ئه‌ڤرۆ نیوز:
د. ئامانج ره‌حیم، سكرتێرێ ئه‌نجومه‌نێ وه‌زیران راگه‌هاند، پشتى كو ئه‌نجومه‌نێ وه‌زیران و وه‌زاره‌تا دارایى یا حوكمه‌تا هه‌رێما كوردستانێ بۆ چه‌ند هه‌یڤان شروڤه‌یا بریاره‌كێ كرن، دووماهى جار بریار هاته دان ب ژماره 38 ل رۆژا 5 نیسانێ كو ماوێ موله‌تا بێ مووچه بۆ 5 سالان بهێته زێده‌كرن و ماوێ موله‌تێ ب خزمه‌ت بهێته هژمارتن بۆ خانه‌نشینیێ .
ئه‌ڤرۆ نیوز:
پشتى كو د گێمێ دوێ دا یێ یاریا ریال و مالاگا ، لوكا مودرێچ تووشى هنگاڤتنێ بوویى و یاریگه‌هـ ب جهـ هێلاى، به‌رى چه‌نده‌كێ رۆژنامه‌نووسێ رادیویا ماركا خوسى لویس كو گه‌له‌ك یێ نێزیكه ژ یانا ریال راگه‌هاند ره‌نگه هنگاڤتنا مودرێچ ببته ئه‌گه‌ر بۆ 4 هه‌تا 5 خه‌فتیا ژ یاریگه‌هان دووركه‌ڤیت.
ئه‌نجلوتى راهێنه‌رێ ریال د كونگره‌كێ رۆژنامه‌ڤانى دا پشتى یاریێ راگه‌هاند ئه‌و چ نابێژن هه‌تا سوبه پشكنین بۆ دهێنه كرن.
ریال د یاریا ئه‌ڤرۆ یا به‌رامبه‌ر مه‌له‌گه ب 3-1 سه‌ركه‌فت
ئه‌ڤرۆ نیوز:
هه‌ڤده‌م ل گه‌ل به‌رهه‌ڤیێن بۆ هه‌لبژارتنێن په‌رله‌مانێ توركیا دهێنه كرن، ئه‌ڤرۆ چه‌ند چه‌كداران هێرش كریه سه‌ر باره‌گایێ هه‌ده‌پێ ل ئه‌نقه‌ره یا پایته‌ختێ توركیا.
سرى سوره‌یا ئونده‌ر په‌رله‌مانتارێ هه‌ده‌په هێرشكرنا سه‌ر باره‌گایێ وان ژ ئالیێ چه‌ند چه‌كداران ڤه دووپات كر.
هێرشا سه‌ر باره‌گایێ هه‌ده‌پێ د ده‌مه‌كێ دا یه كو كورد بۆ جارا ئێكێ یه ب لیست پشكداریێ د هه‌لبژارتنێن توركیا دكه‌ت.
ئه‌ڤرۆ نیوز: ڤه‌ده‌ر ره‌شاڤایی:
په‌یڤدارێ حه‌یده‌ر عه‌بادی سه‌رۆك وه‌زیرێن ئیراقێ رافد جبۆری ده‌ست ژ كارێ خوه كێشا پشتی ڤیدیو كلیپه‌كێ دا دیاردبیت كو سترانه‌كێ دبێژیت .
جبۆری كو به‌ری شه‌ش مه‌هان پۆستێ په‌یڤدارێ عه‌بادی وه‌رگرتبوو كارێ خوه هێلا، پشتی ڤیدیو كلیپه‌ك ئاشكرابووی و لسه‌ر تورێن جڤاكی گه‌له‌ك به‌لاڤبووی كو تێدا په‌یڤدارێ عه‌بادی سترانان ب دیكتاتۆر سه‌دام حوسینَ ڤه دبێژیت و په‌سنا وی دكه‌ت.
ئه‌ڤرۆ رۆژا شه‌مبی ناڤهاتی د په‌یجێ خوه دا به‌لاڤكلایه: دا زێده‌تر نڤیسینگه‌ها عه‌بادی ل شه‌رمێ نه‌ده‌م من ده‌ست ژكاركێشانا خوه پێشكێشكر.
د سترانێ دا كو هێشتا جبۆری یێ گه‌نج بوو به‌ری چه‌ند سالان ڤان په‌یڤان ب سه‌دام حوسێنی ڤه‌دهینیت و دستریت: “سه‌دام تو شیرێ هه‌قیێ لدژی نه‌هه‌قیێ، ئوهـ سه‌دام دوژمنێن ته هه‌می دێ چن و تو دێ مینی”.
ئه‌ڤرۆ نیوز: ڤه‌ده‌ر ره‌شاڤایی:
ره‌جه‌ب ته‌ییب ئه‌ردۆگان سه‌رۆك كۆمارێ توركیا رێبه‌رییا گرۆپه‌كێ بایسكل سواران كر و ب درێژییا كیلومه‌تره‌كێ لسه‌ر كه‌نارێ بۆسفۆر بایسكل هاژۆت.
تشتێ ژ ئالێ دیده‌ڤاناڤه هاتیه ڤه‌گێران و ژ ئالێ میدیایێ ڤه هاتیه ره‌خنه‌كرن ئه‌و بۆ كو ئه‌ردوگان نه وه‌ستیا و چ نیشانێن وه‌ستیانێ لسه‌ر نه‌بوون، به‌لكو بتنێ زێره‌ڤانێن وی گه‌له‌ك وه‌ستیان ژبه‌ركو نه‌چاربوون ب قاتێن ره‌ش ڤه ب پییا لدووڤ ئه‌ردۆگانی غارده‌ن، هزرا كه‌سێ نه‌مابوو لسه‌ر هاژۆتنا ئه‌ردوگانی ژبه‌ر هه‌ژمارا زێده یا زێره‌ڤانان كو لده‌ردورێن وی دبه‌زین.
بایسكلا ئه‌ردۆگانی ژ ئالیێ به‌رهه‌مهێنه‌ره‌كێ توركی ڤه بتایبه‌ت بۆ وی هاتبوو چێكرن، هه‌رچه‌نده ئه‌ڤ بزاڤا ئه‌ردوگانی ب مه‌ره‌ما بانگه‌شه‌كرنێ یه بۆ به‌ریكانا مه‌زن یا سالانه يا بایسكل سواران كو دێ 26 ێ ڤێ مه‌هێ ل توركیا هێته‌كرن و بۆ ژینگه‌هـ پاراستنێ، لێ چاڤدێر وه‌ك خوه ده‌رێخستنه‌ك دبینن.
وێنه:
ئەڤرۆ نیۆز، قائید میرۆ
ل ناحیا ھەریر یا پارێزگەھا ھەولێرێ، ژ ئەگەرێ شەڕەکێ جڤاکی د ناڤبەرا دو مالباتان دا سێ کەس ھاتنە کوشتن و ڤەکۆلین بەردەوامن ل دۆر چێبوونا روویدانێ.
ئەفسەرەکێ پۆلیسا بۆ ئەڤرۆ نیۆز راگەھاند: “ئێڤاریا ئەڤرۆ ل ناحیا ھەریر یا سەرب قەزا شەقلاوە، ل سەر ئاریشەیەکێ شەڕ کەفتیە ناڤبەرا دو مالباتێن خزمێن ئێک و د ئەنجام دا سێ کەس ھاتینە کوشتن و ڤەکۆلین بەردەوامن ل سەر چاوانیا چێبوونا روویدانێ”.
ئەڤی ئەفسەرێ پۆلیسان گۆتژی: “ھێزێن پۆلیسان جھێ روویدانێ کۆنتڕۆلکریە کو دکەڤیتە تاخێ باسرمە یێ ناحیا ھەریرێ و ھێشتا ڤەکۆلین ب دووماھی نەھاتینە کو ئەنجام بھێنە ئەشکرەکرن ئاریشە ل سەر چ چبوویە”.
ئه‌ڤرۆ نیوز:
د ده‌مه‌كى دا كو به‌حس ل وێ چه‌ندێ دهێته كرن لایه‌نێن سیاسى ل هه‌له‌بچه نه‌گه‌هشتینه چو رێكه‌فتنان، به‌رپرسێ لقێ پارتى دیموكراتى كوردستان ل وێ پارێزگه‌هێ ژى ئاشكه‌را دكه‌ت كو ئێكه‌تیێ نه‌ڤێت چو پۆستان ب پارتى بده‌ت یێن هاتینه ده‌ستنیشانكرن.
فازل به‌شاره‌تى به‌رپرسێ لقا 12 یا پارتى دیموكراتى كوردستان ل هه‌له‌بچه بۆ باسنیوز گۆت: “ئێكه‌تى نشتیمانى كوردستان یا رازى نینه پۆستێ قایمقامیا ناڤه‌ندى یێ پارێزگه‌ها هه‌له‌بچه بۆ پارتى بیت، وه‌سان نینه وه‌كو دهێته گۆتن كو پارتى پۆستێ قایمقامیێ و سه‌رۆكاتیا جڤاتا پارێزگه‌ها هه‌له‌بچه وه‌رگریت”.
زێده‌تر گۆت: “د راستى دا مه پۆستێ قایمقامیا ناڤه‌ندى یا هه‌له‌بچه دڤێت، به‌لێ ژ به‌ر كو گه‌له‌ك هات و چوو، مه داخوازیا خوه بۆ پۆستێ سه‌رۆكاتیا جڤاتا پارێزگه‌هێ گوهۆڕى، به‌لێ ئێكه‌تى ب وێ ژى رازى نابیت”.
دا زانین ژى كو ئێكه‌تى نشتیمانى كوردستان پێ خۆش نینه چو ژ وان پۆستان ب پارتى دیموكراتى كوردستان بهێته دان و گۆت: “پارتى یا رازى یه ئێك ژ هه‌ردو پۆستان ب پارتى بهێته دان”.
ئه‌ڤرۆ نيوز:
عاده‌يا هه‌يڤانه پشتى ژيێ سنێله‌يێ پێدڤيه يا رێكخستى بيت و ده‌مێ وێ يێ ديار بيت، به‌لێ هه‌كه ده‌مێ وێ يێ ديار نه‌بوو، ب ره‌نگه‌كه‌ێ هه‌ره‌مه‌كى بوو، پێدڤيه چاره بكه‌يى.
ئێك ژ چاره‌سه‌ريێن رێكخستنا عاده‌يا هه‌يڤانه د رێيا بكارئينانا حه‌بێن تايبه‌ت ڤه‌يه، ديسا خوارنا ساخله‌م، جۆرێ خوارنێ كارتێكرنه‌كا مه‌زن يا ل سه‌ر رێكخستنا وێ هه‌يى.
ديسا بارێ ده‌روونى ژى گه‌له‌ك كارتێكرن يا هه‌يى، ب ره‌نگه‌كى كارتێكرن يا ل سه‌ر پێشخستن يان پاشخستنا عاده‌يا هه‌يڤانه هه‌يى، ژبلى وێ وه‌ستيانا له‌شى ژى چونكو نابيت زێده ژ پێدڤى خوه ماندوو بكه‌يى.
هه‌كه هه‌ر عاده‌يا هه‌يڤانه يا وه‌سا بوو، پێدڤيه پشكنينان بۆ خوه بده‌يى و دبيت يا تووشبوويى بى ب غوده‌يا ده‌ره‌قى و ب ڤێ چه‌ندێ ژى هۆرمۆن رێكخستى نامينن و پاشان ژى عاده‌يا هه‌يڤانه دهێته پێش.
نيشاندان