه و لڕۆژێن جه‌ژنێ و ئه‌ینی ژی دێ یا به‌رده‌وامبیت.
مامۆستای گۆتژی” مامۆستایێن پشكدار دڤێ خۆلێدا خۆنیشاندانه‌ك دژی پشكداریێ ئه‌نجامدان و رادگه‌هینن به‌رهه‌ڤنینه پشكداری د خۆلێ دا بكه‌ن، ژبه‌ركو موچه نینه و كریا هاتن وچوونێ بۆ ناهێته مه‌زاختن، هه‌روه‌سا دده‌مێ ده‌ستپێكرنا سالا خواندنێ مامۆستا نه‌چارن پشكداری خۆلێ ببن و نه‌شێن هه‌ردو ده‌واما بكه‌ن.
ئه‌ڤرۆ نیوز:
سه‌رۆك بارزانى ب مه‌ره‌ما لێكگوهورینا هزروبیران سه‌باره‌ت ره‌وشا سیاسى یا هه‌رێمێ ل گه‌ل سكرتێر و نوونه‌رێن پشكه‌كا پارت و لایه‌نێن سیاسى یێن كوردستانێ كومبوو، د كومبوونێ دا مه‌ترسى و گه‌فێن سه‌ر هه‌رێما كوردستانێ و قه‌یرانا سیاسى و ناڤخو و بابه‌تێن سه‌رۆكایه‌تیا هه‌رێمێ و ئه‌گه‌رێن كویربوونا قه‌یرانێ و دیتنا رێكێن چاره‌سه‌ركرنێ به‌رچاڤ كرن.
د كومبوونێ دا رژدى ل ڤان خالان هاته كرن:
1- پێدڤیه له‌ز د چاره‌سه‌ریه‌كا نیشتمانى بهێته كرن
2- پێدیه حزب و لایه‌نێن سیاسى كار بۆ چاره‌كرنا كێشان بكه‌ن
3- به‌رده‌وامیا ڤێ قه‌یرانێ و نه‌چاره‌كرنا وێ نه دخزمه‌تا سازانا نیشتمانى دایه
4-نابیت بزاڤ بهێنه كرن بۆ پشت گوه هاڤێتنا مافێن خه‌لكى
5- پێدڤیه حزب بۆ خولێن بهێت یێن په‌رله‌مانى كادرێن بلند و بریاربده‌ست بهنێرنه په‌رله‌مانى
ئه‌ڤرۆ نيوز:
گەنجەکێ ١٨ سالی دلێ خوە بۆ ئەڤرۆ ڤەدکەت و دبێژیت: ئەز خویندکارم ل قوناغا ١٢ ئامادەیی دخوینم ، گەلەک حەز ژ کچ مەتا خوە دکەم، کو ھەر ل ژیێ منە لێ ئاریشا من ئەوە ھەتا نھا چ جارا من نەگوتیێ و چ نیشانێت حەزژێکرنێ ژی بۆ بو دیار نەکرینە، چونکی ئەز گەلەک شەرم دکەم، و خێزانا من ژی گەلەک حەز ژ وێ دکەن بەس ھەتا نھا من نەگۆتیە چ کەسان ئەرێ ب چ رێک دێ شێم حەزژێکرنا خوە بو دیار کەم ؟
گەنجێ ھێژا :
شێوازێ پەروەردەکرنێ د جڤاکێ مەدا کور و کچێن شەرمین پەیدا دکەن و د دووڤدا شێواز و سیستەمێن خواندنێ پتر ڤان ساخلەتا دچەسپینن ئەڤجا پرانیا گەنجا ژ ھەردو رەگەزا خودانێن ڤان ساخلەتانە و بزانە ئەڤێ چەندێ باشی وخرابیێن خوە ھەنە، بەلێ دەمێ دگەھیتە رادێ نەخۆشیێ کو دبیتە ئاستەنگ درێکا رێڤەبرنا کارێن ژیانێ پێدڤی چارەسەریێ یە، لەوما یا گرنگە مفای ژ کەسانێن بسپور ببینی. ھەروەسا کچ مەتا تەیە پتر نێزیک ببە ودان و ستاندنا دگەل ئێک بکەن لدور بابەتێن جودا جودا و پشتی ماوەیەکی لێک گۆھورینا بیر و ڕایا دێ بیتە تشتەکێ نورمال ئەڤجا دەربرین ژ ھەر کارەکێ سروشتی یە و تو دکاری د دلێ خوە دا بیژیێ بەلێ باشترە ئەڤ کارە بھێتە ئەنجامدان ب دبلوماسیانە و ب دیتنا مە راستە ڤان بابەتا جھێ خوە د سەرێ گەنجێن مەدا کریە بەلێ باشترە پیتەی بدەنە ئایندێ خوە ژھەموو لایەکی ڤە یێ خواندنێ و یێ ئابوری و جڤاکی و پاشی ئەڤ بابەتە ب ساناھی دێ چارەسەربن .
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 1ى ئيلۆنا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1222 |
| 1 يۆرۆيێ ئه‌ورۆپى | 1375 |
| 1 ليرێ توركى | 410 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز،زنار تۆڤی:
پشتی کۆمبوونا شه‌شێ يا لایەنێن سیاسی ل ھۆلا سەعەد عەبدولا ل ھەولێرا پایتەخت دناڤبەرا ھەر پێنج لایەنێن سیاسی دا ھاتیە ئەنجامدان و د وێ کۆمبوونێدا لایەنێن سیاسی نەگەھشتینە چ ئەنجامان،ھندەک لایەن د وێ کۆمبوونێ دا بەشدار نەبووین،بریارە ئەڤرۆ رۆژا سێشەمبی ١-٩-٢٠١٥ مەسعود بارزانی سەرۆکێ ھەرێما کوردستانێ دگەل وان لایەنان کۆمبیت کو بەشداری د دوماھیک کۆمبوونا لایەنێن سیاسی دا ل کوردستانێ دا نەکری.
ئه‌ڤرۆ نيوز:
رێڤەبەرێ کاروبارێن زیندانیێن سیاسی ل وەزارەتا کاروبارێن شەھید و ئەنفالکریان راگەھاند، د ماوەیێ سێ سالێن بۆری دا وان نێزیکی ١٠ ھزار مامەلێن زیندایێن سیاسی بۆ ئەنجوومەنێ وەزیران و وەزارەتا دارایی یا حوکمەتا ھەرێما کوردستانێ ھنارتینە بۆ ھندێ مۆچەیەک بۆ وان بھێتە تەرخانکرن، بەلێ ژ بەر قەیرانا دارایی ھەتا نوکە ئەو مامەلە نەھاتینە وەرگرتن و د راگرتینە.
ئەحمەد مامە رەسول، رێڤەبەرێ کاروبارێن زیندانیێن سیاسی ل وەزارەتا کاروبارێن شەھید و ئەنفالکریان بۆ ئەڤرۆ دیار کر، د ھەیاما بۆری دا وان سێ لیستێن ناڤێن زیندانیێن سیاسی بۆ ئەنجوومەنێ وەزیران و وەزارەتا دارایی ھنارتینە بۆ ھندێ مۆچەیەکێ ھەیڤانە بۆ وان بھێتە تەرخانکرن و د وان لیستان دا ناڤێ نەە ھزار و ٩٨٧ زیندانیێن سیاسی تێدا بوون و گۆت ژی: ھەتا نوکە بەرسڤا ڤان مامەلان نەھاتیە دان و ھەر ل ئەنجوومەنێ وەزیران ماینە و ھاتینە پشتگوە ھاڤێتن.
مامە رەسول ئاماژە دا وێ چەندێ، ل وەزارەتا کاروبارێن شەھید و ئەنفالکریان ھەموو رێکارێن قانوونی بۆ مامەلێن وان ھاتینە کرن و چو ئاریشە تێدا نەماینە ژ نوو بۆ ئەنجوومەنێ وەزیران ھاتینە ھنارتن، بەلێ ژ ئەگەرێ قەیرانا دارایی یا کو ئەڤە دو سالە ب سەر ھەرێما کوردستانێ دا ھاتی، ئەڤ مامەلە ھاتینە راگرتن و گۆت ژی: ھەکە ئەڤ مامەلە ھەموو ب رێڤەبچن و مۆچە بۆ وان بھێتە تەرخانکرن، دێ ھەیڤانە ب ٢٠٠ ملیار دیناران ل سەر حوکمەتا ھەرێما کوردستانێ تەکلیف بن، لەو حوکمەتێ ئەڤ مامەلە راگرتینە ھەتا کو قەیرانا دارایی ب دووماھی دھێت.
ناڤبری خویاژی کر، پشتی راگرتنا مامەلێن وان زیندانیێن سیاسی، مە پێشنیازەک پێشکێشی ئەنجوومەنێ وەزیران کریە و ژێ خواستیە ل شوونا مۆچەی ھەموویێ، ب تنێ مۆچێ بنەرەت بۆ وان بھێتە تەرخانکرن، بەلێ ھوسا دیاربوو کو حوکمەت خوە نەشێت وی پارەی ژی بدەت و گۆت ژی: ھەتا قەیرانا دارایی ب دووماھی نەھێت، باوەرناکەم ئەڤ مۆچە بھێنە خەرجکرن.
ئەحمەد مامە رەسول ئاشکرا کر، نھا ل ھەرێما کوردستانێ نێزیکی پێنچ ھزار ١٥٦ زیندانیێن سیاسی ھەنە کو ھەیڤانە مۆچێ خوە ژ حوکمەتێ وەردگرن و د تۆمارکرینە و ھندەک ژ وان ھەیڤانە ٥٠٠ ھزار دیناران وەکو مۆچە وەردگرن و ھەنە ژی ھەتا ٢٠٠ ھزار دیناران وەردگرن و گۆت ژی: ئەڤ زیندانیێن سیاسی ھەیڤانە نێزیکی دو ملیار و ٢٠٠ ھزار دیناران ژ حوکمەتا ھەرێمێ وەردگرن.
ل دور دانا پارچە ئەردان بۆ زیندانیێن سیاسی رێڤەبەرێ کاروبارێن زیندانیێن سیاسی ل وەزارەتا کاروبارێن شەھید و ئەنفالکریان خویا کر، ھەتا نوکە نێزیکی دو ھزار و ٥٤٥ زیندانیێن سیاسی ل ھەرێما کوردستانێ پارچە ئەرد ژ حوکمەتێ وەرگرتینە و نھا بۆ ٨٨٨ زیندانیێن دی ژی فەرمانا دانا پارچە ئەردی دەرچوویە و ل نێزیک دێ ئەو ژی پارچە ئەردان وەرگرن.
ئەڤرۆ نیوز،زنار تۆڤی:
بریاربوو ئەڤرۆ کۆمبوونا سەرۆکێن فراکسیۆنێن لایەنێن سیاسی ل پەرلەمانێ کوردستانێ بهێته ئەنجامدان،لێ ئەو کۆمبوون نەهاتە ئەنجامدان،هەر چەندە ئەڤرۆ خۆلا پاییزی یا پەرلەمانێ کوردستانێ دەستپێکریە.
سەرۆکێ فراکسیۆنا پارتی ل پەرلەمانێ کوردستانێ دیارکر:ل رۆژێن بهێن دێ سەرۆکێن فراکسیۆنان دگەل ئێک کۆمبن،لێ دڤێ خۆلێ دا پەرلەمانی کێشێن ناڤ پەرلەمانی دەرخستینە ناڤ جادێ،لێ هەر پارتی پەرلەمانی ب دۆهی و ئەڤرۆ و داهاتیێ خوە دزانیت.
سەرۆکێ فراکسیۆنا پارتی ئۆمێد خۆشناوی زێدەتر گۆت:پەرلەمانی شەرعیەتا خوە هەیە،لێ تەوافۆقێ شەرعیەتا خوە نەمایە.
نيشاندان
