ئه‌ڤرۆ نيوز:
رۆنالدۆ ستێرا ب ناڤ و ده‌نگا يانا ريال مه‌دريد و هه‌لبژارتيێ پرتۆگال ل تۆڕا جڤاكيا ئينستگرامى ب جوانيا جانسۆ تاشكنى سه‌رسام بوويه و داخوازى ئسپانيا كريه.
جانسۆ تاشكنى يا 21 سالى، ئه‌كته‌ر و فاشيۆنا توركيا ب جوانى و سه‌رنجراكێشيا خوه، سه‌رنجا كرستيانۆ رۆنالدۆيى ب خوه ڤه كێشايه و داخواز ژمارا تله‌فۆنێ ژ وێ چكێ كريه و ديسا داخواز ژێ كريه بچيته ده‌ف وى ل وه‌لاتێ ئسپانيا.
ئه‌ڤرۆ نيوز:
رێڤەبەرێ پرۆژێ تۆنێلێ زاخۆ راگەھاند، ھەردو سایدێن ھاتن و چوونا تۆنێلێ گەھشتنە ئێک، لێ ھەشت ھەیڤێن دی ب سەر ماوێ پرۆژێ تۆنێلا زاخۆ دا ھاتنە زێدەکرن، ھاتن و چوون ژی دبینیت: ب رێژا ٦٠% ژ روودانێن زاخۆ ل گەلی پەیدا دبن و روودانێن گیانی نە، شۆفێر ژی دبێژن: حۆکمەت ل چاڤدێریکرنا بەرژەوەندیا شۆفێران دا ل گەلی گەلەک یا لاوازە.
ئەحمەد تاھر، رێڤەبەرێ پرۆژێ تۆنێلا زاخۆ بۆ رۆژناما ئەڤرۆ دیار کر، ھەشت ھەیڤێن ھاتینە زێدەکرن، کو پرۆژێ مە ژی بەر بریارا پەرلەمانێ کورستانێ دکەڤن و گۆت: ل سەر دو قۆناغان ٢٤٠ رۆژ بۆ پرۆژێ تۆنێلا زاخۆ ھاتنە زێدەکرن.
ئازاد تەھا، بەرپرسێ راگەھاندنا رێڤەبەریا ھاتن و چوونێ گیرۆبوونا پرۆژی ل گۆرەیی گۆتنێن وی دێ بەردەوامیێ دەتە کێشەیان ژ پەیدابوونا روودانان، دبینن ھەکە ب رێژا ٦٠% ژ روودانێن ل زاخۆ ل گەلیێ پەیدا دبن پتریا وان ژی روودانان گران و دلتەزینن و گۆت: ڤەکرنا تۆنێلێ دناڤبەرا زاخۆ و دھۆکێ دا ١٥ خۆلەک دێ ھێنە کێمکرن، ترۆمبێلێن بارھەلگر و تایبەت ژێک ھێنە جوداکرن، کێشا سەرەکی نھۆ ل زاخۆ بۆ مە کێشەیە، تۆنێل و ئۆڤەرپاس و ھەروەسا پرا ل دەڤ گازینۆ راوەند ھەموو ل سەر ئێک ھێلا ھێلێ نە د قۆناغێن چێکرنێ دانە، ڤێ کێشەکا مەزن و قەرەبالغ بۆ مە درۆستکریە.
محەمەد حسێن، شۆفێرێ ترۆمبێلا تایبەت ل راستا گەلیێ ل ئەڤرۆ راوەستا، یێ تۆرەبوو ژ بەر د رێیا د ناڤبەرا زاخۆ و دھۆکێ دا تایرەکێ ترۆمبێلا خوە ل تەسەیەکێ دا پەقاند دیار کر، ل پرۆژێن بەرژەوەندیا گشتی تێدا بیت دسستن، چونکۆ حوکمەت ب خوە گەلیێ زاخۆ ب مرنێ ناڤ دکەن، ئەڤە ب دەھان سالە خەلکێ ل گەلی ب روودانان دمرن، حۆکمەت پێنج کێلۆمەتران ژ گەلی دوورن و خوە لڤی بابەتی ب خودان نزانن.
گۆت ژی: رێیا دناڤبەرا زاخۆ و دھۆکێ دا یا ھەلوەریایە، دلێ مە ب تۆنێلی خۆشبوو ئەو ژی بھانەیا قەیرانان دەرێخستن براستی ئەڤە غەدرەکا مەزنە ل شۆفێران دھێتە دکەن، چونکو ھەکە پرۆژە براوەستیت، بۆچی پرۆژێ نەفتا تاوکێ چوار رۆژان ناراوەستین، ئەم دبێژین ھەکە مافێ خوونا وان کەسێن ل گەلی ب روودانان گیانێ خوە ژ دەستداین ل ریێ مەزاختبان، نھۆ دا رێ ب زێری ھێتە درۆستکرن.
رێڤەبەرێ تۆنێلی دا زانین، زێدەکرنا ماوەی نە وەک سزا ھاتیە ل گۆرەیی گۆتێن وی پرۆژە، ل دووڤ بەرنامەیێ خوە برێڤە دچیت، کارێ ب زەحمەت ب دووماھی ھاتیە، ھەردو سایدێن ھاتن و چوونێ گەھشتینە ئێک، ل ١٥/٩ یا ئە ڤسالە نووژەنکرنا د ناڤ تۆنێلی دا دێ ب دووماھی ھێت، لێ ھێشتا دیار نینە پرۆژە ب ئێکجاری کەنگی ب دووماھی بھێت و گۆت: ھەتا نھۆ ژی کار گەلەک ب باشی برێڤە دچیت، ھەر چەندە ژی پارە ل دووڤ کاری مە کری مە وەرنەگرتیە.
دھێتە زانین، ل رۆژا ٢٥-٤-٢٠١٣ دەست ب کارێ نووژەنکرنا تۆنێلا زاخۆ ب درێژاھیا ٣ کێلۆمەتر و ٦٠٠ مەتران ب کۆژمێ ١٦٠ ملیار دینارێن عێراقێ ھاتیە کرن، ژ دەستپێکا گەلی دەست پێ دکەت، ل راستا دۆریانا گۆندێ حەسەن ئاڤا دەردکەڤیت.
د ناڤ تۆنێلی دا ل گۆرەیی گۆتنێن رێڤەبەرێ تۆنێلی ب سیستەمەکێ ھەڤچەرخ دھێتە درۆستکرن و گۆت: ھەر سایدەکی سێ ترۆمبیل تێدا دشێن ھاتن و چونێ بکەن، سیستەمێ ئاگر ڤەمراندنێ د ناڤ دایە، ھەروەسا ئاڤاھیێ کۆنترۆل و کامێرەیێن زێرەڤانێ د ناڤ دا ھەنە، ھەروەسا بۆ ھەر روودانەکا پەیدا دبیت، رێیەکا یەدەک ژی بۆ ترۆمبێل و مرۆڤان ھاتیە دانان.
ئەڤرۆ نيوز:
کۆمبوونا چارێ یا ھەر پێنج لایەنێن سەرەکی یێن ھەرێما کوردستانێ “پارتی، گۆڕان، ئێکەتی، کۆمەل و ئێکگرتوو” ل پارێزگەھا سلێمانیێ، ل ئۆتێلا گراند ملیۆم، بۆ دانوستاندنێ ل دۆر پرسا سەرۆکاتیا ھەرێما کوردستانێ ده‌سپێكر.
ھەر ل دۆر پرسا سەرۆکاتیا ھەرێمێ، دلشاد شھاب ئەندامێ سەرکرداتیا پارتی دیمۆکراتی کوردستان و ئەندامێ شاندێ پارتی یێ دانوستاندنان راگەھاند، کو ئالیێن سیاسی د ھەڤڕانە ل سەر پرسا سەرۆکاتیا ھەرێمێ، ھندی پرسەکا سیاسی یە، پێدڤی یە ژ دەرڤەی پەرلەمانی بھێتە چارە کرن، ھند پرسەکا قانوونی نینە.
ب گۆره‌يى ئه‌و پێزانينێن ل به‌ر ده‌ست ئه‌ڤرۆ نيوز ئه‌ڤرۆ كۆمبوونا پێنج لايه‌نێن سياسى ل ئۆتێلا پێنج ستێر دێ گه‌له‌ك يا تايبه‌ت و هه‌ستيار بيت و دبيت ئه‌ڤرۆ بگه‌هنه رێكه‌فتنه‌كێ.
هه‌ر ب گۆره‌يى وان پێزانينان د كۆمبوونا ئه‌ڤرۆ دا ئه‌وا ل سلێمانيێ دێ هێته كرن، نوونه‌رێن پارتێن سياسى يێن ناڤا په‌رله‌مانى ژى د پشكدارن و پرۆژه‌كێ نوو هاتيه به‌رهه‌ڤكرن كو ل به‌ره قانوونا ژماره ئێك يا قانوونا سه‌رۆكاتيا هه‌رێما كوردستانێ بهێته راستڤه‌كرن.
هه‌ر ديسا ئه‌ڤ پێزانينێن ل به‌ر ده‌ست ئه‌ڤرۆ نيوز ئاماژێ ب وێ چه‌ندێ ژى دكه‌ن كو نوكه ب تنێ كێشه ل سه‌ر شێوازێ هه‌لبژارتنا سه‌رۆكێ هه‌رێمێ ماينه كو پارتى پێداگريێ ل سه‌ر وێ چه‌ندێ دكه‌ت ژ لايێ خه‌لكى ڤه بيت و لايه‌نێن ژى دخوازن د ناڤا په‌رله‌مانى دا بيت.
ئه‌ڤرۆ نيوز:
هه‌ڤسه‌رۆك پارتيا ديموكراتا گه‌لان “HDP” داخوازێ ژ “PKK” دەکه‌ت بێ مه‌رج بزاڤێن خوه يێن چه‌كدارى د ناڤ و ژ ده‌رڤه‌يى توركيا دا رابگرن و وه‌سان دبينيت كو AKP ژى نه‌شێت ب رێيا گرتنا لاوێن كورد ل كۆچه و كۆلانان تاوانێن خوه ڤه‌شێريت.
سه‌لاحه‌دين ده‌ميرتاش، هه‌ڤسه‌رۆكێ “HDP” ل ئيزمير رۆژا شه‌مبى رێكه‌فتى 22ى ته‌باخا 2015ێ د كۆمبوونێ دا، ل گه‌ل ميدياكاران ده‌رباره‌يى كاودانێن نوكه يێ توركيا و باكورێ كوردستان، گۆت: “جوداهى د ناڤبه‌را كورد و تورك، پۆليس و له‌شكر و گه‌ريلايان دا نينه”.
ده‌ميرتاش گۆتژى: “دڤێت PKK بزاڤێن چه‌كدارى ل باژێر و چيان رابگريت، AKP نه‌شێت ب گرتنا زارۆيێن كورد ل كۆچ و كۆلانان تاوانێن خوه ڤه‌شێريت”.
ئه‌ڤرۆ نيوز:
ئيسماعيل قادر، جێگرێ ئه‌فسه‌ر ل هێزا 73ێ يا پێتواته سه‌ر ب فه‌رماندا سپێلكى بۆ رووداو گۆت: “ده‌مژمێر 8:20 ده‌قيقه يا شه‌ڤا بۆرى چه‌كدارێن داعش ب كاتيۆشا بۆردۆمانا سه‌نگه‌رێن پێشمه‌رگه‌يى كر كو ب تنێ دو كيلۆمه‌تران ژ مه د دوورن، پشتى بۆردۆمانێ مه هه‌ست ب بێهنه‌كا پيس كر و پاشان ژى مه هه‌ست ب وێ چه‌ندێ كر كو بارێ ساخله‌ميێ يێ هنده‌ك پێشمه‌رگان يێ باش نينه، هنده‌كان رۆندك ژ چاڤێن وان د هاتن و هنده‌كان ژى سه‌ر ێ وان دئێشا و هنده‌كان ژى زك”.
زێده‌تر گۆت: “پشتى مه هه‌ست ب وى حاله‌تى كرى، مه فه‌رماندێن خوه ئاگه‌هدار كرن و ئه‌وان ژى ئه‌م ئاگه‌هداركرين كو داعش يا مادێ كێمياوى ب كار دئينيت و رێنمايێن پێدڤى دانه‌مه بۆ خوه پاراستنێ و پاشان ژى ئه‌مبۆلانس هنارتن بۆ ڤه‌گوهاستنا پێشمه‌رگان و ل نه‌خۆشخانان چاره‌سه‌ريا پێدڤى بۆ هاته كرن”.
ئه‌ڤرۆ نيوز:
خالد عه‌تيه، سه‌رۆكێ ده‌سته‌يا حه‌ج و عومرێ ب وه‌كاله‌ت د كۆنگره‌كێ رۆژنامه‌ڤانى راگه‌هاند: ژمارا حاجيێن عيراقێ بۆ ئه‌ڤ ساله ب رێژا 20% هاتيه كێمكرن.
سه‌رۆكێ ده‌سته‌يا حه‌ج و عومرێ ب وه‌كاله‌ت گۆتژى: “ئه‌گه‌رێ ڤێ چه‌ندێ ژى بۆ به‌رفره‌هكرنا حه‌ره‌مێ مه‌ككه‌ها پيرۆز د ڤه‌گه‌ريت و سالا بهێت دێ جاره‌كا دى وه‌كو خوه زڤريت”، ئاماژه ب وێ چه‌ندێ ژى كر كو ئه‌ڤ كێمكرنه ژ هه‌موو وه‌لاتان گرتيه.
خالد عه‌تيه دا زانين ژى كو ئه‌و ل گه‌ل ده‌سته‌لاتدارێن سعوديێ ئاخفتيه ژ بوو دابينكرنا فرۆكێن به‌رفره‌هـ و ژڤانێن وان و گۆت: “ئه‌ڤ ساله حاجيێن عيراقێ دێ رۆژه‌كێ به‌رى ژڤانێ خوه ڤه‌گه‌رن ئانكو ل 14ى هه‌يڤا (زى الحجة) ل دووڤ رۆژهژمێرا كۆچى دێ ڤه‌گه‌رن”.
ئەڤرۆ نيوز:
بڕیارە ئەڤرۆ کۆمبوونا چارێ یا ھەر پێنج لایەنێن سەرەکی یێن ھەرێما کوردستانێ “پارتی، گۆڕان، ئێکەتی، کۆمەل و ئێکگرتوو” ل پارێزگەھا سلێمانیێ، ل ئۆتێلا گراند ملیۆم، بۆ دانوستاندنێ ل دۆر پرسا سەرۆکاتیا ھەرێما کوردستانێ بھێتە ئەنجامدان.
ھەر ل دۆر پرسا سەرۆکاتیا ھەرێمێ، دلشاد شھاب ئەندامێ سەرکرداتیا پارتی دیمۆکراتی کوردستان و ئەندامێ شاندێ پارتی یێ دانوستاندنان راگەھاند، کو ئالیێن سیاسی د ھەڤڕانە ل سەر پرسا سەرۆکاتیا ھەرێمێ، ھندی پرسەکا سیاسی یە، پێدڤی یە ژ دەرڤەی پەرلەمانی بھێتە چارە کرن، ھند پرسەکا قانوونی نینە.
ئەڤرۆ نيوز:
ئەندامەکێ سەرکردایەتیا پارتی دیموکراتی کوردستان راگەھاند، لایەنێن سیاسی د ھەڤڕا نە ل سەر وێ چەندێ کو پرسا سەرۆکاتیا ھەرێمێ یا سیاسی یە کو پێدڤیە ل دەرڤەی پەرلەمانی بھێتە چارەکرن و نە پرسەکا قانوونی یە”.
دلشاد شەھاب ئەندامێ سەرکردایەتیا پارتی و ئەندامێ شاندێ دانوستاندکارێ پارتی بۆ پشکا کوردی یا دەنگێ ئەمریکا گوت” بزاڤا ئەنجامدانا کۆمبوونا پەرلەمانی ل 19 تەباخێ کاریگەری ھەبوو ل سەر کۆمبوونێن پێنج قۆلی و جۆرەکێ بێ باوەریێ ل دەڤ لایەنان یا دروست کری و ئەڤ چەندە ژی دھێت کو داخوازیا پاشخستنا کۆمبوونا پەرلەامنی یا ھەموو لایەنان بوو”.
دلشادی زێدەتر گوت” بزاڤا گۆڕان ب خوەژی داخوازکربوو کۆمبوونا پەرلەمانی بھێتە پاشخستن، ئەوژی پشتی چووینە دەرڤەی ھۆلا کۆمبوونێ و ل گەل (نەوشیروان موستەفای) ئاخڤتین، ھاتنە د ژوورڤە و گوت بلا کۆمبوون بۆ رۆژا ئێک شەمبی بھێتە پاشخستن”.
ڤی ئەندامێ سەرکردایەتیا پارتی ئاشکراکر ژی” من پەیوەندی ب سەرۆکێ پەرلەمانی کر کو ژ بزاڤا گۆڕانە و رێککەفتنا لایەنێن سیاسی پێ راگەھاند، لێ دیاربوو ئەو یێ رژدبوول سەر ئەنجامدانا کۆمبوونێ و ڤێ چەندێ ژی نیگەرانی ل دووڤ خوە ئینا و کۆمبوون ژ ئەگەرێ نەبوونا نیسابێ قانوونی ھاتە پاشخستن”.
ئەندامێ شاندێ دانوستاندکارێ پارتی رۆھنکر ژی” پشتی کۆمبوونێ داخواز ھاتە کرن ھەکە رێککەفتین، پەیامەکا نڤیسی ئاراستەی پەرلەمانی بکەین، بەلێ د بەرھەڤ نەبوون ڤی کاری بکەن، چونکی وان وەسا ل بەربوو کو دشێن کۆمبوونێ بکەن و نیسابێ قانوونی دێ تمام بیت و پرسەکا ھەرە گرنگ دێ دەربازکەن ھەتاکو بکەنە کارتەکا فشارێ ل سەر پارتی، لێ باش بوو نیساب تمام نەبووی، ھەکە دا کێشێ کوورتر لێکەن و وی دەمی گەھشتن ب ئەنجامێ پێکڤەبوونێ دا گەلەک ب زەحمەت بیت”.
ب دیتنا دلشادی شەھابی” لایەنێن سیاسی د ھەڤڕانە ل سەر وێ چەندێ کو پرسا سەرۆکاتیا ھەرێمێ ھندە یا سیاسی یە کو پێدڤیە ل دەرڤەی پەرلەمانی بھێتە چارەکرن و نە پرسەکا قانوونی یە، باوەریێ مە ژی ئەوە و بەری نوکە ژی مە ھەر یا وەگوتێ ژ بەر کو ئەڤ پرسا یا سیاسی یە، بلا ل دەرڤەی پەرلەمانی سازانێ ل سەر بکەین و پاشی پرۆژێ سازانە مە بدەینە پەرلەمانی و ل وێرێ ببیتە قانوونی”.
خۆیاکر ژی”ئەوا پارتی پێشکەشی مێزێن دانوستاندنێن لایەنێن سیاسی کری و ئێخستیە سەر پرۆژێن پێشنیارکری یێن لایەنێن دی کو ل پەرلەمانی ژی دانوستاندن ل سەر ھاتیە کرن، راستە کو پرۆژە نینە، چونکی پرۆژە بۆ پەرلەمانی دھێتە دان و مەرەما مەژی ئەم کاغەزا خوە سیاسی بەرچاڤکەین ھەتاکو پێکڤە ل دۆر پۆژان رێک بکەڤین و ھەموویان بکەینە ئێک پرۆژە و پاشی ب رێیا فراکسیۆنێن خوە دناڤ پەرلەمانی دا دانوستاندنێ ل سەر بکەین و بەرگێ قانوونی ب خوەڤە بگریت”.
نيشاندان