ئه‌ڤرۆ نيوز:
ب گۆره‌يى نڤيساره‌كێ وه‌زاره‌تا پێشمه‌رگه و كۆنسلخانا ئيتاليا بزاڤێن وێ چه‌ندێ دكه‌ن نه‌خۆشخانه‌كێ بۆ پێشمه‌رگه‌يى ڤه‌كه‌ن و بۆ ڤێ مه‌ره‌مێ ژى ئيتاليا پرۆپۆزه‌له‌ك پێشكێش كريه.
د راگه‌هاندنه‌كا وه‌زاره‌تا پێشمه‌رگه‌يى يا حوكمه‌تا هه‌رێما كوردستانێ دا ئاماژه ب وێ چه‌ندێ هاتيه كرن كو دوهى رۆژا ئێكشه‌مبى رێكه‌فتى 12ى نيسانا 2015ێ مسته‌فايێ سه‌يد قادر ل گه‌ل كارمێلۆ فيكارا كۆنسۆلێ گشتيێ ئيتاليا ل هه‌رێما كوردستانێ و دو كۆمپانيێن ئيتالى يێن تايبه‌ت ب دروستكرنا نه‌خۆشخانان كۆمبوون.
هه‌ر ب گۆره‌يى ڤێ راگه‌هاندنێ هه‌ردولا دانوستاندن ل سه‌ر ئاڤاكرنا نه‌خۆشخانه‌كا تايبه‌ت ب پێشمه‌رگه‌يى ل هه‌رێما كوردستانێ كريه.
ئه‌ڤرۆ:
ھندەک پارچێن سیرێ بکە دوو پارچە و بکە د ناڤ ئاڤا گولان دا (ئەڤا کو ل نک عەتارا ھەی) و بوم اوێ ١٠ خولەکان بھێلە پاشی وێ سیرێ دێ بەلاڤە کەی ل سەر پیستێ سەری و بو ماوێ دوسەعەتان و پاشی وەکو ھەرجار دێ شووی ھەرچەندە ئەڤێ رێکێ کێشەیەکا ھەی ئەو ژی بھنا سیرێ یە لێ بو ڤێ چەندێ تو دشێی روھنێ عود بکار بینی تاکو ژ بھنا سیرێ قورتال بی ئەڤ ماسکە گەلەکێ ب مفایە بو پرچێ کێم و یێ لاواز و دھێتە بکار ئینان وەک باشترین چارەسەریا سروشتی.
ئه‌ڤرۆ نيوز:
ئه‌ڤرۆ سپێدێ ب گۆره‌يى بڕياره‌كا دادگه‌ها دهۆك حه‌يده‌ر شه‌شۆ ئازاد كر و په‌يوه‌ندى ب وه‌زاره‌تا پێشمه‌رگه‌يى كر.
د داخۆيانيه‌كا رۆژنامه‌ڤانى دا شه‌شۆيى راگه‌هاند كو ب ته‌مامى په‌يوه‌نديێن وى ل گه‌ل حوكمه‌تا عيراقێ بۆ دروستكرنا حه‌شه‌د شه‌عبى هاتينه پچاندن و 50% ژ چه‌كدارێن وى چووينه سه‌ر ميلاكێ وه‌زاره‌تا پێشمه‌رگه‌يى و دێ ل رێزێن پێشيێ يێن پێشمه‌رگێ كوردستانێ به‌ره‌ڤانيێ كه‌ن.
شه‌شۆيى خواست ژى كو ئه‌و پێشمه‌رگێن ماين ژى بلا ڤه‌گه‌رنه ناڤ رێزێن له‌شكرێ كوردستانێ و خزمه‌تێ ب كوردستانێ بكه‌ن.
ئه‌ڤرۆ نيوز:
د. رێكه‌وت محه‌مه‌د ره‌شيد، وه‌زيرێ ساخله‌ميێ ل حوكمه‌تا هه‌رێما كوردستانێ ل په‌يچێ خوه يێ تايبه‌ت ل تۆڕا جڤاكيا فه‌يسبۆكى به‌لاڤكر: پشتى كۆمبوونێ ل گه‌ل وه‌زيرێ دارايى بڕيار ب ته‌رخانكرنا 100 پلێن وه‌زيفى بۆ دامه‌زراندنا نوشدارێن ده‌رمازنسا و نوشدارێن ددانان و نووكرنا گرێبه‌ستا هه‌موو فه‌رمانبه‌رێن گرێبه‌ست ل سه‌ر بودجا گه‌شه‌پێدانا وه‌زاره‌تا مه.
ئەڤرۆ نیوز،زنار تۆڤی:
ل روژا دووشەمبی رێکەفتی 13ى نيسانا 2015 ێ ژ ئەگەرێ نزم بوونا پلێن گەرماتیێ و تێکچوونا رەوشا سەقایی ل دەڤەرا بەرواری بالا رێژەیەکا باش یا بەفرێ ل سەنتەرێ ناحیا کانی ماسێ و گەلەک گوندێن ڤێ دەڤەرێ باریە و دهێتە پێشبینی کرن،هێشتا بەفر بباریت.
سەعید ئەحمەد وەلاتیەکێ خوجهێ کانی ماسێ یە بۆ ئەڤرۆ نیوز خویاکر:ل روژا دووشەمبی پێلەکا سەرمایێ دەڤەرا کانی ماسێ ڤەگرت و سەقا گەلەک ساربوویە و د ئەنجامدا پێلەکا بەفرێ ل سەنتەرێ ناحیا کانی ماسێ و گەلەک گوندێن دەردورێن کانی ماسێ باریە. و گوت ژی:لێ بارینا بەفرێ لڤی دەمی دێ بیتە ئەگەرێ زیانێ بو کولیلکا داروباری و سر دێ بەت.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی ئه‌سمان دێ نيڤ ئه‌ورى بيته ئه‌ورێ ته‌مام و دێ باران باريت ل ده‌ڤه‌رێن چيايى ژى دێ ب زوورى باران باريت.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ كاتێكرنا فشارێن نزمێن نيمچه دورگه‌يا عه‌ره‌بى بۆ سەر ھەرێما کوردستانێ ئەو پێشبینی دکەن کو سوبەھی رێکەفتی 14ى نيسانا 2015ێ ئه‌سمان دێ نيڤ ئه‌ورى بيته ئه‌ورێ ته‌مام و دێ باران باريت ل ده‌ڤه‌رێن چيايى ژى دێ ب زوورى باران باريت.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ نزم بيت وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 16 بۆ 5 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ ل باشورێ رۆژئاڤا بیت ب رەنگەکی دێ ل سه‌ر خوه و ناڤه‌ندى بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
نيشاندان