ئه‌ڤرۆ نيوز:

نڤيسينگه‌ها كوسره‌ت ره‌سۆل جێگرێ سكرتێرێ گشتيێ ئێكه‌تى نشتيمانى كوردستان په‌يامه‌ك به‌لاڤكر و رادگه‌هينيت كو گه‌له‌ك ئاخفتن و داخۆيانيێن نه‌ دروست ب ره‌نگه‌كێ ئێكسه‌ر و نه‌ئێكسه‌ر ب ناڤێ به‌رێز كوسره‌ت ره‌سۆل عه‌لى دهێنه‌ به‌لاڤكرن و دڤێت تێكدانێ د ناڤا رايا گشتى دا به‌لاڤ بكه‌ن.

ده‌قێ روونكرنێ:

روونكردنەوەیەك لە نووسینگەی رۆژنامەوانی جێگری یەكەمی سكرتێری گشتی

یەكێتی نیشتمانی كوردستان

لە سەروبەندی گۆڕانكاری و قەیرانەكانی كوردستان و پرسی سەرۆكایەتی هەرێمی كوردستاندا، بەداخەوە لەملاو لەولا جۆرەها قسەو لێدوانی ناڕاست بەناوی بەڕێز كۆسرەت رەسول عەلی-یەوە بڵاودەكرێتەوەو دەیانەوێ‌ رای گشتی پێ چەواشە بكەن و بەرژەوەندی و كۆبوونەوە نهێنییەكانی خۆیان بە جەنابیان بفرۆشنەوە، لێرەدا بەم خاڵانە چەند شتێك بۆ رای گشتی رووندەكەینەوە:

1- لە سەرەتای ئەم قەیرانەوە بەڕێز كۆسرەت رەسول عەلی رایگەیاندووە كە بە تەواوی لەگەڵ سیستەمی پەرلەمانیەو هەموو هەوڵێكیشی بۆ ئەوەیە یەكێتی یەك بڕیاربێ و بەرژەوەندی باڵای گەلەكەمان لەبەرچاو بگیرێ و هەرگیزیش رای وانەبووە كە هەموو ئاراستەكان بە ئاراستەی خزمەتكردنی كەس و لایەنێك بێ، بەڵكو دەبێ بڕیارەكان سەرجەم لایەنەكان لێی بەشداربن و بەرپرسیاریەتییەكەی هەڵگرن.

2- پێویستە هەموو لایەنەكان و خەڵكی كوردستانیش ئەو راستیە بزانن كە گەڕانەوەی دەستوور بۆ پەرلەمان و سیستەمی پەرلەمانی تێزی “ی.ن.ك”ەو دەبێ لایەنەكان هاوكاربن بە سازانێكی نیشتمانی ئەم پرسە رێكارە یاساییەكانی خۆی بگرێ.

3- سەبارەت بەو هەواڵانەی گوایە لە نامەیەكدا كۆسرەت رەسول عەلی داوای لابردنی خەڵكانێكی كردووە لە پۆستەكەی، وێڕای رەتكردنەوەی سەرلەبەری ئەم هەواڵە، لێرەوە بە هەوو لایەكی رادەگەیەنین كە جەنابی كاك كۆسرەت جێگری یەكەمی سكرتێری گشتییەو هەر كاتێك بیەوێ كارێك ئەنجام بدا بڕیار دەردەكاو جێبەجێ دەكرێ، نەك ئەوەی نامە بنووسێ، كە بەداخەوە راگەیاندنەكان ئەمەیان بۆ خۆیان داتاشیوە.

4- لە هەندێك لە راگەیاندنەكانەوە وا بڵاوكراوەتەوە كە كۆسرەت رەسول عەلی دژی بەشداری كردنی ئەندامانی فراكسیۆنی سەوز بووە لە كۆبوونەوەی 19ی حوزەیران، لێرەوەو بۆ بەرچاوڕوونی هەموو لایەك ئەوە دەخەینەڕوو كە لە كۆبوونەوەی شەوی 18ی ئابدا وەفدی یەكێتی نیشتمانی كوردستان پێكهاتبوو لە”كۆسرەت رەسول عەلی، مەلا بەختیار، حاكم قادر، عیماد ئەحمەد، سەعدی پیرە، دلێر سەید مەجید، قوباد تاڵەبانی) و هەر بڕیارێك درابێ بڕیاری تەواوی بەشداربووان بووە نەك تەنها كەسێك، جگە لەوە 3 سەعات بەر لە تەواو بوونی كۆبوونەوەكە كۆسرەت رەسول عەلی شوێنی كۆبوونەوەكەی جێهێشت.

5- لە سەرەتای هاتنەپێشەوەی ئەم بابەتەو پرسی سەرۆكایەتی هەرێم، جەنابی كاك كۆسرەت هەمیشە لەگەڵ ئەوە بووە لایەنەكان بگەنە سازان و رێككەوتن بۆ سیستەمێكی پەرلەمانی بەرژەوەندی گەلەكەمانیان لەبەرچاوبێ و بەهیچ شێوەیەكیش نەیویستووە رای شەخسی بدرێ و بڕیارەكان تاكلایەنە بن، بەڵكو لای وایە دەبێ بڕیار بڕیاری هەموو یەكێتییەكان بێ، هەروەك لە پەیامەكەی 24/6/2015جەختی لەوە كردەوە كە هەڵوێستی فەرمی (ی.ن.ك) تەنها هەڤاڵ عیماد ئەحمەد دەریدەبڕێ و هەر ئەوە رای فەرمی حزبە نەك كەسی تر.

ماوەتەوە بڵێین پێویستە لەسەر راگەیاندنەكان بەرپرسیارانە مامەڵە بكەن و لە راستی و دروستی ئەو هەواڵانە دڵنیابنەوە كە بڵاوی دەكەنەوە.

نووسینگەی رۆژنامەوانی
جێگری یەكەمی سكرتێری گشتی
یەكێتی نیشتمانی كوردستان