ئه‌ڤرۆ نيوز:
چه‌كداره‌كێ داعش يێ كورد ئه‌وێ به‌رنياس ب مامۆستا شوان به‌حس ل ئێخسيرێن پێشمه‌رگه‌يى يێن ناڤ ده‌ستێ داعش دكه‌ت و ئاماژێ ب وێ چه‌ندێ دكه‌ت كو ره‌وشا وان گه‌له‌ك يا باشه.
د ڤێ تۆمارا ئه‌ڤرۆ 15ى نيسانا 2015ێ دا هاتيه به‌لاڤكرن و د به‌رسڤا پرسياره‌كێ دا ل سه‌ر پالتاكى مه‌لا شوان به‌حس ل ئێخسيرێن ناڤ ده‌ستێ داعش يێن پێشمه‌رگه دكه‌ت و دده‌ته زانين كو دبيت د پاشه‌رۆژێ دا ئه‌و هنده‌ك كاران به‌رامبه‌ر وان ئه‌نجام بده‌ن.
دبێژيتژى: “دبيت ئه‌ڤ ئێخسيره بهێنه كوشتن ژ به‌ر كو گه‌له‌ك بزاڤ هاتنه كرن كو ئه‌ڤ ئێخسيره بهێنه گوهۆڕين، به‌لێ وه‌سان دياره سه‌ركردێن ئێكه‌يتێ دره‌وان ل مه دكه‌ن و نه‌ڤێت كوڕێن فه‌قيران ژ ناڤ ده‌ستێ مه بهێنه ده‌ر و ڤه‌گه‌رنا ناڤ مال و خێزانێن خوه”.
مه‌لا شوان سووند دخوت و دبێژيت: “مه حه‌زا گوهۆڕينا ئێخسير گۆڕينێ يا هه‌يى و هه‌بوو، به‌لێ ژ به‌ر ب به‌رسڤ نه‌هاتنا مه، دبيت ل ده‌مێ دروست ئێك ئێكه ل به‌ر چاڤێكێن كاميران سه‌رێن وان ببڕين و نيشا وان بده‌ين”.
خۆشبه‌خيێ ژى بۆ وان كه‌سان ده‌ردبڕيت ئه‌وێن دێ سه‌رێ وان پێشمه‌رگان بڕن و هيڤى دخوازيت ئه‌و ژى ئێك بيت ژ وان كه‌سان و دبێژيت: “هه‌تا نوكه ژى داخوازێ ژێ دكه‌ين كو ئێخسيرێن خوه پێك ب گوهۆڕين، مه سه‌رۆك عه‌شيره‌ت ژى بۆ ڤى كارى راسپاردينه، به‌لێ ئه‌و ژى دبێژن ئه‌م ژى ل هه‌مبه‌ر هه‌وه دره‌وين ده‌ركه‌فتين”.
دده‌ته زانين ژى كو ل ده‌سپێكێ ئێكه‌تى و پارتى رازى بوون كو ئێخسيره‌كى ب 30 ئێخسيران بگوڕن و پاشان ژى گۆت 20، دياره د رازى نه‌بوون، دبێژيتژى: “به‌رى دو حه‌فتيان ئه‌م ل سه‌ر 20 ژى رازى بوون، به‌لێ نوكه يێن دبێژن 10، دياره هه‌ڤالێن مه ژى ل سه‌ر د رازى نينن، دبێژن هه‌كه ب 20 كه‌سان نه‌بيت دێ هه‌موويان سه‌رژێ كه‌ين، چونكو هه‌ر ژ ده‌سپێكێ مه گرتيێن خوه ب مرى يێن زانين”.
ناڤه‌شێريت ژى كو ئه‌وان خواست بوو ئه‌و كه‌سان هه‌لبژێرن ژ به‌ر كو ئه‌و كه‌سانێن خوه دنياسن و ل سه‌ر هندێ ژى رازى نه‌بوون و دبێژيت: “ئه‌و ناڤێن وان هنارتين ب تنێ دو يێن مه بوون و يێن دى كه‌ڤنه پۆليس و ئه‌و كه‌سانه بوون و ئه‌م وه‌كو ئێكگرتوو و كۆمه‌لێ نينن وه‌كو كۆمپانى هه‌ر كه‌سێ هات وه‌رگرين”.
مه‌لا شوان زێده‌تر پێڤه دچيت و دبێژيت: “خالد شوانى دره‌و ل گه‌ل مه كر، ده‌سپكێ گۆت هه‌ر تشتێ درسته و نوكه ژى يێ دبێژيت ب ده‌ستێ من نينه و گرێدايى مه‌كته‌ب سياسى يه”.
ده‌رباره‌يى ره‌وشا پێشمه‌رگێن ئێخسير ته‌كست دكه‌ت كو ره‌وشا وان نوكه يا باشه و دێ ڤيديۆيه‌كا دى به‌لاڤ كه‌ن يا وان پێشمه‌رگان و هه‌كه هه‌ر چ به‌رسڤ نه‌بوو دبێژيت: “خودێ ژى دزانيت به‌لێ ئێك ئێكه دێ سه‌رژێكه‌ين”.
د به‌رسڤا پرسياره‌كێ دا كا خه‌تاكێن پارتى يان ئێكه‌تى نه، مه‌لا شوان دبێژيت: “ئێكه‌تى دبێژيت ئه‌و كه‌سێن هين دبێژن يێن ل ده‌ڤ پارتى و پارتى ناده‌ته‌ف مه چونكو يێن وان نينن، به‌لێ ئه‌م دبێژين كو يێن پارتى ژى گه‌له‌ك يێن ل ده‌ف مه هه‌ين”.
زێده‌تر دبێژيت: “ل ده‌مه‌كێ نێزيك دێ يێن وان ژى نيشان ده‌ين و هه‌كه هه‌ر به‌رسڤ نه‌بوو ل نێزيك دێ كاردانه‌ڤان بينن”.
نيشاندان
