ئه‌ڤرۆ نيوز:

ئه‌ڤ رۆسپێده‌ها 16ى نيسانا 2015ێ ل ده‌مژمێرێ 5:00 چه‌كدارێن داعش ل گۆرنده‌كێ نێزيك به‌نداڤا مووسل هێرش كره‌ سه‌ر پێشه‌رگه‌يى و هێرشا وان ژ لايێ له‌شكرێ هێزا 3ێ يا فه‌رمانده‌يا سپيلكى هاته‌ تێكشاندن.

فه‌رمانده‌كى ژ هێزێن پێشمه‌رگه‌يى دا زانين كو ئه‌ڤ هێرشا داعش ل گۆندێ مه‌سقه‌لات بوو و پێشمه‌رگه‌ يێ هايدارى ڤى كارێ وان بوو و ژ به‌ر هندێ ژى ب ره‌نگه‌كێ گه‌له‌ك باش به‌رسينگێ وان هاته‌ گرتن و شيان چه‌ندين زيانان بگه‌هيننێ.

دا زانين ژى كو هێزێن پێشمه‌رگه‌يى ب سلامه‌تن و چه‌كدارێن داعش گه‌له‌ك زيان گه‌هشتينى و زێده‌ترى 10 كه‌له‌خێن خوه‌ ل مه‌يدانێ ب جهـ هێلاينه‌.

ئه‌ڤرۆ نیۆز، سالار دۆسكى::

سه‌رۆكێ فراكسیۆنا گۆڕان ل په‌رله‌مانێ عیراقێ بۆ مالپه‌رێ ئه‌ڤرۆ نیۆز ئاشكراكر كو وه‌ك سه‌نگا ده‌نگێن كوردان ل په‌رله‌مانێ عیراقێ، هه‌تا نوكه‌ چه‌ندین پوستێن كوردان دحوكمه‌تا عه‌بادى دا كو به‌ر كوردان كه‌فتینه‌ ماینه‌ ڤالا و نه‌هاتینه‌ پركرن.
هوشیار عه‌بدوللا سه‌رۆكێ فراسیۆنا گۆڕان زێده‌تر گۆت: پێنچ ده‌سته‌یێن سه‌ربه‌خۆ ل عیراقێ به‌ر كوردان ل به‌غدا كه‌فتینه‌ و هه‌تا نوكه‌ دناڤبه‌را فراكسیۆنێن كوردى دا نه‌هاتینه‌ ئێكلاكرن، ئه‌ڤه‌ دناڤبه‌را لایه‌نێن سیاسى ل عیراقێ هاتینه‌ به‌لاڤه‌كرن و هه‌تا نوكه‌ نه‌هاتینه‌ پركرن و دیسان لایه‌نێن شیعى و سنى ژى پوستێن به‌ركه‌فتین چ كه‌س بۆ ده‌ست نیشان نه‌كرینه‌.
هه‌مبه‌ر پوستێن ب ده‌ست كوردان كه‌فتین، دڤێ حوكمه‌تێ دا ژ حوكمه‌تا دى، هوشیار گۆت: هه‌تا نوكه‌ پشكداریا كوردان دكابینا عه‌بادى دا وه‌ك پێدڤى نینه‌، دیسان یا نورى مالكى ژى ب هه‌مان ره‌نگ بوویه‌، دیسان پوستێن وه‌زاره‌تا، جارا بورى وه‌زاره‌تێن ب ده‌ست كوردان كه‌فتین باشتر بووینه‌ ژ ئه‌ڤ جاره‌.