ئه‌ڤرۆ، نیۆز، سالار دۆسكى:
ماوێ 24 ده‌مژمێره چه‌ندین مالپه‌رێن فه‌یسبووكى وێنه‌كێ هونه‌رمه‌ندێ كومێدیێ به‌رنیاس خه‌لیل قه‌دشى هاتیه به‌لاڤه‌كرن و هاتیه نڤسین كو یێ نه‌خوه‌شه ل نه‌خوه‌شخانێ و پێدڤى ب دوعایێن هه‌وه‌یه.
دپه‌یوه‌ندیه‌كا ته‌له‌فونى دا بۆ مالپه‌رێ ئه‌ڤرۆ نیۆز، هونه‌رمه‌ندێ كومێدى خه‌لیل قه‌دشى، ئه‌ڤ ده‌نگۆیه ره‌تكرن و ئاشكراكر كو ساخله‌می یا وى یا باشه و ل چو نه‌خوشخانا نینه، نوكه ل ناف زارۆیێن خوه یه ل مال ل كومه‌لگه‌ها قه‌دشێ و گۆت: ئه‌ڤ پتر 100په‌یوه‌ندى بۆ من هاتن و نوزانم ئه‌ڤه چه‌وا چێ بوویه، نوزانم دێ سكالایێ ل سه‌ر كێ تۆمار كه‌م.
هه‌لكه‌ت خه‌لیل قه‌دشى زێده‌تر بۆ ئه‌ڤرۆ نیۆز ئاشكراكر كو ئه‌ڤه چه‌ندین جاره ئه‌ڤ پرۆپاكنده ب سه‌رێ بابێ وى دهێن و هنده‌ك كه‌سێن نه‌فس نزم ئه‌ڤى كارى ئه‌نجام د ده‌ن.
هه‌لكه‌تى هێشتا گۆت: دهى وه‌ره ئانكو ئه‌ڤه 24 ده‌مژمێره كه‌سه‌كى ئه‌ڤ كاره كریه و به‌رده‌وام په‌یوه‌ندى یێ بۆ دهێن و خواست جهێن په‌یوه‌ندار دوڤچوونا بابه‌تى بكه‌ن.
چو راستى بۆ نینن
نيشاندان