ئه‌ڤرۆ نیوز:
شێركو جه‌وده‌ت سه‌رۆكێ لژنا پیشه‌سازى و وزێ و ژێده‌رێن سروشتى و ئه‌ندامێ لژنا دارایى ل په‌رله‌مانێ كوردستانێ راگه‌هاند : مه ده‌ست ب ڤه‌كولینێ سه‌باره‌ت پرسا گیروبوونا مووچێ هه‌یڤا 6 یێ فه‌رمانبه‌رێن هه‌رێمێ كریه و دێ به‌رده‌وام بیت ل سه‌ر دووڤچوونا خوه، پاشان دێ ل لژنا دارایى كۆم بین و دێ هه‌لویستێ خوه راگه‌هینین.
هه‌تا نوكه وه‌زاره‌تا دارایى نه‌شیایه مووچێ هه‌یڤا 6 یێ فه‌رمانبه‌ران دابین بكه‌ت.
ئه‌ڤرۆ نیوز:
فازل میرانى سكرتێرێ مه‌كته‌با سیاسى یا پارتى دیموكراتى كوردستان ددیداره‌كێ دا بۆ كه‌نالێ ئه‌لعه‌ره‌بیه ل سه‌ر پرسا سه‌رۆكایه‌تیا هه‌رێما كوردستانێ راگه‌هاند” پێدڤیه لایه‌نێن سیاسى رێكبكه‌ڤن و گۆت” مه نه‌ڤێت ئه‌زموونا دو ئیداره‌یى سلێمانى و هه‌ولێر دووباره بكه‌ینه‌ڤه”.
فازل میرانى راگه‌هاند ژى كو ره‌وشا نوكه یا هه‌رێما كوردستانێ نه‌یا گونجایى یه بۆ راگه‌هاندنا ده‌وله‌تا كوردى كو خه‌ونه‌كا كوردایه.
دهۆك: ئه‌كره‌م ئیبراهیم
ل سبیده‌هیا 22-8-2015 ولدویڤ راسپاردێن به‌رێز پارێزگه‌رێ دهوكێ كومبونه‌كا ڤه‌كرى ب ئاماده‌بونا به‌رێزان فه‌واز محمد رێڤه‌به‌رێ په‌یوه‌ندى وراگه‌هاندنێ و(جاسم محمد كه‌نوش) رێڤه‌به‌رێ ناحیا ره‌بیعه وحه‌مود حسێن ئه‌ندامێ جڤاتا ناحیا ره‌بیعه وژماره‌كا رێكخراوێن (UN)و(NGO) هاته ئه‌نجامدان…
دكومبونێدا لبه‌راهیێ رێڤه‌به‌رێ په‌یوه‌ندى وراگه‌هاندنێ دیاركر كو ئه‌ڤ كومبونه ل دوڤ راسپاردێن جه‌نابێ پارێزگه‌رێ دهوكێ هاتیه رێكخستن بو وێ یه‌كێ پێدڤیێن ده‌ڤه‌را ناحیا ره‌بیعه بگه‌هینه رێكخروێن مروڤایه‌تى ویادشیاندا بو بهێته كرن ، هه‌روه‌سا به‌حسێ وان هاریكاریان كر یێن كارگێریا پارێزگه‌هێ بو خه‌لكێ ده‌ڤه‌رێ شاندین وخواست كو رێكخراوێن یو ئێن ومروڤایه‌تى ژى هاریكاریێن خو بگه‌هینه خه‌لكێ ره‌بیعه.
پاش رێڤه‌به‌رێ ناحیا ره‌بیعه سوپاسیا پارێزگه‌ها دهوكێ كر لدور ئه‌و هاریكاریێن بو خه‌لكێ ده‌ڤه‌رێ پێشكێشكرین وراپورته‌كا تێر وته‌سه‌ل ل دور پێدڤیێن خه‌لكێ ناحیا ره‌بیعه پشتى ژده‌ستێن تیرورستێن داعش هاتیه رزگاركرن دوارێ ئاڤ وكاره‌ب وته‌ندورستى وچاندنێ وخزمه‌تكاریێن گشتى پێشكێشكر وخواست كو رێكخراوێن (UN)و(NGO) هاریكاریێن مروڤایه‌تى پێشكێشى خه‌لكێ ره‌بیعه بكه‌ن…
پاش گه‌نگه‌شه ل دور هه‌موو پێدڤیێن خه‌لكێ ناوچه‌داریێ هاتنه كرن ورێكخراوێن پشكدار به‌رهه‌ڤیا خو دیاركر بو گه‌هاندنا هاریكاریا .
ئه‌ڤرۆ نيوز:
به‌رپرسێ راگه‌هاندنێ ل رێڤه‌به‌ريا به‌ره‌ڤانيا شارستانى ل دهۆكێ بۆ ئه‌ڤرۆ نيوز گۆت: “ژ ئه‌نجامێ ئاگربه‌ربوونا پشتى بۆ ماوێ دو رۆژان ب به‌رده‌وامى ئاگر ل ناحيا ئه‌تريش به‌ربوويه زه‌ڤى و زارێن خه‌لكێ ده‌ڤه‌رێ گه‌له‌ك گه‌نم و جه‌هـ هاته سۆتن، به‌لێ سۆپاس بۆ خودێ گيان ب سلامه‌ت بوون”.
رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا شارستانى ل دهۆكێ، زێده‌تر گۆت: “د كۆنترۆلكرنا ڤێ روودانا ئاگر ڤه‌مراندنێ دا تيمێن ئاگرڤه‌مراندنێ يێن قه‌سرۆك و به‌رۆشكێ پشكدارى تێدا كربوو و وه‌لاتيان ژى ژ خه‌لكێ ده‌ڤه‌رێ رۆله‌كێ به‌رچاڤ هه‌بوو”.
رائيدێ مافپه‌روه‌ر دا زانين ژى كو د ڤێ ئاگرڤه‌مراندنێ ئه‌وان شيان ب ده‌هان ترۆمبێلێن له‌شكرى يێن پێشمه‌رگێ كوردستانێ و فه‌رمانبه‌ر و له‌شكرى قورتال كه‌ن ژ به‌ر كو ئاگر گه‌له‌ك يێ نێزيكى وان بوو.
نه‌ڤه‌شارت ژى كو ئه‌و ل چيايى نه‌شيان وه‌كو پێدڤى ڤى ئاگرى كۆنترۆلكه‌ن ئه‌و ژى ژ ئه‌گه‌رێ هه‌بوونا ژماره‌كا مه‌زن يا مين و ته‌قه‌مه‌نيان ل وێ ده‌ڤه‌رێ و دا بنه مه‌ترسى ل سه‌ر ژيانا تيمێن ئاگرڤه‌مراندنێ.
ئه‌ڤرۆ نيوز:
گه‌له‌ك جاران خرابییا كریار و سه‌ره‌ده‌ریێن زاڕۆى، ژبه‌ر خرابییا ره‌فتارێن دایبابانه یان ژى شێوازێ په‌روه‌رده‌كرنا وان. ژبه‌ركو دایباب ل پێش چاڤێن زارۆیێن خوه چو بكه‌ن و چو تشته‌كێ بێژن یان چو نیشا زاڕۆیێن خوه بده‌ن، ئه‌و دێ وه‌رگرن و دێ وان گۆتن و كریار و ره‌فتاران دوباره كه‌ن و دێ لده‌ف وان بنه نه‌ریت، ئاها ل وى ده‌مى دێ كاریگه‌ریێن نه‌رێنیێن وێ ئێكی دیاربن كو دایباب سه‌ده‌مێن وێ ئێكێ بووینه، لێ گه‌له‌ك دایباب ڤێ ئێكێ ب سووچێن خوه نادانن، له‌و ژى گه‌له‌ك جاران زاڕۆیێن دئێشینن و ئاخڤتنێن كرێت دبێژنێ.
بۆ وێ ئێكێ كو دایباب سه‌رپێچى و شاشیێن زاڕۆیێن خوه چاره‌سه‌ر و راستڤه‌كه‌ن، ب ڤى ئاوایێ ڤان خالێن خوارێ مامه‌له‌یێ د گه‌ل زاڕۆیێن خوه دا بكه‌ن:
1ــ هه‌كه‌ر ته زانى زاڕۆیێ ته گوهدارییا شیره‌تێن ته ناكه‌ت، دڤێت بزانێ شێوازێ ته یێ شیره‌تكرنێ یێ توند و دژواره و ئه‌و خوه وه‌كو كه‌ساتیه‌كێ ب هێز و پێدڤى دبینیت، ئه‌ڤجا ژبه‌ر وێ ئێكێ تو وه‌كو كه‌سه‌كێ ژیر مامه‌له‌یێ دگه‌ل دا بكه‌ى و هنده‌ك جاران بۆچۆنێن وى ب گرنگ وه‌ربگرى، بۆ وێ ئێكێ كو ئه‌و ژى فێرى گوهدارییا ته ببیت.
2ــ تو بێژه زاڕۆیێ خوه، دێ بزاڤێ كه‌م هزربكه‌م و بۆ ژنهۆ پێڤه دێ باشتر دگه‌ل ته مامه‌له‌یێ كه‌م، هزركرنا وى ژى دێ هێته گوهۆڕین و ڤێ بۆچۆنێ دێ ب باشى وه‌رگریت.
3ــ ده‌ما زاڕۆیێ ته لبه‌ر سینگێ مه‌زنان دئاخڤیت، ب چو ره‌نگان نابیت د وى ده‌مى دا شه‌رما وى بینیه‌ڤه، ژبه‌ركو وى د ناخێ خوه دا باوه‌رییا ب خوه هه‌ى و باوه‌رییا وى ئه‌وه كو پشكداریكرنا وى د گوفتوگۆیان دا كاره‌كێ باشه.
4ــ هه‌ر ده‌ما زاڕۆیێ ته شاشیێن رۆژانه‌یێن خوه دوباره كرن، هزر ل هندێ نه‌كه‌ى بێژیێ ئه‌ڤه تو زاڕۆى هۆ دكه‌یێ، ژبه‌ركو زاڕۆ ب ڤێ ئاخڤتنێ دشكێن و ب ئاخڤتنه‌كا نه‌گونجاى دزانن.
5ــ د گه‌له‌ك كارێن بچووك و ساده دا بۆ رێكخستنا گه‌راج و كۆگه‌ها ناڤمالێ، راوێژێ ب زاڕۆیێ خوه بكه، بۆ وێ ئێكێ كو هه‌ستێ به‌رپرساتى و ڤیانا كه‌رستێن ناڤمالێ لده‌ف وى دروست ببیت.
ئه‌ڤرۆ نيوز:
بڕياره رۆژا 25ى ته‌باخا 2015ێ كاروانێ ئێكێ يێ حاجيێن هه‌رێما كوردستانێ د رێيا هه‌ردو فرۆكخانێن هه‌ولێر و سلێمانيێ بۆ بجهئينانا فه‌ريزا حه‌جێ روو ل وه‌لاتێ سعوديێ بكه‌ن.
مه‌ريوان نه‌قشه‌به‌ندى، به‌رپرسێ په‌يوه‌نديێن وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ بۆ خه‌ندان گۆت: “بڕياره رۆژا 25ى ڤێ هه‌يڤێ كاروانێ ئێكێ يێ حاجيێن هه‌رێما كوردستانێ روو ل وه‌لاتێ سعوديێ بكه‌ن ب مه‌ره‌ما بجهئينانا فه‌ريزا حه‌جا ئه‌ڤ ساله”.
زێده‌تر گۆت: “سێ هزار و 656 حاجى دێ د رێيا هه‌ردو فرۆكخانێن هه‌ولێر و سلێمانيێ دا به‌ر ب وه‌لاتێ سعوديێ سه‌فه‌رێ كه‌ن و بڕياره د ماوێ 12 بۆ 12 رۆژان دا هه‌موو حاجيێن هه‌رێمێ سه‌فه‌رێ بكه‌ن”.
به‌رپرسێ په‌يوه‌نديێن وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ گۆتژى: “وه‌زيرێ ئه‌وقافێ تيمه‌كا ساخله‌ميێ پێكئينن و ل گه‌ل ژماره‌كا موفتى و مورشدان هه‌ڤالينيا حاجيان بكه‌ن بۆ ب رێكرنا وان كه‌سێن سه‌فه‌را حه‌جێ دكه‌ن”.
ئه‌ڤرۆ نيوز:
ره‌وشا دراڤى ئه‌ڤرۆ رێكه‌فتى 22ى ته‌باخا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
بڕياره ئه‌ڤرۆ رۆژا شه‌مبى رێكه‌فتى 22ى ته‌باخا 2015ێ خولا سێريا A يا ئيتاليا ده‌سپێكه‌ت و هه‌ڤركيا سه‌ره‌كى يا ئه‌ڤ ساله ژى ل سه‌ر ناسناڤى دێ هه‌ر باشترين به‌ربژێر بيت بۆ ب ده‌ستڤه‌ئينانا ناسناڤى.
هه‌ر ژ نوكه و هه‌تا خولا ئيتاليا ب دووماهى دهێت، هه‌موو چاڤ دێ بۆ وێ چه‌ندێ بن كا دێ ئه‌ڤ ساله تيمه‌ك شێت وى ناسناڤى ژ ناڤ ده‌ستێن خانما پير ئينيته ده‌ر يان هه‌ر دێ په‌يڤا ئێكێ و دووماهيێ بۆ يۆڤى بيت.
د ياريێن ئه‌ڤرۆ دا بڕياره دو يارى بهێنه ئه‌نجام دان كو د ياريا ئێكێ دا، رۆما دێ بيته مێڤان ل سه‌ر يانا هيلاس ڤيرۆنا و يانا دى يا پايته‌ختى لاتسيۆ دێ مێڤانداريا بۆلۆنيا كه‌ت.
نيشاندان