ئه‌ڤرۆ نیوز:
پشتى كو وه‌زاره‌تا خواندنا بلند و ڤه‌كولینێن زانستى یا حوكمه‌تا هه‌رێمێ 40 زه‌مالێن خواندنێ (بەکالۆریۆس، ماستەر،بسپۆڕیا پزیشكی، دکتۆرا) ل زانكۆیێن روسیا راگه‌هنادى، ئه‌ڤرۆ ئه‌نجام و ناڤێ ده‌رچوویان هاتنه راگه‌هاندن.
بۆ دیتنا ناڤان سه‌ره‌دانا فى لینكى بكه‌ن.
ئه‌ڤرۆ نیوز، ناجی به‌ده‌ل:
فه‌رحان جه‌وهه‌ر قادر ئه‌ندامێ په‌رله‌مانێ كوردستانێ بو ئه‌ڤرۆ نیوز دیاركر ل ده‌مێ رۆنشتنا په‌رله‌مانی پێنگاڤه‌كا گرنگ هاته هاڤێتن ل سه‌ر پرۆژێ یاسایا لیژنه‌یا ئاماده‌كرنا دستوری ب ته‌ڤایا ده‌نگان و ب رازیبونا هه‌مولایان په‌یڤا هه‌رێم كو پێشگرا كوردستان – عیراق هاته‌لادان داكو ل دمێ راپرسیێ رێگری و ئالوزی درۆست نه‌بن .
ناڤبری ئه‌و چه‌نده ژی دیاركر كو ل دستوری عیراقێ یێ هه‌رتمی هاتیه دیاركرن هه‌رێما كوردستانێ پشتی 19/3/2005 كو هه‌رسێ پارێزگه‌هێن دهۆك و هه‌ولێر و سلیمانی و ده‌ڤه‌رێن دی ب كێشه‌دار هاتینه دانان و نه‌هاتینه ئێكلایكرن، به‌لێ كوردستان بتنێ بێ هه‌رێم هه‌مو ئه‌وان ده‌ڤه‌ران بخوڤه‌دگریت ژ ده‌رڤه‌ی ئیدارا هه‌رێمێ ژی و دبیته ئه‌گه‌ر بو به‌شداربونا وان ل سه‌ر راپرسیا دستورێ بهێت كو مافه‌كێ ره‌وایێ هه‌ر كورده‌كی یه .
په‌رله‌مانتارێ ناڤبری ئه‌و چه‌نده ژی دیاركر ئارمانج ژ لادانا په‌یڤا هه‌رێم د وێ پرۆژه یاسایا لیژنه‌یا دستوری ژبوی ده‌ڤه‌رێن ده‌رڤه‌ی ئیدارا هه‌رێمێ ل ده‌مێ راپرسیێ بو ئه‌وی دستورێ به‌رهه‌ڤی بو دهێته كرن به‌شداربن و رایا خو بده‌ن و هه‌مو سنورێ كوردستانێ بخوڤه بگریت.
فه‌رحانی ئه‌و چه‌نده ژی گوت: چ رێگری نامینن كو خه‌لكێ ده‌ڤه‌رێن كێشه‌دار مینا كه‌ركوك و شنگال و خانه‌قین و هه‌تا دوماهیكێ پشكداریێ د راپرسیا دستورێ بهێت دا بكه‌ن كو دێ بیته دستورێ كوردستانێ.
ئه‌ڤرۆ نيوز:
ئه‌ڤرۆ رۆژا پێنجشه‌مبى رێكه‌فتى 16ى نيسانا 2015ێ چار يارى ژ گه‌را هه‌شتێ ژ قووناغا دويێ يا خولا نايابا كوردستانێ هاتنه كرن و ل ياريگه‌ها خوه يانا دهۆك سه‌ركێشا خولێ نه‌شيا مفايى ژ ياريگه‌ها خوه ببينيت و ل ياريگه‌ها خوه ل هه‌مبه‌ر ئارارات وه‌كهه‌ڤبوو ب دو گۆلان.
هه‌ر د ياريێن ئه‌ڤرۆ دا، سلێمانى تووشى خوساره‌تيێ بوو ل گه‌ل پێشمه‌رگا سلێمانيێ ب گۆله‌كا ئێكانه و هندرين ژى سه‌ركه‌فتن ل سه‌ر پێشمه‌رگا هه‌ولێر تۆمار كر ب دو گۆلێن پاقژ هه‌ولێر ژى ل گه‌ل شێروانه وه‌كهه‌ڤ بوو.
سوبه‌هى ژى رۆژا ئه‌ينى رێكه‌فتى 17ى نيسانا 2015ێ ياريێن ماين دێ هێنه كرن ب ره‌نگه‌كى زێره‌ڤانى دێ كه‌ركووك مێڤان كه‌ت و زاخۆ ژى نه‌ورۆز.
ئه‌ڤرۆ نیوز:
ل دووڤ راگه‌هاندنه‌كا رێڤه‌به‌ریا راگه‌هاندن و په‌یوه‌ندیێن وه‌زاره‌تا دارایى و ئابوورى یا حوكمه‌تا هه‌رێما كوردستانێ رۆژا شه‌مبى دێ مووچێ هه‌یڤا دو یێن فه‌رمانبه‌رێن وه‌زاره‌تا ساخله‌میێ و وه‌زاره‌تا دارایى هێته به‌لاڤكرن و رۆژا ئێكشه‌مبى دێ مووچێ فه‌رمانبه‌رێن هه‌یڤا 2 یێن وه‌زاره‌تا په‌روه‌ردێ هێته به‌لاڤكرن.
ئه‌ڤرۆ نيوز:
سه‌رۆكێ هه‌رێما كوردستانێ نامه‌ك بۆ لايه‌نێن سياسى يێن هه‌رێما كوردستانێ ره‌وانه‌كرن كو ئه‌ڤێ ل خوارێ ژى ده‌قێ وێ نامێ يه:
رێزدار سەرۆکایەتیا په‌رلەمانێ کوردستانێ
سەرۆکایەتیا جڤاتا وەزیرێن حوکمەتا ھەرێما کوردستانێ
پارتی و ئالیێن سیاسیێن کوردستانێ
ده‌قێ ناما سه‌رۆك بارزانى بۆ لايه‌نێن سياسى
دوژمن و نەیارێن گەلێ کوردستانێ ھەموو رێ جەرباندن بۆ کو خەباتا گەلێ کوردستانێ ژ ناڤ ببه‌ن. ھەر ژ تۆقاندن و ئەنفال و جينوسایدێ بگرە ھەتا کیمیاباران و ئابلوقەدان و زیندان و ئينانا فتنە و دووبەرەکی و برینا دەرامەتێ خەلکى و هێرشێن تيرۆرستان، لێ بەلێ پشت ب خودایێ مەزن و ھیمەت و خوەراگریا گەلێ مە، کوردستان شيا ل سەر ھەموو پلان و دوژمنکاریان دا سەربکەڤيت و شکەستن و شەرمەزاری ژی ژ بۆ دژمنان مایە.
نھا گەلێ مە ژ ھەموو دەمەکی زێدەتر ل سەرکەفتن و دەستکەفتا مەزن و شکۆمەندی و حوورمەتیێ يێ نێزیکە. لێ بەلێ جھێ داخێ یە کو ژ بۆ دژایەتیکرنا گەلێ کوردستانێ ئاوایەکە نوو یا نە پاکیێ دەرکەفتیە کو ل رێیێن جوور ب جوور و ب داخویانی و نڤیسان پرۆپاگاندا و بانگەشە ژ بۆ شەرێ ناڤخوەیی و دووبەرەکی و ھەروه‌ھا زیندیکرنا ڤەقەتاندن و دوو ئیدارەیی یێ دکه‌ن. ئەڤە نە ئازاديا رادەربرینێ يە بەلکو ئەڤ جورە ھەولدان و خیانەتە ل گەل و نیشتمان و پیادەکرنا ئه‌جندا و سیاسەتا نەیارێن کوردستانێ. نابيت ب تو ئاوایەکی رێ بهێته دان ئەڤ نێرینا نە نیشتیمانی ل کوردستانێ دا ھەبيت. ئەڤ بابەته مەترسیە ل سەر ئاساییشا نەتەوەیی و نیشتیمانیا کوردستانێ و ھەموو ئەو دەستکەفتێن ب خوین و رۆندکان پێکھاتنە د بن ھەرەشە و تەھدیدان دا.
داخواز ژ په‌رلەمەنێ کوردستانێ و حوکمەتا ھەرێما کوردستانێ و داواکاریا گشتی دکه‌م ئەرکێ خوە راپەرێنن و رێوشووێنێن گونجاو ل دژی ڤان تەڤگەرێن نە نیشتیمانی و مەترسیدار ل بەر بگرن و چارەسەریەکا قانوونى و فەرمی ژ بۆ رێ گرتنا ل بەلاڤکرنا ڤان نێرینان پەیدا بکه‌ن کو ژیانا خەلکێ و ئێك پارچه‌يا نیشتیمان و بەختەوەریا وەلاتى دکە ته ئارمانج و بانگەشەیا شەرێ ناڤخوەیی و دووئیدارەیێ دکه‌ن.
داخواز ژ ھەموو ئالیێن سیاسیێن کوردستانێ دکه‌م ب ھەموو شیانان ڤە رێگریێ ل دەرکەفتنا ڤان دەنگان و نێرینێن نە نیشتیمانی بگرن. داخواز ژی ژ جەماوەرێ سەربلندێ کوردستانێ دکه‌م کو ئێدی دەرفەتێ نەدن ئەڤ جورە خەلک و ئەڤ تەڤگەرێن دژی نیشتیمانی ل بەلاڤکرنا ھزرێن شەرێ ناڤخوەیی و دووبەرەکی بەردەوام ببن و ئەم ھەموو شیانێن خوە ژ بۆ پاراستنا کوردستانێ و یەکرێزیا گەلێ خوە ئێكبێخین.
مەسعود بارزانی
سەرۆکێ ھەرێما کوردستانێ
١٦-٠٤-٢٠١٥
ئه‌ڤرۆ نيوز:
خەیری بۆزانی، رێڤەبەرێ گشتیێ کاروبارێن ئێزدیان ل وەزارەتا ئەوقاف و کاروبارێن ئاینی یا حکوومەتا ھەرێما کوردستانێ دیار کر کو ئەڤرۆ چوار ژن و پێنج زارۆکێن ئێزدی ل دەستێ داعش ھاتنە رزگار کرن.
خەیری بۆزانی ل ئەکاونتێ خو یێ فێسبوکێ دا ئەو چەندە ژی دیار کر کو ئەو چوار ژن و زارۆک خەلکێ گوندێ کوچو یێ دەڤەرا شنگالێ نە.
ل تەباخا سالا بوری دەمێ داعش شنگال و دەڤەرێن دەر دورێن وی کونترول کرین، جینوساید ل گوندێ کوچو ئەنجام دابوو و ھژمارەکا مەزن یا زەلام و گەنجێن وی گوندی کوشت بوون و ژن و زارۆک ژی گرت بوون.
بڕياره ئه‌ڤرۆ هژمارا ئه‌و كه‌سانێن ژ ده‌ست داعش رزگار بووين ژ لايێ رێڤه‌به‌ريا كاروبارێن ئێزديان ڤه بهێته به‌لاڤكرن كو ب گۆره‌يى ئامارێن ب ده‌ست ئه‌ڤرۆ كه‌فتين هه‌تا به‌رى ڤى نووچه‌يى 1300 كه‌س بوون.
ئه‌ڤرۆ نيوز:
كۆمپانيا سامسۆنگ مافێ داهێنانا مۆباليه‌كێ ب ده‌ست ڤه ئينا كو شاشه‌كا نه‌رم يا هه‌يى و دشيان دايه وه‌كو ده‌مژمێرێ بكه‌نه ده‌ستێ خوه.
ده‌زگه‌هێ مافێ كه‌ساتيێ يێ به‌رهه‌م و ماركێن بازرگانى ل ئه‌مريكا كۆمپانيا سامسۆنگ مافێ داهێنانا مۆباليه‌كێ ب ده‌ست ڤه ئينا كو شاشه‌كا نه‌رم يا هه‌يى و دشيان دايه وه‌كو ده‌مژمێرێ بكه‌نه ده‌ستێ خوه و شيانێن هه‌لگرتنا وێنه و ڤيديۆ و هنارتن و وه‌رگرتن و په‌يوه‌ندى و كورته نامان هه‌يه.
ئه‌ڤرۆ نيوز:
په‌ترۆلا ناڤا برێنت ئه‌ڤ ساله بلندترين ئاستێ خوه تۆماركر كو 63 دۆلارێن ئه‌مريكى نه بۆ هه‌ر به‌رميله‌كێ ب گۆره‌يى كارپێكرنا ئاسيا ئه‌ڤرۆ ل رۆژا پێنجشه‌مبى پشتى پێشكه‌فتنێ ب 5% ژ به‌رى نوكه.
شرۆڤه‌كار وه‌سان پێشبينى دكه‌ن كو ئه‌ڤ بهايه دێ هێشتا سه‌ركه‌ڤن د سه‌ر رێژا وێ يا زێده د بازاران دا.
ل ده‌مژمێر 4:35 ده‌قيقه ب ده‌مێ گرينچ بهايێ به‌رميلا ڤێ په‌ترۆلێ گه‌هشته 63.10 دۆرلاران. به‌رامبه‌ر ڤێ يا په‌ترۆلا خاڤا ئه‌مريكى گه‌هشته 56.39 دۆلاران، ئه‌ڤ ساله ئاستێ وێ هه‌تا 56.69 دۆرلان چوو بوو بۆ هه‌ر به‌رميله‌كێ.
نيشاندان