قوبادى سنه‌ماكارێ كورد ئه‌وێ بۆ نيشادانا فلمێ خوه‌ ل فيستڤالا فلمان يا نێڤده‌وله‌تى يا فلمان ل وه‌لاتێ توركيا ئاماده‌ بوويى، به‌حس ل وێ چه‌ندێ دكه‌ت كو به‌رى نوكه‌ ئه‌وان كارێ خوه‌ ل هه‌ولێر ئه‌نجام ددا، به‌لێ ژ به‌ر ڤى شه‌رێ نوكه‌، فلمسازێن كورد نه‌شێن كارێ خوه‌ ل وێرێ بكه‌ن ژ به‌ر شه‌رێ دژى تيرۆرێ.

“هنده‌ك جاران به‌رێ خوه‌ بدێ، Somtimes Look Up” نووترين به‌رهه‌مێ سينه‌ماكارێ ناڤدارێ كورد به‌همه‌ن قوبادى يه‌ و ژ به‌ر پشكداريا فلمێ “چه‌ند په‌يڤه‌ك ل گه‌ل خودايى، Words With Gods ” پشكدارى د فيستڤالا سته‌مبۆل يا 34 دا كر.

قوبادى د كۆنگره‌كێ رۆژنامه‌ڤانى دا گۆت: “ئيران پشته‌ڤانيا سينه‌ما كوردى دكه‌ت، به‌لێ نه‌ ل سوريا و نه‌ژى ل توركيا پشته‌ڤانيا سينه‌ما كوردى ناهێته‌كرن، ژ به‌ر هندێ سينه‌ما كوردى نوكه‌ يا بێ سه‌روشوونه‌ و هيڤدارم رۆژه‌ك بهێت و ئه‌ڤ سينه‌مايه‌ بهێته‌ رێكخستن”.

“هنده‌ك جاران به‌رێ خۆ بدێ” ئه‌و فلم ژى بڕياره‌ ل هۆلا نيشادانا تايبه‌ت يا فلمه‌ فيستڤالا سته‌مبۆل يا 34 بهێته‌ نيشادان.