ئه‌ڤرۆ نيوز:

سۆران عومه‌ر ئه‌ندامێ لژنا دارايى ل په‌رله‌مانێ كوردستانێ ل په‌يجێ تايبه‌ت يێ خوه‌ ل تۆڕا جڤاكيا فه‌يسبۆكى به‌لاڤكريه‌: حوكمه‌تا هه‌رێمێ سالانه‌ ملياره‌ك و 758 مليۆن ديناران دده‌ته‌ كرێيا خانيان بۆ فه‌رمانگه‌هـ و وه‌زاره‌تان.

دبێژيت ژى: “دێ ڤێ پرسێ ئاراسته‌يى وه‌زيرێ دارايى كه‌م دا كو ژ ڤێ كێشێ چاره‌ بن كو ئه‌ڤه‌ حه‌فت كابينه‌يه‌ نه‌شياينه‌ هند ئاڤاهيان بۆ وه‌زاره‌تان دروست بكه‌ت هه‌تا حوكمه‌ت ژ خانيێن كرێ دا ب ده‌ركه‌ڤيت”.

سۆران عۆمه‌ر دده‌ته‌ زانين كو ئه‌ڤه‌ حه‌فت كابينه‌ چوون، هێشتا حوكمه‌ت كرێچيه‌ و ئاڤايێن وه‌زاره‌تا دارايى يێ د كرێيا ڤه‌ و سالانه‌ حوكمه‌ت ملياره‌ك و 758 مليۆن ديناران دده‌ت ئاڤاهيێن كرێ كو ب ڤى ره‌نگێ ل خوارێ هاتينه‌ دياركرن:

ل دهۆك: پێنج ئاڤاهى ب كرێ گرتينه‌ ب كۆژمێ 77 مليۆن ديناران سالانه‌.

ل هه‌ولێر: هه‌شت ئاڤاهى ب كرێ گرتينه‌ ب كۆژمێ 301 مليۆن ديناران سالانه.

ل سلێمانيێ و هه‌له‌بچه‌ و ئيدارا راپه‌رين و گه‌رميان: 36 ئاڤاهى ب كرێ گرتينه‌ و هه‌يڤانه‌ 115 مليۆن و سالانه‌ و ئێك مليار و 380 مليۆن ديناران دده‌ته‌ كرێيا ئاڤاهيان.

ئەڤرۆ نیۆز، قائید میرۆ:
نوونەرەکێ کورد ل پەرلەمانێ عيراقێ رەتکر عيراقێ چو پلان بۆ ئەرزانکرنا بھایێ کارتێن مۆبایلا ھەبن و تەکەزکر، د بودجێ دا ھاتیە بنه‌جهكرن.
ئەحمەد حاجی رەشید، بڕیاردەرێ لیژنا دارایی و ئابووریا پەرلەمانێ عيراقێ بۆ ئەڤرۆ نیۆز گۆت: “سێ جۆرێن باجێ ھەنە ل سەر کۆمپانان باجەک بۆ دەمێ پازدە سالان، ھەر کۆمپانیەک سێ ملیار و ٧٥٠ ملیۆن دیناران دێ دەنە حوکمەتا عيراقێ، باجا دەغژی ١٥%ێ دەنە حوکمەتێ ب شێوەیێ راستەوخۆ، حوکمەتا عيراقێ بۆ پەیداکرنا پارەی چو رێ نەمان ھەمبەر ڤان کۆمپانیا بجهـ بینیت، نەچار بوویە ٢٠%ێ باجێ دانیتە سەر فرۆتنا کارتان وەلاتی ئەڤێ باجێ ددەت”.
رەشید دیارکر چو پلان بۆ راکرنا باجا ل سەر کۆمپانیێن گەھاندنێ نینە و د قانوونا بودجا گشتی يا عيراقێ دا ھاتیە بنه‌جهكرن، بەلێ ھێشتا دیار نیە تنێ دێ بۆ سالەکێ بیت یان دێ بەردەوام ئەف باجە ھێتە وەرگرتن.

ئه‌ڤرۆ نيوز:

د. موفه‌ف روبێعى په‌رله‌مانتارێ ده‌وله‌تا قانوونێ ل جڤاتا نوونه‌رێن عيراقێ ل په‌يجێ خوه‌ يێ تايبه‌ت ل تۆڕا جڤاكيا فه‌يسبۆكى نڤيسيه‌: ب قاچاخبرنا په‌ترۆلێ ژ لايێ هه‌رێما كوردستانێ و فرۆتنا وێ د بازارێ ره‌ش دا، كاره‌كێ هه‌ڤدژى دستوورى يه‌ و پێدڤيه‌ حوكمه‌تا عيراقێ د رێيا دستورى دا رێگريێ لێ بكه‌ت”.

ئاماژه‌ ب وێ چه‌ندێ ژى كريه‌ كو فرۆتنا په‌ترۆلێ ب ئسرائيلێ گه‌هشتيه‌ ئاستێ پڕكرنا پێدڤيێن وى وه‌لاتى و فرۆتنا په‌ترۆلێ ژ لايێ هه‌رێما كوردستانێ ڤه‌ ب ئسرائيلێ هه‌ڤبۆچوونا حوكمه‌تا عيراقێ نينه‌ و عيراق سه‌ره‌ده‌ريێ ل گه‌ل وه‌لاته‌كى ناكه‌ت كو وه‌لاتيێن فه‌لستينى ب كوژيت و هاريكاريا داعش بكه‌ت.

هه‌ر د ڤى بابه‌تێ خوه‌ دا نڤيسيه‌ ژى: “د چه‌ند رۆژێن داهاتى دا دێ سكالا قانوونى ل دژى حوكمه‌تا هه‌رێمێ ل دادگه‌ها فيدرال و داواكاريا گشتى تۆمار كه‌ين ژ ئه‌گه‌رێ سه‌ره‌ده‌ريكرنا هه‌رێمێ ل گه‌ل ئسرئيل”.