ئه‌ڤرۆ نیوز:
حه‌یده‌ر عه‌بادى سه‌رۆك وه‌زیرێن عیراقێ و فه‌رماندێ گشتى یێ هێزێن چه‌كدار ل عیراقێ ژڤانێ هێرشكرنا سه‌ر باژێرێ مووسل ئاشكراكر و راگه‌هاند پشتى ره‌مه‌زانا ئه‌ڤ ساله دێ ئوپه‌راسیونا كونترولكرنا مووسل ده‌ستپێكه‌ت.
عه‌بادى ددیداره‌كێ دا ل گه‌ل رۆژناما (فورین پۆلیس) به‌حسێ هێرشا سه‌ربازى كریه بۆ كونترولكرنا باژێرێ مووسل و گوتیه: هێرشا ل سه‌ر مووسل دێ پشتى هه‌یڤا ره‌مه‌زانا ئه‌ڤ ساله ده‌ستپێكه‌ت.
ئه‌ڤرۆنیوز، ره‌زوان رۆژبه‌یانى:
كۆمیسه‌ر حازم محمد ژ راگه‌هاندنا هاتن چوونا قه‌زا به‌رده‌ره‌ش بۆ ئه‌ڤرۆنیوز خویاكر كو دوهى ل رێكه‌فتێ 14/4/2015 ل دوو رودانیێن جودا دا دوو وه‌لاتى بریندار دبن و :گوت ل ده‌م ژمێر ئێكێ نیڤرۆ ل ناف سه‌نته‌رێ قه‌زا به‌رده‌ره‌ش ل نێزیك چوار رییانا شاره‌وانى دوو ترومبێلان پێكدادا و د ئه‌نجام دا ه‌ئافره‌ته‌ك بریندار بوو.
كۆمیسه‌ر حازم دیاركر هه‌ر دوهى ل ده‌مژمێر(8)شه‌ڤێ ل سه‌ر رێیا گشتى یا ناڤبه‌را قه‌زا به‌رده‌ره‌ش و ناحیا كه‌له‌ك ل نێزیك گوندى دووسه‌ره دوو ترومبێلان پێكدادا و دئه‌نجام دا زه‌لامه‌ك بریندار بوو.
ئه‌ڤرۆ نيوز:
هنده‌ك ژێده‌ر ژ عيراقێ ئاماژێ ب وێ چه‌ندێ دكه‌ن كو نوكه چه‌كدارێن داعش 35% مه‌زنترين پاريزنگه‌ها په‌ترۆلا عيراقێ كو ئه‌و ژى يا بێجى يه سه‌ر ب پارێزگه‌ها سه‌لاحه‌دين كۆنترۆل كر.
هنده‌ك ژ ژێده‌رێن ناڤا پارزينگه‌هێ ئاشكه‌را كر كو 35% ژ روويێ وێ پارێزگه‌هێ ل بن كۆنترۆلا چه‌كدارێن داعش دايه و شه‌ر د ناڤبه‌را هێزێن عيراقى و وان چه‌كداران دا ل ناڤا پارزينگه‌هێ يا به‌رده‌وامه.
ئه‌فسه‌ره‌كى ژ هێزێن عيراقێ ل ناڤ پارزينگه‌ها بێجى راگه‌هاند، پشتى چه‌ندين جار ژ هێرشێن ئێك ل دووڤ ئێكێ، چه‌كدارێن داعش شيان 35% ژ روويێ پارزينگه‌ها بێجى كۆنترۆل بكه‌ن و شه‌ر و پێكدادان د ناڤبه‌را هێزێن ئه‌منى و چه‌كدارێن داعش دا بۆ ماوێ پێنج رۆژايه يێ به‌رده‌وامه.
ئاماژه ب وێ چه‌ندێ ژى كريه كو هێزێن ئه‌منى ب ره‌نگه‌كێ باش به‌ره‌ڤانى دكر به‌لێ د دو رۆژێن بۆرى دا چه‌كدارێن داعش شيان ژ هنده‌ك لايان ڤه بچنه ناڤ پارزينگه‌هێ و شيان هنده‌ك جهان بگرن.
ب گۆره‌يى زانياريان هێزێن ئه‌منى بۆ كۆنترۆلكرنا ئه‌وان جهێن چه‌كدارێن داعش ل ناڤ پارێزگه‌هان ده‌ست ب سه‌ر دا گرتى، ل هه‌ر سێ ميحوه‌رێن ئه‌لبعيجى ل رۆژهه‌لات و هۆنداى ل رۆژئاڤا و پێشه‌سازى ل باشوورێ قه‌زا بێجى ده‌ست ب پێشڤه‌چوونان كريه و نوكه ژى شه‌ره‌كێ مه‌زن يێ د ناڤبه‌را هه‌ردولا دا هه‌يى.
ئه‌ڤرۆ نيوز:
ستێرا به‌رنامێ عه‌ره‌ب ئايدۆل يێ كه‌نالێ mbc ل وه‌رزێ بۆرى، عه‌مار كۆفى راگه‌هاند كو ئه‌و دێ رابيت ب ئه‌نجامدانا كۆنسێره‌كێ ل وه‌لاتێ نه‌مسا.
عه‌مار كۆفى ل سه‌ر په‌يجێ خوه يێ تايبه‌ت ل تۆرا جڤاكيا فه‌يسبۆكى راگه‌هانديه كو ئه‌و دێ ل 19ى نيسانا 2015ێ ئاهه‌نگه‌كێ ل ڤييه‌نا يا پايته‌ختێ نه‌مسا گێريت.
ئه‌ڤرۆ نيوز:
ئه‌ندامه‌كێ جڤاتا كۆمسياران و ئاخفتنكه‌رێ فه‌رمى ب ناڤێ كۆمسيۆنێ ميقداد شه‌ريفى راگه‌هاند كو ئه‌وان داخوازيه‌ك ل نڤيسينگه‌ها به‌سرا وه‌رگرتيه كو 44 هزار كه‌سان ژ خه‌لكێ به‌سرا داخواز كره ببنه هه‌رێم.
به‌سرا ب روويێ خوه پارێزگه‌ها دويێ يه ل عيراقێ پشتى ئه‌نبار و 80% ژ په‌ترۆلا عيراقێ ل وێرێ به‌رهه‌م دهێت و رێيا سه‌ره‌كى يا هنارتنا په‌ترۆلێ يه ل عيراقێ بۆ جيهانێ ب رێيا ده‌ريايى.
شه‌ريفى دبێژيت: “حه‌فتيا بهێت دێ ل سه‌ر ڤێ داخوازيا 44 هزار وه‌لاتيێن به‌سرا راوه‌ستين ژ لايێ قانوونى و كارى ڤه”، ئاماژه ب وێ چه‌ندێ ژى كر كو كۆمسيۆن دێ پشتراستكرنێ ل سه‌ر ناڤان كه‌ت ب رێيا ليستا ناڤێن هه‌لبژارتنان و دێ ب رێيا قانوونا ژماره 13 يا سالا 2008ێ مادێ چارێ برگا ئێكێ ل گه‌ل كه‌ت.
ئه‌ڤرۆ نيوز:
رێڤه‌به‌رێ راگه‌هاندنا گه‌شتوگۆزارا سلێمانيێ دياركر كو پشكه‌كا مه‌زن يا يانێن شه‌ڤێ ل سلێمانيێ به‌ر ب داخستنێ نه و وه‌كو مۆله‌تا فه‌رمى 22 يانان مۆله‌ت هه‌يه، به‌لێ كێمتر وى كارى دكه‌ن و ئه‌گه‌ر ژى بۆ مه‌رجێن وان ڤه‌گه‌راند.
ئارام شوانى بۆ باسنيوز گۆت: “نوكه نابيت ژن د ناڤ مێزان دا هاتنوچوونێ بكه‌ت و سه‌مايێ ژى د ناڤ مێزان دا بكه‌ت و به‌رى نوكه ئه‌ڤ تشته نه‌بوو، به‌ر هندێ ژى نوكه هنده‌ك كێشه ل سه‌ر ڤه‌كرنا وان ده‌ركه‌فتينه”.
ئاماژه ب وێ چه‌ندێ ژى كر كو نوكه ب ره‌نگه‌كێ فه‌رمى نێزيكى 10 يانێن شه‌ڤان ل سلێمانيێ د ڤه‌كرى و دو لژنێن تايبه‌ت ئێك يا نهێنى و ئێك ژى ب ئاشكه‌رايى كارێ چاڤدێريا وان دكه‌ت.
دا زانين كو ژ سالێن به‌رى ژ ئه‌گه‌رێ سه‌رخۆشيێ هنده‌ك كه‌س هاتينه كوشتن و بريندار كرن، به‌لێ ل ئه‌ڤ ساله چو حاله‌تێن ژ وى ره‌نگى روو نه‌داينه.
ئه‌ڤرۆ نيوز:
سه‌رۆك وه‌زيرێن عيراقێ ل گه‌ل نوونه‌رێن ئه‌وان كۆمپانيێن په‌ترۆلێ يێن ل هه‌رێمێ كارێ ده‌رخستنا په‌ترۆلێ دكه‌م كۆمبوو ب مه‌ره‌ما دانوستاندنێ ل سه‌ر وان كێشێن ل ده‌مێ ده‌رخستنا په‌ترۆلێ هه‌ين.
ئه‌ڤرۆ 15ى نيسانا 2015ێ سه‌رۆك وه‌زيرێن عيراقێ حه‌يده‌ر عه‌بادى ل گه‌ل هه‌ر ئێك ژ ستف جازين سه‌رۆكێ ده‌زگه‌هێ ئوكسدنتان يێ په‌ترۆلێ و ريكس سه‌رۆكێ ده‌زگه‌هێ ئيكسۆم مۆبيل كۆمبوو و د وێ كۆمبوونێ دا به‌حسێ دووماهى پێشهات و ئه‌و ئاسته‌نگێن ل هه‌مبه‌ر ده‌رخستنا په‌ترۆلێ ل عيراقێ هه‌ين هاته كرن.
د وێ ديدارێ دا ئه‌وا ل واشنتۆن هاتيه ئه‌نجام دان ئاماژه به‌رهه‌مێ په‌ترۆلا عيراقێ و پرسا ئه‌منى و كارتێكرنا وێ ل سه‌ر رێژا هنارتنا په‌ترۆلێ هاتيه كرن.
ئه‌ڤرۆ نيوز:
ئه‌ڤرۆ رۆژا چارشه‌مبى رێكه‌فتى 15ى نيسانا 2015ێ ل ده‌مژمێر 9ى سپێدێ، چه‌كدارێن داعش ل سنورێ ناحيا قه‌راج – مه‌خمۆر ئاگر به‌ردا بيرێن په‌ترۆلێ.
ئيسماعيل محه‌مه‌د به‌رپرسێ لژنا ناوچا قه‌راج يا پارتى ديموكراتى كوردستان بۆ باسنيوز گۆت: “ئه‌و برێن په‌ترۆلێ دكه‌ڤنه د ناڤبه‌را پێشمه‌رگه‌يى و داعش دا كو زێده‌تر ژ دو كيلۆمه‌تران ژ پێشمه‌رگه‌يى د دوورن”.
گۆتژى: “گۆمان دهێته كرن كو داعش ئاگر به‌ردابيته وێ بيرێ چونكو ده‌نگێ ته‌قينێ نه‌هاتيه بيستن”، ئاماژه ب وێ چه‌ندێ ژى كريه كو ئه‌ڤ كارێ وان بۆ وێ مه‌ره‌مێ يه، دوكێلا ره‌ش په‌يدا بكه‌ن و فرۆكێن هه‌ڤپه‌يمانان نه‌شێن ئارمانجێن خوه ب دروستى ب جهـ بينن.
دا زانين ژى كو ئه‌ڤ بيرێن په‌ترۆلێ دكه‌ڤنه د ناڤبه‌را گۆندێ خه‌تاب و شورا په‌لكه يا سه‌ر ب ناحيا قه‌راج ل سه‌رده‌مێ رژێما به‌رێ يا سه‌دام هاتينه هه‌لكولان.
ئه‌ڤرۆ نيوز:
ئاژانسا ده‌نگوباسێن فرانس پرێس به‌لاڤكر كو ئه‌و گه‌شتيا ب نياز بوو ب سه‌دان په‌نابه‌رێن نه‌قانوونى ڤه ژ ليبيا بۆ ئيتاليا ڤه‌گوهێزيت، به‌لێ ل ناڤ ئاڤا هه‌رێمى يا ده‌ريا ناڤه‌راست دا بن ئاڤ كه‌فت و 400 ئاواره خه‌ندقين.
ده‌سته‌يا ل هه‌وارچوونا زارۆيان يا رێكخراوا كۆچبه‌رێن ئيتالى، ته‌كست ل سه‌ر وێ چه‌ندێ كر كو ئه‌و كه‌شتى به‌رى بن ئاڤ بيت 550 كه‌ست تێدا بووينه و ئه‌و شياينه ب تنێ 150 كه‌سان ژ مرنێ رزگار بكه‌ن و بۆ به‌نده‌ره‌كێ ئيتاليا ڤه‌گوهێزن.
نيشاندان